O‘zbekiston Respublikasining Budjet kodeksi, O‘zbekiston Respublikasi Prezidentining 2007-yil 28-fevraldagi PQ-594-son “Davlat budjetining g‘azna ijrosi tizimini yanada rivojlantirish chora-tadbirlari to‘g‘risida”gi qarori va O‘zbekiston Respublikasi Vazirlar Mahkamasining 2007-yil 20-martdagi 53-son “O‘zbekiston Respublikasi Moliya vazirligining G‘aznachiligi to‘g‘risidagi nizomni tasdiqlash haqida”gi qaroriga muvofiq buyuraman:

1. O‘zbekiston Respublikasi moliya vazirining 2008-yil 24-noyabrdagi 110-son “Mudofaa majmui va huquqni muhofaza qilish organlari muassasalari va tashkilotlarining budjet xarajatlari va boshqa maxfiy xaraktyerga ega bo‘lgan budjet xarajatlarning g‘azna ijrosi tartibi haqidagi nizomni tasdiqlash to‘g‘risida”gi buyrug‘iga (ro‘yxat raqami 1941, 2009-yil 16-aprel) (O‘zbekiston Respublikasi qonun hujjatlari to‘plami. 2009-y., 16-son, 206-modda) ilovaga muvofiq o‘zgartirish va qo‘shimchalar kiritilsin.

2. Mazkur buyruq rasmiy e’lon qilingan kundan e’tiboran kuchga kiradi.

1. Buyruqda:

1) nomidan va 1-banddan “budjet” degan so‘z chiqarib tashlansin;

2) muqaddima quyidagi tahrirda bayon etilsin:

“O‘zbekiston Respublikasining Budjet kodeksi va O‘zbekiston Respublikasi Prezidentining 2007-yil 28-fevraldagi PQ-594-son “Davlat budjetining g‘azna ijrosi tizimini yanada rivojlantirish chora-tadbirlari to‘g‘risida”gi qaroriga asosan buyuraman:”;

2. Nizomda:

1) nomidan “budjet” degan so‘z chiqarib tashlansin;

2) muqaddima quyidagi tahrirda bayon etilsin:

“Mazkur Nizom O‘zbekiston Respublikasining Budjet kodeksi va O‘zbekiston Respublikasi Prezidentining 2007-yil 28-fevraldagi PQ-594-son “Davlat budjetining g‘azna ijrosi tizimini yanada rivojlantirish chora-tadbirlari to‘g‘risida”gi qaroriga muvofiq O‘zbekiston Respublikasi Mudofaa vazirligi, Ichki ishlar vazirligi va Favqulodda vaziyatlar vazirligi, O‘zbekiston Respublikasi Davlat bojxona qo‘mitasi, Vazirlar Mahkamasi huzuridagi Davlat zaxiralarini boshqarish qo‘mitasi korxonalari, tashkilotlari, muassasalari hamda harbiy qismlari xarajatlari, shuningdek maxfiy xususiyatga ega xarajatlari bo‘lgan boshqa budjet tashkilotlarining (keyingi o‘rinlarda — budjet tashkilotlari) maxfiy xarajatlarning g‘azna ijrosi tartibini belgilaydi.”;

3) 1-banddagi “Budjetdan mablag‘ oluvchilarning tovar (ish, xizmat)lar yetkazib beruvchilar (keyingi o‘rinlarda — mol yetkazib beruvchilar) bilan shartnomalarini ro‘yxatga olish” degan so‘zlar “Budjet tashkilotlarining tovar (ish, xizmat)lar yetkazib beruvchilar (keyingi o‘rinlarda — mol yetkazib beruvchilar) bilan shartnomalarini ro‘yxatga olish (hisobga olish)” degan so‘zlar bilan almashtirilsin;

4) 2-bandda:

birinchi xatboshidagi “g‘aznachilik bo‘linmalari va budjetdan mablag‘ oluvchilarning” degan so‘zlar “g‘aznachilik bo‘linmalari, budjet tashkilotlarining” degan so‘zlar bilan almashtirilsin;

ikkinchi xatboshidagi “Budjetdan mablag‘ oluvchilar” degan so‘zlar “Budjet tashkilotlari” degan so‘zlar bilan almashtirilsin;

5) 3 va 13-bandlardagi “budjetdan mablag‘ oluvchilar” degan so‘zlar “budjet tashkilotlari” degan so‘zlar bilan almashtirilsin;

6) 4-band quyidagi tahrirda bayon etilsin:

“4. Budjet tashkilotlarining maxfiy xaraktyerga ega bo‘lgan xarajatlari Moliya vazirligining Yagona g‘azna hisobvarag‘idan (keyingi o‘rinlarda — YaG‘H) mazkur Nizom talablari doirasida to‘lanadi.

Bunda budjet tashkilotlarining ish haqi va unga tenglashtirilgan mablag‘larini naqd pulda olish uchun ularning tegishli banklardagi 23404, 23432, 23430, 23426 balans hisobvaraqlaridan foydalaniladi.”;

7) quyidagi mazmundagi 4¹ — 4⁴-bandlar bilan to‘ldirilsin:

“4¹. Budjet tashkilotlari 23404, 23432, 23430, 23426 balans hisobvaraqlaridan majburiy to‘lovlarni amalga oshirish va naqd pul mablag‘lari olish uchun tegishli bankka to‘lov hujjati va chek taqdim qilish yo‘li bilan mablag‘larni tasarruf qiladilar.

