LexUZ sharhi
Mazkur qaror O‘zbekistan Respublikasi Vazirlar Mahkamasining 2021-yil 7-yanvardagi 1-sonli “Soliq xavfini boshqarish, soliq xavfi mavjud soliq to‘lovchilarni (soliq agentlarini) aniqlash va soliq tekshiruvlarini tashkil etish va o‘tkazish to‘g‘risida”gi qaroriga asosan o‘z kuchini yo‘qotgan.
Davlat soliq xizmati organlari xodimlarining zamonaviy ta’lim jarayoni talablariga javob beradigan qayta tayyorlash va malakasini oshirish kompleks tizimini yaratish maqsadida Vazirlar Mahkamasi qaror qiladi:
1. O‘zbekiston Respublikasi Prezidentining 2018-yil 26-iyundagi “Davlat soliq xizmati organlari faoliyatini tubdan takomillashtirish chora-tadbirlari to‘g‘risida”gi PQ-3802-son qarori bilan O‘zbekiston Respublikasi Davlat soliq qo‘mitasining Soliq akademiyasi (keyingi o‘rinlarda Soliq akademiyasi deb ataladi) negizida O‘zbekiston Respublikasi Davlat soliq qo‘mitasi huzuridagi Malaka oshirish markazi (keyingi o‘rinlarda Markaz deb ataladi) etib qayta tashkil qilinganligi ma’lumot uchun qabul qilinsin.
davlat soliq xizmati organlari xodimlarini qayta tayyorlash va ularning malakasini oshirish hamda soliq ma’muriyatchiligi va soliq siyosatini takomillashtirish yuzasidan takliflar ishlab chiqish bo‘yicha tayanch o‘quv-uslubiy va ilmiy muassasa hisoblanadi;
davlat muassasasi shaklida tashkil etiladi, O‘zbekiston Respublikasi Davlat gerbi tasviri tushirilgan muhrga hamda davlat tilidagi o‘z nomiga va O‘zbekiston Respublikasi Moliya vazirligining G‘aznachiligida g‘aznachilik shaxsiy hisob raqamlariga ega bo‘ladi.
birinchidan, uzoq muddat asosida murakkab va o‘zgaruvchan muhitda orttirilgan bilimlarni tizimlashtirish va amaliy masalalarni hal etish bo‘yicha tizimli yondashuv ko‘nikmalarini ishlab chiqish maqsadida qo‘shimcha kasb-hunar dasturlarini shakllantirish;
ikkinchidan, soliq organlarining innovatsion rivojlanishini ta’minlay oladigan davlat soliq xizmati organlari kadrlar salohiyatini oshirish va takomillashtirish;
uchinchidan, soliq ma’muriyatchiligi va soliq siyosatini takomillashtirish yuzasidan takliflar ishlab chiqish;
to‘rtinchidan, ilg‘or xorijiy oliy ta’lim va ilmiy muassasalar bilan xodimlar malakasini oshirish borasida tajriba almashish yo‘li bilan xalqaro hamkorlikni rivojlantirish, hamkorlikda ta’lim dasturlarini amalga oshirish, professor-o‘qituvchilarning malakasini oshirishni va stajirovka o‘tashi ta’minlash,
beshinchidan, ko‘rsatadigan xizmatlar bo‘yicha belgilangan maqsadlarga erishish uchun tinglovchilarni o‘qitish, pedagog va boshqa toifadagi ishchilarning kasbiy faoliyatini amalga oshirish uchun zarur shart-sharoitlar yaratish;
oltinchidan, buxgaltyerlar, auditorlar va soliq maslahatchilarini shartnoma asosida o‘qitish va malakasini oshirish;
yettinchidan, masofaviy ta’lim va treninglar o‘tkazishning zamonaviy usullarini ta’lim jarayoniga tatbiq etish.
4. O‘zbekiston Respublikasi Davlat soliq qo‘mitasi huzuridagi Malaka oshirish markazining tarkibiy tuzilmasi 1-ilovaga muvofiq tasdiqlansin.
