LexUZ sharhi
Mazkur qaror O‘zbekiston Respublikasi Vazirlar Mahkamasining 2021-yil 22-fevraldagi 87-sonli “O‘zbekiston Respublikasi Hukumatining o‘z ahamiyatini yo‘qotgan ayrim qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida” 2020-yil 27-sentabrdagi PF-6075-son Farmoni)”gi qaroriga asosan o‘z kuchini yo‘qotgan.
LexUZ sharhi
O‘zbekiston Respublikasi Prezidentining 2003-yil 22-dekabrdagi PF-3366-son “Xo‘jalik boshqaruvi organlari tizimini takomillashtirish to‘g‘risida” Farmoni bilan “Qizilqumnodirmetalloltin” davlat konserni tugatilganligi munosabati bilan mazkur qaror amalda o‘z ahamiyatini yo‘qotgan.
Vazirlar Mahkamasi qaror qiladi:
O‘zbekiston Respublikasi Qizilqum kamyob metallar va oltin davlat konserni (“Qizilqumkamyobmetalloltin”)ning ilova qilinayotgan Ustavi tasdiqlansin.
1. O‘zbekiston Respublikasi Qizilqum kamyob metallar va oltin davlat konserni (“Qizilqumkamyobmetalloltin”), bundan keyin — konsern, ishlab chiqarish-xo‘jalik kompleksi bo‘lib, mustaqil sanoat korxonalarini, qurilish, montaj, ta’minot va sotish tashkilotlarini, loyihalash, ilmiy-tadqiqot institutlarini va boshqa yuridik shaxslarni ixtiyoriy asosda birlashtiradi.
2. Konsern ishlab chiqarish va ijtimoiy sohalarni, ilmiy-texnikaviy, investitsion, tashqi iqtisodiy va boshqa faoliyatlarni rivojlantirish, moddiy, moliyaviy va mehnat resurslaridan foydalanish samaradorligini oshirish maqsadida o‘z tarkibiga kiruvchi korxonalar va tashkilotlarning umumiy vazifalarini hal etish hamda faoliyatini muvofiqlashtirib borish uchun tashkil etilgan.
3. Konsern tarkibiga tematik, ishlab chiqarish, moliyaviy, iqtisodiy, hududiy, tijorat manfaatlari umumiy bo‘lgan negizda, idoraviy bo‘ysunishidan qat’i nazar, mulkchilikning istalgan shaklidagi (davlat, ijara, kooperativ, qo‘shma aksionerlik va boshqalar) birlashmalar, korxonalar va tashkilotlar kirishi mumkin.
4. Konsern va uning tarkibiga kiruvchi korxonalar o‘z faoliyatini O‘zbekiston Respublikasi qonunlariga, Respublika hududida yuridik kuchga ega bo‘lgan normativ aktlarga, mazkur Ustavga va Ta’sis shartnomasiga muvofiq amalga oshiradi.
5. Ishtirokchi korxonalar (Konsern a’zolari) mustaqilligini, yuridik shaxs huquqlarini, mulkchilik shakli va munosabatlarini, bo‘ysunuvchanligini, shuningdek, davlat buyurtmasini va shartnomalar bo‘yicha majburiyatlarni bajarish ham kiradigan burchni saqlab qolishadi.
6. Konsern tarkibidagi korxonalar boshqa konsernlar, korporatsiyalar, tarmoqlararo davlat birlashmalari tarkibiga kirishlari, konsernga va respublikaga moddiy zarar keltirmagan holda o‘zaro va konsernga kirmaydigan korxonalar bilan birgalikda xo‘jaliklararo birlashmalar, iste’molchilar va ishlab chiqaruvchilar uyushmalari va assotsiatsiyalari tuzishlari mumkin.
7. Konsern ichida ishtirokchi korxonalar o‘rtasida, shuningdek, uning Boshqaruvi bilan ishlab chiqarish munosabatlari mazkur Ustav va shartnomalar bilan belgilanadi.
