T/r

Chora-tadbirlar

Bajarish muddati

Ijro uchun mas’ullar

1.

Yoshlarni harbiy-vatanparvarlik ruhida tarbiyalash konsepsiyasida belgilangan vazifalarni samarali amalga oshirish hamda mazkur ishlarni muvofiqlashtirib borish maqsadida mas’ul vazirlik, idora va boshqa tashkilotlarning qo‘shma qarorini ishlab chiqish va qabul qilish.

2018-yil mart

Mudofaa vazirligi, Ichki ishlar vazirligi, Favqulodda vaziyatlar vazirligi, Maktabgacha ta’lim vazirligi, Xalq ta’limi vazirligi, Oliy va o‘rta maxsus ta’lim vazirligi, O‘zbekiston yoshlar ittifoqi, Respublika M�’naviyat va ma’rifat markazi, “Mahalla” jamg‘armasi

2.

Umumiy o‘rta ta’lim hamda kasb-hunar ta’limi muassasalari uchun mo‘ljallangan chaqiruvga qadar boshlang‘ich tayyorgarlik bo‘yicha darslik va o‘quv-metodik qo‘llanmalarni ishlab chiqish, bunda buyuk sarkardalarning hayoti va sarkardalik mahorati, jasorati va qahramonliklari haqidagi ma’lumotlarni nazarda tutish.

2018 — 2020-yillar davomida

Xalq ta’limi vazirligi, Oliy va o‘rta maxsus ta’lim vazirligi, Mudofaa vazirligi, Respublika Ma’naviyat va ma’rifat markazi

3.

Mamlakatimizda Qurolli Kuchlar sohasida amalga oshirilayotgan islohotlarning mazmun-mohiyatini targ‘ib qilish va jamiyatda harbiylik kasbiga hurmat va e’tiborni yanada kuchaytirish maqsadida “ma’naviyat soatlari”ni vazirliklar, idoralar va boshqa tashkilotlarda tizimli tashkil etish.

2018-yil har oyda, maxsus ishlab chiqilgan reja asosida

Respublika Ma’naviyat va ma’rifat markazi, Mudofaa vazirligi, Mudofaa vazirligi huzuridagi Jamoatchilik kengashi, tegishli vazirliklar va idoralar

4.

Yozgi oromgohlar tarbiyalanuvchilari uchun “Men harbiy bo‘laman” mashg‘ulotlarini tashkil etish.

iyun-avgust

Kasaba uyushmalari fedaratsiyasi, Mudofaa vazirligi, Xalq ta’limi vazirligi, O‘zbekiston yoshlar ittifoqi

5.

Maktabgacha ta’lim tashkilotlari tarbiyalanuvchilarini mard va pahlavon yigit bo‘lishga bo‘lgan havaslarini oshirishga va ona-yurtga sodiq farzand bo‘lish tuyg‘ularini shakllantirishga qaratilgan “Jaloliddin bahodirlari nomli sport o‘yinlarini tashkil etib borish.

har yili 1-iyun arafasida

Maktabgacha ta’lim vazirligi, Mudofaa vazirligi, Ichki ishlar vazirligi, Favqulodda vaziyatlar vazirligi

6.

Umumiy o‘rta ta’lim muassasalari hamda kasb-hunar kollejlari va akademik litseylar o‘quvchilari ishtirokida “Temurbeklar” va “Burgutlar” harbiy sport o‘yinlarini tashkil etish.

har yili

O‘zbekiston yoshlar ittifoqi, Mudofaa vazirligi, Ichki ishlar vazirligi, Favqulodda vaziyatlar vazirligi, Xalq ta’limi vazirligi, Oliy va o‘rta maxsus ta’lim vazirligi

7.

O‘quvchi-yoshlarni har yili joylardagi harbiy qismlar, oliy harbiy ta’lim muassasalari va Temurbeklar maktablariga ekskursiyalarini muntazam tashkil etib borish rejasini ishlab chiqish.

har yili 1-dekabrgacha

Xalq ta’limi vazirligi, O‘rta maxsus, kasb-hunar ta’limi markazi, Mudofaa vazirligi, O‘zbekiston yoshlar ittifoqi

8.

Umumiy o‘rta ta’lim hamda kasb-hunar ta’limi muassasalarida harbiy tayyorgarlik sinf xonalarini tashkil etish, muassasalar sport zallarida jismoniy tayyorgarlik bo‘yicha amaliy mashg‘ulotlar o‘tkazish uchun zarur sharoitlar hamda to‘siqli yo‘laklardan iborat sport maydonchalarini tashkil etish.

2018 — 2020-yillar davomida

Xalq ta’limi vazirligi, Oliy va o‘rta maxsus ta’lim vazirligi, O‘zbekiston yoshlar ittifoqi, Mudofaa vazirligi, Ichki ishlar vazirligi, Favqulodda vaziyatlar vazirligi, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari

9.

Umumiy o‘rta ta’lim muassasalarining 10 va 11-sinf o‘quvchilari uchun chaqiruvga qadar boshlang‘ich tayyorgarlik fanini hamda fan rahbari va o‘qituvchilar shtat birliklarini kiritish.

2018-yil 1-aprel

Xalq ta’limi vazirligi, Mudofaa vazirligi, Moliya vazirligi, Ichki ishlar vazirligi, Favqulodda vaziyatlar vazirligi

10.

