Qabul qilinayotgan normativ-huquqiy hujjatlarning ijro etilishi mexanizmini yanada takomillashtirish, islohotlar va demokratik oʻzgarishlarni samarali amalga oshirish maqsadida, shuningdek Oʻzbekiston Respublikasi Prezidentining 2017-yil 16-noyabrdagi PF-5241-son “Suv taʼminoti va suv chiqarish xizmati koʻrsatish sohasida toʻlov intizomini tubdan takomillashtirish chora-tadbirlari toʻgʻrisida” va 2018-yil 22-yanvardagi PF-5308-son “2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini “Faol tadbirkorlik, innovatsion gʻoyalar va texnologiyalarni qoʻllab-quvvatlash yili”da amalga oshirishga oid Davlat dasturi toʻgʻrisida”gi farmonlariga muvofiq:

2. Quyidagilar tugatilsin:

Oʻzbekiston Respublikasi Bosh prokuraturasining Ijtimoiy qonunchilik ijrosi ustidan nazorat boshqarmasi va Iqtisodiy qonunchilik ijrosi ustidan nazorat boshqarmasi;

Oʻzbekiston Respublikasi Adliya vazirligining Tadbirkorlik subyektlari va xorijiy investitsiyalarni huquqiy himoya qilish boshqarmasi hamda uning hududiy boʻlimlari;

Oʻzbekiston Respublikasi Davlat soliq qoʻmitasining nazorat qiluvchi organlari faoliyatini muvofiqlashtirish boshqarmasi va uning hududiy boʻlinmalari.

Belgilansinki:

mazkur bandga muvofiq boʻshayotgan 323 shtat birliklari Oʻzbekiston Respublikasi Bosh prokuraturasi boʻlinmalari, shu jumladan ushbu Farmonning 1-bandida nazarda tutilgan boʻlinmalari shtatini toʻldirishga yuboriladi;

2018-yilda Oʻzbekiston Respublikasi Bosh prokuraturasiga oʻtkazilayotgan davlat soliq xizmati organlari va adliya shtat birliklarini moliyalashtirish farqlari Davlat budjeti va Majburiy ijro byurosini rivojlantirish jamgʻarmasi mablagʻlari hisobidan teng ulushlarda, 2019-yil 1-yanvardan — Oʻzbekiston Respublikasi Davlat budjeti mablagʻlari hisobidan amalga oshiriladi.

3. Belgilansinki:

Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti, Majburiy ijro byurosi, shuningdek ularning joylardagi boʻlinmalarining darajali unvonga ega boʻlgan xodimlarinin lavozim maoshlarini belgilashda tasdiqlangan Yagona tarif setkasi boʻyicha mehnatga haq toʻlash razryadlari boʻyicha tarif koeffitsiyentini bir yarim baravari miqdorida qoʻllaniladi;

Oʻzbekiston Respublikasi Bosh prokuraturasi markaziy apparatining darajali unvonlarga ega boʻlgan xodimlarining lavozim maoshlariga alohida mehnat sharoitlariga qarab qoʻshiladigan har oylik ustamalar miqdori 50 foizni tashkil qiladi. Bunda mazkur ustama qonun hujjatlarida belgilangan ragʻbatlantirish tusidagi qoʻshimcha toʻlovlar va ustamalarni hisoblashda Oʻzbekiston Respublikasi Bosh prokuraturasi xodimlarining lavozim maoshlari tarkibiga kiritiladi.

Mazkur bandda nazarda tutilgan chora-tadbirlarni amalga oshirish bilan bogʻliq xarajatlar Majburiy ijro byurosini rivojlantirish jamgʻarmasi mablagʻlari hisobidan amalga oshiriladi.

4. Oʻzbekiston Respublikasi Uy-joy kommunal xizmat koʻrsatish vazirligi, Moliya vazirligi va Bosh prokuraturasining:

“Suvoqava” va “Suvsoz” davlat unitar korxonalari nazoratchilari 2 852 shtat birligini qisqartirish;

Oʻzbekiston Respublikasi Bosh prokuraturasi huzuridagi Majburiy ijro byurosiga (keyingi oʻrinlarda — Byuro) Majburiy ijro byurosini rivojlantirish jamgʻarmasi hisobidan moliyalanadigan qoʻshimcha 2 852, shu jumladan davlat ijrochilari — 939, davlat inspektorlari — 1 262, Byuroning boshqa xodimlari - 651 shtat birligini ajratish;

Byuroga Jamgʻarma mablagʻlari hisobidan fuqarolik-huquqiy tusdagi shartnomalar asosida Byuroga yuklatilgan vazifalarni bajarish uchun mutaxassislar va boshqa shaxslarni jalb etish huquqini taqdim etish toʻgʻrisidagi takliflariga rozilik berilsin.

Mazkur bandga muvofiq shtat birliklari qisqartiriladigan “Suvoqava” va “Suvsoz” davlat unitar korxonalari nazoratchilari mehnat shartnomalari belgilangan tartibda bekor qilinguniga qadar ular mehnatiga yuqorida aytib oʻtilgan tashkilotlar mablagʻlari hisobidan haq toʻlash saqlanib qolgan holda oʻz majburiyatlarini bajarishlari belgilansin.

5. Oʻzbekiston Respublikasi Bosh prokuraturasi ikki oy muddatda yangi tashkil etilayotgan boʻlinmalarni zimmalariga yuklangan vazifalar yuqori malakali darajada bajarilishini taʼminlashga qodir boʻlgan malakali kadrlar bilan toʻldirsin.

6. Belgilansinki:

2018-yil 1-martdan turar joy obyekti manzili boʻyicha propiska qilingan voyaga yetgan jismoniy shaxslar mazkur turar joy obyektiga ulangan elektr va gaz tarmoqlari, suv taʼminoti va suv chiqarish tizimlari orqali yetkazib berilgan energiya resurslari hamda koʻrsatilgan suv taʼminoti va suv chiqarish xizmati uchun haq toʻlash majburiyatlari boʻyicha solidar javobgar hisoblanadi;

Byuro isteʼmolchilarga yetkazib berilgan energiya resurslari uchun qarzlarni har oyda eng kam ish haqining ikki baravaridan oshmaydigan summada mazkur isteʼmolchilarning plastik kartalariga xizmat koʻrsatiladigan bank hisobraqamlaridan hisobdan chiqarish huquqiga ega.