O‘zbekiston Respublikasi Davlat soliq qo‘mitasi raisiga zarur hollarda belgilangan shtatlar soni va mehnatga haq to‘lash fondi doirasida Markaz tuzilmasiga o‘zgartirishlar kiritish huquqi berilsin.
5. Soliq akademiyasi qayta tashkil etilishi munosabati bilan bo‘shayotgan 50 ta shtat birligi Markazga o‘tkazilsin.
davomiyligi bir oygacha bo‘lgan, kasbiy bilimlarini chuqur o‘zlashtirish va tahliliy ishlarni yuritishni bilish, me’yoriy hujjatlar yaratilishida ishtirok etish, shuningdek, ish tashkil etish va boshqaruv asoslarini innovatsion shakl va usullarni o‘zlashtirishga yo‘naltirilgan davlat soliq xizmati organlarida rahbar lavozimlarga tayinlash uchun zaxiraga olingan xodimlar malakasini oshirish;
davomiyligi uch oygacha bo‘lgan, soliq qonunchiligi va ma’muriyatchiligi, shuningdek, ish yuritishni tashkil etish asoslarini o‘qitishga yo‘naltirilgan davlat soliq xizmati organlariga yangi ishga olinadigan shaxslarni qayta tayyorlash;
davomiyligi bir oygacha bo‘lgan, ilg‘or axborot texnologiyalari va masofaviy o‘qitishning zamonaviy usullarini qo‘llagan xolda malaka oshirish dasturlari asosida qisqa muddatli, shu jumladan, hududiy filiallarda tuman (shahar) davlat soliq inspeksiyalari xodimlarini o‘qitish;
buxgaltyerlar, auditorlar va soliq maslahatchilarini soliqqa tortish, buxgalteriya hisobi va moliya sohasida shartnoma asosida o‘qitish va ularning malakasini oshirish.
O‘zbekiston Respublikasi Davlat soliq qo‘mitasi bilan kelishilgan xolda o‘quv kurslari tinglovchilari kontingentini tashkil etish va shakllantirish tartibini, o‘quv reja va o‘quv dasturlarini, shuningdek, ta’lim jarayonini tashkil etish uchun zarur bo‘lgan boshqa o‘quv-uslubiy hujjatlarni ishlab chiqish va tasdiqlash;
shartnoma asosida, shu jumladan soatbay ish haqi to‘lash sharti bilan sud va huquqni muhofaza qilish organlari, O‘zbekiston Respublikasi Moliya vazirligi va Iqtisodiyot vazirligi hamda boshqa davlat boshqaruv organlari, shuningdek, notijorat tashkilotlar ekspertlari, biznes tuzilmalari vakillarini va xalqaro ekspertlarni jalb etishga ruxsat berilsin.
Markazga O‘zbekiston Respublikasi Davlat soliq qo‘mitasi raisining buyrug‘i bilan lavozimga tayinlanadigan va lavozimdan ozod etiladigan direktor rahbarlik qiladi;
Markaz direktori lavozimi bo‘yicha O‘zbekiston Respublikasi Davlat soliq qo‘mitasi markaziy apparatining boshqarma boshlig‘i lavozimiga tenglashtiriladi;
Markazning rahbar, boshqaruv, texnik va xizmat ko‘rsatuvchi xodimlariga O‘zbekiston Respublikasi Davlat soliq qo‘mitasi markaziy apparatining tegishli lavozimlari uchun nazarda tutilgan mehnatga haq to‘lash va moddiy rag‘batlantirish shartlari tatbiq etiladi;
Markaz professor-o‘qituvchilari tarkibining lavozim maoshlari oliy ta’lim muassasalari tegishli xodimlarining bazaviy ish haqi miqdorida belgilanadi;
Markazning rahbarlik, boshqaruv xodimlari va professor-o‘qituvchilari tarkibiga O‘zbekiston Respublikasi Davlat soliq xizmati organlarida xizmatni o‘tash shartlari tatbiq etiladi, maxsus unvonga ega shaxslarga maxsus unvon va uzoq yillik xizmati uchun har oylik ustama belgilanadi;
O‘zbekiston Respublikasi Davlat soliq qo‘mitasi Bandlik va mehnat munosabatlari vazirligi va Moliya vazirligi bilan birgalikda ikki oy muddatda Markaz xodimlariga mehnatga haq to‘lash miqdori va shartlarini ishlab chiqsin va tasdiqlasin.
