Oʻzbekiston Respublikasi Prezidentining “Sanoatda va konchilikda ishlarning bexatar olib borilishini nazorat qilish agentligini Sanoatda, konchilikda va kommunal-maishiy sektorda ishlarning bexatar olib borilishini nazorat qilish davlat inspeksiyasiga aylantirish toʻgʻrisida” 2004-yil 9-iyuldagi PF-3454-son Farmonini bajarish yuzasidan, shuningdek sanoatda, gaz taʼminotida ishlarning bexatar olib borilishini nazorat qilish va kon nazorati sohasida boshqaruv tuzilmasini yanada takomillashtirish maqsadida Vazirlar Mahkamasi qaror qiladi:

1. Quyidagilar:

Oʻzbekiston Respublikasi Sanoatda, konchilikda va kommunal-maishiy sektorda ishlarning bexatar olib borilishini nazorat qilish davlat inspeksiyasi (Sanoatkontexnazorat” davlat inspeksiyasi)ning tashkiliy tuzilmasi 1-ilovaga muvofiq;

Oʻzbekiston Respublikasi Sanoatda, konchilikda va kommunal-maishiy sektorda ishlarning bexatar olib borilishini nazorat qilish davlat inspeksiyasi toʻgʻrisidagi nizom 3-ilovaga muvofiq tasdiqlansin.

2. Oʻzbekiston Respublikasi Sanoatda, konchilikda va kommunal-maishiy sektorda ishlarning bexatar olib borilishini nazorat qilish davlat inspeksiyasi markaziy apparati xodimlarining cheklangan umumiy soni 26 nafar, shu jumladan boshqaruv xodimlari soni 19 nafar etib belgilansin.

Oʻzbekiston Respublikasi Sanoatda, konchilikda va kommunal-maishiy sektorda ishlarning bexatar olib borilishini nazorat qilish davlat inspeksiyasi boshligʻiga, zaruriyat boʻlganda, Davlat inspeksiyasi markaziy apparati tuzilmasiga xodimlarning belgilangan, cheklangan umumiy soni doirasida oʻzgartirishlar kiritish huquqi berilsin.

3. Turar joylarning gaz tarmoqlari va gaz xoʻjaligi soz va doimiy yuqori texnik jihatdan tayyor holatda boʻlishi, gazdan foydalanishda, eng avvalo koʻp kvartirali uylarda xavfsizlik taʼminlanishi uchun javobgarlik “Oʻztransgaz” aksiyadorlik kompaniyasining hududlararo unitar korxonalariga va ularning tuman (shahar) filiallariga yuklansin.

Shaharlar va aholi yashash punktlarini gaz bilan taʼminlash tizimidan foydalanilishini muntazam nazorat qilish va tekshirish, uy-joy-kommunal xoʻjaligida, ayniqsa koʻp kvartirali turar joylarda tabiiy gazdan foydalanishda xavfsizlikni taʼminlash Oʻzbekiston Respublikasi Sanoatda, konchilikda va kommunal-maishiy sektorda ishlarning bexatar olib borilishini nazorat qilish davlat inspeksiyasi Gazni nazorat qilish inspeksiyasining muhim vazifasi hisoblansin.

4. Quyidagilar:

Oʻzbekiston Respublikasi Sanoatda, konchilikda va kommunal-maishiy sektorda ishlarning bexatar olib borilishini nazorat qilish davlat inspeksiyasi Gazni nazorat qilish inspeksiyasining tashkiliy tuzilmasi 4-ilovaga muvofiq;

5. Oʻzbekiston Respublikasi Sanoatda, konchilikda va kommunal-maishiy sektorda ishlarning bexatar olib borilishini nazorat qilish davlat inspeksiyasi bir oy muddatda:

formali kiyim-bosh namunalarini, farqlash belgilarini va ularni taqib yurish tartibini;

Oʻzbekiston Respublikasi Moliya vazirligi bilan kelishgan holda formali kiyim-boshni berish norma va muddatlarini hamda Oʻzbekiston Respublikasining Maʼmuriy javobgarlik toʻgʻrisidagi kodeksiga muvofiq inspeksiya tomonidan solinadigan jarimalar hisobiga tashkil etiladigan Oʻzbekiston Respublikasi Sanoatda, konchilikda va kommunal-maishiy sektorda ishlarning bexatar olib borilishini nazorat qilish davlat inspeksiyasining Budjetdan tashqari jamgʻarmasi toʻgʻrisidagi nizomni ishlab chiqsin va belgilangan tartibda tasdiqlasin.

Belgilab qoʻyilsinki, inspeksiya xodimlarini formali kiyim-bosh bilan taʼminlash xarajatlarining 30 foizi budjet mablagʻlari, 70 foizi budjetdan tashqari mablagʻlar hisobiga qoplanadi.

6. Oʻzbekiston Respublikasi Hukumatining 7-ilovaga muvofiq ayrim qarorlariga oʻzgartirishlar kiritilsin.

7. Oʻzbekiston Respublikasi Vazirlar Mahkamasining “Sanoatda va konchilikda ishlarning bexatar olib borilishini nazorat qilish agentligi faoliyatini tashkil etish toʻgʻrisida” 2000-yil 7-apreldagi 130-son qarori (Oʻzbekiston Respublikasi QT, 2000-y., 4-son, 17-modda) oʻz kuchini yoʻqotgan deb hisoblansin.

8. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari Oʻ.T. Sultonov zimmasiga yuklansin.

1. Oʻzbekiston Respublikasi Sanoatda, konchilikda va kommunal-maishiy sektorda ishlarning bexatar olib borilishini nazorat qilish davlat inspeksiyasi (“Sanoatkontexnazorat” davlat inspeksiyasi) barcha yuridik va jismoniy shaxslar tomonidan respublika hududida sanoat va radiatsiya xavfsizligiga, yer osti boyliklaridan foydalanish va ularni muhofaza qilishga doir qonun hujjatlari va normativ-texnik hujjatlarga, shuningdek davlat tomonidan tartibga solishning boshqa chora-tadbirlariga rioya etilishi ustidan davlat nazoratini belgilangan tartibda amalga oshiruvchi sanoat xavfsizligi sohasidagi maxsus vakolatli davlat boshqaruvi organi hisoblanadi.

Oʻzbekiston Respublikasi Sanoatda, konchilikda va kommunal-maishiy sektorda ishlarning bexatar olib borilishini nazorat qilish davlat inspeksiyasi (keyingi oʻrinlarda matnda Davlat inspeksiyasi deb ataladi) oʻz faoliyati toʻgʻrisida Oʻzbekiston Respublikasi Vazirlar Mahkamasiga hisob beradi.

