Oʻzbekiston Respublikasi Prezidentining “Iqtisodiyotda xususiy mulkning ulushi va ahamiyatini oshirish chora-tadbirlari toʻgʻrisida” 2015-yil 28-apreldagi PQ-2340-son qaroriga muvofiq, shuningdek, respublika iqtisodiyotida davlat ishtirokini qisqartirish hisobiga respublika iqtisodiyotida xususiy mulkning roli va mavqeyini tubdan oshirish, davlat mulki obyektlarini sotishni jadallashtirish va xususiylashtirish mexanizmini takomillashtirish maqsadida Vazirlar Mahkamasi qaror qiladi:

1. Oʻzbekiston Respublikasi Hukumatining 1-ilovaga muvofiq ayrim qarorlariga oʻzgartirish va qoʻshimchalar kiritilsin.

2. Oʻzbekiston Respublikasi Hukumatining 2-ilovaga muvofiq baʼzi qarorlari oʻz kuchini yoʻqotgan deb hisoblansin.

3. Vazirliklar va idoralar oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.

4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari J.A. Qoʻchqorov hamda Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi raisi R.A. Gulyamov zimmasiga yuklansin.

1. Vazirlar Mahkamasining 1994-yil 16-martdagi 140-son qarori (Oʻzbekiston Respublikasi QT, 1994-y., 3-son, 16-modda) bilan tasdiqlangan Oʻzbekiston Respublikasi Tashqi ishlar vazirligi toʻgʻrisidagi Nizomning III boʻlimida:

a) sakkizinchi xatboshi chiqarib tashlansin;

b) toʻqqizinchi — oʻn toʻrtinchi xatboshilar tegishli ravishda sakkizinchi — oʻn uchinchi xatboshilar deb hisoblansin.

2. Vazirlar Mahkamasining 2000-yil 24-yanvardagi 22-son qarori (Oʻzbekiston Respublikasi QT, 2000-y., 1-son, 6-modda) bilan tasdiqlangan Uy-joy-kommunal xizmatlari koʻrsatish boʻyicha Yagona buyurtmachi xizmati toʻgʻrisidagi Vaqtinchalik nizomning 4-bandidagi “tegishli shahar (tuman) hokimi qarori asosida davlat unitar korxonasi shaklida tashkil etiladi, hokim, shuningdek, Yagona buyurtmachi xizmatining ushbu Nizomga muvofiq ishlab chiqilgan Ustavini ham tasdiqlaydi” soʻzlari “belgilangan tartibda Oʻzbekiston Respublikasi Hukumati qarori bilan davlat unitar korxonasi shaklida tashkil etiladi” soʻzlari bilan almashtirilsin.

3. Vazirlar Mahkamasining 2003-yil 28-iyundagi 290-son qarori (Oʻzbekiston Respublikasi QT, 2003-y., 6-son, 51-modda) bilan tasdiqlangan Oʻzbekiston Respublikasi Qishloq va suv xoʻjaligi vazirligi toʻgʻrisidagi Nizomning 9-bandida:

a) toʻqqizinchi xatboshi chiqarib tashlansin;

b) oʻninchi — oʻn ikkinchi xatboshilar tegishli ravishda toʻqqizinchi — oʻn birinchi xatboshilar deb hisoblansin.

4. Vazirlar Mahkamasining 2004-yil 9-martdagi 113-son qarori (Oʻzbekiston Respublikasi QT, 2004-y., 3-son, 26-modda) bilan tasdiqlangan Oʻzbekiston Respublikasi Vazirlar Mahkamasi huzuridagi Davlat zaxiralarini boshqarish qoʻmitasi toʻgʻrisidagi Nizom 11-bandining sakkizinchi xatboshi chiqarib tashlansin.

5. Vazirlar Mahkamasining 2006-yil 16-oktabrdagi 215-son qarori (Oʻzbekiston Respublikasi QT, 2006-y., 10-son, 77-modda) bilan tasdiqlangan Davlat korxonalari toʻgʻrisidagi Nizomda:

a) 2-bandning uchinchi xatboshi quyidagi tahrirda bayon qilinsin:

“davlat korxonasining muassisi (keyingi oʻrinlarda muassis deb ataladi) — Oʻzbekiston Respublikasi Vazirlar Mahkamasi yoki uning tomonidan vakolat berilgan davlat organlari”;

b) 6-band quyidagi tahrirda bayon etilsin:

“6. Davlat unitar korxonalari istisno holatlarda faqat Oʻzbekiston Respublikasi Vazirlar Mahkamasining qaroriga binoan tashkil etilishi mumkin”;

v) 10-bandning birinchi xatboshidagi “Davlat boshqaruvi organlari yoki mahalliy davlat hokimiyati organlari tomonidan taʼsis etilgan” soʻzlari chiqarib tashlansin;

g) 12-bandning oʻninchi xatboshidagi va 24-banddagi “Aksiyadorlik birlashmalari va kompaniyalaridagi aksiyalar davlat ulushidan samarali foydalanilishi ustidan monitoring olib borish komissiyasi” soʻzlari “Aksiyadorlik jamiyatlari faoliyati samaradorligini oshirish va korporativ boshqaruv tizimini takomillashtirish boʻyicha komissiya” soʻzlari bilan almashtirilsin.

