365-сон 22.09.2000. Auditorlik faoliyatini takomillashtirish va auditorlik tekshirishlarining ahamiyatini oshirish toʻgʻrisida

Oʻzbekiston Respublikasi Vazirlar Mahkamasining qarori, 22.09.2000 yildagi 365-son

Кучга кириш санаси

22.09.2000

Рус

Ўзб

O’zb

O‘zb|Рус

Hujjat 30.12.2012 sanasi holatiga

Hujjat 05.04.2022 sanasi holatiga

Oʻzbekiston Respublikasi Vazirlar Mahkamasining

qarori

AUDITORLIK FAOLIYATINI TAKOMILLAShTIRISh VA AUDITORLIK TEKShIRIShLARINING AHAMIYATINI OShIRISh TOʻGʻRISIDA

“Auditorlik faoliyati toʻgʻrisida”gi Oʻzbekiston Respublikasi Qonunini amalga oshirish, auditorlik xulosalari soliq organlari va boshqa nazorat organlari tomonidan hisobga olinishini taʼminlash maqsadida Vazirlar Mahkamasi qaror qiladi:

1. Belgilansinki:

buxgalteriya hisobini yuritish va hisobot tuzish auditorlik tashkiloti tomonidan amalga oshiriladigan mikrofirmalarning moliya-xoʻjalik faoliyati soliq organlari tomonidan tegishli auditorlik tashkiloti albatta jalb qilingan holda tekshiriladi. Bunda moliyaviy hisobotning toʻgʻriligi uchun auditorlik tashkiloti javob beradi.

2. Quyidagilar:

Majburiy auditorlik tekshiruvi oʻtkazilishidan boʻyin tovlaganligi uchun xoʻjalik yurituvchi subyektlardan jarima undirish tartibi toʻgʻrisidagi nizom 2-ilovaga muvofiq tasdiqlansin.

3. Auditorlik faoliyatini litsenziyalash boʻyicha maxsus vakil qilingan davlat organi sifatida Oʻzbekiston Respublikasi Moliya vazirligiga quyidagi funksiyalar yuklansin:

oʻz vakolatlari doirasida auditorlik faoliyatini tartibga soluvchi meʼyoriy hujjatlarni, shu jumladan auditorlik faoliyatining milliy standartlarini ishlab chiqish va tasdiqlash;

auditorlik tashkilotlari tomonidan litsenziya talablari va shartlariga rioya qilinishini nazorat qilish;

auditorlarning respublika jamoat birlashmasi bilan kelishgan holda auditorlar malaka sertifikatini olishi uchun oʻqitish dasturlarini va malaka imtihonlari topshirish tartibini tasdiqlash;

auditorlik faoliyatini amalga oshirishga berilgan litsenziyaning amal qilishini oʻn ish kunidan ortiq boʻlmagan muddatga toʻxtatib turish, oʻn ish kunidan ortiq muddatga toʻxtatib turish toʻgʻrisida sudga murojaat qilish, shuningdek qonun hujjatlarida belgilangan holatlarda tugatish, uni bekor qilish va qayta rasmiylashtirish.

qonun hujjatlarida belgilangan tartibda auditorlarga malaka sertifikatlarini berish, amal qilishini toʻxtatish va bekor qilish;

malaka sertifikatiga ega boʻlgan auditorlar reyestrini va auditorlik faoliyatini amalga oshirish uchun berilgan litsenziyaga ega boʻlgan auditorlik tashkilotlari hisobini yuritish.

4. Auditorlik faoliyatini amalga oshirish uchun auditorlik tashkilotlariga litsenziya berish tartibi toʻgʻrisidagi nizom 3-ilovaga muvofiq tasdiqlansin.

6. Oʻzbekiston Respublikasi Adliya vazirligi va Moliya vazirligi:

faoliyat koʻrsatayotgan auditorlik tashkilotlarini 2001-yil 1-oktabrgacha mazkur qaror talablariga muvofiq belgilangan tartibda qayta roʻyxatdan oʻtkazsinlar va auditorlik faoliyatini amalga oshirishga yangi namunadagi litsenziya bersinlar;

Davlat soliq qoʻmitasi bilan birgalikda koʻrsatib oʻtilgan muddatda qayta roʻyxatdan oʻtmagan auditorlik tashkilotlari faoliyatini belgilangan tartibda toʻxtatish chora-tadbirlarini koʻrsinlar.

7. Oʻzbekiston Respublikasi Adliya vazirligi, vazirliklar va idoralar idoraviy meʼyoriy hujjatlar qayta koʻrib chiqilishini va mazkur qarorga muvofiqlashtirilishini taʼminlasinlar.

8. Hukumatning ayrim qarorlariga 4-ilovaga muvofiq oʻzgartirish va qoʻshimchalar kiritilsin.

9. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari R.S.Azimov zimmasiga yuklansin.

Vazirlar Mahkamasining Raisi I. KARIMOV

Toshkent sh.,

2000-yil 22-sentabr,

365-son

Vazirlar Mahkamasining
2000-yil 22-sentabrdagi 365-son qaroriga
2-ILOVA

Majburiy auditorlik tekshiruvi oʻtkazilishidan boʻyin tovlaganligi uchun xoʻjalik yurituvchi subyektlardan jarima undirish tartibi toʻgʻrisida

NIZOM

1. Mazkur Nizom “Auditorlik faoliyati toʻgʻrisida”gi Oʻzbekiston Respublikasi Qonuniga muvofiq ishlab chiqilgan va majburiy auditorlik tekshiruvi oʻtkazilishidan boʻyin tovlaganligi uchun xoʻjalik yurituvchi subyektdan jarima undirishning yagona tartibini belgilab beradi.

2. Mazkur Nizomning amal qilishi qonun hujjatlariga muvofiq majburiy auditorlik tekshiruvi oʻtkaziladigan xoʻjalik yurituvchi subyektlarga tatbiq etiladi.

2. Mazkur Nizomning amal qilishi qonunchilikka muvofiq majburiy auditorlik tekshiruvi oʻtkaziladigan xoʻjalik yurituvchi subyektlarga tatbiq etiladi.