2. Davlat inspeksiyasi, uning mintaqaviy inspeksiyalari va unga idoraviy mansub tashkilotlar Oʻzbekiston Respublikasining sanoatda xavfsizlik sohasidagi davlat boshqaruvi organlarining yagona tizimini tashkil etadi.

Mintaqaviy inspeksiyalar mahalliy davlat hokimiyati organlaridan mustaqil hisoblanadi va bevosita Davlat inspeksiyasiga boʻysunadi.

3. Davlat inspeksiyasi oʻz faoliyatida Oʻzbekiston Respublikasi Konstitutsiyasiga va qonunlariga, Oʻzbekiston Respublikasi Oliy Majlisining qarorlari va boshqa hujjatlariga, Oʻzbekiston Respublikasi Prezidentining farmonlari, qarorlari va farmoyishlariga, Vazirlar Mahkamasining qarorlari va farmoyishlariga, shuningdek mazkur Nizomga amal qiladi.

4. Davlat inspeksiyasining sanoat va radiatsiya xavfsizligi, shuningdek yer osti boyliklaridan foydalanish va ularni muhofaza qilish masalalari boʻyicha oʻz vakolati doirasida qabul qilgan qarorlari davlat va xoʻjalik boshqaruvi organlari, mahalliy davlat hokimiyati organlari, mulkchilik shakllaridan qatʼi nazar, korxonalar, muassasalar va tashkilotlar tomonidan bajarilishi majburiy hisoblanadi.

5. Davlat inspeksiyasi oʻz faoliyatini davlat boshqaruvining boshqa organlari, huquqni muhofaza qilish organlari, mahalliy davlat hokimiyati organlari, jamoat birlashmalari va boshqa tashkilotlar bilan oʻzaro hamkorlikda amalga oshiradi hamda xalqaro bitimlar asosida boshqa davlatlarning davlat nazorat organlari bilan oʻzaro aloqa va hamkorlik qiladi.

6. Davlat inspeksiyasi, uning tarmoq va mintaqaviy inspeksiyalari faoliyatini moliyalashtirish Davlat inspeksiyasiga ajratiladigan davlat budjeti mablagʻlari doirasida, xizmat koʻrsatiladigan korxonalar va Davlat inspeksiyasiga idoraviy mansub tashkilotlar mablagʻlari, shuningdek budjetdan tashqari jamgʻarma mablagʻlari va amaldagi qonun hujjatlariga zid boʻlmagan boshqa manbalar hisobiga amalga oshiriladi.

7. Davlat inspeksiyasi, unga idoraviy mansub tashkilotlar yuridik shaxs hisoblanadi, Oʻzbekiston Respublikasi Davlat gerbi tasviri tushirilgan va oʻz nomi yozilgan muhrga ega boʻladi.

8. Quyidagilar Davlat inspeksiyasining asosiy vazifalari hisoblanadi:

yuridik va jismoniy shaxslar tomonidan sanoat va radiatsiya xavfsizligi sohasidagi, gaz taʼminoti va gazdan foydalanish, yer osti boyliklaridan foydalanish va ularni muhofaza qilish, mineral xom ashyoni qayta ishlash va metallurgiya jihatidan saralash, geologiya-qidiruv ishlari, shuningdek kon ishlarini geologiya-marksheyderlik xizmati bilan taʼminlash boʻyicha qonun hujjatlari va normativ-texnik hujjatlar talablariga rioya qilinishi ustidan davlat nazoratini amalga oshirish;

sanoat va radiatsiya xavfsizligi ishlarining, shuningdek bexatar olib borilishini taʼminlash sohasida oldini olish chora-tadbirlarini ishlab chiqish va amalga oshirish;

gaz xoʻjaligi tizimida va koʻp kvartirali turar joylar va respublikaning kommunal-maishiy obyektlarining gaz taʼminotida xavfsizlik taʼminlanishini nazorat qilish;

sanoat va radiatsiya xavfsizligi va yer osti boyliklarini muhofaza qilish masalalari boʻyicha ilmiy-texnik dasturlarni ishlab chiqishda qatnashish;

iqtisodiyotning tegishli tarmoqlarida sanoat va radiatsiya xavfsizligini taʼminlash tizimini takomillashtirish boʻyicha takliflar tayyorlash;

Oʻzbekiston Respublikasi harbiylashtirilgan kon-qutqarish qismlariga tezkor va metodik rahbarlik qilish;

oʻz vakolatiga kiruvchi masalalar boʻyicha normativ-huquqiy va normativ-texnik hujjatlarni ishlab chiqish va belgilangan tartibda qabul qilish.

sanoat xavfsizligini ekspertizadan oʻtkazish, sanoat xavfsizligi sohasida faoliyat koʻrsatuvchi mutaxassislarni tayyorlash va qayta tayyorlash tizimlarini joriy etish hamda ularning faoliyat koʻrsatishi va rivojlantirilishini taʼminlash;

sanoat xavfsizligini ekspertizadan oʻtkazish tartibini va ekspertiza xulosalarini rasmiylashtirish talablarini belgilash.

9. Davlat inspeksiyasi oʻziga yuklangan vazifalarni bajarish uchun quyidagi funksiyalarni amalga oshiradi:

davlat va xoʻjalik boshqaruvi tegishli organlari bilan kelishgan holda ishlab chiqarishlar (texnologiyalar), obyektlar, asbob-uskunalar hamda potensial xavfli ishlab chiqarishlar va texnologiya obyektlariga ega boʻlgan xoʻjalik yurituvchi subyektlar roʻyxatini belgilaydi va tasdiqlaydi;

sanoatda ishlarni bexatar olib borish, uskunalar loyihalashtirilishi, tayyorlanishi, tuzilishi va ishlatilishi, yer osti boyliklaridan foydalanish va ularni muhofaza qilish, mineral xom ashyoni qayta ishlash hamda metallurgiya jihatidan saralashga doir talablar mavjud boʻlgan davlat standartlari va boshqa normativ hujjatlar loyihalarini koʻrib chiqadi va belgilangan tartibda kelishib oladi hamda ushbu masalalar boʻyicha qoidalar va normalarni tasdiqlaydi;

oʻz vakolatlari doirasida faoliyatning ayrim turlarini litsenziyalashni tashkil etadi;

oʻz vakolatlariga kiruvchi alohida ish turlariga belgilangan tartibda ruxsatnomalar beradi va ularni bekor qiladi;