7. Uy-joy kommunal xizmat koʻrsatish vazirligi, Byuro, “Oʻzbekenergo” AJ va “Oʻztransgaz” AJ Oʻzbekiston Respublikasi Adliya vazirligi bilan birgalikda bir oy muddatda energiya resurslarini yetkazib berish hamda suv taʼminoti va suv chiqarish xizmati koʻrsatishning yangilangan namunaviy shartnomalarini, ularda turar joy obyektida propiska qilingan voyaga yetgan jismoniy shaxslarning yetkazib berilgan energiya resurslari va koʻrsatilgan xizmatlar uchun haq toʻlash majburiyati boʻyicha solidar javobgarligi nazarda tutilgan holda, ishlab chiqsin va tasdiqlasin.

8. Oʻzbekiston Respublikasi Bosh prokuraturasi Axborot texnologiyalari va kommunikatsiyalarini rivojlantirish vazirligi, “Oʻzbekenergo” AJ, “Oʻztransgaz” AJ, Oʻzbekiston Respublikasi Uy-joy kommunal xizmatlar koʻrsatish vazirligi va boshqa manfaatdor idoralar bilan birgalikda barcha foydalana oladigan qarzdorlar, shu jumladan yetkazib berilgan energiya resurslari, suv taʼminoti va suv chiqarish xizmati, koʻrsatilgan qattiq maishiy chiqindilarni toʻplash va olib chiqib ketish xizmatlari uchun majburiy toʻlovlar, shuningdek ijro hujjatlari boʻyicha qarzdorlar haqidagi maʼlumotlar bazasini ishlab chiqsin va 2018-yilning 1-mayidan boshlab joriy qilsin.

Belgilansinki, maʼlumotlar bazasiga kiritiladigan qarzdor jismoniy va yuridik shaxslar yirik bitimlarni amalga oshirish, alohida turdagi moliya-kredit xizmatlari, xalqaro yoʻlovchi tashish xizmatlari, shuningdek davlat xizmatlaridan foydalana olmaydilar.

Adliya vazirligi Bosh prokuratura, Moliya vazirligi, Markaziy bank, “Oʻzbekiston havo yoʻllari” MAK, “Oʻzbekiston temir yoʻllari” AJ va boshqa manfaatdor idoralar bilan birgalikda ikki oy muddatda mazkur band qoidalarini amalga oshirishga yoʻnaltirilgan normativ-huquqiy hujjatlar loyihalarini Oʻzbekiston Respublikasi Vazirlar Mahkamasiga kiritsin.

9. Oʻzbekiston Respublikasi Uy-joy kommunal xizmatlar koʻrsatish vazirligi Axborot texnologiyalari va kommunikatsiyalarini rivojlantirish vazirligi bilan birgalikda Byuroning suv taʼminoti va suv chiqarish sohasidagi xizmatlarni hisobga olish boʻyicha amaldagi maʼlumotlar bazalari va axborot tizimlaridan doimiy foydalana olishini taʼminlasin.

10. Oʻzbekiston Respublikasi Bosh prokuraturasi:

Oʻzbekiston Respublikasi Moliya vazirligi bilan birgalikda ikki hafta muddatda mazkur Farmonga muvofiq Bosh prokuratura va Byuroning xarajatlar smetasi va shtat jadvaliga oʻzgartirishlar kiritsin;

Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi, “Suvoqava” va “Suvsoz” davlat unitar korxonalari va manfaatdor idoralar bilan birgalikda ikki oy muddatda yangi tashkil qilinayotgan boʻlinmalarning ehtiyojlarini oʻrganib chiqsin va joriy qilinayotgan shtat birliklarini mebel, kompyuter texnikasi, aloqa vositalari va boshqa moddiy-texnika resurslari bilan jihozlanishini taʼminlasin.

11. Toshkent shahar hokimligi, “Oʻztoʻqimachiliksanoat” assotsiatsiyasi, Arxitektura va qurilish davlat qoʻmitasi hamda Xususiylashtirilgan korxonalarga koʻmaklashish va raqobatni rivojlantirish davlat qoʻmitasining Toshkent sh., Yashnobod tumani, Shahrisabz koʻchasi, 85-uy manzilida joylashgan “Oʻzengsanloyiha“ MCHJ “B” korpusining birinchi va ikkinchi qavatlarini Oʻzbekiston Respublikasi Bosh prokuraturasi boʻlinmalarini joylashtirish uchun ijara huquqi asosida Oʻzbekiston Respublikasi Bosh prokuraturasiga berish taklifi qabul qilinsin.

12. Oʻzbekiston Respublikasi Prezidentining ayrim hujjatlariga ilovaga muvofiq oʻzgartirishlar va qoʻshimcha kiritilsin.

13. Adliya vazirligi Bosh prokuratura, Davlat soliq qoʻmitasi va boshqa manfaatdor idoralar bilan birgalikda 2018-yilning 15-martiga qadar boʻlgan muddatda qonun hujjatlariga mazkur Farmondan kelib chiqadigan oʻzgartirish va qoʻshimchalar kiritish toʻgʻrisida Oʻzbekiston Respublikasi Vazirlar Mahkamasiga taklif kiritsin.

14. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidenti Davlat maslahatchisi B.M. Mavlonov va Oʻzbekiston Respublikasi Bosh prokurori O.B. Murodov zimmasiga yuklansin.