Bunda ushbu hisobvaraqlarda ishlatilmagan mablag‘lar moliya yili mobaynida YaG‘Hga qaytarilishi lozim.

4². YaG‘Hdan xarajatlar Davlat budjeti xarajatlarining iqtisodiy tasnifi 4821190 xarajatlar moddasida aks ettirish orqali amalga oshiriladi.

Bunda budjet tashkilotlari xarajatlarining g‘azna ijrosi nazorati Davlat budjeti xarajatlarining iqtisodiy tasnifiga muvofiq tuzilgan xarajatlar smetasining choraklik ajratilgan mablag‘lari doirasida alohida axborot tizimda amalga oshiriladi.

4³. Budjet tashkilotlari to‘lovlarni amalga oshirish uchun O‘zbekiston Respublikasi budjet tizimi budjetlarining g‘azna ijrosi qoidalarida (ro‘yxat raqami 2850, 2016-yil 22-dekabr) belgilangan tartibda g‘aznachilik bo‘linmalariga imzolar namunalari va muhr izi kartochkasi taqdim etadilar.

4⁴. Moliya yiliga qo‘shimcha davrda va joriy moliya yilida o‘tgan moliya yilining kreditor qarzdorliklarini to‘lash O‘zbekiston Respublikasi budjet tizimi budjetlarining g‘azna ijrosi qoidalarida (ro‘yxat raqami 2850, 2016-yil 22-dekabr) belgilangan tartibda amalga oshiriladi.”;

8) 5, 6, 7, 10, 14, 19, 21, 34, 35, 36, 38, 40, 41, 42, 49, 62, 66 — 77, 80 — 85-bandlar, III bob, 4 va 5-ilovalar o‘z kuchini yo‘qotgan deb topilsin;

9) II bob nomidagi “Budjetdan mablag‘ oluvchilar” degan so‘zlar “Budjet tashkilotlari” degan so‘zlar bilan almashtirilsin;

10) 8 va 9-bandlar quyidagi tahrirda bayon etilsin:

“8. Budjet tashkilotlari yoki moliya organlari tomonidan tegishli moliya organlarida o‘rnatilgan tartibda ro‘yxatga olingan yakka tartibdagi va umumiy xarajatlar smetasi hamda ularga o‘zgartirishlar g‘aznachilik bo‘linmalariga taqdim etiladi.

Bunda moliya organlari tomonidan taqdim qilingan xarajatlar smetasiga o‘zgartirishlar nazorati g‘aznachilik bo‘linmalari tomonidan choraklik ajratilgan mablag‘lar doirasida amalga oshiriladi.

9. G‘aznachilik bo‘linmalari tomonidan yuridik majburiyatlarni ro‘yxatga olish (hisobga olish) va kassa xarajatlarini amalga oshirish faqat ularga budjet tashkilotlari xarajatlar smetalarini taqdim qilgandan so‘ng amalga oshirilishi mumkin.”;

11) 12-band quyidagi tahrirda bayon etilsin:

“12. G‘aznachilik bo‘linmalari budjet tashkilotlarining mol yetkazib beruvchilar bilan shartnomalar tuzishi va ular tomonidan Davlat budjeti xarajatlarining iqtisodiy tasnifining tegishli moddalari bo‘yicha kreditorlik qarzlarni hisobga olgan holda, xarajatlar smetasida ajratilgan choraklik mablag‘lar doirasida amalga oshirilishi ustidan nazorat qiladi.”;

12) 15-banddagi “budjetdan mablag‘ oluvchilarning” va “budjetdan mablag‘ oluvchilar” degan so‘zlar tegishlicha “budjet tashkilotlarining” va “budjet tashkilotlari” degan so‘zlar bilan almashtirilsin;

13) 16 — 18-bandlar quyidagi tahrirda bayon etilsin:

“16. Qabul qilingan yuridik majburiyatlarning ajratilgan mablag‘lar summasidan, shuningdek kassa xarajatlarining aniqlangan mablag‘lari summasidan ortiqcha amalga oshirilishiga olib keladigan miqdorda mablag‘larini kamaytirishga yo‘l qo‘yilmaydi.

Shu bilan birga, ajratiladigan mablag‘larining kamaytirilishi tomonlar yuridik majburiyatini o‘zaro kamaytirgan holda amalga oshirilishi mumkin.

Ajratilgan mablag‘lar ko‘paytirilgandan so‘ng, budjet tashkilotlari va ularning mol yetkazib beruvchilari o‘rtasida tuzilgan xo‘jalik shartnomalariga tomonlarning yuridik majburiyatlari aynan bir xilda ko‘paytirilishini ko‘zda tutadigan o‘zgartirishlar kiritish mumkin.