9. Quyidagilar Markaz va uning hududiy filiallari faoliyatini moliyalashtirish manbalari etib belgilansin:
O‘zbekiston Respublikasi Davlat soliq qo‘mitasining Moddiy yordam, ijtimoiy himoya, soliq organlarini rivojlantirish va ko‘zda tutilmagan xarajatlar maxsus jamg‘armasi mablag‘lari;
yuridik va jismoniy shaxslarning xayriya mablag‘lari, xalqaro moliya institutlari, xalqaro va xorijiy tashkilotlar mablag‘lari, shuningdek, qonun hujjatlarida taqiqlanmagan boshqa manbalar.
10. Qoraqalpog‘iston Respublikasi va viloyatlar davlat soliq boshqarmalari huzurida, Toshkent shahar va Toshkent viloyatidan tashqari, Markazning yuridik shaxs tashkil etmagan holdagi hududiy filiallari tashkil etilsin.
11. O‘zbekiston Respublikasi Oliy va o‘rta maxsus ta’lim vazirligi va Davlat soliq qo‘mitasi 2018/2019 o‘quv yili boshlangunga qadar tegishli ta’lim yo‘nalishlari bo‘yicha:
Toshkent moliya institutiga — qayta tashkil etilayotgan Soliq akademiyasining “Soliqlar va soliqqa tortish” ta’lim yo‘nalishi bo‘yicha bakalavriat 2 va 4-kurs talabalarini, ularga davlat granti asosida o‘qish shaklini saqlagan xolda;
Toshkent davlat iqtisodiyot universitetiga — qayta tashkil etilayotgan Soliq akademiyasining “Soliqlar va soliqqa tortish” ta’lim yo‘nalishi bo‘yicha bakalavriat 3-kurs talabalarini, ularga davlat granti asosida o‘qish shaklini saqlagan holda hamda 2-kurs magistrantlarini ularga to‘lov-kontrakt asosida o‘qish shaklini saqlagan holda o‘tkazilishi ta’minlasinlar.
O‘zbekiston Respublikasi Oliy va o‘rta maxsus ta’lim vazirligi, Iqtisodiyot vazirligi va Davlat soliq qo‘mitasi O‘zbekiston Respublikasi o‘quv muassasalariga qabul qilish bo‘yicha Davlat komissiyasiga Soliq akademiyasining qayta tashkil etilishi munosabati bilan 2018/2019 o‘quv yili uchun Toshkent moliya instituti va Toshkent davlat iqtisodiyot universitetining qabul kvotalari bo‘yicha takliflar kiritsinlar.
bir oy muddatda Markaz Ustavini ishlab chiqish va tasdiqlashni, shuningdek, uning davlat ro‘yxatidan o‘tkazilishini ta’minlasin;
O‘zbekiston Respublikasi Moliya vazirligi bilan kelishilgan holda Markazning shtat jadvali va xarajatlar smetasi ishlab chiqilishini va tasdiqlanishini ta’minlasin;
Soliq akademiyasining harbiy kafedrasi mulkini O‘zbekiston Respublikasi Mudofaa vazirligiga belgilangan tartibda bersin.
13. O‘zbekiston Respublikasi Bandlik va mehnat resurslari vazirligi Davlat soliq qo‘mitasi va Oliy va o‘rta maxsus ta’lim vazirligi bilan birgalikda Soliq akademiyasining qayta tashkil etilishi munosabati bilan ishdan ozod qilinayotgan xodimlarni belgilangan tartibda ishga joylashtirish choralarini ko‘rsin.