3. Xoʻjalik yurituvchi subyektning majburiy auditorlik tekshiruvi oʻtkazilishidan boʻyin tovlashi jarima solish uchun asos hisoblanadi.

Quyidagilar:

hisobot yilidan keyingi yilning 1-mayigacha yillik moliyaviy hisobot auditorlik tekshiruvidan oʻtkazilmasligi;

auditorlik xulosasi mavjud emasligi xoʻjalik yurituvchi subyektning majburiy auditorlik tekshiruvi oʻtkazilishidan boʻyin tovlashi deb eʼtirof etiladi.

4. Majburiy auditorlik tekshiruvi oʻtkaziladigan xoʻjalik yurituvchi subyekt oldingi yil uchun oʻz yillik moliyaviy hisobotini hisobot yilining 1-mayigacha auditorlik tekshiruvidan oʻtkazadi va auditorlik tekshiruvi tamom boʻlgandan keyin 15 kun mobaynida tegishli soliq organiga auditorlik xulosasining belgilangan tartibda tasdiqlangan nusxasini taqdim etadi.

5. Auditorlik xulosasi nusxasi soliq organiga belgilangan muddatda taqdim etilmagan taqdirda xoʻjalik yurituvchi subyekt soliq organiga auditorlik xulosasi mavjud emasligining sababini aks ettiruvchi tushuntirishni yozma shaklda taqdim etishi kerak.

Qonun hujjatlariga muvofiq majburiy auditorlik tekshiruvi oʻtkazilishidan boʻyin tovlash xoʻjalik subyektining mansabdor shaxsiga nisbatan maʼmuriy jazo qoʻllanishiga olib keladi. Xoʻjalik subyektining mansabdor shaxsiga nisbatan maʼmuriy jazo qoʻllangandan keyin kalendar yil oxirigacha majburiy auditorlik tekshiruvi oʻtkazilishidan boʻyin tovlash xoʻjalik subyektidan ushbu Nizomning 7-bandida nazarda tutilgan miqdorda jarima undirilishiga olib keladi. Bunda majburiy auditorlik tekshiruvi oʻtkazilishidan boʻyin tovlangan taqdirda xoʻjalik subyektiga jarima sud tartibida solinadi, xoʻjalik subyekti sodir etilgan huquqbuzarlikda aybini tan olgan hamda jarimani ixtiyoriy ravishda toʻlagan taqdirda esa — jarima soliq organi tomonidan solinadi;

6. Jarima qonun hujjatlarida belgilangan tartibda undiriladi. Bunda xoʻjalik subyektining oxirgi hisobot sanasidagi joriy aktivlarining yigirma foizidan ortiq boʻlgan yalpi jarima xoʻjalik subyektiga jarima solish toʻgʻrisida qaror qabul qilingan kundan boshlab undiriladigan summani olti oy mobaynida har oyda boʻlib-boʻlib toʻlash huquqi berilgan holda undirib olinadi.

7. Jarima stavkalari tabaqalashtirilgan va majburiy tekshiriladigan xoʻjalik yurituvchi subyektning hisobot yili oxirida mahsulotlar (ishlar, xizmatlar)ni sotishdan olingan yalpi tushumi miqdoriga qarab belgilanadigan miqdorlarda undirib olinadi.

Jarima miqdori*‎	Bir yilda mahsulot (ishlar, xizmatlar) sotishdan olingan yalpi tushum miqdori (QQS ham shu jumlaga kiradi)**‎
Eng kam oylik ish haqi miqdorining 50 baravari‎	eng kam oylik ish haqi miqdorining 500 baravari‎‎gacha‎
Eng kam oylik ish haqi miqdorining 75 baravari‎‎	eng kam oylik ish haqi miqdorining 500 baravari‎‎dan 15 ming baravarigacha‎
Eng kam oylik ish haqi miqdorining 100 baravari‎‎	eng kam oylik ish haqi miqdorining15 ming baravaridan ortiq
‎	‎

* Jarima miqdorini aniqlashda eng kam oylik ish haqining jarima solish toʻgʻrisida qaror chiqarilgan sanadagi miqdoridan foydalaniladi.

** Budjetdan tashqari va xayriya jamgʻarmalari uchun yalpi tushum deganda amaldagi tushumlar, shu jumladan aʼzolik badallari tushuniladi.

Qonunchilikka muvofiq majburiy auditorlik tekshiruvi oʻtkazilishidan boʻyin tovlash xoʻjalik subyektining mansabdor shaxsiga nisbatan maʼmuriy jazo qoʻllanishiga olib keladi. Xoʻjalik subyektining mansabdor shaxsiga nisbatan maʼmuriy jazo qoʻllangandan keyin kalendar yil oxirigacha majburiy auditorlik tekshiruvi oʻtkazilishidan boʻyin tovlash xoʻjalik subyektidan ushbu Nizomning 7-bandida nazarda tutilgan miqdorda jarima undirilishiga olib keladi. Bunda majburiy auditorlik tekshiruvi oʻtkazilishidan boʻyin tovlangan taqdirda xoʻjalik subyektiga jarima sud tartibida solinadi, xoʻjalik subyekti sodir etilgan huquqbuzarlikda aybini tan olgan hamda jarimani ixtiyoriy ravishda toʻlagan taqdirda esa — jarima soliq organi tomonidan solinadi;

6. Jarima qonunchilikda belgilangan tartibda undiriladi. Bunda xoʻjalik subyektining oxirgi hisobot sanasidagi joriy aktivlarining yigirma foizidan ortiq boʻlgan yalpi jarima xoʻjalik subyektiga jarima solish toʻgʻrisida qaror qabul qilingan kundan boshlab undiriladigan summani olti oy mobaynida har oyda boʻlib-boʻlib toʻlash huquqi berilgan holda undirib olinadi.