17. Budjet tashkilotlari tashabbusi bilan xarajatlar smetalariga kiritilayotgan kamaytirishlarning g‘aznachilik bo‘linmalari bilan kelishuvi quyidagi tartibda amalga oshiriladi:

1) budjet tashkiloti tegishli xat bilan xizmat ko‘rsatuvchi g‘aznachilik bo‘linmasiga xarajatlar smetasiga o‘zgartirish so‘rovini (keyingi o‘rinlarda — so‘rov) taqdim qiladi;

2) g‘aznachilik bo‘linmasi:

tuzilgan va ro‘yxatga olingan (hisobga olingan) shartnomalar (kassa xarajatlari) summalarini taklif qilinayotgan aniqliklarni hisobga olgan holda aniqlangan (taklif qilinayotgan) mablag‘lar summalaridan oshmaganligi bo‘yicha so‘rovni tekshiradi;

kamaytirish rejalashtirilayotgan mablag‘lar bo‘yicha budjet tashkilotining tegishli xarajatlar moddalari bo‘yicha yuridik majburiyatlarni ro‘yxatga olish (hisobga olish) va xarajatlar to‘lovlarini amalga oshirishni vakolatli organ tomonidan budjet tashkilotining xarajatlar smetasiga o‘zgartirishlar kiritish to‘g‘risidagi tegishli qarori qabul qilingunga qadar (kamaytirish ko‘zlanayotgan summalar qismida), to‘xtatib qo‘yadi;

bir ish kunidan oshmagan muddatda so‘rovga “KELIShILDI” shtamp, imzo va ro‘yxatga olingan sana qo‘yilgan holda budjet tashkilotiga qaytariladi;

3) g‘aznachilik bo‘linmasiga kelishuv uchun taqdim qilingan o‘zgartirish so‘rovi asosli sabablarga ko‘ra qondirilishi mumkin bo‘lmagan hollarda, g‘aznachilik bo‘linmasi bir kun muddatda qaytarish sabablarini ko‘rsatgan holda yozma ravishda qaytaradi.

18. Budjet tashkiloti kelishilgan so‘rovni olgandan so‘ng ikki ish kuni mobaynida uni ajratilgan budjet mablag‘larini bosh taqsimlovchisi orqali tegishli moliya organiga yuboradi.

Moliya organi o‘zgartirish kiritishni rad qilgan holatda, budjet tashkiloti majburiyatlar olish va xarajatlarni amalga oshirishni to‘xtatib qo‘yilishini bekor qilish uchun tegishli moliya organining xatini ilova qilgan holda xizmat ko‘rsatuvchi g‘aznachilik bo‘linmasiga xat yuboradi.”;

14) 20-band quyidagi tahrirda bayon etilsin:

“20. Budjet tashkilotlarining tasdiqlangan mablag‘lariga kamaytirishlar kiritilishi zarur bo‘lganda, mazkur Nizomning 17-bandida ko‘rsatilgan holatlardan tashqari, moliya organlari budjet tashkilotlarining xarajatlar smetalariga o‘rnatilgan tartibda kiritilayotgan o‘zgartirishlarni g‘aznachilik bo‘linmasiga ular tuzilgan kundan so‘ng ikki ish kunidan kechikmagan muddatda kelishish uchun taqdim qiladi (taqdimnoma, ma’lumotnoma-bildirishnoma va boshqalar).”;

15) 22 — 24-bandlar quyidagi tahrirda bayon etilsin:

“22. G‘aznachilik bo‘linmalari mazkur Nizomning 20-bandida ko‘rsatilgan, taklif qilinayotgan o‘zgartirishlarni kiritish mumkinligi yuzasidan tegishli budjetlarda turuvchi budjet tashkilotlari bo‘yicha amalga oshirilgan kassa xarajatlari, shuningdek band qilinmagan yuridik majburiyatlarni tasdiqlangan mablag‘lar bilan solishtirish orqali ko‘rib chiqadi.

Bunda hududlarda joylashgan, respublika budjetidan mablag‘ oluvchi budjet tashkilotlari o‘zgartirish bo‘yicha yuqorida ko‘rsatilgan hujjatlarni joylardagi tegishli g‘aznachilik bo‘linmasiga taqdim qiladi.

23. Tekshiruvlar ijobiy natijalar berganda va ko‘rsatilgan xarajatlar turlari bo‘yicha xarajatlar smetasiga taklif qilinayotgan o‘zgartirishlar kiritishning imkoni mavjud bo‘lganda, g‘aznachilik bo‘linmalari:

g‘aznachilikning dasturiy majmuida kamaytirilishi ko‘zlanayotgan tegishli budjet tashkilotlarining keyingi yuridik majburiyatlarini ro‘yxatga olish (hisobga olish) va kassa xarajatlarini amalga oshirishni to‘xtatib qo‘yadi;

hujjatlar taqdim qilingan kunning keyingi kunidan kechikmagan muddatda, ijobiy xulosani taqdim qilingan hujjatlar bilan birgalikda tegishli moliya organiga yo‘llaydi.

Bunda g‘aznachilik bo‘linmalari tomonidan yuridik majburiyatlarni qabul qilish, shuningdek budjet tashkilotlarining keyingi kassa xarajatlarini amalga oshirishni to‘xtatib qo‘yishni bekor qilish moliya organlari tomonidan g‘aznachilik bo‘linmalariga, g‘aznachilik bo‘linmalari bilan o‘rnatilgan tartibda kelishilgan asosda barcha tasdiqlangan va ro‘yxatga olingan, budjet tashkilotlarining tasdiqlangan tegishli yakka tartibdagi smetalariga kiritilgan o‘zgartirishlar ro‘yxati nusxalari taqdim qilingandan so‘ng amalga oshiriladi.