1. Oʻzbekiston Respublikasi Prezidentining 2017-yil 18-apreldagi PF-5019-son “Ijtimoiy-iqtisodiy islohotlarni amalga oshirish, mamlakatni modernizatsiya qilish, inson huquq va erkinliklarining ishonchli himoyasini taʼminlashda prokuratura organlarining rolini kuchaytirish toʻgʻrisida”gi Farmonida:

a) 4-bandning beshinchi xatboshisidagi “4 324” raqami “4 617” raqami bilan almashtirilsin;

b) quyidagi mazmundagi 6¹-band bilan toʻldirilsin:

“6¹. Oʻzbekiston Respublikasi Bosh prokuraturasiga boʻsh yotgan milliy va xorijiy valyutadagi budjetdan tashqari mablagʻlarni, shuningdek prokuratura organlari depozit hisobraqamlaridagi mablagʻlarni Oʻzbekiston Respublikasi tijorat banklarida depozitlarga qoʻyish huquqi berilsin.

Mablagʻlarni joylashtirishdan olingan daromadlar moddiy-texnika bazasini mustahkamlash, ijtimoiy rivojlanish va ularning xodimlarini moddiy ragʻbatlantirish, shuningdek qonun hujjatlarida nazarda tutilgan boshqa maqsadlarga yoʻnaltirilgan holda, prokuratura organlarining rivojlanish jamgʻarmalari hisobraqamlariga kiritilishi belgilansin”;

v) 1-ilova (Oʻzbekiston Respublikasi Bosh prokuraturasining tashkiliy-shtat tuzilmasi) quyidagi tahrirda bayon etilsin:

2. Oʻzbekiston Respublikasi Prezidentining 2017-yil 29-maydagi PF-5059-son “Elektr energiyasi va tabiiy gaz yetkazib berish hamda isteʼmol qilish sohasida toʻlov intizomini yanada mustahkamlash, shuningdek, ijro ishi yuritish tizimini tubdan takomillashtirish chora-tadbirlari toʻgʻrisida”gi Farmoni 4-bandida:

quyidagi mazmundagi beshinchi xatboshi bilan toʻldirilsin:

“isteʼmolchilarga yetkazib berilgan energiya resurslari uchun qarzlarni har oyda eng kam ish haqining ikki baravaridan oshmaydigan summada mazkur isteʼmolchilarning plastik kartalariga xizmat koʻrsatiladigan bank hisobraqamlaridan hisobdan chiqarish”;

beshinchi — oʻn uchinchi xatboshilar tegishincha oltinchi — oʻn toʻrtinchi xatboshilar deb hisoblansin.

3. Oʻzbekiston Respublikasi Prezidentining 2013-yil 12-sentabrdagi PQ-2036-son qarori bilan tasdiqlangan Oʻzbekiston Respublikasi prokuratura organlari va muassasalarida xizmatni oʻtash toʻgʻrisidagi nizomning rus tilidagi matnida:

a) 1-ilovada:

“1. Opisaniye formennoy odejdi Deystvitelnogo gosudarstvennogo sovetnika yustitsii” bobida:

oltmish birinchi xatboshisi “vishitiy shelkovoy nityu zolotistogo sveta na materii v svet osnovnoy tkani” soʻzlari bilan toʻldirilsin;

Quyidagi mazmundagi oltmish toʻqqizinchi — yetmish beshinchi xatboshilar bilan toʻldirilsin:

“Futbolka “polo” povsednevnaya

Futbolka iz trikotajnogo polotna belogo sveta s vtachnimi korotkimi rukavami i otlojnim vorotnikom iz “rebani” i zastejkoy “polo” na 2 pugovitsi.

Niz rukavov s pritachnoy manjetoy iz “rebani”, niz futbolki s pritachnim poyasom iz “rebani”.

Vnutrenniy proreznoy karman na levoy polochke v oblasti grudi s vtachnim listkom i klapanom.

Na pravoy polochke v oblasti grudi na odnom urovne s verxney chastyu klapana karmana shelkovoy nityu serebristogo sveta vishit shevron ustanovlennogo obrazsa.

Dlya krepleniya pogon v oblasti plechevix shvov razmesheni dva xlyastika, krepyashiyesya na petlyu pugovitsu.

Pugovitsi plastmassovie v svet tkani futbolki”;

4. Oʻzbekiston Respublikasi Prezidentining 2017-yil 14-martdagi PQ-2833-son “Huquqbuzarliklar profilaktikasi va jinoyatchilikka qarshi kurashish tizimini yanada takomillashtirish chora-tadbirlari toʻgʻrisida”gi qarori 7-bandining birinchi xatboshisidagi “21” raqami “25” raqami bilan almashtirilsin.

5. Oʻzbekiston Respublikasi Prezidentining 2017-yil 18-apreldagi PQ-2896-son qarori bilan tasdiqlangan Ichki ishlar organlari tayanch punkti toʻgʻrisida nizomda:

a) 3-bandning uchinchi xatboshisidagi “va suddan” soʻzlari “, sud va sud hujjatlarini ijro etishdan” soʻzlari bilan almashtirilsin;

b) 12-bandning yettinchi xatboshisidagi “va sud organlaridan” soʻzlari “, sud organlari va sud hujjatlarini ijro etishdan” soʻzlari bilan almashtirilsin.

6. Oʻzbekiston Respublikasi Prezidentining 2017-yil 30-maydagi PQ-3016-son “Oʻzbekiston Respublikasi Bosh prokuraturasi huzuridagi Majburiy ijro byurosi faoliyatini tashkil etish toʻgʻrisida”gi qarorida:

a) 2-bandning birinchi xatboshisida:

“9 222” va “126” raqamlari tegishincha “12 074” va “135” raqamlari bilan almashtirilsin;

“7 921 nafari” soʻzlari “10 773 nafari” soʻzlari bilan almashtirilsin;

b) 1 — 3 ilovalar (Oʻzbekiston Respublikasi Bosh prokuraturasi huzuridagi Majburiy ijro byurosi markaziy apparatining tashkiliy-shtat tuzilmasi, Majburiy ijro byurosi Qoraqalpogʻiston Respublikasi, viloyatlar va Toshkent shahar boshqarmalari hamda tuman (shahar) boʻlimlarining namunaviy tuzilmalari) quyidagi tahrirda bayon etilsin:

v) 4-ilovada (Oʻzbekiston Respublikasi Bosh prokuraturasi huzuridagi Majburiy ijro byurosi toʻgʻrisidagi nizom):