8. Konsern yuridik shaxs hisoblanadi, u bank muassasalarida hisob-kitob va boshqa schyotlarga ega bo‘ladi, ijara va qonunda ko‘zda tutilgan boshqa asoslarda ishtirokchi korxonalarning jamoa mulkchiligi huquqlari bilan alohida mulkka egalik qiladi, o‘z nomidan mulkiy huquqlarga ega bo‘lishi va javobgar bo‘lishi, hakamlikda yoki sudda da’vogar va javobgar bo‘lishi, nizolarni hal etishda boshqa organlarda vakillik qilishi mumkin. Konsern o‘ziga tegishli mol-mulk bo‘yicha qonunchilikka ko‘ra chora ko‘rilganda o‘z majburiyatlari bo‘yicha javob beradi.
Konsern konsern a’zolari majburiyatlari bo‘yicha javob bermaydi, o‘z navbatida konsern a’zolari ham uning majburiyatlari bo‘yicha javob bermaydilar.
9. Konserndagi va uning ta’sischilari o‘rtasidagi iqtisodiy munosabatlar shartnomaviy asosda quriladi.
10. Konsern o‘z faoliyatida respublikaning barcha organlari bilan bevosita aloqada bo‘ladi. Konsern faoliyati O‘zbekiston Respublikasi Prezidenti huzuridagi Vazirlar Mahkamasi tomonidan muvofiqlashtirib boriladi.
11. Konsern O‘zbekiston Respublikasining Davlat gerbi tasviri tushirilgan, o‘z nomi o‘zbek va rus tillarida yozilgan muhrga, shtamplarga, tovar belgisiga va boshqa rekvizitlarga ega bo‘ladi.
13. Ishtirokchi korxonalar ishlab chiqarish, ilmiy-texnikaviy, iqtisodiy va ijtimoiy rivojlanishda ishlab chiqarish quvvatlaridan, mablag‘lardan foydalanish samaradorligini oshirishda o‘z imkoniyatlarini kengaytirish uchun konsernga birlashadilar.
14. Konsernning asosiy vazifasi ishlab chiqarish-texnika yo‘nalishidagi mahsulotlarni ishlab chiqarish va sotish bo‘yicha davlat buyurtmalarini, qurilish bo‘yicha, xalq iste’moli mollari ishlab chiqarish bo‘yicha qabul qilingan dasturlarni, shuningdek, boshqa ishlar va xizmatlarni, ham tashqi, ham ichki bozorlarda ularning raqobatdorligini ta’minlaydigan yuqori iste’mol xossalarini va kam xarajatlar bilan to‘liq hamda o‘z vaqtida bajarilishini ta’minlash ishlarini muvofiqlashtirib borish va bunga ko‘maklashishdan iboratdir.
