O‘zbekiston Respublikasi Vazirlar Mahkamasining 2018-yil 31-maydagi 408-son “Avtomototransport vositalari va shahar elektr transport vositalari haydovchilarini tayyorlash, qayta tayyorlash hamda ularning malakasini oshirish bo‘yicha nodavlat ta’lim xizmatlari ko‘rsatish faoliyatini litsenziyalash tartibini yanada takomillashtirish chora-tadbirlari to‘g‘risida”gi qaroriga muvofiq O‘zbekiston avtomobil transporti agentligi, O‘zbekiston Respublikasi Oliy va o‘rta maxsus ta’lim vazirligining Kasb-hunar ta’lim markazi va O‘zbekiston Respublikasi Ichki ishlar vazirligi qaror qiladi:
1. O‘zbekiston avtomobil va daryo transporti agentligi, O‘zbekiston Respublikasi Oliy va o‘rta maxsus ta’lim vazirligining O‘rta maxsus, kasb-hunar ta’lim markazi va Ichki ishlar vazirligining 2006-yil 27-dekabrdagi 6, 48/QB, 11-son “O‘zbekiston Respublikasida avtomototransport vositalari haydovchilarini tayyorlash va qayta tayyorlash bilan shug‘ullanuvchi ta’lim muassasalarini bitirgan haydovchilikka nomzodlarga beriladigan yagona namunadagi guvohnomani berish tartibi to‘g‘risidagi nizomni tasdiqlash haqida”gi qaroriga (ro‘yxat raqami 1652, 2007-yil 9-yanvar) (O‘zbekiston Respublikasi qonun hujjatlari to‘plami, 2007-yil, 1-2-son, 18-modda) ilovaga muvofiq o‘zgartirishlar kiritilsin.
O‘zbekiston avtomobil transporti agentligi, O‘zbekiston Respublikasi Oliy va o‘rta maxsus ta’lim vazirligining Kasb-hunar ta’lim markazi va O‘zbekiston Respublikasi Ichki ishlar vazirligining 2018-yil 15-avgustdagi 70, 8/QQ, 56-son qaroriga
ILOVA
ILOVA
“2. Yagona namunadagi guvohnomalar O‘zbekiston avtomobil transporti agentligining “Avtomobil transporti xodimlarini malakasini oshirish va qayta tayyorlash instituti” DKni buyurtmasiga asosan, “Davlat belgisi” birlashmasining Toshkent shahar bosma fabrikasida, bosma usulda tayyorlansin.”.
“Mazkur Nizom O‘zbekiston Respublikasida avtomototransport vositalari haydovchilarini tayyorlash va qayta tayyorlash bilan shug‘ullanuvchi ta’lim muassasalarini bitirgan haydovchilikka nomzodlarga yagona namunadagi guvohnoma berish tartibini belgilaydi.”;
“1. O‘zbekiston Respublikasida avtomototransport vositalari va shahar elektr transporti vositalarini haydovchilarini tayyorlash va qayta tayyorlash O‘zbekiston Respublikasi Vazirlar Mahkamasining 2018-yil 31-maydagi 408-son qarori bilan tasdiqlangan Avtomototransport vositalari va shahar elektr transporti vositalari haydovchilarini tayyorlash, qayta tayyorlash va ularning malakasini oshirish tartibi to‘g‘risidagi nizomga muvofiq amalga oshiriladi.”;
“5. Guvohnoma blankalari O‘zbekiston avtomobil transporti agentligining (keyingi o‘rinlarda matnda — agentlik) “Avtomobil transporti xodimlarini malakasini oshirish va qayta tayyorlash instituti” DKning buyurtmasi asosida tayyorlanadi.”;
“6. Guvohnoma blankalari “Avtomobil transporti xodimlarini malakasini oshirish va qayta tayyorlash instituti” DKning taqsimotiga asosan, ta’lim muassasalarga “maxsus hududiy kod”lar asosida agentlikning hududiy boshqarmalari tomonidan yetkazib beriladi (mazkur Nizomning 2-ilovasi).”;
“7. Guvohnomalar ta’lim muassasasi buyurtmalariga asosan agentlikning “Avtomobil transporti xodimlarini malakasini oshirish va qayta tayyorlash instituti” DK tomonidan ta’minlanadi.
“Avtomobil transporti xodimlarini malakasini oshirish va qayta tayyorlash instituti” DK buyurtmasiga asosan guvohnomalar “Davlat belgisi” birlashmasining Toshkent shahar bosma fabrikasida bosma usulda tayyorlanadi.”.