Oʻzbekiston Respublikasi Vazirlar Mahkamasining 2005-yil 21-dekabrdagi 276-son “Tibbiyot xodimlari mehnatiga haq toʻlashning takomillashtirilgan tizimini tasdiqlash toʻgʻrisida”gi va 2009-yil 18-dekabrdagi 319-son “Tibbiyot xodimlari malakasini oshirish va ularni qayta tayyorlash tizimini takomillashtirish toʻgʻrisida”gi qarorlariga muvofiq buyuraman:

1. Oʻzbekiston Respublikasi Sogʻliqni saqlash vazirining 2014-yil18-dekabrdagi 21-son “Tibbiyot va farmatsevtika xodimlarini attestatsiyadan oʻtkazish va ularga malaka toifalari berish tartibi toʻgʻrisidagi nizomni tasdiqlash haqida”gi buyrugʻiga (roʻyxat raqami 2649, 2015-yil 19-yanvar) (Oʻzbekiston Respublikasi qonun hujjatlari toʻplami, 2015-y., 3-son, 32-modda) ilovaga muvofiq oʻzgartirishlar va qoʻshimcha kiritilsin.

2. Mazkur buyruq rasmiy eʼlon qilingan kundan eʼtiboran kuchga kiradi.

1. Buyruqning muqaddimasi quyidagi tahrirda bayon etilsin:

“Oʻzbekiston Respublikasi Vazirlar Mahkamasining 2009-yil 18-dekabrdagi 319-son “Tibbiyot xodimlari malakasini oshirish va ularni qayta tayyorlash tizimini takomillashtirish toʻgʻrisida”gi qaroriga muvofiq buyuraman:”.

2. Nizomda:

a) muqaddima quyidagi tahrirda bayon etilsin:

“Mazkur Nizom Oʻzbekiston Respublikasining “Fuqarolar sogʻligʻini saqlash toʻgʻrisida”gi va “Dori vositalari va farmatsevtika faoliyati toʻgʻrisida”gi qonunlari, Oʻzbekiston Respublikasi Vazirlar Mahkamasining 2005-yil 21-dekabrdagi 276-son “Tibbiyot xodimlari mehnatiga haq toʻlashning takomillashtirilgan tizimini tasdiqlash toʻgʻrisida”gi hamda 2009-yil 18-dekabrdagi 319-son “Tibbiyot xodimlari malakasini oshirish va ularni qayta tayyorlash tizimini takomillashtirish toʻgʻrisida”gi qarorlariga muvofiq tibbiyot va farmatsevtika xodimlarini attestatsiyadan oʻtkazish va ularga malaka toifalari berish tartibini belgilaydi.”;

b) 7-bandning ikkinchi xatboshisidagi “Ish stajini” degan soʻzlar “Mutaxassislik boʻyicha ish stajini” degan soʻzlar bilan almashtirilsin.

v) 14-bandning ikkinchi xatboshisidagi “uchinchi hamda ikkinchi” degan soʻzlar “uchinchi, ikkinchi hamda birinchi” degan soʻzlar bilan almashtirilsin;

g) 16-bandning ikkinchi xatboshisidan “birinchi va” degan soʻzlar chiqarib tashlansin;

d) 22-bandda:

beshinchi va sakkizinchi xatboshilardagi “notarial tasdiqlangan” degan soʻzlar chiqarib tashlansin;

oʻn ikkinchi xatboshidagi “uch yil” degan soʻzlar “ikki yil” degan soʻzlar bilan almashtirilsin;

oʻn oltinchi xatboshi quyidagi tahrirda bayon etilsin:

“Taqdim etilgan hujjatlarning haqqoniyligi uchun talabgor va tashkilot rahbari masʼul hisoblanadi.”;

e) 23-banddagi “attestatsiyaning ikkinchi bosqichida” degan soʻzlar “attestatsiyada” degan soʻz bilan almashtirilsin;

j) 28-band oʻz kuchini yoʻqotgan deb topilsin;

z) 29-banddagi “Attestatsiyaning ikkinchi bosqichi” degan soʻzlar “Attestatsiya” degan soʻz bilan almashtirilsin;

i) 31-bandda:

birinchi xatboshidagi “Attestatsiyaning ikkinchi bosqichida” degan soʻzlar “Attestatsiyada” degan soʻz bilan almashtirilsin;

yettinchi xatboshidagi “attestatsiyaning ikkinchi bosqichida” degan soʻzlar “attestatsiyada” degan soʻz bilan almashtirilsin;

k) 32-banddagi “Attestatsiyaning birinchi va ikkinchi bosqichi natijalari” degan soʻzlar “Attestatsiya natijasi” degan soʻzlar bilan almashtirilsin;

l) 33-bandda:

birinchi xatboshidagi “Attestatsiyaning ikkinchi bosqichi” degan soʻzlar “Attestatsiya” degan soʻz bilan almashtirilsin;

sakkizinchi xatboshidagi “attestatsiyaning birinchi va ikkinchi bosqichida” degan soʻzlar “attestatsiyada” degan soʻz bilan almashtirilsin;

m) 34-bandning birinchi xatboshsiidagi “attestatsiyaning ikkinchi bosqichi” degan soʻzlar “attestatsiya” degan soʻz bilan almashtirilsin;

n) 36-bandda:

birinchi xatboshidagi “Attestatsiyaning birinchi yoki ikkinchi bosqichida” degan soʻzlar “Attestatsiyada” degan soʻz bilan almashtirilsin;

ikkinchi xatboshidagi “attestatsiyaning bir yoki ikki bosqichida” degan soʻzlar “attestatsiyada” degan soʻz bilan almashtirilsin.

o) 40-bandning birinchi xatboshisi “yozma ravishda apellatsiya shikoyati berish” degan soʻzlardan keyin “yoki sudga murojaat qilish” degan soʻzlar bilan toʻldirilsin;

p) 2-ilova mazkur oʻzgartirishlar va qoʻshimchaning ilovasiga muvofiq tahrirda bayon etilsin.

3. Mazkur oʻzgartirishlar va qoʻshimcha Oʻzbekiston Respublikasi Moliya vazirligi, Bandlik va mehnat munosabatlari vazirligi, Oʻzbekiston Kasaba uyushmalari Federatsiyasi Kengashi bilan kelishilgan.