9-bandda:

uchinchi xatboshidagi “tarmoqlariga” soʻzi “, vodoprovod va kanalizatsiya tarmoqlari, suv quvurlariga” soʻzlari bilan almashtirilsin;

toʻrtinchi xatboshi “(keyingi oʻrinlarda energiya resurslari deb ataladi)” soʻzlaridan keyin “hamda suv” soʻzlari bilan toʻldirilsin;

beshinchi xatboshi “resurslari” soʻzidan keyin “hamda suv” soʻzlari bilan toʻldirilsin;

oltinchi xatboshi “resurslarini” soʻzi “resurslari hamda suvni” soʻzlari bilan almashtirilsin;

yettinchi xatboshi quyidagi tahrirda bayon etilsin:

“isteʼmolchilarning energiya resurslari va suvga tejamkorlik bilan munosabatda boʻlishi va ulardan oqilona foydalanish masʼuliyati va huquqiy madaniyatini oshirish choralarini koʻrish;”;

sakkizinchi xatboshi “resurslari” soʻzidan keyin “hamda suv taʼminoti va suv chiqarish xizmati” soʻzlari bilan toʻldirilsin;

10-bandda:

“a” kichik bandda:

quyidagi mazmundagi yettinchi xatboshi bilan toʻldirilsin:

“qarzdor jismoniy shaxslar va olib qoʻyilishi lozim boʻlgan bolalarni qidiradi, bu maqsadlarda huquqni muhofaza qilish va boshqa davlat organlari bilan hamkorlik qiladi;”;

yettinchi — oʻn ikkinchi xatboshilar tegishincha sakkizinchi — oʻn uchinchi xatboshilar deb hisoblansin;

“b” kichik bandda:

birinchi, ikkinchi va beshinchi xatboshilardagi “tarmoqlariga” soʻzi “, vodoprovod va kanalizatsiya tarmoqlari, suv quvurlariga” soʻzlari bilan almashtirilsin;

uchinchi xatboshi quyidagi tahrirda bayon etilsin:

“elektr, gaz uzatish va gaz taqsimlash, vodoprovod va kanalizatsiya tarmoqlari, suv quvurlariga noqonuniy ulanish, talon-toroj qilish hamda energiya resurslari va suvni noqonuniy isteʼmol qilishning boshqa holatlarini aniqlash, bartaraf etish va oldini olish maqsadida tezkor-qidiruv faoliyatni amalga oshiradi;”;

toʻrtinchi xatboshi “resurslari” soʻzidan keyin “va suv” soʻzlari bilan toʻldirilsin;

“v” kichik bandda:

birinchi, toʻrtinchi va oltinchi xatboshilar “resurslari” soʻzidan keyin “hamda suv taʼminoti va suv chiqarish xizmati” soʻzlari bilan toʻldirilsin;

ikkinchi xatboshi “resurslari” soʻzidan keyin “va suv” soʻzlari bilan toʻldirilsin;

uchinchi xatboshi quyidagi tahrirda bayon etilsin:

“elektr va gaz taʼminoti korxonalari, vodoprovod-kanalizatsiya xoʻjaliklari va boshqa tashkilotlar bilan isteʼmolchilar, elektr, gaz, vodoprovod va kanalizatsiya tarmoqlariga ulanish nuqtalari toʻgʻrisida, shuningdek isteʼmol qilingan energiya resurslari va suv hajmlarini aniqlashda maʼlumotlar almashinuvini amalga oshiradi”;

beshinchi xatboshi “korxonalari” soʻzidan keyin “, vodoprovod-kanalizatsiya xoʻjaliklari” soʻzlari bilan toʻldirilsin;

“g” kichik bandning birinchi-toʻrtinchi xatboshilari “resurslari” soʻzidan keyin “va suv” soʻzlari bilan toʻldirilsin;

“d” kichik bandda:

birinchi, ikkinchi va beshinchi xatboshilardagi “resurslarini” soʻzlari “resurslari va suvni” soʻzlari bilan almashtirilsin;

uchinchi xatboshi quyidagi tahrirda bayon etilsin:

“belgilangan muddatlarda isteʼmolchilarning hisobga olish uskunalari koʻrsatkichlarini oladi, ularning shaxsiy varaqlariga maʼlumotlarni kiritadi, energiya resurslari (elektr energiyasini nazorat qilish va hisobga olishning avtomatlashtirilgan tizimiga ulangan isteʼmolchilar bundan mustasno) va suvni isteʼmol qilishning oylik hajmlarini aniqlaydi;”;

toʻrtinchi xatboshi “resurslari” soʻzidan keyin “va suv” soʻzlari bilan toʻldirilsin;

“e” kichik bandda:

birinchi xatboshi quyidagi tahrirda bayon etilsin:

“e) isteʼmolchilarining masʼuliyati va huquqiy madaniyatini oshirish, energiya resurslari va suvga tejamkorlik bilan munosabatda boʻlish va ulardan oqilona foydalanish choralarini koʻrish sohasida:”;

ikkinchi xatboshi “resurslari” soʻzidan keyin “hamda suv taʼminoti va suv chiqarish xizmati” soʻzlari bilan toʻldirilsin;

“j” kichik bandda:

birinchi — uchinchi xatboshilar “resurslari” soʻzidan keyin “hamda suv taʼminoti va suv chiqarish xizmati” soʻzlari bilan toʻldirilsin;

toʻrtinchi xatboshi “energiya resurslaridan foydalanish” soʻzlaridan keyin “, suv taʼminoti va suv chiqarish” soʻzlari bilan toʻldirilsin;

11-bandning “b” kichik bandida:

birinchi — toʻrtinchi, oʻninchi — oʻn birinchi xatboshilar “resurslari” soʻzidan keyin “hamda suv taʼminoti va suv chiqarish xizmatlari” soʻzlari bilan toʻldirilsin;

beshinchi xatboshi quyidagi tahrirda bayon etilsin:

“energiya resurslari uchun hisob-kitoblar oʻz vaqtida amalga oshirilmagan, Byuro talabnomalari ijro etilmagan hollarda, shuningdek talon-toroj qilish, elektr, gaz uzatish va gaz taqsimlash, vodoprovod va kanalizatsiya tarmoqlari va suv quvurlariga noqonuniy ulanish holatlari aniqlanganda, isteʼmolchilarni elektr, gaz, vodoprovod va kanalizatsiya tarmoqlari hamda suv quvurlaridan uzish”;

yettinchi va sakkizinchi xatboshilar quyidagi tahrirda bayon etilsin:

“energiya resurslari va suvdan foydalanish qoidalarini buzish holatlari bartaraf etilgan hamda toʻlovlar toʻliq amalga oshirilganda, ilgari elektr, gaz, vodoprovod va kanalizatsiya tarmoqlari hamda suv quvurlaridan uzib qoʻyilgan isteʼmolchilarni qayta ulash (alohida isteʼmolchilarni ulash haqida talabnomalar yuborish);

elektr, gaz, vodoprovod va kanalizatsiya tarmoqlari hamda suv quvurlariga qayta ulab berilganligi uchun qonun hujjatlarida belgilangan tartibda toʻlov undirish”;

sakkizinchi xatboshi “gaz” soʻzidan keyin “hamda suv” soʻzlari bilan toʻldirilsin;

toʻqqizinchi xatboshi quyidagi tahrirda bayon etilsin:

“vazirliklar, idoralar, boshqa tashkilotlar, shu jumladan, fuqarolarning oʻzini oʻzi boshqarish organlariga energiya resurslari va suvni yetkazib berish hamda isteʼmol qilish sohasidagi huquqbuzarliklar sodir etilishiga imkon berayotgan sabab va shart-sharoitlarni bartaraf etish, shuningdek, energiya resurslari hamda suv taʼminoti va suv chiqarish xizmati uchun hisob-kitoblarni muntazam ravishda amalga oshirmayotgan isteʼmolchilarga nisbatan jamoat taʼsir choralarini koʻrish haqida taqdimnomalar kiritish”;

quyidagi tahrirdagi oʻn uchinchi xatboshi bilan toʻldirilsin:

“yetkazib berilgan energiya resurslari uchun qarzdorlikni har oyda isteʼmolchilarning plastik kartalariga xizmat koʻrsatiladigan bankdagi hisobraqamlaridan eng kam oylik ish haqining ikki baravaridan koʻp boʻlmagan miqdorda soʻzsiz hisobdan chiqarish”;

oʻn uchinchi — oʻn oltinchi xatboshilar tegishincha oʻn toʻrtinchi — oʻn yettinchi xatboshilar deb hisoblansin;

oʻn toʻrtinchi xatboshi “, shuningdek sudlarga huquqbuzarlik oqibatida yetkazilgan mulkiy zararni undirish toʻgʻrisidagi daʼvo arizalarini kiritish” soʻzlari bilan toʻldirilsin;

12-bandda:

uchinchi xatboshi “resurslari” soʻzidan keyin “hamda suv taʼminoti va suv chiqarish xizmati” soʻzlari bilan toʻldirilsin;

toʻrtinchi xatboshidagi “resurslaridan” soʻzi “resurslari va suvdan” soʻzlari bilan almashtirilsin;

beshinchi xatboshi “resurslari” soʻzidan keyin “va suv” soʻzlari bilan toʻldirilsin;

15-bandning “d” kichik bandi “, shuningdek Jamgʻarma mablagʻlari hisobidan fuqarolik-huquqiy tusdagi shartnomalar asosida qoʻshimcha jalb etiladigan mutaxassislar va boshqa shaxslar sonini belgilaydi” soʻzlari bilan toʻldirilsin;

18-band quyidagi tahrirda bayon etilsin:

“Byuroning tuman (shahar) boʻlimlari boshliqlari va ularning oʻrinbosarlari tegishincha katta davlat ijrochilari va katta davlat ijrochilarining oʻrinbosarlari hisoblanadi”;

19-bandning ikkinchi xatboshisi “tarmoqlari” soʻzidan keyin “(katta inspektorlar va katta kriminalistlar bundan mustasno)” soʻzlari bilan toʻldirilsin;

21-bandning birinchi va ikkinchi xatboshilari quyidagi tahrirda bayon etilsin:

21-bandda:

birinchi xatboshidagi “Byuroning elektr va gaz taʼminoti sohasida huquqbuzarliklarga qarshi kurashish boʻyicha tuzilmalari” soʻzlari “Byuroning tezkor shuʼbalari va qidiruv boʻlinmalari guruhlari (shuʼbalari)” soʻzlari bilan almashtirilsin;

ikkinchi xatboshi quyidagi tahrirda bayon etilsin:

“Byuroning boshqa xodimlari faoliyatni mehnat shartnomalariga asosan, prokuratura organlariga qabul qilishda qoʻyiladigan talablar hisobga olingan holda, amalga oshiradi. Byuroning tuman (shahar) boʻlimlari energiya resurslari va suvdan foydalanish tartibini nazorat qilish guruhlari (shuʼbalari)ning davlat inspektorlari, qoida tariqasida, olti oy muddatga tuziladigan mehnat shartnomalariga asosan ishga qabul qilinadi. Bunda biriktirilgan hududda energiya resurslari hamda suv taʼminoti va suv chiqarish xizmatlari uchun qarzdorlikning 80 foizidan kam boʻlmagan miqdorda undirilishini taʼminlash ushbu xodimlar bilan mehnat munosabatlarini davom ettirishning asosiy sharti hisoblanadi”;

g) 5-ilovada (Oʻzbekiston Respublikasi Bosh prokuraturasi huzuridagi Majburiy ijro byurosida xizmatni oʻtash toʻgʻrisida nizom):

14-bandning toʻrtinchi xatboshisidan “Bosh prokuror bilan kelishilgan holda” soʻzlari chiqarib tashlansin;

17-bandda:

quyidagi mazmundagi uchinchi xatboshi bilan toʻldirilsin:

“Bosh prokuror tomonidan lavozimga tayinlanadigann Byuro xodimlariga xizmat guvohnomasi Bosh prokuratura tomonidan beriladi”;

uchinchi xatboshi tegishincha toʻrtinchi xatboshi deb hisoblansin;