foydali qazilmalarni qazib oluvchi korxonalar va obyektlarni tugatish va konservatsiya qilishda yer osti boyliklaridan foydalanuvchilar tomonidan bajarilishi kerak boʻlgan texnik talablarni belgilaydi (ishlarning xavfsizligi, foydali qazilmalar konlarini ishga tushirishda yer osti boyliklarini muhofaza qilish hamda iqtisodiyot tarmoqlarida foydalanishga yaroqli boʻlgan kon mahsulotlarini saqlash qismi boʻyicha);

foydali qazilmalarni qazib olish uchun, shuningdek foydali qazilmalar qazib olish bilan bogʻliq boʻlmagan yer osti inshootlari qurilishi va ulardan foydalanish uchun kon ajratish hujjatlarini beradi;

qazib olish jarayonida qazib olingan va yoʻqotilgan foydali qazilmalar zaxiralarini qazib olish korxonalari hisobdan chiqarishni kelishib oladi va sanoat uchun ahamiyatini yoʻqotgan yoki keyingi geologiya-qidiruv ishlarida va konlarni qazishda tasdiqlanmagan zaxiralarni hisobdan chiqarish uchun xulosalar beradi;

mineral xom ashyoni qazib olishda va qayta ishlashda foydali qazilmalarning normadan ortiqcha yoʻl qoʻyilgan yoʻqotishlarini aniqlaydi;

kon qazuvchi va qayta ishlovchi korxonalarning geologiya-qidiruv ishlari loyihalarini, texnik loyihalarini, ishlarni bexatar olib borish yuzasidan texnik yechimlarga doir kon ishlari rejalarini, foydali qazilmalarni qidirish va qazib olishda, mineral xom ashyoni qazib olish va qayta ishlashda foydali qazilmalarning kamayishi va maydalashuvi normativlarini kelishib oladi;

shaxtalar (konlar)ning, neft-gaz tarmogʻi quduqlarining bir toifadan boshqa toifaga oʻtkazilishini tasdiqlaydi va kelishib oladi;

ishlarning ayrim masʼuliyatli texnologik bosqichlarini, texnologik reglamentlarni va boshqalarni olib borish ish rejalarini kelishib oladi;

gaz nazorati obyektlarini, bosim ostida ishlovchi bugʻ va suv isitish qozonlarini, idishlarni, bugʻ va issiq suv quvurlarini va koʻtarish inshootlarini roʻyxatdan oʻtkazadi;

turar joylar va kommunal-maishiy obyektlarning gaz xoʻjaligi tizimida texnika xavfsizligini taʼminlash sohasida kommunal-maishiy korxonalar xizmatlari tomonidan normativ-huquqiy va texnik hujjatlar bajarilishini tekshiradi va monitoring olib boradi;

oʻz nazorati ostidagi korxonalar va obyektlarni foydalanishga qabul qilish davlat komissiyalari tarkibida qatnashish uchun vakillarni tayinlaydi, ushbu obyektlarda foydalanish uchun qabul qilish qoidalariga rioya etilishini nazorat qiladi;

sanoat va radiatsiya xavfsizligi hamda yer osti boyliklarini muhofaza qilish sohasida xavfli ishlab chiqarish obyektlari xodimlarini tayyorlash va attestatsiyadan oʻtkazish tartibini belgilaydi;

Oʻzbekiston Respublikasi Davlat geologiya va mineral resurslar qoʻmitasi huzuridagi Foydali qazilmalar zaxiralari boʻyicha davlat komissiyasi tomonidan zaxiralarni tasdiqlashda qabul qilingan qarorlar va xulosalarning yer osti boyliklaridan foydalanuvchilar tomonidan bajarilishini nazorat qiladi;

nazorat ostidagi obyektlarda sanoat va yer osti boyliklarini muhofaza qilish xavfsizligi jihatidan xorijiy texnologiyalarni va asbob-uskunalarni qoʻllash imkoniyatlari toʻgʻrisida ekspert xulosasini koʻrib chiqadi va tasdiqlaydi;

sanoatda ishlarni bexatar olib borishni nazorat qilish, kon nazorati, atom energetikasi va ilmiy tadqiqotlar sohasida xalqaro hamkorlikni amalga oshiradi, Davlat inspeksiyasi vakolatiga kiruvchi masalalar boʻyicha xalqaro tashkilotlar, boshqa mamlakatlarning tegishli nazorat organlari bilan belgilangan tartibda aloqa oʻrnatadi;

sanoat xavfsizligi masalalari, sanoat xavfsizligi sohasida ekspert tashkilotlarini akkreditatsiya qilish va Davlat inspeksiyasi vakolatiga kiradigan boshqa masalalar boʻyicha normativ-huquqiy hujjatlar va normativ texnik hujjatlarni ishlab chiqadi va belgilangan tartibda qabul qiladi;

xavfli yuklar va portlovchi moddalar tranzitiga qonun hujjatlariga muvofiq xulosalar beradi va uni nazorat qiladi;

oʻz nazoratidagi obyektlarda avariyalar va ishlab chiqarish travmatizmining oldini olish tadbirlari ishlab chiqilishi va amalga oshirilishini hamda korxonalarning, harbiylashtirilgan kon-qutqarish qismining neft fontaniga qarshi, gazdan qutqarish boʻlinmalarining va avariya-dispetcherlik xizmatlarining sodir boʻlishi mumkin boʻlgan avariyalarni bartaraf etish va ularning oqibatlarini tugatishga tayyorligini nazorat qiladi, shuningdek koʻrsatib oʻtilgan boʻlinmalarni joylashtirish sxemalarini kelishib oladi;

xavfli ishlab chiqarish obyektlari davlat reyestrida xavfli ishlab chiqarish obyektlari hisobini yuritadi;

tashkilotlarning xavfli ishlab chiqarish obyektini ishlatishga tayyorligini hamda xavfli ishlab chiqarish obyektidagi avariyalarning tarqalishini cheklash va oqibatlarini tugatishga doir saʼy-harakatlarini tekshiradi;

xavfli ishlab chiqarish obyektlarining sanoat xavfsizligi ekspertizasini tashkil etadi;

sanoat xavfsizligi sohasida ekspert tashkilotlari akkreditatsiyasini belgilangan tartibda amalga oshiradi;

sanoat xavfsizligi ekspertizasi natijasi boʻyicha ekspert xulosalarni tasdiqlaydi;

sanoat xavfsizligi deklaratsiyalari toʻgʻri ishlab chiqilishi va taqdim etilishi monitoringini olib boradi;

ishlab turgan va qurilayotgan xavfli ishlab chiqarish obyektlarida sanoat xavfsizligini deklaratsiyalashning oʻtkazilishini nazorat qiladi;

xavfli ishlab chiqarish obyektida avariya yuz bergan taqdirda boshqa shaxslarning hayoti, sogʻligʻi va (yoki) mol-mulkiga hamda atrof muhitga zarar yetkazilganligi uchun majburiy javobgarlikni sugʻurta qilishda xulosa beradi;

yuqori texnogen xavfli zonalarning davlat kadastri yuritilishini muvofiqlashtiradi;

mehnat xavfsizligi va yer osti boyliklarini muhofaza qilish, nazorat faoliyatini takomillashtirish, avariyalar va ishlab chiqarishda mayib boʻlishning oldini olish zarurligini targʻib qiladi.

