Oʻzbekiston Respublikasi Prezidentining 2018-yil 13-apreldagi PF-5415-son “Davlat huquqiy siyosatini amalga oshirishda adliya organlari va muassasalari faoliyatini tubdan takomillashtirish chora-tadbirlari toʻgʻrisida”gi Farmoni va 2018-yil 13-apreldagi PQ-3666-son “Oʻzbekiston Respublikasi Adliya vazirligi faoliyatini yanada takomillashtirishga doir tashkiliy chora-tadbirlar toʻgʻrisida”gi qaroriga muvofiq, buyuraman:

1. Oʻzbekiston Respublikasi adliya vazirining 2013-yil 1-fevraldagi 29-mh-son buyrugʻi bilan tasdiqlangan Mahalliy davlat hokimiyati organlari tomonidan qabul qilinadigan normativ-huquqiy hujjatlar loyihalarini tayyorlash, yuridik-texnik rasmiylashtirish va huquqiy ekspertizadan oʻtkazish tartibi toʻgʻrisidagi yoʻriqnomaga (roʻyxat raqami 2420, 2013-yil 1-fevral) (Oʻzbekiston Respublikasi qonun hujjatlari toʻplami, 2013-y., 5-son, 65-modda) ilovaga muvofiq oʻzgartirishlar va qoʻshimcha kiritilsin.

2. Mazkur buyruq davlat roʻyxatidan oʻtkazilsin va bu haqda Hukumat bayonnoma qarorlari va idoraviy normativ hujjatlarni huquqiy ekspertizadan oʻtkazish boshqarmasi Idoraviy normativ-huquqiy hujjatlarning davlat reyestriga tegishli yozuv kiritsin.

3. Yuridik xizmatlarning faoliyatini muvofiqlashtirish boshqarmasi hamda Qonun hujjatlarini tahlil qilish va turkumlash boshqarmasi ushbu idoraviy normativ-huquqiy hujjatni barcha manfaatdor shaxslarga yetkazilishini va “Oʻzbekiston Respublikasi qonun hujjatlari toʻplami” — “Sobraniye zakonodatelstva Respubliki Uzbekistan”da hamda Oʻzbekiston Respublikasi Qonun hujjatlari maʼlumotlari milliy bazasida nashr etilishini taʼminlasin.

4. Mazkur buyruq rasmiy eʼlon qilingan kundan eʼtiboran kuchga kiradi.

5. Mazkur buyruqning ijrosini nazorat qilish vazir oʻrinbosari M. Istamov zimmasiga yuklansin.

1. Muqaddima quyidagi tahrirda bayon etilsin:

“Mazkur Yoʻriqnoma Oʻzbekiston Respublikasining “Normativ-huquqiy hujjatlar toʻgʻrisida”gi Qonuni, Oʻzbekiston Respublikasi Prezidentining 2018-yil 13-apreldagi PF-5415-son “Davlat huquqiy siyosatini amalga oshirishda adliya organlari va muassasalari faoliyatini tubdan takomillashtirish chora-tadbirlari toʻgʻrisida”gi Farmoni hamda Oʻzbekiston Respublikasi Prezidentining 2018-yil 13-apreldagi PQ-3666-son “Oʻzbekiston Respublikasi Adliya vazirligi faoliyatini yanada takomillashtirishga doir tashkiliy chora-tadbirlar toʻgʻrisida”gi qaroriga muvofiq mahalliy davlat hokimiyati organlari tomonidan qabul qilinadigan normativ-huquqiy hujjatlar loyihalarini (bundan buyon matnda loyiha deb yuritiladi) tayyorlash, yuridik-texnik rasmiylashtirish va huquqiy ekspertizadan oʻtkazish tartibini belgilaydi.

Mazkur Yoʻriqnoma Qoraqalpogʻiston Respublikasi Joʻqorgʻi Kengesi va Vazirlar Kengashi tomonidan qabul qilinadigan normativ-huquqiy hujjatlar loyihalariga nisbatan tavsiyaviy tusga ega.”.

2. 3-band quyidagi tahrirda bayon etilsin:

“Mahalliy davlat hokimiyati organlari normativ-huquqiy tusdagi qarorlarni qabul qilishdan oldin loyihani tegishliligi boʻyicha Qoraqalpogʻiston Respublikasi Adliya vazirligi, viloyatlar va Toshkent shahar adliya boshqarmalari hamda tuman (shahar) adliya boʻlimlariga (bundan buyon matnda hududiy adliya organlari deb yuritiladi) huquqiy ekspertizadan oʻtkazish uchun taqdim qilishi shart.