18-bandning birinchi xatboshisi “maqsadida” soʻzidan keyin “tegishincha Bosh prokuror va” soʻzlari bilan toʻldirilsin;

19-bandda:

uchinchi xatboshi quyidagi tahrirda bayon etilsin:

“Darajali unvonlarga ega boʻlgan xodimlarning xizmat kiyimlari tavsifi va alohida belgilari Oʻzbekiston Respublikasi Vazirlar Mahkamasi tomonidan tasdiqlanadi”;

beshinchi xatboshi “xodimlar” soʻzidan keyin “, shuningdek prokuratura organlarining amaldagi kadrlar rezerviga olingan va hisobida turgan xodimlar” soʻzlari bilan toʻldirilsin;

22-bandda:

toʻrtinchi xatboshi “boʻlim boshliqlari,” soʻzlaridan keyin “Byuroning Axborot-kommunikatsiya texnologiyalarini joriy etish markazi (keyingi oʻrinlarda — Markaz) direktori,” soʻzlari bilan toʻldirilsin;

beshinchi xatboshi “boshliqlari oʻrinbosarlari,” soʻzlaridan keyin “Markazning direktor oʻrinbosari, boʻlim boshliqlari,” soʻzlari bilan toʻldirilsin;

oltinchi xatboshi quyidagi tahrirda bayon etilsin:

“adliya kichik maslahatchisi — Byuro markaziy apparatining katta surishtiruvchilari, katta inspektorlari, katta kriminalisti va kriminalisti, Markaz dasturchilari, maʼmurlari, muhandislari, shuʼba mudirlari, veb-dizayner, axborot xavfsizligi boʻyicha mutaxassis, axborot texnologiyalari mutaxassisi, hududiy boshqarmalarning katta surishtiruvchilari, surishtiruvchilari, katta inspektorlari, inspektorlari, bosh revizorlari, katta revizorlari, xududiy boshqarmalarning axborot texnologiyalari mutaxassislari, tuman (shahar) boʻlim boshliqlari oʻrinbosarlari”;

yettinchi xatboshi quyidagi tahrirda bayon etilsin:

“1 va 2-darajali yurist — tuman (shahar) davlat ijrochilari, surishtiruvchilari, shuningdek, tezkor shuʼbalar katta inspektorlari, inspektorlari, kriminalistlari, qidiruv boʻyicha katta inspektorlar va inspektorlar;”;

quyidagi mazmundagi toʻqqizinchi va oʻninchi xatboshilar bilan toʻldirilsin:

“Mazkur Nizomning 67-bandida sanab oʻtilgan xodimlarga darajali unvonlar, ular egallab turgan lavozimidan qatʼi nazar, belgilangan muddatlarda beriladi.

Oʻzbekiston Respublikasi Prezidenti devonining prokuratura organlarining amaldagi kadrlar rezerviga olingan va hisobida turgan xodimlariga darajali unvonlar Oʻzbekiston Respublikasi Bosh prokurori tomonidan, Oʻzbekiston Respublikasi Prezidenti devonining tegishli tarkibiy boʻlinmasi rahbarining tavsiyasiga asosan beriladi”;

24-bandda:

ikkinchi xatboshi quyidagi tahrirda bayon etilsin:

“Boshqa darajali unvonlar Bosh prokuror tomonidan Byuro direktorining taqdimnomasiga asosan beriladi”;

uchinchi xatboshi chiqarib tashlansin;

toʻrtinchi xatboshi tegishincha uchinchi xatboshi deb hisoblansin;

27-bandning birinchi xatboshisi quyidagi tahrirda bayon etilsin:

“Bosh prokuror, istisno tariqasida, quyidagi huquqlarga ega:”;

29-bandning birinchi xatboshisidan “, shuningdek vakolat doirasida Byuro direktori” soʻzlari chiqarib tashlansin;

32-bandda:

oʻninchi xatboshidagi “Majburiy ijro byurosining Faxriy xodimi” soʻzlari “Oʻzbekiston Respublikasi prokuraturasining Faxriy xodimi” soʻzlari bilan almashtirilsin;

oʻn ikkinchi xatboshidagi “Byuro direktori” soʻzlari “Bosh prokuror” soʻzlari bilan almashtirilsin;

34-bandda:

uchinchi xatboshi quyidagi tahrirda bayon etilsin:

“faxriy yorliq va qimmatbaho sovgʻa bilan taqdirlash Byuro direktori tomonidan amalga oshiriladi”;

toʻrtinchi xatboshi “berish,” soʻzidan keyin “Oʻzbekiston Respublikasi prokuraturasining Faxriy xodimi,” soʻzlari bilan toʻldirilsin;

quyidagi mazmundagi 35¹-band bilan toʻldirilsin:

“35¹. Byuro direktori, istisno tariqasida, boshqa davlat organlari va tashkilotlari xodimlarini ragʻbatlantirish huquqiga ega”;

38-banddan uchinchi xatboshi chiqarib tashlansin;

quyidagi mazmundagi 44¹-band bilan toʻldirilsin:

“44¹. Byuro direktori hududiy boshqarmalar boshliqlari tomonidan ragʻbatlantirish va intizomiy jazo choralari qoʻllanilishi asosliligi va qonuniyligi ustidan nazoratni amalga oshiradi hamda asoslanmagan va noqonuniy buyruqlarni bekor qilish choralarini koʻradi”;

50-band quyidagi mazmundagi ikkinchi xatboshi bilan toʻldirilsin:

“Byuro va uning hududiy boʻlinmalarining rahbar lavozimlariga kadrlar rezervi tegishincha Byuro va uning hududiy boshqarmalari kollegiyalarida tasdiqlanadi”;

71-band quyidagi tahrirda bayon etilsin:

“71. Byuroning ishdan noqonuniy boʻshatilgan, boshqa lavozimga oʻtkazilgan, darajali unvondan mahrum etilgan xodimlari muqaddam egallagan lavozimiga va darajali unvonida qayta tiklanadi yoki boshqa teng lavozimga tayinlanadi”;

quyidagi mazmundagi 72-band bilan toʻldirilsin:

“72. Byuro xodimlarining mehnat nizolari Bosh prokuror va Byuro direktori tomonidan koʻrib chiqiladi”.