o‘z tarkibiga kiruvchi birlashmalar, korxonalar va tashkilotlarning faoliyatini muvofiqlashtirib boradi, davlat buyurtmasini va to‘g‘ridan to‘g‘ri tuzilgan shartnomalarni hisobga olgan holda ishlab chiqarish dasturlarini mustaqil ravishda ishlab chiqadi va amalga oshiradi;
Qizilqumdagi xomashyo bazasini kengaytirish hamda qimmatbaho va kamyob metallar, binokorlik materiallari konlaridan kompleks foydalanish bo‘yicha takliflar ishlab chiqadi;
tarmoq korxonalari, qurilishning istiqbolini rivojlantirish, ilmiy-texnika taraqqiyoti yutuqlarini joriy qilish, ishlab chiqarishni boshqarish tizimini takomillashtirish bo‘yicha birgalikdagi chora-tadbirlarni amalga oshiradi;
birgalikdagi dasturlarni bajarish uchun konsernga kiruvchi korxonalarni moddiy-texnikaviy ta’minlash masalalarini ko‘rib chiqadi va hal etadi;
qimmatbaho va kamyob metallarni qazib chiqarish, qayta ishlash va xalq iste’moli mollarini ishlab chiqarish bo‘yicha ishlab turgan korxonalarni texnikaviy qayta jihozlash, yangi korxonalarni qurish uchun zarur bo‘lgan moddiy-texnika va moliyaviy resurslarni jamlaydi;
tabiatni muhofaza qilish chora-tadbirlarini, ekologik jihatdan toza bo‘lgan texnologik ishlab chiqarishlarni joriy etadi, balans chegarasidan chiquvchi rudalarni va ishlab chiqarish chiqindilarini qayta ishlashga jalb qilishni ta’minlaydi;
o‘zaro foydali tashqi iqtisodiy aloqalarni rivojlantiradi, chet ellik sheriklar bilan qo‘shma korxonalar tashkil etish bo‘yicha qarorlar qabul qiladi;
tarmoq korxonalarida qo‘shimcha ishchi o‘rinlari tashkil etishga, mehnatkashlarning ishlash va yashash sharoitlarini yaxshilashga yordam beradi, Qizilqum mintaqasi aholisi uchun uy-joylarni, madaniy-maishiy obyektlarni, avtomobil yo‘llari tarmog‘ini, elektr uzatish liniyalarini, suv va gaz quvurlarini va boshqa kommunikatsiyalarni remont qilish va qurishda faol qatnashadi;
ishlarni bexatar olib borish, ishlab chiqarishning texnika xavfsizligi qoida va normalariga va yer osti boyliklari to‘g‘risidagi qonunchilikka rioya qilishni ta’minlaydi.
Xalq deputatlari viloyat Kengashining ijroiya qo‘mitasi, O‘zbekiston Respublikasi Binokorlik materiallari sanoati vazirligi va boshqa manfaatdor vazirliklar, idoralar, tashkilotlar bilan birgalikda respublikada joylashgan o‘ziga qarashli korxonalar va boshqa korxonalar hamda tashkilotlarning binokorlik materiallariga bo‘lgan ehtiyojlarini birinchi navbatda qondirishni hisobga olib ularni mahalliy xomashyodan foydalangan holda ishlab chiqarish masalalarini ko‘rib chiqadi va hal qiladi.
ishlab chiqarish, ilmiy-ishlab chiqarish, qurilish-montaj va boshqa birlashmalar, korxonalar va tashkilotlar tashkil etish;
respublikaning barcha davlat organlarida, shuningdek, uning tashqarisida o‘ziga ishonib topshirilgan masalalar bo‘yicha respublika manfaatlarini ifodalash;
konsern a’zolari bo‘lgan qurilish, transport, texnologik, tijorat, loyiha-konstruktorlik, tashqi savdo korxonalariga, yuridik, axborot xizmatlari ko‘rsatuvchilarga yordam berish maqsadida butlovchi buyumlar, materiallar, zagotovkalar, jihozlar, asbob-uskunalar va boshqa mahsulotlar ishlab chiqarish uchun xo‘jalik hisobidagi korxonalar barpo etish;
patent axborotlaridan foydalanish bo‘yicha konsultatsiyalar berish, shuningdek, nou-xau, patentlar va kashfiyotlarni ishlab chiqarishga joriy etish;
konsern qatnashchilari mahsulotlarining iste’molchilariga marketing, savdo vositachiligi va boshqa firma xizmati ko‘rsatishni amalga oshirish;
konsern tomonidan tashkil etilgan korxonalarga yuridik shaxs huquqlari berish, ular faoliyatining shart-sharoitlarini kelishib olish. Mazkur korxonalar belgilangan tartibda tasdiqlangan Ustav asosida ishlaydi;
birinchi navbatda konsern a’zolariga kredit xizmati ko‘rsatadigan va birgalikdagi dasturlarni mablag‘ bilan ta’minlaydigan banklar tashkil etish;
sanoatni rivojlantirish muammolarini samarali hal etish maqsadida xorijiy mamlakatlar bilan ilmiy-texnikaviy hamkorlikni amalga oshirish, ham respublika hududida, ham uning tashqarisida va chet ellarda sanoat obyektlarini barpo etishga chet el tashkilotlari va firmalarini jalb qilish;
respublika hududida va chet ellarda xorijiy sheriklar bilan birgalikda qo‘shma korxonalar va firmalar, texnika va texnikaviy-tijorat markaz (byuro)lari, vakolatxonalar, tuzatish va servis tashkilotlari, baza va omborxonalar tashkil etish, xizmat ko‘rsatish uchun chet el firmalarini jalb qilish.