24. Yuridik majburiyatlar bilan band bo‘lmagan ajratilgan mablag‘lar mavjud bo‘lmaganda hamda moliya organlariga taqdim qilingan hujjatlarda taklif qilinayotgan o‘zgartirishlar kiritishning imkoni bo‘lmagan hollarda, g‘aznachilik bo‘linmalari ularni moliya organlari tomonidan hujjatlar taqdim qilingan kundan boshlab ikki ish kunidan kechikmagan muddatda, taklif qilinayotgan o‘zgartirishlarni kiritish imkoni yo‘qligi sabablarini ko‘rsatgan holda yozma xulosa tuzadi va moliya organiga qaytaradi.”;

16) 25-banddagi “budjetdan mablag‘ oluvchilarning tasdiqlangan budjetdan ajratilgan” degan so‘zlar “budjet tashkilotlarining tasdiqlangan” degan so‘zlar bilan almashtirilsin;

17) IV bob nomidagi “ro‘yxatga olish” degan so‘zlar “ro‘yxatga va hisobga olish” degan so‘zlar bilan almashtirilsin;

18) 31-bandining birinchi va ikkinchi xatboshilaridagi “Budjetdan mablag‘ oluvchilarning” degan so‘zlar “Budjet tashkilotlarining” degan so‘zlar bilan almashtirilsin;

19) 32 va 33-bandlar quyidagi tahrirda bayon etilsin:

“32. G‘aznachilik bo‘linmalari tomonidan budjet tashkilotlarining shartnomalari:

budjetdan ajratiladigan mablag‘lar bo‘yicha — ro‘yxatdan o‘tkaziladi;

vazirliklar, davlat qo‘mitalari va idoralarning budjetdan tashqari jamg‘armalari mablag‘lari bo‘yicha — hisobga olinadi.

33. Budjet tashkilotlari tomonidan yuridik majburiyatlarning qabul qilinishi, ularning xarajatlar smetalarida Davlat budjeti xarajatlarining iqtisodiy tasnifining tegishli moddalari bo‘yicha ko‘zda tutilgan, ajratiladigan mablag‘lari hajmi doirasida amalga oshiriladi.”;

20) 37-band quyidagi tahrirda bayon etilsin:

“37. Budjet tashkilotlari tomonidan tashqi qarzlarning jalb qilinishi, ssuda va kreditlar olinishi, shuningdek budjetdan ajratiladigan mablag‘lar hisobiga lizing shartnomalarini tuzish taqiqlanadi, qonun hujjatlarida nazarda tutilgan hollar bundan mustasno.”;

21) 43-band quyidagi tahrirda bayon etilsin:

“43. Budjet tashkilotlarining ichki xo‘jalik yurituvchi bo‘linmalari tomonidan tovarlar yetkazib berish, ishlar bajarish yoki xizmatlar ko‘rsatish (O‘zbekiston Respublikasi Mudofaa vazirligi va Ichki ishlar vazirligining kir yuvish bo‘linmalari, mehmonxonalari, ta’mirlash-qurilish guruhlari (brigadalari) va qishloq xo‘jaligi mahsulotlarini yetishtirish va go‘sht-sut mahsulotlarini ishlab chiqarish bilan shug‘ullanadigan yordamchi xo‘jaliklari) qonun hujjatlarida belgilangan tartibga muvofiq budjet mablag‘lari hisobidan ichki xo‘jalik shartnomalari va to‘lovlarni amalga oshirish uchun asos bo‘ladigan, ichki xo‘jalik shartnomalari bo‘yicha tovar (ish, xizmat)lar yetkazib berilganligini tasdiqlovchi hujjatlar asosida amalga oshiriladi.

Bunda budjet tashkilotlari tomonidan taqdim qilingan hujjatlar asosida to‘lovlarni o‘tkazish g‘aznachilik bo‘linmalari tomonidan O‘zbekiston Respublikasi Mudofaa vazirligi va Ichki ishlar vazirligining, qoidaga ko‘ra, budjetdan tashqari hisobvaraqlariga keyinchalik ularni qonun hujjatlariga muvofiq ko‘zda tutilgan maqsadlarga ishlatish bilan amalga oshiriladi.”;

22) 44-bandda:

birinchi xatboshi quyidagi tahrirda bayon etilsin:

“44. Shartnomalar tuzmasdan, mazkur Nizomning 3-ilovasidagi shakl bo‘yicha ikki nusxada So‘rovnoma va to‘lov topshiriqnomalari asosida mablag‘lar quyidagilarga:”;

quyidagi mazmundagi xatboshi bilan to‘ldirilsin:

“kapital qo‘yilma buyurtmachilarining buyurtmachi xizmatini saqlab turishga mablag‘larni o‘tkazish.”;

23) 45-band quyidagi tahrirda bayon etilsin:

“45. Budjet tashkilotlari so‘mdagi qiymatiga qayta hisoblangan, chet el valyutasidagi import qilinayotgan tovar-moddiy boyliklar uchun shartnomalar tuzishda yuzaga kelishi mumkin bo‘lgan kurs farqini qoplash uchun yetarli mablag‘lar zaxirasini ko‘zda tutishlari shart.