Mahalliy davlat hokimiyati organining yuridik xizmati xodimi loyihalarni tegishli hududiy adliya organiga huquqiy ekspertizadan oʻtkazish uchun kiritilishini taʼminlaydi.”.

3. Quyidagi mazmundagi 3¹ va 3²-bandlar bilan toʻldirilsin:

“3¹. Normativ-huquqiy hujjatlar loyihalari mahalliy davlat hokimiyati organlari tomonidan Oʻzbekiston Respublikasi Yagona interaktiv davlat xizmatlari portaliga jamoatchilik muhokamasi oʻtkazilishi uchun joylashtirilishi lozim.

3². Huquqiy ekspertiza yakuni boʻyicha hududiy adliya organining ijobiy xulosasi mavjudligi mahalliy davlat hokimiyati organlari tomonidan normativ-huquqiy hujjatlarni qabul qilishning majburiy sharti hisoblanadi.”.

4. 6-banddagi “adliya boshqarmalarida” degan soʻzlar “hududiy adliya organlarida” degan soʻzlar bilan almashtirilsin.

5. 54-bandning oltinchi xatboshisi quyidagi tahrirda bayon etilsin:

“loyihaning jamoatchilik muhokamasidan oʻtkazilganligi va uning natijalari haqidagi maʼlumotlar;”.

6. VIII bobning nomidagi “adliya boshqarmasida” degan soʻzlar “hududiy adliya organida” degan soʻzlar bilan almashtirilsin.

7. 68 va 85-bandlardagi “adliya boshqarmasiga” degan soʻzlar “hududiy adliya organiga” degan soʻzlar bilan almashtirilsin.

8. 69-band quyidagi tahrirda bayon etilsin:

“69. Xalq deputatlari viloyat, tuman, shahar Kengashlarining normativ-huquqiy hujjatlari loyihalari mazkur Kengashlar sessiyalari oʻtkazilishidan kamida besh kun oldin hududiy adliya organiga taqdim etiladi.

Hududiy adliya organlari tomonidan huquqiy ekspertizadan oʻtkazilmagan xalq deputatlari viloyat, tuman, shahar Kengashlari qarorlarining loyihalari Kengash muhokamalariga kiritilmaydi.”.

9. 70-banddagi “adliya boshqarmasining” va “adliya boshqarmasiga” degan soʻzlar tegishlicha “hududiy adliya organining” va “hududiy adliya organiga” degan soʻzlar bilan almashtirilsin.

10. 71-bandda:

birinchi xatboshisidagi “adliya boshqarmalari” degan soʻzlar “hududiy adliya organi” degan soʻzlar bilan almashtirilsin;

beshinchi xatboshisi quyidagi tahrirda bayon etilsin:

“maʼlumotnomada loyihaning jamoatchilik muhokamasidan oʻtkazilganligi va uning natijalari toʻgʻrisidagi maʼlumotlar aks ettirilmagan boʻlsa.”.

11. 72-bandning birinchi xatboshisidagi “Adliya boshqarmalari” degan soʻzlar “Hududiy adliya organlari” degan soʻzlar bilan almashtirilsin.

12. 73 va 74-bandlardagi “adliya boshqarmalari” degan soʻzlar “hududiy adliya organlari” degan soʻzlar bilan almashtirilsin.

13. 81-bandning oltinchi xatboshisidagi hamda 83-bandning beshinchi xatboshisidagi “adliya boshqarmasi” degan soʻzlar “hududiy adliya organi” degan soʻzlar bilan almashtirilsin.

14. 84-band quyidagi tahrirda bayon etilsin:

“84. Ushbu Yoʻriqnomaning 81 va 83-bandlarida koʻrsatilgan xulosalar ikki nusxada tuzilib, hududiy adliya organining masʼul xodimi tomonidan imzolanadi va hududiy adliya organi rahbari yoki uning birinchi oʻrinbosari tomonidan tasdiqlanadi.

Xulosalarning bir nusxasi mazkur Yoʻriqnomaning 4, 4² va 5-ilovalarida keltirilgan shaklga muvofiq kuzatuv xati bilan tegishli mahalliy davlat hokimiyati organiga yuboriladi.”.

15. 87-bandda:

birinchi xatboshisidagi “Adliya boshqarmalarida” degan soʻzlar “Hududiy adliya organida” degan soʻzlar bilan almashtirilsin;

ikkinchi xatboshisidagi “adliya boshqarmalarining” degan soʻzlar “hududiy adliya organining” degan soʻzlar bilan almashtirilsin.

16. 4¹-ilova oʻz kuchini yoʻqotgan deb topilsin.

17. 1 — 5-ilovalar mazkur oʻzgartirishlar va qoʻshimchaning ilovasiga muvofiq tahrirda bayon etilsin.