Jarima miqdori*	Bir yilda mahsulot (ishlar, xizmatlar) sotishdan olingan yalpi tushum miqdori (QQS ham shu jumlaga kiradi)**
Bazaviy hisoblash miqdorining 50 baravari	bazaviy hisoblash miqdorining 500 baravarigacha
Bazaviy hisoblash miqdorining 75 baravari	bazaviy hisoblash miqdorining 500 baravaridan 15 ming baravarigacha
Bazaviy hisoblash miqdorining 100 baravari	bazaviy hisoblash miqdorining15 ming baravaridan ortiq

* Jarima miqdorini aniqlashda bazaviy hisoblash miqdorining jarima solish toʻgʻrisida qaror chiqarilgan sanadagi miqdoridan foydalaniladi.

** Budjetdan tashqari va xayriya jamgʻarmalari uchun yalpi tushum deganda amaldagi tushumlar, shu jumladan aʼzolik badallari tushuniladi.

9. Toʻlanadigan jarimalar toʻliq miqdorda tegishli mahalliy budjetiga oʻtkaziladi.

10. Soliq organlari quyidagilar:

majburiy auditorlik tekshiruvi oʻtkaziladigan xoʻjalik yurituvchi subyektlar;

har bir xoʻjalik yurituvchi subyektlar boʻyicha auditorlik tekshiruvi oʻtkazgan auditorlik tashkilotini koʻrsatib oʻtgan holda majburiy auditorlik tekshiruvi oʻtkazilgan xoʻjalik yurituvchi subyektlar;

majburiy auditorlik tekshiruvi oʻtkazilishidan boʻyin tovlagan xoʻjalik yurituvchi subyektlar;

majburiy auditorlik tekshiruvi oʻtkazilishidan boʻyin tovlagan xoʻjalik yurituvchi subyektlarga va ularning mansabdor shaxslariga nisbatan qoʻllanilgan jarima sanksiyalari toʻgʻrisida maʼlumotlar bazasini olib boradi.

Davlat soliq qoʻmitasi har yili 20-fevralgacha va 20-iyulgacha litsenziya beruvchi organga ushbu xoʻjalik yurituvchi subyektlar va ularga nisbatan oʻtgan yil va joriy yilning birinchi yarmi uchun qoʻllanilgan jarima sanksiyalari toʻgʻrisida umumlashma axborot taqdim etadi. Bunda har bir majburiy auditorlik tekshiruvidan oʻtkazilgan xoʻjalik yurituvchi subyekt boʻyicha mazkur tekshiruvni olib borgan auditorlik tashkiloti koʻrsatib oʻtiladi.

Majburiy auditorlik tekshiruvi oʻtkazmagan xoʻjalik yurituvchi subyektga nisbatan qonun hujjatlarida nazarda tutilgan jazo choralarini qoʻllamaganligi uchun soliq organlarining mansabdor shaxslari qonun hujjatlarida belgilangan tartibda javobgar boʻladilar.

Vazirlar Mahkamasining
2000-yil 22-sentabrdagi 365-son qaroriga
3-ILOVA

Auditorlik faoliyatini amalga oshirish uchun auditorlik tashkilotlariga litsenziya berish tartibi toʻgʻrisida

NIZOM

I. Umumiy qoidalar

1. Mazkur Nizom “Auditorlik faoliyati toʻgʻrisida” va “Faoliyatning ayrim turlarini litsenziyalash toʻgʻrisida”gi Oʻzbekiston Respublikasi qonunlariga muvofiq ishlab chiqilgan va Oʻzbekiston Respublikasi hududida auditorlik faoliyatini litsenziyalash tartibini belgilab beradi.

2. Auditorlik faoliyati auditorlik faoliyatini amalga oshirish uchun maxsus ruxsatnoma (litsenziya) mavjud boʻlgan taqdirdagina amalga oshiriladi, auditorlik tashkilotlarining kasb xizmatlari koʻrsatishlari bundan mustasno.

Auditorlik faoliyatini litsenziyalashni Oʻzbekiston Respublikasi Moliya vazirligi (keyingi oʻrinlarda — litsenziyalovchi organ deb ataladi) amalga oshiradi.

Auditorlik tashkilotining arizasiga koʻra litsenziya auditorlik tekshiruvlarining quyidagi turlarini amalga oshirish uchun beriladi:

faqat oʻz tashabbusiga koʻra auditorlik tekshiruvlarini amalga oshirishga;

xoʻjalik subyektlarini oʻz tashabbusiga koʻra va majburiy auditorlik tekshiruvlarini amalga oshirishga, ochiq aksiyadorlik jamiyatlari, banklar va sugʻurta tashkilotlari bundan mustasno;

barcha xoʻjalik yurituvchi subyektlarni auditorlik tekshiruvlarini amalga oshirishga.

3. Litsenziyalovchi organning auditorlik faoliyatini amalga oshirishga litsenziya berish, berishni rad etish, uning amal qilishini tugatish, uning amal qilishini oʻn ish kunidan ortiq boʻlmagan muddatga toʻxtatib turish yoki litsenziyaning amal qilishini tiklash, shuningdek uni bekor qilish toʻgʻrisidagi qarori Oʻzbekiston Respublikasi moliya vazirining buyrugʻi bilan rasmiylashtiriladi.

II. Litsenziya olish uchun taqdim etiladigan hujjatlar

4. Oʻzbekiston Respublikasi Adliya vazirligi tomonidan belgilangan tartibda roʻyxatdan oʻtkazilgan auditorlik tashkiloti auditorlik faoliyatini amalga oshirishga litsenziya olish uchun litsenziyalovchi organga quyidagi hujjatlarni ilova qilgan holda ariza (mazkur Nizomga 1-ilova) taqdim etadi:

taʼsis hujjatlarining nusxalari va Oʻzbekiston Respublikasi Adliya vazirligida davlat roʻyxatidan oʻtkazilganligi toʻgʻrisida guvohnoma;

shtatdagi auditorlarning, shu jumladan buxgalterlik xalqaro sertifikatiga ega boʻlgan auditorlarning, ularning ushbu Nizomda belgilangan eng kam soniga muvofiq boʻlgan shtatdagi auditor malaka sertifikatlari hamda buxgalter xalqaro sertifikatlarining tasdiqlangan nusxalari;

mehnat daftarchalarining notarial tasdiqlangan nusxalari va asosiy ish joyi boʻyicha shtatdagi auditorlarni ushbu Nizomda nazarda tutilgan shtatdagi auditorlarning eng kam soniga toʻgʻri keladigan miqdorda ishga qabul qilish toʻgʻrisidagi buyruqlarning tasdiqlangan nusxalari;

auditorlik faoliyatini amalga oshirish uchun litsenziyaning tegishli turi uchun qonun hujjatlarida nazarda tutilgan miqdordagi ustav kapitalining toʻliq shakllantirilganligini tasdiqlaydigan hujjat nusxasi;

arizani koʻrib chiqish uchun yigʻim toʻlanganligini tasdiqlovchi bankning toʻlov hujjati.