7. Oʻzbekiston Respublikasi Prezidentining 2017-yil 15-iyundagi PQ-3060-son qarori bilan tasdiqlangan Majburiy ijro byurosini rivojlantirish jamgʻarmasi toʻgʻrisidagi nizomning 4-bandi ikkinchi xatboshisi “sotishdan” soʻzidan keyin “, shuningdek suv taʼminoti va suv chiqarish xizmatlarini koʻrsatishdan” soʻzlari bilan toʻldirilsin.

8. Oʻzbekiston Respublikasi Prezidentining 2017-yil 11-iyuldagi PQ-3126-son qarori bilan tasdiqlangan Oʻzbekiston Respublikasi Ichki ishlar vazirligining Migratsiya va fuqarolikni rasmiylashtirish bosh boshqarmasi toʻgʻrisidagi nizom 6-bandining “b” kichik bandi oʻn sakkizinchi xatboshisi quyidagi tahrirda bayon etilsin:

“qarzdor jismoniy shaxslar va olib qoʻyilishi lozim boʻlgan bolalarni qidirishda majburiy ijro organlari bilan hamkorlik qilish”.

9. Oʻzbekiston Respublikasi Prezidentining 2017-yil 27-iyuldagi PQ-3149-son “Sud hujjatlari va boshqa organlar hujjatlarini ijro etishda mol-mulkni realizatsiya qilish tartib-taomillarini tubdan takomillashtirish chora-tadbirlari toʻgʻrisida”gi qarorida:

a) 1-bandning toʻrtinchi xatboshisidagi “10” raqami “15” raqami bilan almashtirilsin;

b) 3-bandning ikkinchi xatboshisi “realizatsiya qilish” soʻzlaridan keyin “, shuningdek jismoniy va yuridik shaxslarning buyurtmalari” soʻzlari bilan toʻldirilsin;

v) 1-ilovada (Sud hujjatlari va boshqa organlar hujjatlarini ijro etishda mol-mulkni realizatsiya qilish boʻyicha elektron onlayn-auksionlarni tashkil etish va oʻtkazish tartibi toʻgʻrisida nizom):

10-bandning birinchi xatboshisida “10” raqami “15” raqami bilan almashtirilsin;

14-bandning birinchi xatboshisidagi “oldingi kun soat 9-00 da” soʻzlari “ikki ish kuni oldin (soat 13-00 da)” soʻzlari bilan almashtirilsin;

15-bandda:

ikkinchi xatboshi quyidagi mazmundagi ikkinchi va uchinchi xatboshilar bilan almashtirilsin:

“Buyurtma elektron raqamli imzo bilan imzolanadi. Buyurtmada zakalat puli toʻlanganligini tasdiqlovchi toʻlov hujjatining rekvizitlari koʻrsatiladi.

Buyurtmachi buyurtmaga zakalat puli toʻlanganligini tasdiqlovchi toʻlov hujjatining elektron (skaner qilingan) nusxasini ilova qilishi mumkin”;

uchinchi va toʻrtinchi xatboshilar tegishincha toʻrtinchi va beshinchi xatboshilar deb hisoblansin;

17-bandda:

ikkinchi xatboshidagi “keyingi ish kunidan” soʻzlari “buyurtma chaqirib olingan kundan boshlab uch ish kunidan” soʻzlari bilan almashtirilsin;

quyidagi mazmundagi xatboshi bilan toʻldirilsin:

“Buyurtmachiga qaytarilgan zakalat puli buyurtmachi tomonidan bank hisobraqami rekvizitlari notoʻgʻri koʻrsatilganligi sababli yoki boshqa sabablarga koʻra operatorning bank hisobraqamiga qayta kelib tushgan taqdirda, operator bank rekvizitlari toʻgʻrisidagi aniq maʼlumotlar soʻrovnomasini yuborib, ishtirokchini bu haqda xabardor qiladi. Mazkur holatda zakalat puli buyurtmachi oʻzining bankdagi hisobraqami rekvizitlarini aniq koʻrsatib murojaat qilgan kundan boshlab keyingi ish kunidan kechiktirmay buyurtmachiga qaytariladi”;

18-band quyidagi tahrirda bayon etilsin:

“18. Ishtirok etish uchun buyurtma qabul qilingandan keyin u quyidagi talablarga rioya etilganligi yuzasidan tekshiriladi:

buyurtma belgilangan talablarga muvofiq toʻldirilganligi, shuningdek elektron raqami imzoning buyurtma bergan shaxsga tegishliligi va asli ekanligi (shu jumladan amal qilishi toʻxtatilishi, bekor qilinishi);

zakalat pulining operatorga kelib tushishi, shuningdek zakalat kiritilganligini tasdiqlaydigan toʻlov hujjati rekvizitlari, unda yozilgan toʻlov maqsadida koʻrsatilgan lot raqamining buyurtmada koʻrsatilgan toʻlov hujjati rekvizitlari va lot raqamiga muvofiqligi.

mazkur Nizomning 3-bandi uchinchi-beshinchi xatboshilarida koʻrsatilgan shaxslarga mansub boʻlmagan shaxslar tomonidan buyurtmalar berilishi;

xabarnomada koʻrsatilgan buyurtma berish muddati tugaguniga qadar buyurtma berish.

Buyurtma dastur yordamida avtomatik tarzda tekshiriladi, tekshiruv natijasi va qabul qilingan qaror haqida buyurtmachiga zudlik bilan xabar qilinadi, ushbu bandning yettinchi xatboshisida nazarda tutilgan holatlar bundan mustasno.

Agar, dastur yordamidagi tekshiruvlar natijalariga koʻra buyurtmaning barcha talablarga muvofiqligi, biroq operatorning bankdagi hisobraqamiga zakalat puli kelib tushmaganligi aniqlansa, operator bu haqda buyurtmachini zudlik bilan xabardor qiladi va buyurtma boʻyicha ikki ish kunidan kechiktirmay yakuniy qaror qabul qilinishi kerakligini maʼlum qiladi”;

19-bandning birinchi xatboshisi quyidagi tahrirda bayon etilsin:

“19. Buyurtma mazkur Nizomning 18-bandi ikkinchi-beshinchi xatboshilarida nazarda tutilgan talablarga muvofiq kelgan taqdirda, operator zudlik bilan buyurtmachiga elektron onlayn-auksionda ishtirok etishiga ruxsat beradi, shuningdek elektron pochta orqali buyurtmachini auksion ishtirokchisi maqomini olganligi haqida qoʻshimcha ravishda xabardor qiladi”;

20-bandning birinchi xatboshisi quyidagi tahrirda bayon etilsin:

“20. Buyurtma mazkur Nizomning 18-bandi ikkinchi-beshinchi xatboshilarida nazarda tutilgan talablarga muvofiq kelmagan taqdirda, operator zudlik bilan (buyurtma berilgan paytda zakalat puli operatorning bankdagi hisobraqamiga kelib tushmagan hollarda ikki ish kuni davomida) buyurtmachining elektron onlayn-auksionda ishtirok etishga buyurtmasini rad etadi va bu haqda unga elektron xat bilan bildirishnoma yuboradi”;

40-bandning ikkinchi xatboshisi quyidagi tahrirda bayon etilsin:

“Eng past narx auksion obyekti baholangan qiymatining 80 foizi miqdorida, mol-mulk bilan taʼminlangan qarzni undirish toʻgʻrisidagi ijro hujjatlari boʻyicha garovga qoʻyilgan mol-mulk hisoblangan auksion obyekti boʻyicha esa — auksion obyekti baholangan qiymatining 90 foizi miqdorida belgilanadi”;

43-bandda “mol-mulkni taklif qilingan narxda sotib olishga rozi boʻlgunga” soʻzlari “lot narxi toʻgʻrisidagi taklifni tasdiqlaguniga” soʻzlari bilan almashtirilsin;

44-band quyidagi tahrirda bayon etilsin:

“44. Agar ishtirokchilarning biri taklif qilingan lot narxini tasdiqlasa, auksionning qolgan ishtirokchilariga uning boshlangʻich narxidan 2 foizga oshirilgan lot narxini tasdiqlash taklif etiladi. Bunda lot narxi haqidagi keyingi taklifni tasdiqlash vaqti oʻn daqiqaga uzaytiriladi.

Oxirgi taklif tasdiqlangan paytdan boshlab oʻn daqiqa mobaynida ishtirokchilardan birontasi tomonidan keyingi taklif tasdiqlanmasa, auksion natijalari toʻgʻrisidagi bayonnoma avtomatik tarzda shakllantirilib elektron onlayn-auksion tugatiladi. Lot narxi toʻgʻrisidagi taklifni oxirgi boʻlib tasdiqlagan ishtirokchi auksion gʻolibi deb tan olinadi.

Agar ishtirokchi tomonidan elektron onlayn-auksion oʻtkazilish vaqti tugashiga oʻn daqiqadan kam qolganda lot narxini boshlangʻich narxning 2 foizi miqdorida oshirish toʻgʻrisidagi taklif tasdiqlansa, auksion oʻtkazilish muddati oxirgi taklif tasdiqlangan paytdan boshlab oʻn daqiqaga uzaytiriladi. Lot narxini boshlangʻich narxning 2 foizi miqdorida oshirish toʻgʻrisidagi har bir keyingi taklif elektron onlayn-auksion oʻtkazilish vaqtini oʻn daqiqaga uzaytiradi. Bunda elektron onlayn-auksion oʻtkazilish vaqti 3 soatdan oshmaydigan muddatga uzaytiriladi va auksion soat 21-00 gacha tugallanishi kerak. Lot narxi toʻgʻrisidagi taklifni soat 21-00 ga qadar oxirgi boʻlib tasdiqlagan ishtirokchi auksion gʻolibi deb tan olinadi”;

45-bandda:

uchinchi xatboshi “, auksion davomida lot narxini oshirish toʻgʻrisidagi taklif tasdiqlangan taqdirda — oxirgi va undan oldingi stavkalar (auksion ishtirokchilari tomonidan tasdiqlangan oxirgi va undan oldingi qadamlar hisobga olingan narx)” soʻzlari bilan toʻldirilsin;

toʻrtinchi xatboshi “, auksion davomida lot narxini oshirish toʻgʻrisidagi taklif tasdiqlangan taqdirda — oxirgidan oldingi stavkani qilgan ishtirokchining familiyasi, ismi, otasining ismi yoki nomlanishi” soʻzlari bilan toʻldirilsin;

46-bandning beshinchi xatboshisi quyidagi tahrirda bayon etilsin:

“auksion gʻolibi hamda oxirgidan oldingi stavkani qoʻygan va unga mazkur Nizomning 53-bandida belgilangan tartibda mol-mulkni sotib olish taklif etilgan ishtirokchi tomonidan belgilangan muddatda mol-mulk qiymati toʻliq toʻlanmasa”;

48-bandning ikkinchi xatboshisi “Bunda,” soʻzdan keyin “baholangan qiymatning 50 foiziga yetguniga qadar” soʻzlari bilan toʻldirilsin;

53-bandning birinchi xatboshisidan “narxni oshirib borish usulida oʻtkazilgan” soʻzlari chiqarib tashlansin.

10. Oʻzbekiston Respublikasi Prezidentining 2017-yil 14-noyabrdagi PQ-3387-son “Prokuratura organlarining axborot-tahlil faoliyati samaradorligini yanada oshirish chora-tadbirlari toʻgʻrisida”gi qarorining 5-bandi quyidagi mazmundagi xatboshi bilan toʻldirilsin:

“Multimediya markazining boshqaruv xodimlari, shuningdek shartnoma asosida jalb qilinadigan mazkur bandning beshinchi xatboshisida koʻrsatilgan mutaxassislar jismoniy shaxslardan olinadigan daromad soligʻini toʻlashdan ozod etiladi”.