Fondlarni tashkil etish va sarflash tartibi Boshqaruvning taqdimi bo‘yicha konsern Kengashi tomonidan belgilanadi.
18. Konsern o‘z mulkiga, shuningdek, o‘ziga berilgan vakolatlar doirasida konsernga kiruvchi yuridik shaxslarning mulkiga egalik qiladi, ulardan foydalanadi, ularni boshqaradi. Ishtirokchi korxonalar bu mulklarga nisbatan alohida huquqlarga ega bo‘lmaydilar.
19. Ishlab chiqarish-xo‘jalik funksiyalarini markazlashgan tartibda bajarish maqsadida konsern tomonidan o‘z mablag‘lari hisobiga barpo etilgan korxonalarning mol-mulklari konsernning mulki hisoblanadi.
aniq ma’lumotlarni va ilmiy-texnikaviy, ishlab chiqarish va ijtimoiy rivojlanish dasturlarini mablag‘ bilan ta’minlash uchun ishtirokchi korxonalar tomonidan ixtiyoriy ravishda o‘tkaziladigan maqsadli badallar;
qimmatdor qog‘ozlar (aksiya va obligatsiyalar)ni, shu jumladan, chet el kompaniyalarining sotib olingan qimmatdor qog‘ozlari bo‘yicha dividendlar;
21. Konsern a’zolarining ustav fondidagi ulushi yil yakuni bo‘yicha konsern olgan foyda (dividendlarning bir qismini taqsimlashda tegishli ravishda ulushni belgilaydi.
22. Aniq dasturlarni mablag‘ bilan ta’minlash uchun maqsadli badallar miqdorlarini, ulardan foydalanish va foydani taqsimlash tartibini konsern Kengashi belgilaydi.
yangi ixtisoslashtirilgan ishlab chiqarishlarni tashkil etishga, korxonalarni texnika bilan qayta jihozlashga va qayta qurishga;
konsern Kengashi tomonidan tasdiqlangan maqsadli dasturlarni mablag‘ bilan ta’minlashga (ushbu xarajatlar keyinchalik dasturlar qatnashchilarining foydalari hisobiga qoplanadi);
konsernning faoliyati uchun zarur bo‘lgan ishlab chiqarish va tijorat infrastrukturasini yaratishga;
24. Konsern o‘zining mustaqil balansiga ega bo‘ladi, davlat korxonalari uchun belgilangan qoidalar bo‘yicha buxgalterlik hisob-kitobini tashkil etadi.
25. Konsernning mulklardan foydalanish va moliya-xo‘jalik faoliyati ustidan nazorat konferensiya saylaydigan taftish komissiyasi tomonidan amalga oshiriladi. Boshqaruvning va Konsern tasarrufidagi korxonalarning moliya-xo‘jalik faoliyati yiliga kamida bir marta taftish qilinadi.
26. Konsernni boshqarish demokratik asosda iqtisodiy usullarni qo‘llab, uning tarkibiga kiruvchi barcha korxonalarning mustaqillik huquqlariga qat’iy rioya qilgan holda, amalga oshiriladi.