Koʻrsatib oʻtilgan hujjatlar bir nusxada taqdim etiladi. Auditorlik tashkilotidan mazkur Nizomda nazarda tutilmagan hujjatlarni taqdim etishni talab qilishga yoʻl qoʻyilmaydi.

III. Litsenziya olish uchun hujjatlarni koʻrib chiqish tartibi

5. Litsenziya olish uchun ariza barcha zarur hujjatlar bilan birga litsenziyalovchi organ tomonidan koʻrib chiqiladi.

Auditorlik tashkiloti hujjatlarini koʻrib chiqish va litsenziya berish yoki litsenziya berishni rad etish toʻgʻrisida qaror qabul qilish muddati litsenziya olish uchun ariza va zarur hujjatlar kelib tushgan kundan boshlab 15 kalendar kunni tashkil etadi.

6. Hujjatlar litsenziyalovchi organ tomonidan koʻrib chiqilganligi uchun (toʻlov kunidagi) eng kam ish haqining bir baravari miqdorida yigʻim toʻlanadi.

Arizani koʻrib chiqqanlik uchun yigʻim summasi litsenziyalovchi organning maxsus hisob raqamiga oʻtkaziladi.

Auditorlik tashkiloti hujjatlarni koʻrib chiqish davrida bergan arizasini qaytarib olgan holda yigʻim qaytarib berilmaydi.

IV. Litsenziya berish yoki litsenziya berishni rad etish toʻgʻrisida qaror qabul qilish tartibi

7. Auditorlik faoliyatini amalga oshirish uchun litsenziya amal qilish muddati cheklanmasdan beriladi. Litsenziya belgilangan namunadagi maxsus blankada rasmiylashtiriladi (mazkur Nizomga 2-ilova)

8. Litsenziyalovchi organ litsenziya berish yoki litsenziya berishni rad etish toʻgʻrisida qaror qabul qilinganligi haqida auditorlik tashkilotiga qaror qabul qilingandan soʻng uch kun mobaynida bildirish xati yuborishi kerak.

Litsenziya berish toʻgʻrisidagi bildirish xati litsenziya bitimi loyihasi ilova qilingan holda yozma shaklda auditorlik tashkilotiga yuboriladi (topshiriladi), unda davlat boji toʻlanadigan bank hisob raqami rekvizitlari va davlat bojini toʻlash muddati koʻrsatib oʻtiladi.

9. Auditorlik tashkiloti tomonidan davlat boji toʻlanganligini tasdiqlovchi hujjat taqdim etilgan taqdirda va litsenziya bitimi imzolangandan soʻng litsenziya beriladi.

Litsenziya berganlik uchun eng kam ish haqining toʻrt baravari miqdorida davlat boji undiriladi.

Davlat boji respublika budjetiga oʻtkaziladi.

10. Litsenziyaning asl nusxasi reyestrga imzo qoʻydirgan holda auditorlik tashkiloti rahbariga yoxud boshqa shaxsga belgilangan tartibda rasmiylashtirilgan ishonchnoma asosida beriladi. Litsenziya nusxasi litsenziyalovchi organda belgilangan tartibda saqlanadi.

11. Litsenziyalovchi organ auditorlik tashkiloti tomonidan zarur darajada rasmiylashtirilmagan hujjatlar taqdim etilganligi, hujjatlarda ishonchsiz yoki chalkash maʼlumotlar boʻlganligi, shuningdek, auditorlik tashkiloti litsenziya talablari va shartlariga muvofiq emasligi sababli auditorlik tashkilotiga litsenziya berilishini rad etishga haqlidir.

Boshqa sabablarga koʻra, shu jumladan, maqsadga muvofiq emasligi tufayli litsenziya berishni rad etishga yoʻl qoʻyilmaydi.

12. Litsenziya berishni rad etish toʻgʻrisidagi qaror asoslangan boʻlishi va auditorlik tashkilotiga yozma shaklda yuborilishi kerak, unda rad etish sabablari va auditorlik tashkiloti koʻrsatib oʻtilgan sabablarni bartaraf etib hujjatni takroran koʻrib chiqish uchun taqdim etishi mumkin boʻlgan muddat koʻrsatib oʻtiladi. Litsenziya berishni rad etish haqidagi xabarnomada koʻrsatilgan muddat kamchiliklarni bartaraf etish uchun zarur boʻlgan vaqtga mutanosib boʻlishi kerak.

13. Litsenziya berishni rad etishga asos boʻlgan sabablarni bartaraf etish uchun auditorlik tashkilotiga koʻpi bilan 15 kun muddat beriladi.

Hujjatlarni qayta koʻrib chiqish litsenziyalovchi organ tomonidan auditorlik tashkilotining barcha zarur hujjatlar bilan birga arizasi olingan kundan boshlab 10 kun mobaynida amalga oshiriladi. Auditorlik tashkilotining arizasi qayta koʻrib chiqilganligi uchun yigʻim undirilmaydi.

Auditorlik tashkiloti arizasini takroriy koʻrib chiqishda litsenziya berishning ushbu litsenziyani berishni rad etish toʻgʻrisidagi bildirishnomada ilgari koʻrsatilmagan yangi asoslar boʻyicha rad etilishiga yoʻl qoʻyilmaydi.

Auditorlik tashkilotining litsenziya berishni rad etish uchun asos boʻlgan sabablarni bartaraf etish maqsadida berilgan muddat tugagandan soʻng berilgan litsenziya berish toʻgʻrisidagi arizasi yangidan berilgan deb hisoblanadi.

