T/r

Chora-tadbirlar

Bajarish muddati

Ijro uchun masʼullar

1.

Yoshlarni harbiy-vatanparvarlik ruhida tarbiyalash konsepsiyasida belgilangan vazifalarni samarali amalga oshirish hamda mazkur ishlarni muvofiqlashtirib borish maqsadida masʼul vazirlik, idora va boshqa tashkilotlarning qoʻshma qarorini ishlab chiqish va qabul qilish.

2018-yil mart

Mudofaa vazirligi, Ichki ishlar vazirligi, Favqulodda vaziyatlar vazirligi, Maktabgacha taʼlim vazirligi, Xalq taʼlimi vazirligi, Oliy va oʻrta maxsus taʼlim vazirligi, Oʻzbekiston yoshlar ittifoqi, Respublika Maʼnaviyat va maʼrifat markazi, “Mahalla” jamgʻarmasi

2.

Umumiy oʻrta taʼlim hamda kasb-hunar taʼlimi muassasalari uchun moʻljallangan chaqiruvga qadar boshlangʻich tayyorgarlik boʻyicha darslik va oʻquv-metodik qoʻllanmalarni ishlab chiqish, bunda buyuk sarkardalarning hayoti va sarkardalik mahorati, jasorati va qahramonliklari haqidagi maʼlumotlarni nazarda tutish.

2018 — 2020-yillar davomida

Xalq taʼlimi vazirligi, Oliy va oʻrta maxsus taʼlim vazirligi, Mudofaa vazirligi, Respublika Maʼnaviyat va maʼrifat markazi

3.

Mamlakatimizda Qurolli Kuchlar sohasida amalga oshirilayotgan islohotlarning mazmun-mohiyatini targʻib qilish va jamiyatda harbiylik kasbiga hurmat va eʼtiborni yanada kuchaytirish maqsadida “maʼnaviyat soatlari”ni vazirliklar, idoralar va boshqa tashkilotlarda tizimli tashkil etish.

2018-yil har oyda, maxsus ishlab chiqilgan reja asosida

Respublika Maʼnaviyat va maʼrifat markazi, Mudofaa vazirligi, Mudofaa vazirligi huzuridagi Jamoatchilik kengashi, tegishli vazirliklar va idoralar

4.

Yozgi oromgohlar tarbiyalanuvchilari uchun “Men harbiy boʻlaman” mashgʻulotlarini tashkil etish.

iyun-avgust

Kasaba uyushmalari fedaratsiyasi, Mudofaa vazirligi, Xalq taʼlimi vazirligi, Oʻzbekiston yoshlar ittifoqi

5.

Maktabgacha taʼlim muassasalari tarbiyalanuvchilarini mard va pahlavon yigit boʻlishga boʻlgan havaslarini oshirishga va ona-yurtga sodiq farzand boʻlish tuygʻularini shakllantirishga qaratilgan “Jaloliddin bahodirlari nomli sport oʻyinlarini tashkil etib borish.

har yili 1-iyun arafasida

Maktabgacha taʼlim vazirligi, Mudofaa vazirligi, Ichki ishlar vazirligi, Favqulodda vaziyatlar vazirligi

6.

Umumiy oʻrta taʼlim muassasalari hamda kasb-hunar kollejlari va akademik litseylar oʻquvchilari ishtirokida “Temurbeklar” va “Burgutlar” harbiy sport oʻyinlarini tashkil etish.

har yili

Oʻzbekiston yoshlar ittifoqi, Mudofaa vazirligi, Ichki ishlar vazirligi, Favqulodda vaziyatlar vazirligi, Xalq taʼlimi vazirligi, Oliy va oʻrta maxsus taʼlim vazirligi

7.

Oʻquvchi-yoshlarni har yili joylardagi harbiy qismlar, oliy harbiy taʼlim muassasalari va Temurbeklar maktablariga ekskursiyalarini muntazam tashkil etib borish rejasini ishlab chiqish.

har yili 1-dekabrgacha

Xalq taʼlimi vazirligi, Oʻrta maxsus, kasb-hunar taʼlimi markazi, Mudofaa vazirligi, Oʻzbekiston yoshlar ittifoqi

8.

Umumiy oʻrta taʼlim hamda kasb-hunar taʼlimi muassasalarida harbiy tayyorgarlik sinf xonalarini tashkil etish, muassasalar sport zallarida jismoniy tayyorgarlik boʻyicha amaliy mashgʻulotlar oʻtkazish uchun zarur sharoitlar hamda toʻsiqli yoʻlaklardan iborat sport maydonchalarini tashkil etish.

2018 — 2020-yillar davomida

Xalq taʼlimi vazirligi, Oliy va oʻrta maxsus taʼlim vazirligi, Oʻzbekiston yoshlar ittifoqi, Mudofaa vazirligi, Ichki ishlar vazirligi, Favqulodda vaziyatlar vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari

9.

Umumiy oʻrta taʼlim muassasalarining 10 va 11-sinf oʻquvchilari uchun chaqiruvga qadar boshlangʻich tayyorgarlik fanini hamda fan rahbari va oʻqituvchilar shtat birliklarini kiritish.

2018-yil 1-aprel

Xalq taʼlimi vazirligi, Mudofaa vazirligi, Moliya vazirligi, Ichki ishlar vazirligi, Favqulodda vaziyatlar vazirligi

10.