6. Vazirlar Mahkamasining “Yuridik shaxslarning nomlari va ramzlarida davlatning rasmiy nomidan foydalanishni tartibga solish chora-tadbirlari toʻgʻrisida” 2014-yil 11-oktabrdagi 286-son qarori (Oʻzbekiston Respublikasi QT, 2014-y., 10-son, 107-modda) 1-bandi uchinchi xatboshi quyidagi tahrirda bayon qilinsin:

“Oʻzbekiston Respublikasi Vazirlar Mahkamasi qaroriga koʻra tashkil etiladigan davlat unitar korxonalari hamda davlat organlari va respublika ahamiyatiga molik tashkilotlar tomonidan tashkil etiladigan davlat muassasalari”.

7. Vazirlar Mahkamasining 2014-yil 31-dekabrdagi 378-son qarori (Oʻzbekiston Respublikasi QT, 2014-y., 12-son, 139-modda) bilan tasdiqlangan Kichik sanoat zonalarini barpo etish va ularning faoliyatini tashkil qilish tartibi toʻgʻrisidagi Nizom 6-bandining birinchi va ikkinchi xatboshilaridagi “Qoraqalpogʻiston Respublikasi Vazirlar Kengashi, viloyatlar va Toshkent shahar hokimlarining qarorlari bilan” soʻzlari “Oʻzbekiston Respublikasi Hukumati qarori bilan” soʻzlari bilan almashtirilsin.

8. Vazirlar Mahkamasining 2017-yil 23-iyundagi 421-son qarori (Oʻzbekiston Respublikasi QT, 2017-y., 6-son, 119-modda) bilan tasdiqlangan Oʻzbekiston Respublikasi Ichki ishlar vazirligi Qoʻriqlash bosh boshqarmasi haqidagi Nizom 11-bandining uchinchi xatboshi chiqarib tashlansin.

9. Vazirlar Mahkamasining 2017-yil 19-iyuldagi 530-son qarori (Oʻzbekiston Respublikasi QHT, 2017-y., 30-son, 734-modda) bilan tasdiqlangan Oʻzbekiston Respublikasi Oʻrmon xoʻjaligi davlat qoʻmitasi toʻgʻrisidagi nizom 11-bandi “v” kichik bandining uchinchi xatboshi chiqarib tashlansin.

10. Vazirlar Mahkamasining 2017-yil 9-avgustdagi 606-son qarori (Oʻzbekiston Respublikasi QHT, 2017-y., 32-son, 818-modda) bilan tasdiqlangan Oʻzbekiston Respublikasi Favqulodda vaziyatlar vazirligi toʻgʻrisida Nizom 13-bandi “g” kichik bandining beshinchi xatboshidagi “oʻquv va reabilitatsiya markazlarini tashkil etadi” soʻzlari chiqarib tashlansin.

1. Vazirlar Mahkamasining “Davlat aktivlarini sotishdan tushgan, xoʻjalik boshqaruvi ayrim organlari ustav fondini shakllantirish uchun berilgan mablagʻlarni taqsimlash tartibi toʻgʻrisida” 2007-yil 25-sentabrdagi 202-son qarori (Oʻzbekiston Respublikasi QHT, 2007-y., 39-son, 403-modda).

2. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida” 2013-yil 9-sentabrdagi 244-son qaroriga (Oʻzbekiston Respublikasi QT, 2013-y., 9-son, 64-modda) 1-ilovaning 56-bandi.

3. Vazirlar Mahkamasining “Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi huzuridagi Xususiylashtirilgan korxonalarga koʻmaklashish jamgʻarmasi mablagʻlarini shakllantirish, taqsimlash va ulardan foydalanish tartibi toʻgʻrisidagi Nizomni tasdiqlash haqida” 2017-yil 19-iyundagi 391-son qaroriga (Oʻzbekiston Respublikasi QT, 2017-y., 6-son, 106-modda) 2-ilovaning 7-bandi.