V. Litsenziyani qayta rasmiylashtirish va dublikat berish tartibi

21. Auditorlik tashkiloti qayta tuzilgan, uning nomi yoki oʻrni (pochta manzili) oʻzgargan hollarda, auditorlik tashkiloti, yoxud uning huquqiy vorisi, qayta roʻyxatdan oʻtkazilgandan soʻng bir oy muddatda litsenziyalovchi organga qayta rasmiylashtiriladigan litsenziyani va tegishli oʻzgartirishlarni tasdiqlovchi hujjatlarni ilova qilgan holda litsenziyani qayta rasmiylashtirish toʻgʻrisida ariza berishlari shartdir.

Hujjat litsenziyalovchi organga auditorlik tashkiloti tomonidan bevosita, yoxud hujjatlar olinganligini bildirib qoʻyish sharti bilan pochta aloqasi vositasi orqali yetkazib beriladi.

22. Litsenziyani qayta rasmiylashtirish toʻgʻrisidagi qaror tegishli ariza olingan kundan boshlab besh kun muddatda litsenziyalovchi organ tomonidan qabul qilinadi.

23. Yoʻqotib qoʻyilgan yoki yaroqsiz holga kelib qolgan litsenziya oʻrniga, auditorlik tashkilotining arizasiga koʻra, qonun hujjatlarida belgilangan tartibda dublikat berilishi mumkin.

Bunday hollarda auditorlik tashkiloti yoʻqotib qoʻyilgan litsenziyaning haqiqiy emasligi toʻgʻrisida ommaviy axborot vositalarida eʼlon qilishga, shuningdek, eʼlonni litsenziyalovchi organga taqdim etishga majburdir.

24. Litsenziya qayta rasmiylashtirilganligi yoki dublikat berilganligi uchun eng kam oylik ish haqining 50 foizi miqdorida yigʻim undiriladi.

Yigʻim summasi litsenziyalovchi organning maxsus hisob raqamiga oʻtkaziladi.

25. Litsenziya qayta rasmiylashtirilgunga qadar auditorlik tashkilotiga auditorlik tekshiruvini oʻtkazish taqiqlanadi.

VI. Auditorlik tashkilotiga nisbatan qoʻyiladigan litsenziya talablari va shartlari

26. Quyidagilar auditorlik faoliyatini amalga oshirishda litsenziya talablari va shartlari hisoblanadi:

“Auditorlik faoliyati toʻgʻrisida”gi Oʻzbekiston Respublikasining Qonuniga, Auditorlik faoliyatining milliy standartlari, shuningdek boshqa qonun hujjatlari talablariga rioya qilish;

litsenziya olinayotganda mazkur Nizomda nazarda tutilgan miqdorda toʻliq shakllantirilgan ustav kapitaliga ega boʻlish;

faqat auditorlik faoliyatini amalga oshirish;

fuqarolik masʼuliyatini sugʻurta qilish polisiga ega boʻlish;

auditor tomonidan auditorlik faoliyatini faqat bitta auditorlik tashkilotida amalga oshirish;

shtatda auditorlar sonining mazkur Nizomda nazarda tutilgan miqdorda boʻlishi;

litsenziya turiga muvofiq shtatdagi auditorlarda xalqaro buxgalter sertifikatining boʻlishi;

auditorlik tekshiruvi oʻtkazish chogʻida olingan axborotning sir saqlanishini taʼminlash;

auditorlik tekshiruvlari oʻtkazish boʻyicha shartnoma majburiyatlarini oʻz vaqtida va sifatli bajarish;

auditorlik tashkiloti rahbari lavozimiga faqat auditorni tayinlash;

auditorlik tashkiloti rahbarining uch yilda bir marotaba litsenziyalovchi organda attestatsiyadan oʻtishi;

auditorlik faoliyatini amalga oshirish chogʻida mustaqillikni taʼminlash;

ishonchli auditorlik hisoboti tuzish va auditorlik xulosasi berish;

auditorlik tashkilotlarida auditorlar ish sifatining ichki standartlari mavjudligi;

oʻz pochta manzili oʻzgargani toʻgʻrisida 10 kun muddatda litsenziyalovchi organni xabardor qilish;

auditorlik faoliyati toʻgʻrisidagi maʼlumotlarni bir yilda bir marta belgilangan shaklda litsenziyalovchi organga taqdim etish, shuningdek auditorlik faoliyatini amalga oshirish bilan bogʻliq boshqa axborotlarni litsenziyalovchi organ talabi boʻyicha taqdim etish.

26¹. Quyidagilar:

faqat tashabbuskorlik asosida auditorlik tekshiruvlarini amalga oshiruvchi auditorlik tashkilotlari eng kam oylik ish haqining 1500 baravari miqdoridan kam boʻlmagan ustav kapitaliga va shtatida kamida 2 nafar auditorga ega boʻlishi;

ochiq aksiyadorlik jamiyatlari, banklar va sugʻurta tashkilotlaridan tashqari xoʻjalik yurituvchi subyektlarda tashabbuskorlik asosida va majburiy auditorlik tekshiruvlarini amalga oshiruvchi auditorlik tashkilotlari eng kam oylik ish haqining 3000 baravari miqdoridan kam boʻlmagan ustav kapitaliga va shtatida kamida 4 nafar auditorga, ularning kamida bittasi buxgalter xalqaro sertifikatiga ega boʻlishi;

barcha xoʻjalik yurituvchi subyektlarda auditorlik tekshiruvlarini oʻtkazuvchi auditorlik tashkilotlari eng kam oylik ish haqining 5000 ming baravari miqdoridan kam boʻlmagan ustav kapitaliga va shtatida kamida 6 nafar auditorga, ularning ikkitasi buxgalter xalqaro sertifikatiga ega boʻlishi kerak.

Mazkur bandning auditorlik tashkilotiga uning shtatidagi auditorlarning eng kam soniga nisbatan qoʻyilgan talabi mazkur auditorlik tashkiloti asosiy ish joyi hisoblangan auditorlik shtati auditorlarning belgilangan eng kam soni bilan toʻliq toʻldirilishini nazarda tutadi.