10. Davlat inspeksiyasi:

koʻmir, kon-ruda va noruda, kimyo, metallurgiya, neft va gaz qazib olish, neft va gazni qayta ishlash sanoatida, geologiya-qidiruv tashkilotlarida, magistral neft-gaz va ularning mahsulotlarini uzatish quvurlarida, ishlab chiqarish jarayonida gazdan foydalanishda, portlash va yongʻin xavfi boʻlgan obyektlarda, don saqlash hamda uni qayta ishlash obyektlarida, yer ostida transport va gidrotexnika qurilishlarini olib borishda, portlash va yongʻin xavfi boʻlgan qurilish obyektlarida va boshqa tarmoqlarning oʻta xavfli obyektlarida;

sanoat portlovchi moddalari va portlatuvchi vositalarni ishlab chiqarish, saqlash, ishlatish va hisobga olishda;

gaz, neft va ularning mahsulotlari uzatiladigan magistral quvurlarni, shaharlar va aholi yashash joylarini gaz bilan taʼminlash tizimlarini, shuningdek neft mahsulotlarini, tabiiy va suyultirilgan (propan-butan) gazlarni tashish, saqlash va foydalanish bilan bogʻliq obyektlarni loyihalash, qurish, foydalanish va taʼmirlashda;

neft va gaz izlashda, neft va gaz quduqlarini qazishda, ularni sinab koʻrishda va ishlatishga tayyorlashda;

portlash va yongʻin xavfi boʻlgan nazorat ostidagi ishlab chiqarishlarni va obyektlarni qurishda, rekonstruksiya qilishda, ulardan foydalanishda va ularni taʼmirlashda;

yer osti boyliklaridan foydalanish va ularni muhofaza qilishda;

radioaktiv materiallar va rudalarni (vakolatiga koʻra), ionlovchi nurlanish manbalari mavjud boʻlgan buyumlarni tashish, saqlash, ulardan foydalanish va ularni koʻmib tashlash, qazib olish, qayta ishlash va hisobga olishda, yadro obyektlaridan va ionlovchi nurlanish manbalaridan foydalanuvchi yoki ularni oluvchi boshqa obyektlardan foydalanishda;

koʻtarish inshootlarini, bugʻ va suv isitish qozonlarini, bosim ostida ishlaydigan idishlarni, bugʻ va issiq suv quvurlarini, shuningdek nazorat ostidagi boshqa obyektlarni barpo etish, loyihalash, tayyorlash, montaj qilish, taʼmirlash va ulardan foydalanishda;

xavfli yuklar va portlovchi moddalarni tranzit tashishda oʻz vakolatlariga muvofiq davlat nazoratini amalga oshiradi.

Davlat inspeksiyasi oʻziga yuklangan vazifalar va funksiyalarni bevosita, shuningdek oʻz mintaqaviy inspeksiyalari va oʻziga qarashli tashkilotlar orqali hal qiladi.

11. Davlat inspeksiyasi oʻziga yuklangan vazifalar va funksiyalarni bajarish uchun quyidagi huquqlarga ega:

oʻz vakolatiga taalluqli masalalar yuzasidan korxonalar va obyektlarni qonun hujjatlarida belgilangan tartibda tekshirish;

nazorat ostidagi korxonalar va tashkilotlarning rahbarlariga, shuningdek Davlat inspeksiyasi nazorati ostidagi obyektlarga ega boʻlgan davlat va xoʻjalik boshqaruvi organlariga sanoat va radiatsiya xavfsizligi hamda yer osti boyliklarini muhofaza qilish talablarining aniqlangan buzilishlarini bartaraf etish toʻgʻrisida bajarilishi majburiy boʻlgan yozma koʻrsatmalar berish;

sanoat va radiatsiya xavfsizligi talablari buzilgan holda olib borilayotgan ishlarni belgilangan tartibda toʻxtatib turish, shuningdek odamlar hayoti xavf ostida qolganda yoki avariya holati vujudga kelganda ularni ish joylaridan chiqarish, ish joylarini yoki uskunalarini muhrlab qoʻyish;

yer osti boyliklarini muhofaza qilish hamda sanoat va radiatsiya xavfsizligi talablarini buzganlik uchun mansabdor shaxslar va fuqarolarni qonun hujjatlarida belgilangan tartibda oʻz vakolatlari doirasida maʼmuriy javobgarlikka tortish;

oʻz nazorati ostidagi ishlab chiqarishlar uchun xodimlar tayyorlovchi kurslarni, shuningdek kon va portlatish ishlari olib borilishiga javob berish huquqi beriladigan mutaxassislar tayyorlovchi kurslarni tashkil etish, oʻta xavfli ishlarni bajarish uchun tayyorlanadigan shaxslardan imtihonlar olish va ularga tegishli guvohnomalar berish;

oʻz nazorati ostidagi obyektlarda mutaxassislarning xavfsizlik qoidalari va normalarini, texnologik reglamentlarni va ishchilarning mehnatini muhofaza qilish yoʻriqnomalarini bilishlarini tekshirish, oʻz nazorati ostidagi korxonalar, shu jumladan sanoat sohasida tayyorlash va qayta tayyorlashni amalga oshiruvchi korxonalar rahbarlari va mutaxassislarining xavfsizlik hamda yer osti boyliklarini muhofaza qilish qoidalari va normalarini bilishlarini tekshirishda belgilangan tartibda qatnashish;