29. Ta’sischilar konferensiyasi zaruratga qarab (buning uchun Kengash a’zolarining ellik foizidan ko‘prog‘i istak bildirgan taqdirda), shuningdek, taftish komissiyasining qarori bo‘yicha quyidagi masalalarni ko‘rib chiqish uchun yiliga kamida bir marta chaqiriladi;
30. Konsernga a’zo bo‘lgan korxonalar vakillari konferensiyasining qarori uning uchun vakillar umumiy sonining ellik foizidan ko‘prog‘i ovoz bergan taqdirda qabul qilingan hisoblanadi.
31. Konsernning ishtirokchi korxonalari va tashkilotlarining rahbarlari, Kengash Raisi va uning o‘rinbosarlari Kengash a’zolari hisoblanadilar. Kengash a’zolari besh yil muddatga saylanadilar.
32. Konsern Kengashining Raisi ayni vaqtda Boshqaruv Raisi hisoblanadi va konferensiya tomonidan ta’sischi korxonalar rahbarlari orasidan saylanadi.
33. Konsern Kengashi (Boshqaruvi) Raisi O‘zbekiston Respublikasi Vazirlar Mahkamasi tomonidan tasdiqlanadi.
35. Konsern Kengashi yilning xar choragida kamida bir marta o‘tkaziladi. Kengashning navbatdan tashqari majlislari konsern ishtirokchilarining kamida uchdan bir qismining talabi bilan, shuningdek, konsern faoliyatida paydo bo‘ladigan masalalarni tezda hal etish uchun taftish komissiyasining qaroriga ko‘ra chaqiriladi.
36. Konsern ishtirokchilari Kengashni chaqirish muddati va uning kun tartibi to‘g‘risida Kengash o‘tkaziladigan kundan ikki hafta oldin xabardor qilinadi.
konsern Ustaviga va ta’sis shartnomasiga o‘zgartishlar va qo‘shimchalar kiritish masalasini konferensiya ko‘rib chiqishiga kiritish;
birgalikdagi faoliyatning istiqbolli va yillik dasturlarini, ularning bajarilishi to‘g‘risida Boshqaruvning hisobotlarini ko‘rib chiqish va tasdiqlash;
konsernning soliqlarni to‘lashdan keyin qolgan foydasini fondlarni to‘ldirishga taqsimlash va dividendlarni to‘lashga yo‘naltiriladigan ulushni aniqlash;
ishlab chiqarish, ilmiy-texnikaviy, ijtimoiy, tabiatni muhofaza qilish va boshqa dasturlarni mablag‘ bilan ta’minlash uchun maqsadli badallar to‘g‘risida qarorlar qabul qilish;
konsernning yangi a’zolarini qabul qilish to‘g‘risida qarorlar tayyorlash, ustav fondiga va konferensiya tasdig‘i bilan undagi ishtirokchilarning ulushiga o‘zgartish kiritish;
zarurat tug‘ilganda konsernning maqsadli dasturlarini o‘zlashtirish davomida korxonalar tomonidan yo‘l qo‘yilgan zararlarni qoplash to‘g‘risida qarorlar qabul qilish;
Boshqaruv apparatini saqlashga, shu jumladan, Kengash Raisi va uning o‘rinbosarlari lavozim maoshlariga qilinadigan xarajatlar smetasini tasdiqlash;
investitsiyalar, konsern korxonalarini, strukturaviy birliklarini tashkil etish va tugatish to‘g‘risida qarorlar qabul qilish;
konsernning ishlab chiqarish-xo‘jalik faoliyatini taftish qilish yakunlari bo‘yicha chora-tadbirlar ko‘rish;
38. Boshqaruv (ijrochi direksiya) konsern Kengashining ijro etuvchi boshqaruvchi organi hisoblanadi.
Konsern Kengashining Raisi, u Boshqaruv Raisi hamdir, o‘z o‘rinbosarlaridan biriga (ijrochi direktorga) ta’sis konferensiyasi va Kengash qabul qilgan qarorlarni bajarish uchun zarur bo‘lgan doirada o‘z huquqini beradi.