Boy hayotiy tajribaga ega boʻlgan harbiy xizmatchilar va Qurolli Kuchlar faxriylari, ilm-fan, madaniyat va sport sohalarida, turli musobaqa va tanlovlarda gʻoliblikni qoʻlga kiritgan harbiy xizmatchilar hamda urush qatnashchilari, boshqa jangovar harakatlar qatnashchilari ishtirokida mahallalarda aholi va yoshlar bilan rejali ravishda uchrashuvlar va davra suhbatlarini uyushtirib borish.

alohida reja asosida (har bir mahallada har chorakda kamida bir marotaba)

Fuqarolarning oʻzini oʻzi boshqarish organlari faoliyatini muvofiqlashtirish boʻyicha hududiy kengashlar, Mudofaa vazirligi, Ichki ishlar vazirligi, Favqulodda vaziyatlar vazirligi, Oliy va oʻrta maxsus taʼlim vazirligi, Oʻzbekiston yoshlar ittifoqi

11.

Respublikamizning barcha tumanlari va chegaraoldi hududlarida, istirohat bogʻlarida aholi, ayniqsa yoshlar uchun harbiy-vatanparvarlik yoʻnalishida qoʻshiqlar va harbiy orkestr musiqalarining, shuningdek, qishloq, tuman va viloyat koʻchalari boʻylab harbiy boʻlinmalarning harbiy orkestr jamoasi bilan saf qoʻshiqlarini muntazam ijro etib oʻtishlarini yoʻlga qoʻyish.

muntazam, alohida ishlab chiqilgan reja asosida

Mudofaa vazirligi, Ichki ishlar vazirligi, Milliy xavfsizlik xizmati Chegara qoʻshinlari ansambllari va harbiy orkestr ijodiy jamoalari, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari

12.

Qoraqalpogʻiston Respublikasi, viloyatlar va Toshkent shahrida har yili Mudofaa vazirligi huzuridagi Jamoatchilik kengashi va uning mintaqaviy boʻlinmalari aʼzolari, fan, madaniyat va sanʼat arboblari, sport vakillari ishtirokida chaqiruvga qadar yoshlar bilan “Harbiy xizmatga chaqiriluvchilar kuni” mavzuida maʼnaviy-maʼrifiy tadbirlar tashkil etish.

har yili 1-fevralga qadar

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Mudofaa vazirligi huzuridagi Jamoatchilik kengashi

13.

Hududlarda tarixiy va qoʻshin turiga oid qurol-yarogʻ va aslahalar, harbiy texnika koʻrgazmalari, tir va turli harbiylashtirilgan attraksionlar joylashgan harbiy-vatanparvarlik i�tirohat bogʻlarini tashkil qilish va faoliyatini takomillashtirib borish.

2018 — 2020-yillar davomida

Mudofaa vazirligi, Ichki ishlar vazirligi, Favqulodda vaziyatlar vazirligi, Oʻzbekiston yoshlar ittifoqi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari

14.

Harbiy qismlarda oʻtkaziladigan jangovar tayyorgarlik mashgʻulotlariga sohibqiron Amir Temur, Jaloliddin Manguberdi, Zahiriddin Muhammad Bobur kabi buyuk sarkardalarning harbiy salohiyati va jang qilish sanʼati haqida mavzular kiritish.

2019-yildan boshlab

Mudofaa vazirligi, Ichki ishlar vazirligi, Favqulodda vaziyatlar vazirligi, Milliy xavfsizlik xizmati, Milliy gvardiya

15.

Oʻsib kelayotgan yosh avlodda mardlik, jasurlik va vatanparvarlik tuygʻularini shakllantirishga qaratilgan badiiy, hujjatli, xronikali filmlar, multfilmlar, shuningdek turli elektron oʻyinlar ishlab chiqilishini ichki dastur va rejalarga kiritish.

har yili, ishlab chiqilgan reja asosida

“Oʻzbekkino” milliy agentligi, Axborot texnologiyalari va kommunikatsiyalarini rivojlantirish vazirligi, Milliy teleradiokompaniya, Mudofaa vazirligi, Ichki ishlar vazirligi

16.

Vatanimiz mustaqilligi yoʻlida qurbon boʻlgan harbiy xizmatchilarning xotirasini abadiylashtirish, ayni kunda oʻzining masʼuliyatli va sharafli burchini munosib ado etayotgan Vatan posbonlarini ommaviy axborot vositalarida keng yoritish boʻyicha chora-tadbirlar rejasini ishlab chiqish.

har yili 1-dekabrgacha

Mudofaa vazirligi, Milliy axborot agentligi, Yozuvchilar uyushmasi, Jurnalistlar ijodiy uyushmasi, Oʻzbekiston yoshlar ittifoqi

17.

Mudofaa vazirligi shtat birligi doirasida Qurolli Kuchlar media markazini tashkil etish hamda mavjud davlat va nodavlat telekanallari bilan hamkorlikda milliy armiyamizda olib borilayotgan islohotlar, harbiy kasb mutaxassisliklari, harbiy kadrlar tayyorlash masalalari hamda yoshlarning harbiy-vatanparvarlik tarbiyasiga yoʻnaltirilgan hujjatli va oʻquv filmlar, ijtimoiy videoroliklar, qoʻshiqlarga videokliplar tayyorlab borishni yoʻlga qoʻyish.

2018-yil 1-aprel

Mudofaa vazirligi, Milliy teleradiokompaniya, “Oʻzbekkino” milliy agentligi, Madaniyat vazirligi, Oʻzbekiston yoshlar ittifoqi

18.

Yoshlarni harbiy-vatanparvarlik ruhida tarbiyalash, harbiylik kasbi nufuzini oshirish, harbiy xizmatchilar erishayotgan yutuqlar va ularning ijtimoiy himoyasi borasida amalga oshirilayotgan ishlar haqida respublika va mahalliy ommaviy axborot vositalari orqali chiqishlar uyushtirish.

har oyda

Mudofaa vazirligi, Mudofaa vazirligi huzuridagi Jamoatchilik kengashi, Milliy axborot agentligi, Milliy teleradiokompaniya, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari