Oʻzbekiston Respublikasi Prezidentining 2017-yil 29-dekabrdagi “Oʻzbekiston Respublikasining 2018-yilgi asosiy makroiqtisodiy koʻrsatkichlari prognozi va Davlat budjeti parametrlari toʻgʻrisida”gi PQ-3454-sonli qarorlarini muhokama qilib, Oʻzbekiston Respublikasi “Mahalliy davlat hokimiyati toʻgʻrisida”gi Qonunining 24, 25-moddalariga binoan Xalq deputatlari tuman Kengashi qaror qiladi:

1. Sardoba tumani mahalliy budjetining 2018-yilga asosiy istiqbolli koʻrsatkichlari tasdiqlansin.

2. Tuman hokimining iqtisodiyot va tadbirkorlik masalalari boʻyicha birinchi oʻrinbosari A. Ergashev, tuman Davlat soliq inspeksiyasi (A. Usmonov), tuman moliya boʻlimi (U. Yoʻldoshev) hududni kompleks rivojlantirish, jumladan sanoat va qishloq xoʻjaligi mahsulotlarini qayta ishlash tarmogʻini, kichik biznes va xususiy tadbirkorlikni qoʻllab-quvvatlash, xizmat koʻrsatish sohasini kengaytirish orqali mahalliy budjetning daromadlar bazasini oshirish va subvensiya ulushini kamaytirish yuzasidan aniq, manzilli chora-tadbirlar rejasini ishlab chiqish va ijrosini taʼminlash vazifasi yuklatilsin.

3. Tuman hokimligi asosiy eʼtiborni, birinchi darajali xarajatlar — ish haqi, ijtimoiy nafaqa va stipendiyalarni toʻliq moliyalashtirilishiga va oʻz vaqtida toʻlanishiga qaratib, ushbu masalalarga tuman Kengashi deputatlari, keng jamoatchilikni jalb etishni taʼminlasinlar.

4. 2018-yil budjetida ijtimoiy soha va aholini ijtimoiy qoʻllab-quvvatlash xarajatlari yetakchi oʻrinni egallab, ushbu sohalarga ajratilgan mablagʻlardan samarali foydalanish choralari koʻrilsin.

5. Tuman moliya boʻlimi (U. Yoʻldoshev), tuman boʻyicha gʻaznachilik boʻlinmasi (A. Toshmuratov) budjet mablagʻlarining maqsadli va samarali foydalanilishi ustidan nazoratni kuchaytirsin.

6. Ushbu qaror ijrosini taʼminlash tuman hokimining iqtisodiyot va tadbirkorlik masalalari boʻyicha birinchi oʻrinbosari A. Ergashev zimmasiga yuklatilsin.

8. Mazkur qarorning ijrosini nazorat qilish Xalq deputatlari tuman Kengashining mahalliy budjetni shakllantirish va ijro etish, iqtisodiy islohotlarni amalga oshirish va tadbirkorlikni rivojlantirish masalalari boʻyicha doimiy komissiyasi raisi A. Qoʻshmanov zimmasiga yuklatilsin.