Yuzaga kelishi mumkin bo‘lgan kurs farqini qoplash uchun yetarli mablag‘larning zaxirasi har bir shartnoma bo‘yicha yakka tartibda budjet tashkilotlari va g‘aznachilik bo‘linmalari tomonidan, zarur bo‘lganda — tegishli moliya organi ishtirokida shartnomaning tuzilgan sanasi, ko‘zda tutilayotgan muddatlari va valyuta kursining kutilayotgan o‘zgarishlari bilan bog‘liq holda aniqlanadi.”;

24) 47-band quyidagi tahrirda bayon etilsin:

“47. Budjet tashkilotlarining mol yetkazib beruvchilar bilan tuzgan shartnomalari O‘zbekiston Respublikasining “Xo‘jalik yurituvchi subyektlar faoliyatining shartnomaviy-huquqiy bazasi to‘g‘risida”gi Qonuniga muvofiq, tomonlarning yuridik xizmatlari (jalb qilingan advokatlar) tomonidan majburiy tartibda qonun hujjatlariga muvofiqligi tekshirilishi shart.

Bunda shartnomalarda tomonlar yuridik xizmatlarining yoki jalb qilingan advokatlarning imzosi bo‘lishi shart.”;

25) IV bobning 2-paragraf nomi quyidagi tahrirda bayon etilsin:

“2-§. Yuridik majburiyatlarni ro‘yxatga olish va hisobga olish (maxfiy xarajatlarsiz)”;

26) 50 — 55-bandlar quyidagi tahrirda bayon etilsin:

“50. Budjet tashkilotlari va mol yetkazib beruvchilar bilan budjet mablag‘lari hisobi qismidan tuzilgan shartnomalar, faqat ularning g‘aznachilik bo‘linmalarida ro‘yxatga olinganidan so‘ng kuchga kiradi.

51. Budjet tashkilotlari bilan mol yetkazib beruvchilar o‘rtasida tuziladigan shartnomalar tegishli g‘aznachilik bo‘linmalarida ularga berilgan tegishli raqam va ro‘yxatga olingan (hisobga olingan) sana ko‘rsatilgan holda majburiy ro‘yxatga olinishi (hisobga olinishi) lozim.

52. Budjet tashkilotlari g‘aznachilik bo‘linmalariga shartnomani ro‘yxatga olish (hisobga olish) uchun shartnomaning ikki asl nusxasi va bitta ko‘chirma nusxasi bilan birgalikda quyidagi hujjatlarni taqdim qiladi:

mazkur Nizomning 1-ilovasiga muvofiq shaklda to‘lov jadvali;

shartnoma summasi eng kam ish haqining yigirma besh baravaridan olti ming baravarigacha bo‘lgan miqdorni tashkil etganida buyurtmachi tomonidan tuziladigan tanlov komissiyasi bayonnomasi nusxasi;

shartnoma summasi eng kam ish haqining olti ming baravaridan ortiq miqdorni tashkil etganida qonun hujjatlariga muvofiq tender komissiyasi bayonnomasi nusxasi;

agar shartnoma vakolatli davlat organining qaroriga muvofiq tanlov (tender) savdolarisiz tuzilgan bo‘lsa, mazkur qarorining nusxasi;

tegishli faoliyat turi uchun litsenziyaning yoki ruxsatnoma tusidagi hujjatning nusxasi (tovarlarni yetkazish, ishlarni bajarish va xizmatlar ko‘rsatish qonun hujjatlariga muvofiq litsenziyalashni yoki ruxsatnoma tusidagi hujjat olishni talab qilsa).

Shuningdek, quyidagi hujjatlar taqdim etiladi:

a) kapital qo‘yilma xarajatlari bo‘yicha:

manzilli ro‘yxat (loyiha-tadqiqot ishlarining manzilli ro‘yxati) nusxasi;

moliyalashtirish manbalaridan qat’i nazar, hisob-kitob (smeta) qiymati 2,0 mlrd.so‘m va undan ortiq bo‘lgan ijtimoiy va fuqaro obyektlari bo‘yicha qurish va rekonstruksiya qilishning manzilli ro‘yxatlarining Hukumat komissiyasi tomonidan tasdiqlangan nusxasi (O‘zbekiston Respublikasi Prezidenti va Hukumatining tegishli qarorlari mavjud bo‘lgan obyektlar bundan mustasno);

obyektlarni parallel ravishda loyihalashtirish bilan bir vaqtda qurish va rekonstruksiya qilishda vakolatli davlat organining qarori nusxasi.

b) avtotransport, mashina, texnika va uskunalarni joriy, o‘rta va mukammal ta’mirlash hollarda nuqson dalolatnoma nusxasi;

v) bino va inshootlarni joriy va o‘rta ta’mirlashda bajariladigan ishlar summasi O‘zbekiston Respublikasi hududida belgilangan eng kam ish haqi miqdorining yuz baravaridan oshgan hollarda, qonun hujjatlarida nazarda tutilgan hollar bundan mustasno, loyiha-smeta hujjatlarini ekspertizadan o‘tkazilganligi to‘g‘risida xulosa nusxasi;

g) binolar, inshootlar va ichki xo‘jalik yo‘llarini mukammal ta’mirlashda:

binolar, inshootlar va ichki xo‘jalik yo‘llarini mukammal ta’mirlash manzilli ro‘yxati nusxasi;

loyiha-smeta hujjatlarining ekspertizadan o‘tkazilganligi bo‘yicha xulosa nusxasi.