ilmiy-ishlab chiqarish, tashqi iqtisodiy, investitsiya va boshqa faoliyatlarning maqsadli dasturlarini ishtirokchi korxonalar bilan birgalikda ishlab chiqadi va ularning bajarilishini tashkil etadi;
konsern faoliyatining yangi sohalari bo‘yicha takliflar ishlab chiqishni amalga oshiradi, marketing bo‘yicha ishlarni tashkil etadi;
davlat boshqaruv organlari, assotsiatsiyalar va birlashmalar bilan o‘zaro munosabatlarda konsern a’zolarining manfaatlarini ifodalaydi;
manfaatdor korxonalar bilan birgalikda yangi ishlab chiqarish quvvatlarini rivojlantirish, korxonalarni texnikaviy qayta jihozlash va rekonstruksiyalash bo‘yicha takliflar tayyorlaydi;
respublikaning boshqa sanoat korxonalarida va tarmoqlarida dasturlar va ilmiy-texnikaviy ishlanmalar doirasida yangi butlovchi buyumlarni va materiallarni joylashtirishga doir masalalarni hal qiladi;
Kengash qarorlarini ijro etish borasida respublika hududida konsern faoliyati uchun zarur bo‘lgan, shu jumladan, chet ellik sheriklar bilan korxona va firmalar tashkil etadi, konsern tomonidan barpo qilingan korxona va tashkilotlarni qayta tashkil etish yoki tugatish to‘g‘risida takliflar tayyorlaydi;
konsernning tashqi iqtisodiy faoliyatini uyushtiradi o‘z dasturlarini amalga oshirish uchun chet el firmalarini jalb etadi, mazkur masalalarni hal qilish uchun mutaxassislarni chet ellarga xizmat safarlariga yuboradi;
konsernga a’zo bo‘lgan korxonalarni iqtisodiy va ijtimoiy rivojlantirishning maqsadli va istiqbolli dasturlari asosida konsernni rivojlantirish istiqbollarini belgilaydi va konsern Kengashining tasdig‘iga kiritadi;
konsern Kengashining qaroriga muvofiq konsern tomonidan tashkil etilgan korxonalarga yuridik shaxs huquqlarini beradi, ular faoliyatining shart-sharoitlarini belgilaydi;
ishtirokchi korxonalarning kooperatsiya va resurslardan oqilona foydalanish yo‘nalishidagi dasturlarini ishlab chiqish ishlarini muvofiqlashtirib boradi;
mablag‘lardan va mol-mulklardan oqilona foydalanish, konsern dasturlarini mablag‘ bilan ta’minlash bo‘yicha chora-tadbirlarni ishlab chiqadi va amalga oshiradi;
konsern olgan foydani, shu jumladan, maqsadli dasturlarning amalga oshirilishidan olingan foydani ham taqsimlash, konsernning markazlashtirilgan fondlarini va rezervlarini hosil qilish va ulardan foydalanish tartibi to‘g‘risida takliflar ishlab chiqadi va ularni konsern Kengashining tasdig‘iga kiritadi;
40. Konsern Boshqaruvi tuzilgan strukturaviy bo‘linmalar ishiga rahbarlik qiladi, o‘ziga yuklatilgan funksiyalarning bajarilishi va qabul qilingan dasturlarning amalga oshirilishi uchun javobgardir.
41. Boshqaruv zimmasiga yuklatilgan funksiyalarni amalga oshirish uchun Kengash Raisi ishchi apparati tuzadi.
Kengash (Boshqaruv) Raisi, uning o‘rinbosarlari belgilangan tartibda konsernning tarkibiga kiruvchi korxonalarning mutaxassislarini ishlarni bajarishga, xizmat ko‘rsatishga jalb qilish, xodimlarni rag‘batlantirish huquqiga egadirlar.