Davlat inspeksiyasi vakolatiga kiradigan masalalar boʻyicha xavfli ishlab chiqarish obyektlarini ishlatadigan tashkilotlarning rahbarlari hisobotlarini eshitish;

sanoat xavfsizligini ekspertiza qilish huquqini beradigan akkreditatsiyalash attestatining amal qilishini bekor qilish va toʻxtatib turish;

qonun hujjatlari buzilgan holda tayyorlangan sanoat xavfsizligi ekspertizasi xulosasini belgilangan tartibda haqiqiy emas deb eʼtirof etish;

sanoat xavfsizligi sohasida ekspertiza va akkreditatsiyadan oʻtkazish boʻyicha qonun hujjatlari talablari buzilgan taqdirda belgilangan tartibda ekspert guvohnomasini bekor qilish yoki amal qilishini toʻxtatib turish;

sanoat xavfsizligini ekspertiza qilish boʻyicha akkreditatsiya qilingan tashkilotlar faoliyatini inspeksion nazorat qilish, ular faoliyatini muvofiqlashtirish”;

oʻz nazorati ostidagi korxonalar va davlat boshqaruvi organlari rahbarlariga sanoat va radiatsiya xavfsizligi hamda yer osti boyliklarini muhofaza qilish qoidalari, yoʻriqnomalari va boshqa normativ-texnik hujjatlar talablarini buzuvchi shaxslarni egallab turgan lavozimidan belgilangan tartibda boʻshatish yoki ishlarga texnik rahbarlik qilish huquqidan bir yilgacha muddatga mahrum etish toʻgʻrisida taqdimnoma kiritish;

aybdor shaxslarni jinoiy javobgarlikka tortish toʻgʻrisidagi masalani koʻrib chiqish uchun materiallarni huquqni muhofaza qilish organlariga berish;

avariyalarning holatlari va sabablarini, ishlab chiqarish jarohati, portlovchi materiallarning yoʻqolishi holatlarini belgilangan tartibda texnik jihatdan tekshirish va tekshirish natijalari boʻyicha oʻz vakolatiga kiritilgan masalalarga oid bajarilishi majburiy boʻlgan qarorlar qabul qilish;

zarur hollarda korxonalar va tashkilotlar tomonidan asbob-uskunalar va materiallarning nazorat sinovlari, ish bajariladigan muhit va atrof tabiiy muhit tahlillari, loyiha va loyiha-konstruktorlik yechimlarining mustaqil ekspertizasi oʻtkazilishini tayinlash;

tayyorlovchi zavodlarda va taʼmirlash korxonalarida oʻz nazorati ostidagi sanoat tarmoqlari uchun asbob-uskunalarning sanoat xavfsizligi talablariga muvofiqligini tekshirish, ular standartlar, sanoat xavfsizligi talablariga hamda tasdiqlangan loyiha yechimlariga muvofiq boʻlmagan taqdirda ularning ishlab chiqarilishini toʻxtatib qoʻyish va qoʻllanishini taqiqlash;

vazirliklar, idoralar, davlat boshqaruvi boshqa organlaridan, mulkchilikning barcha shakllaridagi korxonalardan oʻz vakolatiga tegishli masalalar boʻyicha zarur axborotlarni belgilangan tartibda olish;

mansabdor shaxslarda va fuqarolarda ishlarga va ularning bajarilishiga texnik rahbarlik qilish huquqini beruvchi tegishli hujjatlar mavjudligini, shuningdek oʻta xavflilik bilan bogʻliq ishlar uchun maxsus belgilangan talablarga rioya qilinishini tekshirish;

xizmat koʻrsatiladigan korxonalar hisobiga moliyalashtiriladigan mintaqaviy inspeksiyalarga tezkor hamda metodik rahbarlik qilish;

vazirliklar, idoralar va korxonalar bilan kelishgan holda shartnoma asosida ularning mutaxassislarini ishlab chiqarishlar, obyektlar va ishlarning xavfsizligi hamda yer osti boyliklarini muhofaza qilish bilan bogʻliq mustaqil ekspertizalar va ishlanmalar oʻtkazish uchun shartnoma asosida jalb qilish.

Davlat inspeksiyasi Oʻzbekiston Respublikasi qonun hujjatlariga muvofiq boshqa huquqlarga ham ega boʻlishi mumkin.

12. Davlat inspeksiyasi inspektorlari oʻz vazifalarini bajarishlari uchun nazorat ostidagi korxonalar ularni xizmat xonalari, aloqa vositalari, maxsus kiyim-bosh va himoya vositalari, transport bilan taʼminlaydilar, shuningdek ularga doimiy biriktirib qoʻyilgan mintaqaviy inspeksiyalar inspektorlariga kommunal xizmatlar koʻrsatiladigan va telefon aloqasi boʻlgan idoraviy turar-joy ajratishda koʻmaklashadilar, idoraviy maktabgacha bolalar muassasalarida va sanatoriy-kurort muassasalarida joy beradilar, tibbiy xizmat koʻrsatish va ijtimoiy-maishiy taʼminot masalalarini hal qiladilar.

13. Davlat inspeksiyasi oʻziga yuklangan vazifalar va funksiyalarning samarali bajarilishi uchun javob beradi.

14. Davlat inspeksiyasi va uning mintaqaviy inspeksiyalari mansabdor shaxslari oʻz xizmat vazifalarini zarur darajada bajarmaganliklari uchun qonun hujjatlarida belgilangan tartibda javob beradilar.

15. Davlat inspeksiyasiga qonun hujjatlarida belgilangan tartibda lavozimga tayinlanadigan va lavozimdan ozod qilinadigan boshliq boshchilik qiladi.

Davlat inspeksiyasi boshligʻining qonun hujjatlarida belgilangan tartibda lavozimga tayinlanadigan va lavozimdan ozod qilinadigan oʻrinbosari boʻladi.

Boshliq maqomiga koʻra Oʻzbekiston Respublikasi vaziriga, oʻrinbosar esa — tegishli ravishda vazir oʻrinbosariga tenglashtiriladi.

16. Davlat inspeksiyasi boshligʻi:

Davlat inspeksiyasi faoliyatiga yakkaboshchilik asosida umumiy rahbarlikni amalga oshiradi hamda Davlat inspeksiyasiga yuklangan vazifalar va funksiyalarning bajarilishi uchun shaxsan javob beradi;

zarurat boʻlganda Davlat inspeksiyasi boshqaruv apparati tuzilmasiga xodimlarning belgilangan umumiy soni doirasida oʻzgartirishlar kiritadi, shtat jadvalini va xarajatlar smetasini tasdiqlaydi;

belgilangan tartibda Davlat inspeksiyasining tarkibiy boʻlinmalari va mintaqaviy inspeksiyalari toʻgʻrisidagi nizomlarni, oʻziga qarashli tashkilotlar nizomlarini (ustavlarini) tasdiqlaydi, Davlat inspeksiyasining harbiylashtirilgan kon-qutqarish qismi toʻgʻrisidagi nizom bundan mustasno;

Davlat inspeksiyasi boshqaruvi apparati xodimlarini hamda oʻziga qarashli tashkilotlar rahbarlarini belgilangan tartibda lavozimga tayinlaydi va lavozimdan ozod qiladi;

Harbiylashtirilgan kon-qutqarish qismi shtabining harbiylashtirilgan kon-qutqarish qismining avariyaga uchragan odamlarni qutqarishga, yuz berayotgan avariyalarni bartaraf etishga va korxonalarda avariya-texnika ishlarini bajarishga tayyorligini taʼminlash boʻyicha ishlari ustidan nazoratni tashkil etadi.