53. G‘aznachilik bo‘linmasi budjet tashkiloti tomonidan shartnoma taqdim qilingan kundan boshlab uch ish kuni davomida shartnomada ko‘rsatilgan summani budjet tashkilotining xarajatlar smetasida ko‘zda tutilgan tegishli rejali ajratilgan mablag‘larning mavjudligini tekshiradi.

Agar tuzilgan shartnomaga muvofiq to‘lanishi lozim bo‘lgan pul mablag‘lari summasi budjet tashkilotining xarajatlar smetasida ko‘zda tutilgan tegishli rejali ajratilgan mablag‘lar summasidan oshsa, ushbu shartnoma budjet tashkilotiga uni g‘aznachilik bo‘linmasi tomonidan ro‘yxatga olinmasdan (hisobga olinmasdan) qaytariladi.

54. Shartnomalarni ro‘yxatga olish, shartnomaning ikkita asli va nusxasining barcha varaqlariga ro‘yxatdan o‘tkazish raqami va sanasini ko‘rsatib “Ro‘yxatdan o‘tkazildi” shtampini va shaxsiy imzosini qo‘yish, shuningdek g‘aznachilik bo‘linmasining vakolatli shaxsi tomonidan shaxsiy imzosini va “Yuridik majburiyatlarni ro‘yxatdan o‘tkazish” muhrini qo‘yish yo‘li orqali amalga oshiriladi.

Shartnomalarni hisobga olish, shartnomaning ikkita asli va nusxasining barcha varaqlariga hisobga olish raqami va sanasini ko‘rsatgan holda “Shartnoma bo‘yicha to‘lovlar shaxsiy g‘azna hisobvarag‘i qoldig‘i doirasida amalga oshiriladi” yozuvi bilan “Hisobga olindi” shtampini va shaxsiy imzosini qo‘yish hamda vakolatli shaxs tomonidan shaxsiy imzosini qo‘yish yo‘li orqali amalga oshiriladi.

Ro‘yxatga va hisobga olinganidan so‘ng shartnomaning ko‘chirma nusxasi g‘aznachilik bo‘linmasida hisob yuritish va saqlash uchun qoldiriladi.

55. Shartnomalar hisobi G‘aznachilik dasturiy majmuida elektron tarzda budjet tashkiloti va mol yetkazib beruvchining nomi va rekvizitlari, shuningdek shartnoma summasi, uning raqami va tuzilgan sanasi, g‘aznachilik bo‘linmasi tomonidan uni ro‘yxatga olish (hisobga olish) raqami va sanasi ko‘rsatilgan holda budjet tashkilotlarining tovar (ish, xizmat)lar yetkazib beruvchilar bilan tuzgan shartnomalarini ro‘yxatga olish (hisobga olish) Kitobida mazkur Nizomning 2-ilovasiga muvofiq shakl bo‘yicha amalga oshiriladi.”;

27) IV bobning3-paragraf nomi quyidagi tahrirda bayon etilsin:

“3-§. Maxfiy xarajatlar bo‘yicha yuridik majburiyatlarni ro‘yxatga olish (hisobga olish)”;

28) 56 — 61-bandlar quyidagi tahrirda bayon etilsin:

“56. Maxfiy xarajatlar bo‘yicha yuridik majburiyatlarni ro‘yxatga olish (hisobga olish) uchun budjet tashkiloti tomonidan g‘aznachilik bo‘linmasiga shartnomaning asl nusxasi, mazkur Nizomning 3-ilovasidagi shakl bo‘yicha ikki nusxada so‘rovnoma hamda mazkur Nizomning 52-bandida ko‘rsatilgan hujjatlar taqdim qilinadi.

57. G‘aznachilik bo‘linmasining mas’ul xodimi budjet tashkilotining vakolatli vakili ishtirokida so‘rovnomada ko‘rsatilgan ma’lumotlarni shartnomaning asl nusxasida ko‘rsatilgan ma’lumotlar bilan, shuningdek mazkur Nizomning 52-bandida ko‘rsatilgan hujjatlarni shartnoma bilan solishtiradi.

Barcha solishtirishlar tugaganidan so‘ng shartnoma va unga ilova qilingan mazkur Nizomning 52-bandida ko‘rsatilgan barcha hujjatlar budjet tashkilotining vakolatli vakiliga qaytariladi.

G‘aznachilik bo‘linmasi xodimlari tomonidan taqdim qilingan shartnomaning va unga ilova qilingan hujjatlarning asl nusxasidan nusxa olish qat’iyan man qilinadi;

58. Taqdim qilingan so‘rovnomada xato va (yoki) kamchiliklar mavjud bo‘lmagan holda so‘rovnomada ko‘rsatilgan shartnomani ro‘yxatga olish (hisobga olish) bo‘yicha keyingi tadbirlarni amalga oshirish uchun so‘rovnoma qabul qilinadi.

