Oʻzbekiston Respublikasi Prezidentining “Tashqi savdo faoliyatini yanada erkinlashtirish va tadbirkorlik subyektlarini qoʻllab-quvvatlash chora- tadbirlari toʻgʻrisida” 2017-yil 3-noyabrdagi PQ-3351-son qarorini ijro etish va tashqi iqtisodiy faoliyat sohasida tadbirkorlik subyektlariga davlat xizmatlari koʻrsatish tartibini yanada takomillashtirish maqsadida Vazirlar Mahkamasi qaror qiladi:

1. Oʻzbekiston Respublikasi Vazirlar Mahkamasining 2011-yil 16-maydagi 136-son qarori (Oʻzbekiston Respublikasi QT, 2011-y., 5-son, 35-modda) bilan tasdiqlangan Xorijiy investitsiyalar ishtirokidagi korxonalar tomonidan oʻz ishlab chiqarish ehtiyojlari uchun olib kelinayotgan mol-mulkni aniqlash tartibi toʻgʻrisidagi nizomga ilovaga muvofiq oʻzgartirish va qoʻshimchalar kiritilsin.

2. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari N.S. Otajonov zimmasiga yuklansin.

1. 3-bandda:

a) toʻrtinchi xatboshiga “hujjat” soʻzidan keyin “shu jumladan, elektron shaklda” soʻzlari qoʻshilsin;

b) toʻqqizinchi xatboshidagi “Oʻzbekekspertiza” OAJ” soʻzlari “Oʻzbekekspertiza” AJ” soʻzlari bilan almashtirilsin.

2. 6-bandda “yozma” soʻzidan keyin “yoki elektron shaklda” soʻzlari qoʻshilsin.

3. 7-bandning oltinchi xatboshidaga “vakolatli organlarda belgilangan tartibda hisobga qoʻyilgan” soʻzlari chiqarib tashlansin.

4. 10-banddagi “5” va “10” raqamlari tegishli ravishda “4” va “6” raqamlari bilan almashtirilsin.

5. 14-bandning beshinchi xatboshidagi “4-bandi” soʻzlari “4 va 17-bandlari” soʻzlari bilan almashtirilsin.

6. 16-band quyidagi tahrirda bayon qilinsin:

“16. Ekspertiza dalolatnomasi asosida vakolatli organ tomonidan “Yagona darcha” birxillashtirilgan bojxona axborot tizimiga (keyingi oʻrinlarda elektron portal deb ataladi) kiritiladi va ushbu Nizomga 4-ilovaga muvofiq shakl boʻyicha sertifikat rasmiylashtiriladi. Ariza beruvchi tomonidan qogʻoz shaklidagi sertifikat talab qilingan taqdirda vakolatli organ ushbu Nizomga 4-ilovaga muvofiq shakl boʻyicha bir nusxada sertifikat beradi”.

7. 18-banddagi ikkinchi va uchinchi jumlalar chiqarib tashlansin.

8. 20-band quyidagi tahrirda bayon qilinsin:

“20. Oldin berilgan sertifikatga oʻzgartirish (shu jumladan, amal qilish muddatini uzaytirish) va qoʻshimchalar kiritishga uning amal qilish muddati tamom boʻlguniga qadar, vakolatli organga sabablarini koʻrsatgan holda yozma yoki elektron shakldagi asoslangan murojaat asosida yoʻl qoʻyiladi.

Kiritilayotgan oʻzgartirish va qoʻshimchalarni tekshirish zarur boʻlganda ariza beruvchining ishlab chiqarishi qoʻshimcha ravishda ekspertizadan oʻtkaziladi.

Ijobiy qaror qabul qilingan taqdirda, vakolatli organ 4 ish kuni mobaynida ushbu Nizomga 5-ilovaga muvofiq shakl boʻyicha elektron portalga kiritadi va sertifikatga oʻzgartirish yoki qoʻshimchani rasmiylashtiradi. Ariza beruvchi sertifikatga oʻzgartirish yoki qoʻshimchani qogʻoz shaklida kiritishni talab qilgan taqdirda, vakolatli organ tomonidan ushbu Nizomga 5-ilovaga muvofiq shakl boʻyicha qogʻoz shaklida sertifikatga oʻzgartish yoki qoʻshimcha bir nusxada beriladi”.

9. 2 — 5-ilovalarning nomlanishidagi “OCNIQ AKSIYADORLIK JAMIYATI” va “OTKRITOYE AKSIONERNOYE OBSHESTVO” soʻzlari tegishli ravishda “AKSIYADORLIK JAMIYATI” va “AKSIONERNOYE OBSHESTVO” soʻzlari bilan almashtirilsin.