42. Boshqaruv bilan konsern tarkibiga kiruvchi korxonalar o‘rtasidagi iqtisodiy munosabatlar xo‘jalik hisobi asosida amalga oshiriladi.
43. Boshqaruv qarorlari bayonnomalar bilan rasmiylashtiriladi va Rais tomonidan imzolanadi Ular Konsern tomonidan tashkil etilgan korxonalar va tashkilotlar, shuningdek, uning apparati uchun bajarilishi majburiydir, konsernga a’zo bo‘lgan korxonalar esa ularni mazkur Ustav va ta’sis shartnomasida belgilangan huquqlar hajmida bajarishadi.
44. Konsern Boshqaruvi o‘ziga yuklatilgan funksiyalarning ijrosi uchun konsern Kengashi oldida javob beradi
45. Kengash (Boshqaruv) Raisi, uning o‘rinbosarlari Boshqaruv ishini tashkil etadilar, ishonchnomasiz konsern nomidan harakat qiladilar, korxonalar, tashkilotlar, birlashmalar, assotsiatsiyalar, davlat boshqaruv organlari, xalqaro tashkilotlar va xorijiy firmalar bilan munosabatlarda uning manfaatini ifodalaydilar, konsernga yuklatilgan vazifalarning bajarilishi uchun ta’sischilar oldida shaxsan javob beradilar.
46. Konsernga yuklatilgan vazifalarni amalga oshirish uchun konsern Boshqaruvi Raisi o‘ziga berilgan huquqlar doirasida buyruqlar, farmoyishlar chiqaradi, ishonchnomalar beradi, bitimlar, shartnomalar, kontraktlar tuzadi, shu jumladan, konsern Kengashi va boshqaruvi nomidan banklarda schyotlar ochadi, to‘lov topshiriqlarini, konserning hisobotlarini O‘zbekiston Respublikasi va uning tashqarisidagi tashkilotlar va fuqarolarga nisbatan konsern nomidan da’vogar bildirish to‘g‘risida qarorlar qabul qiladi. Belgilangan tartibda konsernning balansidan qarzlarni, yetishmagan va yo‘qolgan tovar-moddiy boyliklarni, bundan buyon ishlatishga yaroqsiz, ma’naviy jihatdan eskirgan, ishdan chiqqan asbob-uskunalarni, shuningdek, to‘xtatib qo‘yilgan ishlar bo‘yicha xarajatlarni hisobdan chiqaradi.
47. Taftish komissiyasi Ustavga muvofiq konsernning moliya-xo‘jalik faoliyatini nazorat qilishni amalga oshiradi.
Tekshiruvlar taftish komissiyasining tashabbusi yoki Kengash (Boshqaruv)ning qarori bilan o‘tkaziladi.
48. Taftish komissiyasining a’zolari konsernning mansabdor shaxslaridan zarur bo‘lgan barcha hujjatlarni berishlarini talab qilishga haqlidirlar. Konsern ishtirokchilari taftish komissiyasining faoliyatiga ko‘maklashadilar.
Konsern manfaatlariga nisbatan jiddiy taqdid paydo bo‘lgan taqdirda taftish komissiyasi a’zolari konsern Kengashi chaqirilishini talab qilishlari shart.
49. Tegishli choralar ko‘rilishi uchun taftish komissiyasi tekshiruv natijalarini konsern Kengashiga va Boshqaruviga yuboradi.