Litsenziya olingandan soʻng ushbu band talablariga toʻgʻri kelmagan taqdirda auditorlik tashkiloti nomuvofiqlik yuzaga kelgandan boshlab 5 kun davomida litsenziya beruvchi organni yozma ravishda xabardor qiladi hamda koʻrsatilgan sanadan boshlab kamida 3 oy muddatda yuzaga kelgan nomuvofiqlikni bartaraf etishi, yoki boshqa turdagi auditorlik tekshiruvini amalga oshirish huquqiga litsenziya olish yoxud belgilangan tartibda oʻz faoliyatini tugatish toʻgʻrisida qaror qabul qilishi shart. Auditorlik tashkiloti tomonidan ushbu bandning talablariga nomuvofiqlik bartaraf etilgunga qadar auditorlik tekshiruvini oʻtkazish qonun hujjatlariga muvofiq javobgarlikni keltirib chiqaradi.

26². Auditorlik tashkiloti ustav kapitalining kamida ellik foizi muassislar (ishtirokchilar)ning pul mablagʻlaridan, qolgan qismi esa auditorlik tashkiloti faoliyatini amalga oshirishda bevosita foydalaniladigan moddiy boyliklardan shakllantiriladi.

VII. Litsenziya talablari va shartlariga rioya qilinishi ustidan nazorat oʻrnatish

27. Litsenziyalovchi organ auditorlik tashkilotlari tomonidan litsenziya shartnomasida nazarda tutilgan litsenziya talablari va shartlariga rioya qilinishi ustidan nazoratni amalga oshiradi.

Litsenziyalovchi organ tomonidan auditorlik tashkilotlarining litsenziya talablari va shartlariga rioya qilishini tekshirish har uch yilda kamida bir marta amalga oshiriladi.

28. Auditorlik tashkiloti tomonidan litsenziya talablari va shartlari buzilgan taqdirda litsenziyalovchi organ litsenziyaning amal qilishini oʻn ish kunidan ortiq boʻlmagan muddatga toʻxtatib turishga yoxud oʻn ish kunidan ortiq muddatga toʻxtatib turish yoki toʻxtatish toʻgʻrisida sudga murojaat qilishga haqlidir.

VIII. Litsenziyaning amal qilishini toʻxtatib qoʻyish, toʻxtatish, tiklash va bekor qilish tartibi

29. Litsenziyaning amal qilishi auditorlik tashkiloti tomonidan litsenziya talablari va shartlarining buzilganligi aniqlangan, shuningdek litsenziyalovchi organning aniqlangan buzilishlarni bartaraf etish toʻgʻrisidagi qarori auditorlik tashkiloti tomonidan bajarilmagan taqdirda toʻxtatib turilishi mumkin.

Litsenziyalovchi organning litsenziyaning amal qilishini toʻxtatib turish toʻgʻrisidagi qarori u qabul qilingan kundan boshlab uch kundan kechikmay yozma shaklda auditorlik tashkilotiga yetkaziladi. Sudning litsenziyaning amal qilishini toʻxtatib turish toʻgʻrisidagi qarori auditorlik tashkilotiga va litsenziyalovchi organga qonun hujjatlarida belgilangan muddatlarda yetkaziladi.

Litsenziyalovchi organ yoki sud litsenziyaning amal qilishini toʻxtatib turishga sabab boʻlgan holatlarni bartaraf etish uchun auditorlik tashkilotiga muddat belgilaydi. Bunda litsenziyaning amal qilishini toʻxtatib turishga sabab boʻlgan holatlarni bartaraf etish uchun sud qarorida belgilangan muddat olti oydan ortiq boʻlishi mumkin emas.

30. Litsenziyaning amal qilishi toʻxtatib qoʻyilgan davrda auditorlik tashkiloti tomonidan faoliyatni amalga oshirish qonun hujjatlariga muvofiq javobgarlikka olib keladi.

31. Litsenziyaning amal qilishini toʻxtatib turishga sabab boʻlgan holatlarni auditorlik tashkiloti tomonidan bartaraf etishda litsenziyalovchi organ yoki litsenziyaning amal qilishini toʻxtatib turish toʻgʻrisida qaror qabul qilgan sud koʻrsatib oʻtilgan holatlarning bartaraf etilganligi toʻgʻrisidagi tasdiqnoma olingan kundan boshlab oʻn kun muddatda litsenziyaning amal qilishini tiklash toʻgʻrisida qaror qabul qilishi shart.

32. Basharti auditorlik tashkiloti koʻrsatib oʻtilgan holatlarni belgilangan muddatda bartaraf etmagan boʻlsa, litsenziyalovchi organ litsenziyaning amal qilishini toʻxtatish toʻgʻrisida sudga murojaat qiladi.

33. Litsenziyaning amal qilishi quyidagi hollarda ham toʻxtatiladi:

auditorlik tashkiloti litsenziyaning amal qilishini toʻxtatish toʻgʻrisida ariza bilan murojaat qilganda;

auditorlik tashkiloti tugatilganda;

auditorlik tashkilotining faoliyati qayta tashkil etish natijasida toʻxtatilganda, u qayta oʻzgartirilgan hollardan tashqari;

auditorlik tashkiloti tomonidan litsenziya talablari va shartlari muntazam ravishda yoki bir marta qoʻpol tarzda buzilganda;

litsenziyaning amal qilishini toʻxtatib turishga sabab boʻlgan holatlar auditorlik tashkiloti tomonidan litsenziyalovchi organ yoki sud belgilagan muddatda bartaraf etilmaganda;

litsenziyalovchi organning litsenziya berish toʻgʻrisidagi qarorining noqonuniyligi aniqlanganda.

Litsenziyaning amal qilishini ushbu bandning beshinchi—yettinchi xatboshida nazarda tutilgan hollarda toʻxtatish sud qaroriga koʻra, boshqa hollarda esa — litsenziyalovchi organning qaroriga koʻra amalga oshiriladi.

Litsenziyalovchi organning litsenziyaning amal qilishini toʻxtatish toʻgʻrisidagi qarori auditorlik tashkilotiga yozma shaklda, asosli sababi koʻrsatilgan holda, u qabul qilingan kundan boshlab uch kundan kechikmay yetkaziladi. Sudning litsenziyaning amal qilishini toʻxtatish toʻgʻrisidagi qarori auditorlik tashkilotiga va litsenziyalovchi organga qonun hujjatlarida belgilangan muddatlarda yetkaziladi.