Aks holda, so‘rovnoma budjet tashkilotiga mavjud xato va (yoki) kamchiliklarni bartaraf qilish uchun qaytariladi;

59. G‘aznachilik bo‘linmasi budjet tashkiloti tomonidan so‘rovnomani qabul qilgan kundan boshlab uch ish kuni davomida shartnomada ko‘rsatilgan summani budjet tashkilotining xarajatlar smetasida ko‘zda tutilgan tegishli rejali ajratilgan mablag‘larining mavjudligini tekshiradi.

Agar so‘rovnoma va tuzilgan shartnomaga muvofiq to‘lanishi lozim bo‘lgan pul mablag‘lari summasi budjet tashkilotining xarajatlar smetasida ko‘zda tutilgan tegishli rejali ajratilgan mablag‘lar summasidan oshsa, ushbu shartnoma g‘aznachilik bo‘linmasida ro‘yxatga olinmaydi (hisobga olinmaydi), tegishli so‘rovnoma esa budjet tashkilotiga qaytariladi;

60. Maxfiy xarajatlar bo‘yicha shartnomalarni ro‘yxatga olish (hisobga olish), so‘rovnomalar asosida so‘rovnomalarning old tomoniga “Ro‘yxatdan o‘tkazildi” (“Hisobga olindi”) shtampi qo‘yilgan va ro‘yxatga olingan (hisobga olish) raqam va sanasi ko‘rsatilgan kundan boshlab uch ish kuni davomida g‘aznachilik bo‘linmasining mansabdor shaxsi o‘zining shaxsiy imzosi va g‘aznachilik bo‘linmasining muhr izi bilan tasdiqlash orqali amalga oshiriladi.

Ro‘yxatga olingandan (hisobga olingandan) so‘ng so‘rovnomaning ikki nusxasi budjet tashkilotiga qaytariladi, bir nusxasi esa g‘aznachilik bo‘linmasida hisob yuritish va saqlash uchun qoldiriladi;

61. O‘zbekiston Respublikasi Vazirlar Mahkamasi, Qoraqalpog‘iston Respublikasi, viloyatlar va Toshkent shahar budjetlarining Zaxira jamg‘armalari hisobidan maxfiy xaraktyerga ega bo‘lgan xarajatlar to‘lovlari budjet tashkilotlarining so‘rovnomasi bo‘yicha mazkur Nizomda budjet tashkilotlarining maxfiy xarajatlarini amalga oshirish uchun ko‘zda tutilgan tartib bilan bir xilda amalga oshiriladi.”;

29) V bobning nomi quyidagi tahrirda bayon etilsin:

“V. Budjet tashkilotlari tomonidan qabul qilingan moliyaviy majburiyatlar bo‘yicha to‘lovlarni amalga oshirish”;

30) 63-band quyidagi tahrirda bayon etilsin:

“63. Budjet tashkilotlari tomonidan ikkinchi taraf oldida moliyaviy majburiyatlar ularga yetkazib beriladigan tovar (ish, xizmat)lar uchun o‘tkazilishi lozimligini tasdiqlovchi hujjatlar, hisoblangan ish haqi va unga tenglashtirilgan xarajatlar bo‘yicha qarzdorlik asosida qabul qilinadi.”;

31) V bobning 2-paragraf nomi quyidagi tahrirda bayon etilsin:

“2-§. Maxfiy xarajatlar bo‘yicha to‘lovlarni amalga oshirish”;

32) 65-band quyidagi tahrirda bayon etilsin:

“65. Maxfiy xarajatlar bo‘yicha to‘lovlarni amalga oshirish uchun budjet tashkilotlari tomonidan g‘aznachilik bo‘linmalariga to‘lov hujjatlarini hisobvaraq-faktura bilan birga taqdim qilinadi.

Bunda hisobvaraq-faktura g‘aznachilik bo‘linmasi tomonidan yuridik majburiyatga muvofiqligiga tekshiriladi va budjet tashkilotiga qaytarib beriladi.

Hisobvaraq-fakturalardan nusxa olish va g‘aznachilik bo‘linmasida saqlash qat’iyan man etiladi.”;

33) quyidagi mazmundagi 65¹ — 65³- bandlar bilan to‘ldirilsin:

“65¹. Budjet tashkilotlari tomonidan to‘lov hujjatlarining taqdim qilinishi va g‘aznachilik bo‘linmalarida rasmiylashtirilishi tartibi O‘zbekiston Respublikasi budjet tizimi budjetlarining g‘azna ijrosi qoidalarining (ro‘yxat raqami 2850, 2016-yil 22-dekabr) 1 va 2-ilovalaridagi shakllar va 183 — 186-bandlarida belgilangan tartibda amalga oshiriladi.

Bunda budjet tashkiloti tomonidan taqdim qilinadigan to‘lov hujjatlarining to‘lov maqsadida tegishli shaxsiy g‘azna hisobvaraq raqami, tashkilot nomi, STIR, budjet tasnifiga muvofiq xarajatlar moddasi, hamda yuridik va moliyaviy majburiyat sanasi va tartib raqami ko‘rsatiladi.

65². To‘lovlar amalga oshirib bo‘linganidan so‘ng to‘lov hujjatlarining birinchi va ikkinchi nusxalari g‘aznachilik bo‘linmalarining tegishli bo‘limlarida saqlanadi.

