Oldingi tahrirga qarang.
(qarorning nomi O‘zbekiston Respublikasi Vazirlar Mahkamasining 2021-yil 21-iyundagi 387-sonli qarori tahririda — Qonunchilik ma’lumotlari milliy bazasi, 22.06.2021-y., 09/21/387/0585-son)
Oldingi tahrirga qarang.
Surunkali buyrak va jigar hamda qon hosil qilish tizimi kasalliklarining terminal bosqichidagi bemorlarni yuqori texnologiyali ixtisoslashtirilgan tibbiy yordam bilan ta’minlash, shuningdek, respublikada transplantatsiya jarrohlik amaliyotlarini keng joriy etishni tashkil qilish maqsadida Vazirlar Mahkamasi qaror qiladi:
(muqaddima O‘zbekiston Respublikasi Vazirlar Mahkamasining 2021-yil 21-iyundagi 387-sonli qarori tahririda — Qonunchilik ma’lumotlari milliy bazasi, 22.06.2021-y., 09/21/387/0585-son)
Oldingi tahrirga qarang.
1. Buyrak va (yoki) jigar bo‘lagi hamda gematopoetik suyak ko‘migi o‘zak hujayralarini transplantatsiya qilish tartibi to‘g‘risidagi vaqtinchalik nizom ilovaga muvofiq tasdiqlansin.
(1-band O‘zbekiston Respublikasi Vazirlar Mahkamasining 2021-yil 21-iyundagi 387-sonli qarori tahririda — Qonunchilik ma’lumotlari milliy bazasi, 22.06.2021-y., 09/21/387/0585-son)
2. Vaqtinchalik nizomning amal qilish vaqti — “Inson organlari, to‘qimalari va (yoki) hujayralarini transplantatsiya qilish haqida”gi O‘zbekiston Respublikasi Qonunining kuchga kirish kunigacha deb belgilansin.
3. Sog‘liqni saqlash vazirligi manfaatdor vazirliklar va idoralar bilan birgalikda 2017-yil 31-dekabrgacha bo‘lgan muddatda O‘zbekiston Respublikasi Vazirlar Mahkamasiga “Inson organlari, to‘qimalari va (yoki) hujayralarini transplantatsiya qilish haqida”gi O‘zbekiston Respublikasi Qonuni loyihasini belgilangan tartibda kiritsin, unda jumladan transplantatsiya xizmatini rivojlantirishning yuridik mexanizmlari ta’minlanishi yuzasidan qat’iy nazorat belgilanishini hamda transplantatsiyadan keyingi davrda bemorlarning doimiy dispanser kuzatuvi amalga oshirilishini nazarda tutsin.
4. Mazkur qarorning bajarilishini nazorat qilish O‘zbekiston Respublikasi sog‘liqni saqlash vaziri A.K. Shodmonov zimmasiga hamda O‘zbekiston Respublikasi Vazirlar Mahkamasining Sog‘liqni saqlash, ekologiya, atrof muhitni muhofaza qilish, jismoniy tarbiya va sport masalalari axborot-tahlil departamentiga yuklansin.
Oldingi tahrirga qarang.
(Buyrak va (yoki) jigar bo‘lagi hamda gematopoetik suyak ko‘migi o‘zak hujayralarini transplantatsiya qilish tartibi to‘g‘risidagi vaqtinchalik nizom O‘zbekiston Respublikasining “Inson a’zolari va to‘qimalarining transplantatsiyasi to‘g‘risida”gi Qonuni kuchga kirishi munosabati bilan 2022-yil 11-maydan amal qilishini to‘xtatgan)