50. Ustavni va ta’sis shartnomasini tan oluvchi va bajaruvchi korxonalar va tashkilotlar konsern a’zolari bo‘lishlari mumkin.
konsern hamda uning tomonidan tashkil etilgan korxonalar xizmatidan shartnomalar asosida foydalanish;
ilmiy-texnikaviy ishlanmalardan, konsern mahsulotlaridan o‘zining rivojlanishi manfaatlari yo‘lida ustun darajada foydalanish;
ustav fondidagi ulushlariga muvofiq, dividendlarni to‘lash uchun yo‘naltiriladigan konsern faoliyatidan tushadigan foydadan ulush olish;
konsern tomonidan amalga oshiriladigan birgalikdagi faoliyat dasturlarida va shartnomaviy asosda alohida korxonalarning dasturlarida qatnashish;
konsern Kengashi va Boshqaruvi majlislarida ishtirokchi korxonalarning manfaatlariga daxldor bo‘lgan, birgalikdagi faoliyat dasturlari doirasida va boshqa masalalar bo‘yicha qarorlar qabul qilishda ishtirok etish;
konsernning rahbar organlariga o‘zining faoliyatini ko‘rib chiqish masalasi bo‘yicha takliflar kiritish, zarurat tug‘ilganda moliya-xo‘jalik faoliyatini taftish qilishni talab etish;
konsern Boshqaruvidan Ustav doirasida davlat, boshqa organlar va idoralar oldida o‘z manfaatlarini himoya etishni talab qilish;
tuzilgan bitimlar bo‘yicha konsern tarkibiga kiruvchi yoki uning manfaatlari uchun ishlayotgan korxonalar oldidagi o‘z majburiyatlarini saqlagan holda, konsern Kengashini olti oydan kech bo‘lmagan muddatda ogohlantirib konserndan erkin holda chiqish Korxonaning konserndan chiqishi konsern Kengashining bayonnomasi bilan rasmiylashtiriladi va O‘zbekiston Respublikasi Prezidenti huzuridagi Vazirlar Mahkamasi bilan kelishib olinadi;
O‘zbekiston Respublikasi qonunlarida, korxonalarning ustavlari (nizomlari)da belgilangan boshqa huquqlarni mustaqil ravishda amalga oshirish.
52. Konsern tugatilgan hollarda ishtirokchi korxona konsern mulki qiymatidan, o‘zining Ustav fondidagi ulushiga mutanosib ravishda, bir qismini oladi.
53. Mulkchilik va tobelik shakllari, shuningdek, munosabatlar o‘zgargan hollarda ishtirokchi korxona konserndagi o‘z huquqlarini saqlab qoladi.
konsern Kengashi (Boshqaruvi) qarorlari va shartnomalar bilan belgilangan konsernning boshqa ishtirokchilari bilan birgalikdagi faoliyat shartlarini bajarish;
konsern va uning tuzilma bo‘linmalari tomonidan ko‘rsatiladigan xizmatlar uchun konsern Kengashi belgilagan tartib va miqdorlarda shartnomada ko‘zda tutilgan badallarni to‘lash;
mahsulot ishlab chiqarish va sotish, obyektlar xavfsizligi rejimi bo‘yicha belgilangan talablarga rioya qilish;
O‘zbekiston Respublikasi qonunlari va ushbu shartnomalar bilan belgilanadigan konsern yoki uning istalgan ishtirokchisi bilan tuzilgan shartnomalarning bajarilmaganligi uchun;
Ustavga binoan konsern Kengashi yoki Boshqaruvi qabul qilgan qarorlarni bajarmaganligi oqibatida konsernning boshqa ishtirokchilariga yetkazilgan zarar uchun. Zarar o‘rnini qoplash tartibi birgalikdagi faoliyat dasturlarini ishlab chiqish jarayonida konsern Kengashi tomonidan belgilanadi.
konsern a’zolarining manfaatdorligi yo‘qolganda yoki ularning soni bittagacha kamayganda konsern ishtirokchilarining birgalikdagi qarori bo‘yicha;
boshqa korxonalarning, fuqarolarning va davlatning huquqlari hamda qonun bilan muhofaza qilinadigan manfaatlari konsern tomonidan buzilgan taqdirda davlat boshqaruv organlarining qarori bo‘yicha;
57. Konsern tugatilganda uning ishtirokchilari Ustav fondidagi ulushlariga muvofiq ravishda mulkdagi o‘z ulushlarini oladilar.