65³. Ish haqi va unga tenglashtirilgan to‘lovlar bo‘yicha mablag‘lar xarajatlar smetasining tegishli moddasida nazarda tutilgan mablag‘lar doirasida ularning tegishli banklardagi 23404, 23432, 23430, 23426 balans hisobvaraqlariga o‘tkaziladi.

Bunda to‘lov hujjatining g‘aznachilik bo‘linmalarida qoldiriladigan birinchi va ikkinchi nusxalarining to‘lov maqsadida “Maxfiy” yozuvi yoziladi, budjet tashkilotlariga mazkur Nizomning 6-ilovasida keltirilgan shakldagi ko‘chirma bilan qaytarib beriladigan uchinchi nusxasida tegishli xarajat moddalari va ularning summalari ko‘rsatiladi.”;

34) V bobning 4-paragraf nomi quyidagi tahrirda bayon etilsin:

“4-§. Maxfiy bo‘lmagan xarajatlar bo‘yicha to‘lovlarni amalga oshirish”;

35) 78 va 79-bandlar quyidagi tahrirda bayon etilsin:

“78. G‘aznachilik bo‘linmasi budjet tashkilotlarining to‘lov topshiriqnomalari asosida g‘azna hisobvaraqlaridan xarajatlar to‘lovini budjet tashkilotlarining xarajatlar smetalarining tegishli moddalarida ko‘zda tutilgan mablag‘lar doirasida amalga oshiradi.

79. Budjet tashkilotlarining xarajatlari to‘lovi to‘lov topshiriqnomalari asosida quyidagi hollarda amalga oshiriladi:

budjet tashkilotlarining tegishli moddalari bo‘yicha mablag‘lar qoldiqlari summalari doirasida;

agar to‘lov topshiriqnomasida ko‘rsatilgan summa g‘aznachilik bo‘linmasida ro‘yxatga olingan (hisobga olingan) shartnomaga muvofiq to‘lanishi lozim bo‘lgan pul mablag‘lari summasidan oshmasa;

hisobvaraq-faktura yoki tovar (ish, xizmat)lar yetkazib berilganligini tasdiqlovchi boshqa hujjatlar mavjud bo‘lganda va budjet tashkilotining mol yetkazib beruvchi oldidagi qarzdorligini, shuningdek budjet tashkilotining mol yetkazib beruvchiga avans to‘lovlari o‘tkazishini majburlovchi hujjatlar mavjud bo‘lganida;

to‘lov topshiriqnomasida ko‘rsatilgan mol yetkazib beruvchining, shuningdek budjet tashkilotining nomi va rekvizitlari shartnoma va hisobvaraq-fakturalarda yoki tovar (ish, xizmat)lar yetkazib berganligini tasdiqlovchi boshqa hujjatlarda mol yetkazib beruvchining, shuningdek, budjet tashkilotining nomi va rekvizitlari muvofiq bo‘lganida.”;

36) Quyidagi mazmundagi 79¹ va 79²-bandlar bilan to‘ldirilsin:

“79¹. Budjet tashkilotlari tomonidan to‘lov hujjatlarining taqdim qilinishi va g‘aznachilik bo‘linmalarida rasmiylashtirilishi tartibi O‘zbekiston Respublikasi budjet tizimi budjetlarining g‘azna ijrosi qoidalarining (ro‘yxat raqami 2850, 2016-yil 22-dekabr) 1 va 2-ilovalaridagi shakllar va 183 — 186-bandlarida belgilangan tartibda amalga oshiriladi.

Bunda budjet tashkiloti tomonidan taqdim qilinadigan to‘lov hujjatlarining to‘lov maqsadida tegishli shaxsiy g‘azna hisobvaraq raqami, tashkilot nomi, STIR, budjet tasnifiga muvofiq xarajatlar moddasi va yuridik va moliyaviy majburiyat sanasi va tartib raqami ko‘rsatiladi;

79². To‘lovlar amalga oshirib bo‘linganidan so‘ng to‘lov hujjatlarining birinchi va ikkinchi nusxalari g‘aznachilik bo‘linmalarining tegishli bo‘limlarida saqlanadi.”;

37) 86-bandining birinchi va ikkinchi xatboshilaridagi “Budjetdan mablag‘ oluvchilarning” degan so‘zlar “Budjet tashkilotlarining” degan so‘zlar bilan almashtirilsin;

38) 87-band quyidagi tahrirda bayon etilsin:

“87. G‘aznachilik bo‘linmalari qonunchilikka muvofiq zarur maxfiylik rejimiga rioya qilish, mazkur Nizom talablariga muvofiq ro‘yxatga olingan (hisobga olingan) shartnomalarning budjet tashkilotlari xarajatlari smetasida ko‘zda tutilgan mablag‘larga muvofiqligi va budjet tashkilotlari xarajatlari to‘lovi ustidan nazoratning to‘g‘ri amalga oshirilishi uchun javobgardirlar.”;

39) 1, 2 va 3-ilovalar mazkur o‘zgartirish va qo‘shimchalarning 1, 2 va 3-ilovalariga muvofiq tahrirda bayon etilsin;

40) mazkur o‘zgartirish va qo‘shimchalarning 4-ilovasiga muvofiq tahrirda 4-ilova bilan to‘ldirilsin.

3. Mazkur o‘zgartirish va qo‘shimchalar O‘zbekiston Respublikasi Markaziy banki bilan kelishilgan.