Boshliq qonun hujjatlariga muvofiq boshqa vakolatlarni ham amalga oshiradi.

17. Tarmoq inspeksiyalari va mintaqaviy inspeksiyalar oʻz faoliyatini Davlat inspeksiyasi tomonidan tasdiqlanadigan nizomga muvofiq amalga oshiradilar.

18. Xavfli ishlab chiqarish obyektlarini ishlatish bilan bogʻliq ishlarni muvofiqlashtirish uchun Davlat inspeksiyasi huzurida Davlat inspeksiyasi boshligʻi boshchilik qiladigan Sanoat xavfsizligi boʻyicha idoralararo kengash tashkil etiladi. Sanoat xavfsizligi boʻyicha idoralararo kengashning shaxsiy tarkibi va Kengash toʻgʻrisidagi nizom Oʻzbekiston Respublikasi Vazirlar Mahkamasi bilan kelishgan holda Davlat inspeksiyasi boshligʻi tomonidan tasdiqlanadi.

19. Davlat inspeksiyasida tarkibiga Davlat inspeksiyasi boshligʻi (hayʼat raisi), uning oʻrinbosari, shuningdek Davlat inspeksiyasining boshqa rahbar xodimlari kiradigan 5 kishidan iborat hayʼat tashkil etiladi. Hayʼatning shaxsiy tarkibi Davlat inspeksiyasi boshligʻining taqdimnomasi boʻyicha Oʻzbekiston Respublikasi Vazirlar Mahkamasi tomonidan tasdiqlanadi.

Hayʼat oʻzining muntazam oʻtkaziladigan majlislarida sanoat va radiatsiya xavfsizligi sohasida davlat nazoratini takomillashtirish, idoraviy mansub tashkilotlarga amaliy rahbarlik qilish, qarorlar bajarilishini tekshirish, kadrlarni tanlash va ulardan foydalanish masalalarini koʻrib chiqadi, Davlat inspeksiyasining vakolatiga kiradigan masalalar boʻyicha idoraviy mansub va nazorat ostidagi tashkilotlarning rahbarlari hisobotlarini eshitadi.

Hayʼat majlisiga Davlat inspeksiyasi vakolatiga kiradigan masalalar boʻyicha vazirliklar, davlat qoʻmitalari, idoralar, mahalliy davlat hokimiyati organlari, korxonalar, muassasalar va tashkilotlarning rahbarlari taklif etilishi mumkin”;

20. Inspektorlar tarkibiga va Davlat inspeksiyasi organlari xodimlariga belgilangan tartibda farqlash belgilari boʻlgan formali kiyim-bosh va yagona namunadagi guvohnoma beriladi.

21. Davlat inspeksiyasini qayta tashkil etish va tugatish qonun hujjatlarida belgilangan tartibda amalga oshiriladi.

1. Vazirlar Mahkamasining “Sanoatda va konchilikda ishlarning bexatar olib borilishini nazorat qilish agentligining konda xatardan qutqaruvchi harbiylashtirilgan qismlari toʻgʻrisida” 1993-yil 3-martdagi 122-son qarori va unga ilovadagi Sanoatda va konchilikda ishlarning bexatar olib borilishini nazorat qilish agentligiga koʻrsatmalar, Oʻzbekiston Respublikasi Sanoatda, konchilikda va kommunal-maishiy sektorda ishlarning bexatar olib borilishini nazorat qilish davlat inspeksiyasiga koʻrsatmalar bilan almashtirilsin.

2. Vazirlar Mahkamasining “Oʻzbekiston Respublikasi Favqulodda vaziyatlar vazirligining faoliyatini tashkil etish masalalari toʻgʻrisida” 1996-yil 11-apreldagi 143-son qarori 13-bandining birinchi xatboshidagi “Sanoatkontexnazorat” agentligi” soʻzlari “Oʻzbekiston Respublikasi “Sanoatkontexnazorat” davlat inspeksiyasi” soʻzlari bilan almashtirilsin.

3. Vazirlar Mahkamasining “Yer osti boyliklari toʻgʻrisida”gi Oʻzbekiston Respublikasi Qonuniga muvofiq normativ hujjatlarni tasdiqlash haqida” 1997-yil 13-yanvardagi 19-son qaroriga 1 va 2-ilovalar matnida:

“Sanoatkontexnazorat” — Sanoatda va konchilikda ishlarning bexatar olib borilishini nazorat qilish agentligi va “Sanoatkontexnazorat” agentligiga koʻrsatmalar, “Sanoatkontexnazorat” — Oʻzbekiston Respublikasi Sanoatda, konchilikda va kommunal-maishiy sektorda ishlarning bexatar olib borilishini nazorat qilish davlat inspeksiyasi va Oʻzbekiston Respublikasi “Sanoatkontexnazorat” davlat inspeksiyasiga koʻrsatmalar bilan almashtirilsin;

“Sanoatda va konchilikda ishlarning bexatar olib borilishini nazorat qilish agentligi raisi” soʻzlari “Oʻzbekiston Respublikasi “Sanoatkontexnazorat” davlat inspeksiyasi boshligʻi” soʻzlari bilan almashtirilsin.

4. Vazirlar Mahkamasining “Yer osti boyliklari toʻgʻrisida”gi Oʻzbekiston Respublikasi Qonuniga muvofiq normativ hujjatlarni tasdiqlash haqida” 1997-yil 13-yanvardagi 20-son qaroriga 1—4-ilovalarning matnida:

“Sanoatkontexnazorat” — Sanoatda va konchilikda ishlarning bexatar olib borilishini nazorat qilish agentligi va “Sanoatkontexnazorat” agentligi”ga koʻrsatmalar tegishli ravishda “Sanoatkontexnazorat” — Oʻzbekiston Respublikasi Sanoatda, konchilikda va kommunal-maishiy sektorda ishlarning bexatar olib borilishini nazorat qilish davlat inspeksiyasi va Oʻzbekiston Respublikasi “Sanoatkontexnazorat” davlat inspeksiyasi”ga koʻrsatmalar bilan almashtirilsin;

“Sanoatda va konchilikda ishlarning bexatar olib borilishini nazorat qilish agentligi raisi”, “Sanoatkontexnazorat” agentligi raisi” soʻzlari “Oʻzbekiston Respublikasi “Sanoatkontexnazorat” davlat inspeksiyasi boshligʻi” soʻzlari bilan almashtirilsin;

3-ilova II boʻlimi 1-bandining birinchi xatboshida “Sanoatkontexnazorat” agentligi tomonidan amalga oshiriladi” soʻzlari “Oʻzbekiston Respublikasi “Sanoatkontexnazorat” davlat inspeksiyasi bilan kelishgan holda amalga oshiriladi” soʻzlari bilan almashtirilsin.