Litsenziya uning amal qilishini toʻxtatish toʻgʻrisidagi qaror auditorlik tashkiloti tomonidan olingan kundan boshlab oʻn kun mobaynida litsenziyalovchi organga va yoʻq qilish uchun qaytariladi.

Litsenziyaning amal qilishini toʻxtatish toʻgʻrisida qaror qabul qilingan sanadan boshlab toʻxtatiladi.

34. Litsenziyaning amal qilishini toʻxtatish uchun asos boʻlib hisoblanadigan litsenziya talablari va shartlarini bir marta qoʻpol ravishda buzishga quyidagilar kiradi:

faoliyatning auditorlik faoliyati bilan bogʻliq boʻlmagan boshqa turlarini amalga oshirish;

auditorlik faoliyatini amalga oshirishda mustaqillikni taʼminlamaslik;

ishonchsiz yoxud shak-shubhasiz yolgʻon auditorlik xulosasi tuzish;

auditorlik tekshiruvi oʻtkazish chogʻida olingan maxfiy axborotni auditorlik tekshiruvi buyurtmachisining ruxsatisiz oshkor qilish, qonun hujjatlarida nazarda tutilgan hollar bundan mustasno.

auditorlik tekshiruvlarni oʻtkazishda qonun hujjatlarida nazarda tutilgan cheklanishlarga rioya qilmaslik;

auditorlik faoliyatini amalga oshirishda fuqarolik masʼuliyati sugʻurta polisining yoʻqligi;

litsenziya talablari va shartlariga rioya etilishini litsenziyalovchi organning tekshiruvlaridan boʻyin tovlash.

35. Auditorlik faoliyatini amalga oshirish uchun berilgan litsenziya quyidagi hollarda bekor qilinadi:

auditorlik tashkiloti litsenziyani bekor qilish toʻgʻrisida ariza bilan murojaat qilsa;

litsenziya qalbaki hujjatlardan foydalangan holda olinganligi aniqlansa;

agar auditorlik tashkiloti litsenziya berish uchun qaror qabul qilinganligi toʻgʻrisida bildirish xati yuborilgan (topshirilgan) paytdan boshlab uch oy davomida litsenziyalovchi organga davlat boji toʻlanganligini tasdiqlovchi hujjat taqdim etmagan boʻlsa, yoxud litsenziya bitimini tasdiqlamagan boʻlsa.

Litsenziyani ushbu bandning uchinchi xatboshida nazarda tutilgan holda bekor qilish sud tartibida, boshqa hollarda esa litsenziyalovchi organning qaroriga koʻra amalga oshiriladi.

36. Litsenziyalovchi organning litsenziyani bekor qilish toʻgʻrisidagi qarori auditorlik tashkilotiga yozma shaklda, qaror qabul qilingan kundan boshlab uch kundan kechikmay yetkaziladi. Sudning litsenziyani bekor qilish toʻgʻrisidagi qarori auditorlik tashkilotiga va litsenziyalovchi organga qonun hujjatlarida belgilangan muddatlarda yetkaziladi.

Litsenziyaning bekor qilish toʻgʻrisidagi qaror auditorlik tashkiloti tomonidan olingan kundan boshlab litsenziya oʻn kun davomida litsenziyalovchi organga qaytarilishi va yoʻq qilinishi kerak.

Bekor qilish toʻgʻrisidagi qaror litsenziya berilgan sanadan boshlab amal qiladi.

Litsenziya bekor qilingan taqdirda toʻlangan davlat boji qaytarilmaydi.

37. Litsenziyaning amal qilishini toʻxtatib turish, yangilash, toʻxtatish, litsenziyani bekor qilish toʻgʻrisidagi qarorlar ommaviy axborot vositalarida eʼlon qilinishi kerak.

IX. Auditorlik faoliyatini amalga oshirish uchun litsenziyaga ega boʻlgan auditorlik tashkilotlarining reyestrini yuritish

38. Litsenziyalovchi organ auditorlik faoliyatini amalga oshirish uchun litsenziyaga ega boʻlgan auditorlik tashkilotlarining reyestrini yuritadi, unda quyidagilar koʻrsatib oʻtilgan boʻlishi kerak:

auditorlik tashkilotining nomi va uning joylashgan oʻrni (pochta manzili);

telefon (faks) raqami;

hisob-kitob raqami;

soliq toʻlovchining identifikatsiya raqami;

muassislarning ustav sarmoyasidagi ulushlari toʻgʻrisidagi axborot;

tashkilot rahbarining familiyasi, ismi va otasining ismi hamda auditor malaka sertifikatining sanasi, uning tartib raqami, shuningdek, auditorlar tashkilotida ishlovchilarning malaka sertifikatlarining tartib raqamlari va sanalari;

litsenziya berilgan sana va uning tartib raqami;

litsenziyalarning amalda boʻlishini toʻxtatib turish, toʻxtatish, tiklash va bekor qilish asoslari va sanalari;

litsenziyalarni qayta rasmiylashtirish va dublikatlar berish asoslari va sanalari.

39. Litsenziyalarning reyestrlarida mavjud boʻlgan maʼlumotlar litsenziyalovchi organning veb-saytiga joylashtiriladi va tanishib chiqish uchun ochiq boʻladi.

X. Litsenziyalovchi organning qarorlari ustidan shikoyat qilish

43. Litsenziyalovchi organning qarori ustidan auditorlik tashkiloti tomonidan belgilangan tartibda sudga shikoyat qilinishi mumkin.

Auditorlik faoliyatini amalga oshirish uchun auditorlik tashkilotlariga litsenziya berish tartibi toʻgʻrisidagi nizomga
1-ILOVA

_______________________________(auditorlik tekshiruvining turi) ni oʻtkazish boʻyicha auditorlik faoliyatini amalga oshirishga litsenziya olish uchun ‎

ariza

1. Ariza beruvchining nomi _____________________________________________ ‎

2. Pochta manzili ______________________________________________________‎

Telefon _________, telefaks ___________, soliq toʻlovchining indentifikatsiya
‎raqami ____________ ‎

Bank rekvizitlari _____________________________________________________‎

3. Arizaga ilova qilinadigan hujjatlar roʻyxati ‎

3.1. ‎

3.2. ‎

va boshqalar.

