Oʻzbekiston Respublikasi Prezidentining 2017-yil 29-dekabrdagi “Oʻzbekiston Respublikasining 2017-yilgi asosiy makroiqtisodiy koʻrsatkichlari prognozi va Davlat budjeti parametrlari toʻgʻrisida”gi PQ-3454-sonli qarorlarini muhokama qilib, Oʻzbekiston Respublikasi “Mahalliy davlat hokimiyati toʻgʻrisida”gi Qonunining 24-moddasiga asoslanib xalq deputatlari tuman Kengashi qaror qiladi:

1. Oqoltin tumani mahalliy budjetining 2018-yilga asosiy istiqbolli koʻrsatkichlari ilovaga muvofiq tasdiqlansin.

2. Tuman hokimining iqtisodiyot va tadbirkorlik masalalari boʻyicha birinchi oʻrinbosari O. Abdullayev, tuman Davlat soliq inspeksiyasi (B. Qodirqulov), tuman moliya boʻlimi (U. Boyqulov) hamda tuman hokimligi hududlarni kompleks rivojlantirish yigʻma boʻlimi sanoat va qishloq xoʻjaligi mahsulotlarini qayta ishlash tarmogʻini, kichik biznes va xususiy tadbirkorlikni qoʻllab-quvvatlash, xizmat koʻrsatish sohasini kengaytirish orqali mahalliy budjetning daromadlar bazasini oshirish yuzasidan aniq, manzilli chora-tadbirlar rejasini ishlab chiqish va ijrosini taʼminlash vazifasi yuklatilsin.

3. Tuman hokimligi asosiy eʼtiborni, birinchi darajali xarajatlar — ish haqi, ijtimoiy nafaqa va stipendiyalar toʻliq moliyalashtirilishiga va oʻz vaqtida toʻlanishiga qaratib, ushbu masalalarga tuman Kengashlari deputatlari, jamoatchilikni keng jalb etishni taʼminlasinlar.

4. 2018-yilda tuman budjetida ijtimoiy soha va aholini ijtimoiy qoʻllab-quvvatlash xarajatlari yetakchi oʻrinni egallab, ushbu sohalarga ajratilgan mablagʻlardan samarali foydalanish choralari koʻrilsin.

5. Tuman moliya boʻlimi (U. Boyqulov), tuman boʻyicha gʻaznachilik boʻlinmasi (Sh. Sarabekov) budjet mablagʻlaridan maqsadli va samarali foydalanish ustidan nazoratni kuchaytirsin.

6. Tuman hokimligi (A. Baratboyev)ga markazlashgan investitsiyalar uchun ajratilgan mablagʻlarni inobatga olib, manzilli dasturlar asosida ushbu mablagʻlardan samarali foydalanish yuzasidan maxsus ishchi guruh tuzish, narxlarni asossiz oʻsib ketishiga yoʻl qoʻymagan holda qishloq aholisini ichimlik suvi bilan taʼminlash boʻyicha belgilangan obyektlarni oʻz muddatlarida foydalanishga topshirilishiga zarur tadbirlarni amalga oshirish vazifasi yuklatilsin.

7. Ushbu qaror ijrosini tashkillashtirish tuman hokimining iqtisodiyot va tadbirkorlik masalalari boʻyicha birinchi oʻrinbosari O. Abdullayev zimmasiga yuklatilsin.

8. Qaror rasmiy nashrda eʼlon qilingan kundan boshlab kuchga kiradi.

9. Mazkur qaror ijrosini nazorat qilish Xalq deputatlari tuman Kengashining mahalliy budjetni shakllantirish va ijro etish, iqtisodiy islohotlarni amalga oshirish va tadbirkorlikni rivojlantirish masalalari boʻyicha doimiy komissiyasi raisi X. Farmonovga yuklatilsin.