5. Vazirlar Mahkamasining “Yer osti boyliklari toʻgʻrisida”gi Oʻzbekiston Respublikasi Qonuniga muvofiq geologiya va marksheyder xizmatlari toʻgʻrisidagi namunaviy nizomlarni tasdiqlash haqida” 1997-yil 1-apreldagi 168-son qaroriga 1-ilova 8-bandining beshinchi xatboshida va 2-ilova 8-bandining beshinchi xatboshida “Sanoatkontexnazorat” agentligi” soʻzlari “Oʻzbekiston Respublikasi “Sanoatkontexnazorat” davlat inspeksiyasi” soʻzlari bilan almashtirilsin.

6. Vazirlar Mahkamasining “Ishlab chiqarishdagi baxtsiz hodisalarni va xodimlar salomatligining boshqa xil zararlanishini tekshirish va hisobga olish toʻgʻrisidagi Nizomni tasdiqlash haqida” 1997-yil 6-iyundagi 286-son qaroriga (Oʻzbekiston Respublikasi QT, 1997-y., 6-son, 21-modda) ilovada “Sanoatkontexnazorat” agentligi” soʻzlari “Oʻzbekiston Respublikasi “Sanoatkontexnazorat” davlat inspeksiyasi” soʻzlari bilan almashtirilsin.

7. Oʻzbekiston Respublikasi Vazirlar Mahkamasining “Kimyoviy qurollarni yaratish, ishlab chiqarish, toʻplash va qoʻllashni taqiqlash hamda uni yoʻq qilib tashlash toʻgʻrisidagi Konvensiyani roʻyobga chiqarish boʻyicha Oʻzbekiston Respublikasi Vazirlar Mahkamasining komissiyasini tashkil etish haqida” 1997-yil 6-iyundagi 287-son qarori 3-bandining ikkinchi xatboshida va 2-ilova IV boʻlimining yettinchi xatboshidagi Sanoatda va konchilikda ishlarning bexatar olib borilishini nazorat qilish agentligiga koʻrsatmalar, Oʻzbekiston Respublikasi Sanoatda, konchilikda va kommunal-maishiy sektorda ishlarning bexatar olib borilishini nazorat qilish davlat inspeksiyasiga koʻrsatmalar bilan almashtirilsin.

8. Vazirlar Mahkamasining “Mehnatni muhofaza qilishga doir meʼyoriy hujjatlarni qayta koʻrib chiqish va ishlab chiqish toʻgʻrisida” 2000-yil 12-iyuldagi 267-son qarorida (Oʻzbekiston Respublikasi QT, 2000-y., 7-son, 39-modda):

a) 2-bandda “Sanoatda va konchilikda ishlarning bexatar olib borilishini nazorat qilish agentligiga” soʻzlari “Oʻzbekiston Respublikasi Sanoatda, konchilikda va kommunal-maishiy sektorda ishlarning bexatar olib borilishini nazorat qilish davlat inspeksiyasiga” soʻzlari bilan almashtirilsin;

b) 1-ilovada:

1-banddagi “Sanoatkontexnazorat” agentligi” soʻzlari “Oʻzbekiston Respublikasi “Sanoatkontexnazorat” davlat inspeksiyasi” soʻzlari bilan almashtirilsin;

4-band quyidagi tahrirda bayon qilinsin:

“4. Oʻzbekiston Respublikasi Sanoatda, konchilikda va kommunal-maishiy sektorda ishlarning bexatar olib borilishini nazorat qilish davlat inspeksiyasi tomonidan tasdiqlanadigan ishlarning xavfsizligi qoidalari”;

4. 60-kichik banddagi “Sanoatkontexnazorat” agentligi” soʻzlari “Oʻzbekiston Respublikasi “Sanoatkontexnazorat” davlat inspeksiyasi” soʻzlari bilan almashtirilsin.

9. Vazirlar Mahkamasining “Oʻzbekiston Respublikasi Mehnat va aholini ijtimoiy muhofaza qilish vazirligi hamda Tashqi mehnat migratsiyasi masalalari agentligi toʻgʻrisidagi nizomlarni tasdiqlash haqida” 2001-yil 6-apreldagi 162-son qaroriga (Oʻzbekiston Respublikasi QT, 2001-y., 4-son, 21-modda) 3-ilovadagi 30-band oʻz kuchini yoʻqotgan deb hisoblansin.

10. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish va ayrimlarini oʻz kuchini yoʻqotgan deb hisoblash toʻgʻrisida” 2001-yil 1-noyabrdagi 434-son qaroriga (Oʻzbekiston Respublikasi QT, 2001-y., 11-12-son, 62-modda) ilovadagi 8-band oʻz kuchini yoʻqotgan deb hisoblansin.

11. Vazirlar Mahkamasining “Oʻzbekiston Respublikasi hududi orqali maxsus yuklar va harbiy tarkiblarning tranzitini davlat tomonidan tartibga solish va nazorat qilish toʻgʻrisida” 2002-yil 21-fevraldagi 62-son qarorida (Oʻzbekiston Respublikasi QT, 2002-y., 2-son, 10-modda):

4 va 5-bandlardagi “Sanoatkontexnazorat” agentligi” soʻzlari “Oʻzbekiston Respublikasi “Sanoatkontexnazorat” davlat inspeksiyasi” soʻzlari bilan almashtirilsin;

3-ilova 5-bandining birinchi va ikkinchi xatboshidagi, 31-banddagi “Sanoatkontexnazorat” agentligi” hamda “Sanoatda va konchilikda ishlarning bexatar olib borilishini nazorat qilish agentligi” soʻzlari “Oʻzbekiston Respublikasi “Sanoatkontexnazorat” davlat inspeksiyasi” soʻzlari bilan almashtirilsin.