Boy hayotiy tajribaga ega bo‘lgan harbiy xizmatchilar va Qurolli Kuchlar faxriylari, ilm-fan, madaniyat va sport sohalarida, turli musobaqa va tanlovlarda g‘oliblikni qo‘lga kiritgan harbiy xizmatchilar hamda urush qatnashchilari, boshqa jangovar harakatlar qatnashchilari ishtirokida mahallalarda aholi va yoshlar bilan rejali ravishda uchrashuvlar va davra suhbatlarini uyushtirib borish.

alohida reja asosida (har bir mahallada har chorakda kamida bir marotaba)

Fuqarolarning o‘zini o‘zi boshqarish organlari faoliyatini muvofiqlashtirish bo‘yicha hududiy kengashlar, Mudofaa vazirligi, Ichki ishlar vazirligi, Favqulodda vaziyatlar vazirligi, Oliy va o‘rta maxsus ta’lim vazirligi, O‘zbekiston yoshlar ittifoqi

11.

Respublikamizning �archa tumanlari va chegaraoldi hududlarida, istirohat bog‘larida aholi, ayniqsa yoshlar uchun harbiy-vatanparvarlik yo‘nalishida qo‘shiqlar va harbiy orkestr musiqalarining, shuningdek, qishloq, tuman va viloyat ko‘chalari bo‘ylab harbiy bo‘linmalarning harbiy orkestr jamoasi bilan saf qo‘shiqlarini muntazam ijro etib o‘tishlarini yo‘lga qo‘yish.

muntazam, alohida ishlab chiqilgan reja asosida

Mudofaa vazirligi, Ichki ishlar vazirligi, Milliy xavfsizlik xizmati Chegara qo‘shinlari ansambllari va harbiy orkestr ijodiy jamoalari, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari

12.

Qoraqalpog‘iston Respublikasi, viloyatlar va Toshkent shahrida har yili Mudofaa vazirligi huzuridagi Jamoatchilik kengashi va uning mintaqaviy bo‘linmalari a’zolari, fan, madaniyat va san’at arboblari, sport vakillari ishtirokida chaqiruvga qadar yoshlar bilan “Harbiy xizmatga chaqiriluvchilar kuni” mavzuida ma’naviy-ma’rifiy tadbirlar tashkil etish.

har yili 1-fevralga qadar

Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari, Mudofaa vazirlig� huzuridagi Jamoatchilik kengashi

13.

Hududlarda tarixiy va qo‘shin turiga oid qurol-yarog‘ va aslahalar, harbiy texnika ko‘rgazmalari, tir va turli harbiylashtirilgan attraksionlar joylashgan harbiy-vatanparvarlik istirohat bog‘larini tashkil qilish va faoliyatini takomillashtirib borish.

2018 — 2020-yillar davomida

Mudofaa vazirligi, Ichki ishlar vazirligi, Favqulodda vaziyatlar vazirligi, O‘zbekiston yoshlar ittifoqi, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari

14.

Harbiy qismlarda o‘tkaziladigan jangovar tayyorgarlik mashg‘ulotlariga sohibqiron Amir Temur, Jaloliddin Manguberdi, Zahiriddin Muhammad Bobur kabi buyuk sarkardalarning harbiy salohiyati va jang qilish san’ati haqida mavzular kiritish.

2019-yildan boshlab

Mudofaa vazirligi, Ichki ishlar vazirligi, Favqulodda vaziyatlar vazirligi, Milliy xavfsizlik xizmati, Milliy gvardiya

15.

O‘sib kelayotgan yosh avlodda mardlik, jasurlik va vatanparvarlik tuyg‘ularini shakllantirishga qaratilgan badiiy, hujjatli, xronikali filmlar, multfilmlar, shuningdek turli elektron o‘yinlar ishlab chiqilishini ichki dastur va rejalarga kiritish.

har yili, ishlab chiqilgan reja asosida

“O‘zbekkino” milliy agentligi, Axborot texnologiyalari va kommunikatsiyalarini rivojlantirish vazirligi, Milliy teleradiokompaniya, Mudofaa vazirligi, Ichki ishlar vazirligi

16.

Vatanimiz mustaqilligi yo‘lida qurbon bo‘lgan harbiy xizmatchilarning xotirasini abadiylashtirish, ayni kunda o‘zining mas’uliyatli va sharafli burchini munosib ado etayotgan Vatan posbonlarini ommaviy axborot vositalarida keng yoritish bo‘yicha chora-tadbirlar rejasini ishlab chiqish.

har yili 1-dekabrgacha

Mudofaa vazirligi, Milliy axborot agentligi, Yozuvchilar uyushmasi, Jurnalistlar ijodiy uyushmasi, O‘zbekiston yoshlar ittifoqi

17.

Mudofaa vazirligi shtat birligi doirasida Qurolli Kuchlar media markazini tashkil etish hamda mavjud davlat va nodavlat telekanallari bilan hamkorlikda milliy armiyamizda olib borilayotgan islohotlar, harbiy kasb mutaxassisliklari, harbiy kadrlar tayyorlash masalalari hamda yoshlarning harbiy-vatanparvarlik tarbiyasiga yo‘naltirilgan hujjatli va o‘quv filmlar, ijtimoiy videoroliklar, qo‘shiqlarga videokliplar tayyorlab borishni yo‘lga qo‘yish.

2018-yil 1-aprel

Mudofaa vazirligi, Milliy teleradiokompaniya, “O‘zbekkino” milliy agentligi, Madaniyat vazirligi, O‘zbekiston yoshlar ittifoqi

18.

Yoshlarni harbiy-vatanparvarlik ruhida tarbiyalash, harbiylik kasbi nufuzini oshirish, harbiy xizmatchilar erishayotgan yutuqlar va ularning ijtimoiy himoyasi borasida amalga oshirilayotgan ishlar haqida respublika va mahalliy ommaviy axborot vositalari orqali chiqishlar uyushtirish.

har oyda

Mudofaa vazirligi, Mudofaa vazirligi huzuridagi Jamoatchilik kengashi, Milliy axborot agentligi, Milliy teleradiokompaniya, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari