LexUZ sharhi
Mazkur qaror O‘zbekiston Respublikasi Vazirlar Mahkamasining 2021-yil 22-fevraldagi 87-sonli “O‘zbekiston Respublikasi Hukumatining o‘z ahamiyatini yo‘qotgan ayrim qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida” 2020-yil 27-sentabrdagi PF-6075-son Farmoni)”gi qaroriga asosan o‘z kuchini yo‘qotgan.
Vazirlar Mahkamasi xorijiy investitsiyalar ishtirokidagi korxonalarda mehnatga haq to‘lashning belgilangan tartibi maxsus komissiya tomonidan tekshirilishi natijasida mehnatga haq to‘lash fondini shakllantirish, mehnatga haq to‘lash mablag‘larining hisobga olishda to‘liq aks ettirilishi, jismoniy shaxslarning daromadlariga soliq solishni hisoblab chiqish va to‘lash masalalarida jiddiy nuqsonlar va kamchiliklar, shuningdek, tovarlar (ishlar, xizmatlar) ishlab chiqarish hajmlarining bir qismini buxgalteriya hisobida aks ettirmasdan yashirish hollari aniqlanganligini, bu daromadlarning pasayishiga va soliq to‘lashdan bo‘yin tovlashga olib kelishini qayd etadi.
Mehnatga haq to‘lash fondi miqdorlarini sun’iy ravishda pasaytirishga urinishning va yashirin yo‘llar orqali ish haqi to‘lash yo‘li bilan soliq to‘lashdan bosh tortishning oldini olish, tovarlar (ishlar, xizmatlar) ishlab chiqarish hajmlari to‘liq hisobga olinishini ta’minlash, shuningdek, xorijiy investitsiyalar ishtirokidagi korxonalarda mehnatga haq to‘lash tizimini tartibga solish maqsadida Vazirlar Mahkamasi qaror qiladi:
1. Ish haqi to‘lashning amaldagi qonun hujjatlarida belgilangan tartibi qo‘pol ravishda buzilganligi, tovarlar (ishlar, xizmatlar) ishlab chiqarishning amalda bajarilgan hajmlari yashirilganligi, savdo qoidalariga rioya qilinmaganligi uchun ilovaga muvofiq xorijiy investitsiyalar ishtirokidagi korxonalar bo‘yicha materiallar ularni qonun hujjatlarida belgilangan tartibda tugatish bo‘yicha qaror qabul qilish uchun O‘zbekiston Respublikasi Adliya vazirligiga berilganligi ma’lumot uchun qabul qilinsin.
2. Korxonalar xodimlariga ish haqini aksiz solig‘i solinadigan tovarlar bilan natura shaklida to‘lash taqiqlansin.
Belgilansinki, xo‘jalik yurituvchi subyektlar tomonidan aksiz solig‘i solinadigan tovarlar bilan ish haqi to‘lash soliq to‘lashdan bo‘yin tovlash sifatida qaraladi va ushbu xo‘jalik yurituvchi subyektlarning rahbarlari qonun hujjatlariga muvofiq javobgarlikka tortiladi.
xorijiy investitsiyalar ishtirokidagi korxonalarda amaldagi qonun hujjatlari buzilgan holda ish haqi to‘lash hollariga qat’iy barham bersin;
Oldingi tahrirga qarang.
xorijiy investitsiyalar ishtirokidagi korxonalarning buxgalteriya hisobida tovarlar (ishlar, xizmatlar) ishlab chiqarish hajmlari, soliqlar va boshqa majburiy to‘lovlar to‘liq aks ettirilishi muntazam ravishda nazorat qilinishini ta’minlasin;
(3-bandning uchinchi xatboshisi O‘zbekiston Respublikasi Vazirlar Mahkamasining 2009-yil 11-martdagi 63-sonli qarori tahririda — O‘R QHT, 2009-y., 10-11-son, 115-modda)
xorijiy investitsiyalar ishtirokidagi korxonalarning rahbarlarini tovarlar (ishlar, xizmatlar) ishlab chiqarish hajmi va mehnatga haq to‘lashning amaldagi fondi yashirilganligi uchun javobgarlikka tortsin.
4. O‘zbekiston Respublikasi Moliya vazirligi, Mehnat vazirligi, Markaziy banki mehnatga haq to‘lash fondi miqdorlarining sun’iy ravishda pasaytirilishi hollariga barham beruvchi, mehnatga soatbay haq to‘lashning belgilangan eng kam darajasidan kelib chiqib, Xorijiy investitsiyalar ishtirokidagi korxonalarda mehnatga haq to‘lash fondini shakllantirish to‘g‘risidagi nizomni bir oy muddatda ishlab chiqsinlar va belgilangan tartibda tasdiqlasinlar.
5. O‘zbekiston Respublikasi Adliya vazirligi manfaatdor vazirliklar va idoralar bilan birgalikda bir oy muddatda O‘zbekiston Respublikasi Vazirlar Mahkamasiga:
tovarlar (ishlar, xizmatlar) ishlab chiqarish hajmlari soliq solishdan yashirish maqsadida buxgalteriya hisobida buzib ko‘rsatilganligi;
mehnatga haq to‘lash fondining amaldagi miqdori yashirilganligi va ish haqi yashirin shaklda to‘langanligi;
soliq solinishi kerak bo‘lgan daromadlarni yashirish bo‘yicha boshqa xatti-harakatlar uchun xo‘jalik yurituvchi subyektlar mansabdor shaxslarning jinoiy javobgarlikka bo‘lgan javobgarligi to‘g‘risida amaldagi qonun hujjatlariga o‘zgartirish va qo‘shimchalar kiritish haqida taklif kiritsin.
6. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari R.S. Azimov zimmasiga yuklansin.
Korxonaning nomi | Asosiy faoliyat turi | |
1. | “Elita” QK | Savdo- vositachilik |
2. | “Doz-Tur-LTD” QK | Alkogol mahsulotlarni ishlab chiqarish |
3. | “Chimyon-Nur” QK | Turizm, chakana savdo, ishlab chiqarish |
4. | “Naytov Netvorks” xorijiy shu’ba korxonasi | Savdo- vositachilik |
5. | “El Kol” QK | Xalq iste’mol mollarni ishlab chiqarish va realizatsiya qilish |
6. | “Art LTD” QK | Savdo- vositachilik |
7. | SP “Tash-Mir” QK | Savdo- vositachilik |
8. | “Bursel inshaat ve makina sanayi tidjaret anonim shirkati” xorijiy korxonasi | Qurilish |
9. | “AKSA LTD” QK | Savdo- vositachilik |
10. | “Oltoy” savdo- iqtisodiy korxonasi | Savdo- vositachilik |
11. | “S&Y” QK | Savdo va xalq iste’mol mollarni ishlab chiqarish |
12. | “Eklit” QK | Savdo vositachilik |