Oʻzbekiston Respublikasi Prezidentining 2017-yil 30-sentabrdagi PQ-3305-son “Oʻzbekiston Respublikasi Maktabgacha taʼlim vazirligi faoliyatini tashkil etish toʻgʻrisida”gi qaroriga muvofiq Oʻzbekiston Respublikasi Maktabgacha taʼlim vazirligi, Iqtisodiyot vazirligi hamda Moliya vazirligi qaror qiladi:

1. Oʻzbekiston Respublikasi Xalq taʼlimi vazirligi, Iqtisodiyot vazirligi va Moliya vazirligining 2015-yil 31-dekabrdagi 29-mh, 109, 112-son “Maktabgacha taʼlim muassasalarini mebel, oʻquv koʻrgazmali qurollar, texnik-vositalar, oʻyinchoqlar, sport anjomlari va boshqa ashyolar bilan jihozlash meʼyorlarini tasdiqlash toʻgʻrisida”gi qarori (roʻyxat raqami 2753, 2016-yil 16-yanvar) (Oʻzbekiston Respublikasi qonun hujjatlari toʻplami, 2016-y., 3-son, 28-modda) oʻz kuchini yoʻqotgan deb topilsin.

2. Mazkur qaror Oʻzbekiston Respublikasi Ichki ishlar vazirligi, Mudofaa vazirligi, Sogʻliqni saqlash vazirligi, Davlat arxitektura va qurilish qoʻmitasi va Oʻzbekiston standartlashtirish, metrologiya va sertifikatlashtirish agentligi bilan kelishilgan.

3. Mazkur qaror rasmiy eʼlon qilingan kundan eʼtiboran kuchga kiradi.