15. O‘zbekiston Respublikasi Investitsiyalar bo‘yicha davlat qo‘mitasi, Iqtisodiyot vazirligi va Moliya vazirligi O‘zbekiston Respublikasi Davlat soliq qo‘mitasi buyurtmalari va tasdiqlangan loyiha-smeta hujjatlari asosida 2019-yil va keyingi yillar uchun O‘zbekiston Respublikasini rivojlantirish Davlat dasturini shakllantirishda Markazning bino va inshootlarini rekonstruksiya qilish va qurish uchun kapital qo‘yilmalar limiti ajratilishini nazarda tutsinlar.
O‘zbekiston Respublikasi Davlat soliq qo‘mitasi Moddiy yordam, ijtimoiy himoya, soliq organlarini rivojlantirish va ko‘zda tutilmagan xarajatlar maxsus jamg‘armasi mablag‘lari hisobidan Markazning bino va inshootlarini rekonstruksiya qilish va qurish loyiha-smeta hujjatlarini ishlab chiqish va ekspertizadan o‘tkazishni, shuningdek, Markaz va uning hududiy filiallarini zarur kompyuter va tashkiliy texnika, o‘qitishning, shu jumladan, masofaviy va onlayn-ta’limni tashkil etish uchun zarur texnik vositalar bilan jihozlanishini ta’minlasin.
16. O‘zbekiston Respublikasi Hukumatining 2-ilovaga muvofiq ayrim qarorlari o‘z kuchini yo‘qotgan deb hisoblansin.
17. O‘zbekiston Respublikasi Davlat soliq qo‘mitasi manfaatdor vazirliklar va idoralar bilan birgalikda o‘zlari qabul qilgan me’yoriy-huquqiy hujjatlarni bir oy muddatda mazkur qarorga muvofiqlashtirsin.
18. Mazkur qaror bajarilishini nazorat qilish O‘zbekiston Respublikasi Bosh vazirning o‘rinbosari moliya vaziri J.A. Qo‘chqorov va O‘zbekiston Respublikasi Davlat soliqqo‘mitasi raisining birinchi o‘rinbosari B.A. Musayev zimmasiga yuklansin.
1. Vazirlar Mahkamasining “O‘zbekiston Respublikasi Davlat soliq qo‘mitasining Soliq akademiyasini tashkil etish to‘g‘risida” 2001-yil 10-yanvardagi 16-son qarori (O‘zbekiston Respublikasi QT, 2001-y., 1-son, 1-modda).
Oldingi tahrirga qarang.
(2-band O‘zbekiston Respublikasi Vazirlar Mahkamasining 2019-yil 12-apreldagi 296-sonli qaroriga asosan o‘z kuchini yo‘qotgan — Qonun hujjatlari ma’lumotlari milliy bazasi, 11.04.2019-y., 09/19/296/2922-son)
3. Vazirlar Mahkamasining “O‘zbekiston Respublikasi Vazirlar Mahkamasining “O‘zbekiston Respublikasi Davlat soliq qo‘mitasining Soliq akademiyasini tashkil etish to‘g‘risida” 2001-yil 10-yanvardagi 16-son qaroriga o‘zgartirish kiritish haqida” 2006-yil 1-avgustdagi 155-son qarori (O‘zbekiston Respublikasi QT, 2006-y., 8-son, 59-modda).
4. Vazirlar Mahkamasining “O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish, shuningdek ba’zilarini o‘z kuchini yo‘qotgan deb hisoblash to‘g‘risida (O‘zbekiston Respublikasining 2013-yil 26-dekabrdagi O‘RQ-360-son “O‘zbekiston Respublikasining Budjet kodeksini tasdiqlash to‘g‘risida”gi hamda “Soliq va budjet siyosatining 2016-yilga mo‘ljallangan asosiy yo‘nalishlari qabul qilinganligi munosabati bilan O‘zbekiston Respublikasining Soliq kodeksiga o‘zgartish va qo‘shimchalar kiritish to‘g‘risida” 2015-yil 31-dekabrdagi O‘RQ-398-son qonunlari)” 2016-yil 26-apreldagi 122-son qarorining 1-ilovasi 35-bandi (O‘zbekiston Respublikasi QT, 2006-y., 4-son, 28-modda).