M. Oʻ. ‎‎

Rahbarning imzosi‎

nizomga
2-ILOVA

NAMUNA‎‎ ‎ ‎ Oʻzbekiston Respublikasi Moliya vazirligi ‎ Auditorlik faoliyatini amalga oshirish uchun ‎‎LITSENZIYA ‎
Seriya _________‎	№ ________‎
Toshkent shahri‎	200__ yil “____” ____________ ‎
‎	‎
‎‎ Oʻzbekiston Respublikasi Moliya vazirining 200__ yil “___” ____________dagi______ -son buyrugʻiga muvofiq _____________________________________________________________ ‎‎_____________________________________________________________ ‎(auditorlik tashkilotining nomi)
_____________________________________________________________ ‎(auditorlik tashkilotining pochta manzili, soliq toʻlovchining identifikatsiya raqami)‎ ‎
Oʻzbekiston Respublikasi hududida ______________________________
(auditorlik tekshiruvining turi)
‎auditorlik faoliyatini amalga oshirishga ruxsat beriladi. ‎
Vakolatli shaxsning imzosi ‎M.Oʻ‎‎	‎

Majburiy auditorlik tekshiruvi oʻtkazmagan xoʻjalik yurituvchi subyektga nisbatan qonunchilikda nazarda tutilgan jazo choralarini qoʻllamaganligi uchun soliq organlarining mansabdor shaxslari qonunchilikda belgilangan tartibda javobgar boʻladilar.

Vazirlar Mahkamasining 2000-yil 22-sentabrdagi 365-son qaroriga
4-ILOVA

Hukumatning ayrim qarorlariga kiritilayotgan

oʻzgartirishlar va qoʻshimchalar

1. Vazirlar Mahkamasining “Oʻzbekiston Respublikasi Moliya vazirligi haqidagi Nizomni tasdiqlash toʻgʻrisida” 1992-yil 23-noyabrdagi 553-son qarori (Oʻzbekiston Respublikasi QT, 1992-yil, 12-son, 37-modda) bilan tasdiqlangan Oʻzbekiston Respublikasi Moliya vazirligi haqidagi Nizomda:

a) 8-band:

yettinchi xat boshidan keyin quyidagi mazmundagi xat boshi bilan toʻldirilsin:

“auditorlik tashkilotlari tomonidan litsenziya bitimlarida nazarda tutilgan litsenziya talablari va shartlariga rioya qilinishini nazorat qilish”;

oʻninchi va oʻn birinchi xat boshidagi “va tashqi iqtisodiy” soʻzlari “auditorlik va tashqi iqtisodiy” soʻzlari bilan almashtirilsin;

b) 9-band oʻn oltinchi xat boshidan keyin quyidagi mazmundagi xatboshilar bilan toʻldirilsin:

“auditorlik faoliyatini tartibga soluvchi meʼyoriy hujjatlarni, shuningdek auditorlik faoliyatining milliy standartlarini oʻz vakolatlari doirasida ishlab chiqadi va tasdiqlaydi;

auditorlik tashkilotlari tomonidan litsenziya bitimlarida nazarda tutilgan litsenziya talablari va shartlariga rioya qilinishini nazorat qiladi;

daʼvogarlarga auditor malaka sertifikatini olishlari uchun malaka talablarini belgilaydi;

auditorlarning respublika jamoat birlashmasi bilan kelishgan holda auditorlar malaka sertifikatini olishi uchun oʻqitish dasturlarini va malaka imtihonlari topshirish tartibini tasdiqlaydi;

auditorlarning respublika jamoat birlashmasi ishtirokida auditor malaka sertifikatini olish huquqini beruvchi malaka imtihonini oʻtkazadi;

auditorlik faoliyatini amalga oshirishga litsenziyalar beradi, ularning amal qilishini toʻxtatib turadi, toʻxtatib qoʻyadi va ularni bekor qiladi, shuningdek bu maʼlumotlarni qonun hujjatlarida belgilangan tartibda ommaviy axborot vositalarida eʼlon qiladi;

auditorning malaka sertifikatini beradi, ularning amal qilishini toʻxtatib qoʻyadi va ularni bekor qiladi;

malaka sertifikatiga ega boʻlgan auditorlarning reyestrini va auditorlik faoliyatini amalga oshirish uchun berilgan litsenziyaga ega boʻlgan auditorlik tashkilotlari hisobini yuritadi”;

v) 10-band oʻn oltinchi xat boshidan keyin quyidagi mazmundagi xat boshi bilan toʻldirilsin:

“auditorlik tashkilotlarida litsenziya bitimlarida nazarda tutilgan litsenziya talablari va shartlariga rioya qilinishini tekshirish”;

2. Quyidagilar:

Oʻzbekiston Respublikasi Vazirlar Mahkamasining “Moliyaviy nazoratni mustahkamlash va xoʻjalik faoliyatiga moliyaviy nazoratning auditorlik shakllarini joriy etish toʻgʻrisida” 1993-yil 3-maydagi 198-son qarori;

Oʻzbekiston Respublikasi Vazirlar Mahkamasining “Faoliyatning ayrim turlari bilan shugʻullanish uchun maxsus ruxsatnomalar (litsenziyalar) berish tartibini takomillashtirish toʻgʻrisida” 1994-yil 19-apreldagi 215-son qarori (Oʻzbekiston Respublikasi QT, 1994-y., 23-modda) bilan tasdiqlangan Korxonalar (tashkilotlar)ga faoliyatning ayrim turlari bilan shugʻullanish huquqini beradigan maxsus ruxsatnomalar (litsenziyalar) berish tartibi toʻgʻrisidagi nizom II boʻlimining auditorlik faoliyatini amalga oshirishga litsenziya berishga doir qismi oʻz kuchini yoʻqotgan deb hisoblansin.

Кўриниш

Кўриниш