12. Oʻzbekiston Respublikasi Vazirlar Mahkamasining “Respublika oltin qazib olish sanoatini boshqarish tuzilmasini takomillashtirish chora-tadbirlari toʻgʻrisida” 2002-yil 26-apreldagi 145-son qarori 9-bandidagi “Sanoatkontexnazorat” agentligi” soʻzlari “Oʻzbekiston Respublikasi “Sanoatkontexnazorat” davlat inspeksiyasi” soʻzlari bilan almashtirilsin.

13. Vazirlar Mahkamasining “Oʻzbekiston Respublikasi Hukumatining ayrim qarorlariga qoʻshimcha va oʻzgartirishlar kiritish toʻgʻrisida” 2002-yil 1-maydagi 150-son qaroriga (Oʻzbekiston Respublikasi QT, 2002-y., 5-son, 23-modda) ilovada 11-band chiqarib tashlansin.

14. Vazirlar Mahkamasining “Elektr tarmoqlari va inshootlarini muhofaza qilish qoidalarini tasdiqlash toʻgʻrisida” 2002-yil 5-iyuldagi 243-son qaroriga (Oʻzbekiston Respublikasi QT, 2002-y., 7-son, 38-modda) ilovaning 23-bandida “Sanoatkontexnazorat” agentligi” soʻzlari “Oʻzbekiston Respublikasi “Sanoatkontexnazorat” davlat inspeksiyasi” soʻzlari bilan almashtirilsin.

15. Oʻzbekiston Respublikasi Vazirlar Mahkamasining “Neft mahsulotlarini sotish boʻyicha faoliyatni litsenziyalash toʻgʻrisidagi nizomlarni tasdiqlash haqida” 2003-yil 28-iyundagi 289-son qaroriga 1-ilova 10-bandining “e” kichik bandidagi hamda 2-ilova 10-bandining “e” kichik bandidagi “Sanoatkontexnazorat” agentligi” soʻzlari “Oʻzbekiston Respublikasi “Sanoatkontexnazorat” davlat inspeksiyasi” soʻzlari bilan almashtirilsin.

16. Oʻzbekiston Respublikasi Vazirlar Mahkamasining “Neft, gaz hamda gaz kondensatini qazib chiqarish, qayta ishlash va sotish, magistral gaz quvurlari, neft quvurlari va neft mahsulotlari quvurlarini loyihalashtirish, qurish, ulardan foydalanish va ularni taʼmirlash boʻyicha faoliyatni litsenziyalash toʻgʻrisida” 2003-yil 9-iyuldagi 310-son qaroriga 1-ilova 11-bandining “e” kichik bandidagi hamda 2-ilova 10-bandining “j” kichik bandidagi “Sanoatkontexnazorat” agentligining” hamda “Sanoatda va konchilikda ishlarning bexatar olib borilishini nazorat qilish agentligining” soʻzlari “Oʻzbekiston Respublikasi “Sanoatkontexnazorat” davlat inspeksiyasining” soʻzlari bilan almashtirilsin.

17. Oʻzbekiston Respublikasi Vazirlar Mahkamasining “Respublika gaz taʼminotini boshqarish tizimini takomillashtirish chora-tadbirlari toʻgʻrisida” 2003-yil 2-oktabrdagi 421-son qaroriga 1 va 2-ilovalar oʻz kuchini yoʻqotgan deb hisoblansin.

18. Oʻzbekiston Respublikasi Vazirlar Mahkamasining “Yagona energetika tizimiga ulanadigan statsionar elektr stansiyalarida elektr energiyasi ishlab chiqarish faoliyatini litsenziyalash toʻgʻrisidagi nizomni tasdiqlash haqida” 2003-yil 28-oktabrdagi 469-son qarori (Oʻzbekiston Respublikasi QT, 2003-y., 10-son, 102-modda) 1-ilova 8-bandining “e” kichik bandidagi “Sanoatda va konchilikda ishlarning bexatar olib borilishini nazorat qilish agentligining” soʻzlari “Oʻzbekiston Respublikasi Sanoatda, konchilikda va kommunal-maishiy sektorda ishlarning bexatar olib borilishini nazorat qilish davlat inspeksiyasining” soʻzlari bilan almashtirilsin.

19. Oʻzbekiston Respublikasi Vazirlar Mahkamasining “Ionlashtiruvchi nurlanish manbalari muomalada boʻladigan sohalardagi faoliyat turlarini litsenziyalash toʻgʻrisidagi Nizomni tasdiqlash haqida” 2003-yil 6-noyabrdagi 489-son qarorida (Oʻzbekiston Respublikasi QT, 2003-y., 11-son, 111-modda):

1-ilovaning 2-bandidagi “Sanoatkontexnazorat” agentligi” soʻzlari “Oʻzbekiston Respublikasi “Sanoatkontexnazorat” davlat inspeksiyasi” soʻzlari bilan almashtirilsin;

Ionlashtiruvchi nurlanish manbalari muomalada boʻladigan sohalardagi faoliyat turlarini litsenziyalash toʻgʻrisidagi Nizomga (1-ilova) ilovada “Sanoatkontexnazorat” agentligi”, “Sanoatkontexnazorat” agentligiga”, “Sanoatkontexnazorat” agentligining” va “Sanoatkontexnazorat” agentligi tomonidan” soʻzlari tegishli ravishda “Oʻzbekiston Respublikasi “Sanoatkontexnazorat” davlat inspeksiyasi”, “Sanoatkontexnazorat” davlat inspeksiyasiga”, “Oʻzbekiston Respublikasi “Sanoatkontexnazorat” davlat inspeksiyasining” va “Oʻzbekiston Respublikasi “Sanoatkontexnazorat” davlat inspeksiyasi tomonidan” soʻzlari bilan almashtirilsin.

20. Oʻzbekiston Respublikasi Vazirlar Mahkamasining “Vazirliklar va idoralarning budjetdan tashqari jamgʻarmalariga mablagʻlar ajratish va ulardan foydalanishni tartibga solish chora-tadbirlari toʻgʻrisida” 2003-yil 19-noyabrdagi 520-son qaroriga (Oʻzbekiston Respublikasi QT, 2003-y., 11-son, 123-modda) 1-ilovaning 14-bandidagi “Sanoatda va konchilikda ishlarning bexatar olib borilishini nazorat qilish agentligi”, “Agentlik tomonidan” soʻzlari tegishli ravishda “Oʻzbekiston Respublikasi Sanoatda, konchilikda va kommunal-maishiy sektorda ishlarning bexatar olib borilishini nazorat qilish davlat inspeksiyasi”, “Inspeksiya tomonidan” soʻzlari bilan almashtirilsin.