Majlis kun tartibiga kiritilgan masalalar muhokamasidan kelib chiqqan holda Respublika kengashi qaror qiladi:

10. Oʻzbekiston Respublikasi Prezidentining 2017-yil 30-avgustdagi PF-5174-son “Oʻzbekiston Respublikasi Vazirlar Mahkamasi huzuridagi Oʻsimliklar karantini davlat inspeksiyasini tashkil etish toʻgʻrisida”gi Farmoni, 2017-yil 1-maydagi PQ-2936-son “Oʻzbekiston Respublikasi Davlat arxitektura va qurilish qoʻmitasi faoliyatini tashkil etish chora-tadbirlari toʻgʻrisida”gi va 2017-yil 23-iyundagi PQ-3082-son “Respublika aholisini ijtimoiy ahamiyatga ega oziq-ovqat tovarlarining asosiy turlari bilan ishonchli taʼminlashga oid kechiktirib boʻlmaydigan chora-tadbirlari toʻgʻrisida”gi qarorlariga muvofiq Kengashning 2017-yil 14-martdagi 1-son qarori bilan tasdiqlangan Nazorat qiluvchi organlar tomonidan xoʻjalik yurituvchi subyektlar — yuridik shaxslar faoliyatidagi tekshirishlarni muvofiqlashtirish va oʻtkazish tartibi toʻgʻrisidagi nizomga (roʻyxat raqami 2878, 2017-yil 6-may) (Oʻzbekiston Respublikasi qonun hujjatlari toʻplami, 2017-y., 19-son, 347-modda) 6-ilovaga muvofiq oʻzgartirishlar va qoʻshimcha kiritilsin.

1. 22-bandning beshinchi xatboshisidagi “tayyorlanadi va” degan soʻzlar “tayyorlanib, bir ish kuni davomida” degan soʻzlar bilan almashtirilsin.

2. 3-ilovada:

beshinchi xatboshidagi ““Davarxitektqurilishnazorat” inspeksiyasi” degan soʻzlar “Davlat arxitektura-qurilish nazorati inspeksiyasi”degan soʻzlar bilan almashtirilsin;

oʻn toʻqqizinchi xatboshidagi “Qishloq va suv xoʻjaligi vazirligi huzuridagi “Oʻzdavboshdavkarantin” inspeksiyasi” degan soʻzlar “Vazirlar Mahkamasi huzuridagi Oʻsimliklar karantini davlat inspeksiyasi” degan soʻzlar bilan almashtirilsin;

yigirma toʻrtinchi xatboshidagi “Mehnat vazirligi” degan soʻzlar “Bandlik va mehnat munosabatlari vazirligi” degan soʻzlar bilan almashtirilsin;

quyidagi mazmundagi yigirma sakkizinchi, yigirma toʻqqizinchi va oʻttizinchi xatboshilar bilan toʻldirilsin:

“Davlat arxitektura-qurilish nazorati inspeksiyasi va tumanlar (shaharlar) bosh arxitektorlari tomonidan moliyalashtirish manbalaridan qatʼi nazar, barcha qurilishlarda, shu jumladan, yakka tartibdagi uy-joy qurilish obyektlarida ruxsat berilgan hujjatlar mavjudligi va shaharsozlik norma hamda qoida talablariga rioya etilayotganligi borasida subyektning moliya-xoʻjalik faoliyatiga aralashmasdan qisqa muddatli tekshirishlar oʻtkazilganda;

Bosh prokuratura huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamenti tomonidan ijtimoiy ahamiyatga ega oziq-ovqat tovarlari, paxta shroti va sheluxasiga boʻlgan narxlarni oshirish, ularni xarid qilish, yetkazib berish va sotishda suiisteʼmol qilinishlar va korrupsiya holatlarini aniqlash boʻyicha tezkor-qidiruv chora-tadbirlari olib borilganda;

Bosh prokuratura huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamenti tomonidan olib borilgan tezkor-qidiruv chora-tadbirlari natijalari, xususan, tahliliy materiallar, tekshiruv xaridlari yoki nazorat xaridlari natijalari boʻyicha olingan tovar yoki kassa cheklari, shuningdek, qonun buzilishini tasdiqlovchi cheklarni bermaslik holatlarini aniqlash, keyinchalik qonunbuzarlikning keng miqyosini, narxlarni oshirish usullari va mexanizmlarini aniqlash uchun moliya-xoʻjalik faoliyati yuzasidan tekshirish oʻtkazilganda.”;

yigirma sakkizinchi xatboshi oʻttiz birinchi xatboshi hisoblansin.