Oʻzbekiston Respublikasi Prezidentining 2017-yil 30-sentabrdagi PQ-3305-son “Oʻzbekiston Respublikasi Maktabgacha taʼlim vazirligi faoliyatini tashkil etish toʻgʻrisida”gi qaroriga muvofiq Oʻzbekiston Respublikasi Maktabgacha taʼlim vazirligi va Sogʻliqni saqlash vazirligi qaror qiladi:

1. Oʻzbekiston Respublikasi Maktabgacha taʼlim vazirligi va Sogʻliqni saqlash vazirligining 2018-yil 30-apreldagi 20/1, 10-qq/1-son qarori (roʻyxat raqami 3012, 2018-yil 14-may) bilan tasdiqlangan Maktabgacha taʼlim muassasalarida bolalarning hayoti va sogʻligʻini muhofaza qilishni tashkil etish tartibi toʻgʻrisidagi nizomning 11-bandi quyidagi tahrirda bayon qilinsin:

“11. Maktabgacha taʼlim muassasasiga olib kelishda tarbiyalanuvchini ota-onasi (ularning oʻrnini bosuvchi shaxs, ota-onaning voyaga yetgan farzandlari, bobosi, buvisi yoki ota-ona tomonidan qonun hujjatlarida belgilangan tartibda rasmiylashtirilgan ota-onaning vakili) uni shaxsan guruh tarbiyachisiga topshirishi lozim.

Maktabgacha taʼlim muassasasidan olib ketishda guruh tarbiyachisi tarbiyalanuvchini uning ota-onasiga (ularning oʻrnini bosuvchi shaxs, ota-onaning voyaga yetgan farzandlari, bobosi, buvisi, yoki ota-ona tomonidan qonun hujjatlarida belgilangan tartibda rasmiylashtirilgan ota-onaning vakiliga) topshirishi lozim.”.

2. Mazkur qaror Oʻzbekiston Respublikasi Ichki ishlar vazirligi va Oʻzbekiston Respublikasi Qurilish vazirligi bilan kelishilgan.

3. Mazkur qaror rasmiy eʼlon qilingan kundan eʼtiboran kuchga kiradi.