LexUZ sharhi
Mazkur qaror O‘zbekiston Respublikasi Vazirlar Mahkamasining 2021-yil 22-fevraldagi 87-sonli “O‘zbekiston Respublikasi Hukumatining o‘z ahamiyatini yo‘qotgan ayrim qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida” 2020-yil 27-sentabrdagi PF-6075-son Farmoni)”gi qaroriga asosan o‘z kuchini yo‘qotgan.
O‘zbekiston Respublikasi Vazirlar Mahkamasining “O‘zbekiston Respublikasi sporchilarining Afina shahri (Gretsiya)da o‘tkaziladigan 2004-yilgi XXVIII yozgi Olimpiada o‘yinlarida munosib ishtirok etishini ta’minlash to‘g‘risida” 2004-yil 7-iyundagi 261-son qaroriga muvofiq Vazirlar Mahkamasi qaror qiladi:
1. 2004-yilgi XXVIII yozgi Olimpiada o‘yinlari sovrindorlari bo‘lgan O‘zbekiston Respublikasi sporchilariga bir martalik mukofotlarni to‘lash tartibi to‘g‘risidagi nizom ilovaga muvofiq tasdiqlansin.
2. O‘zbekiston Respublikasi Moliya vazirligi, Tashqi iqtisodiy faoliyat milliy banki XXVIII yozgi Olimpiada o‘yinlari sovrindorlari bo‘lgan respublika sportchilariga belgilangan bir martalik pul mukofotlarini mazkur qaror bilan tasdiqlangan Nizomga qat’iy muvofiq ravishda hisoblash va to‘lashni amalga oshirsinlar.
3. Respublika sportchilariga pul mukofotlarini to‘lash uchun O‘zbekiston Respublikasi Tashqi iqtisodiy faoliyat milliy banki XXVIII yozgi Olimpiada o‘yinlarida oltin, kumush va bronza medallariga sazovor bo‘lgan sportchilarga jismoniy shaxslar uchun depozit valyuta hisob raqamlari ochsin.
4. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosarlari R.S. Azimov va A.A. Azizxo‘jayev zimmasiga yuklansin.
1. Ushbu Nizom O‘zbekiston Respublikasi Vazirlar Mahkamasining “O‘zbekiston Respublikasi sporchilarining Afina shahri (Gretsiya)da o‘tkaziladigan 2004-yilgi yozgi Olimpiada o‘yinlarida munosib ishtirok etishini ta’minlash to‘g‘risida” 2004-yil 7-iyundagi 261-son qaroriga muvofiq ishlab chiqilgan hamda XXVIII yozgi Olimpiada o‘yinlarida oltin, kumush va bronza medallari olgan O‘zbekiston Respublikasi sportchilariga bir martalik pul mukofotlarini to‘lash tartibini belgilaydi.
2. Oltin, kumush va bronza medallari olgan respublika sportchilari quyidagi miqdorlardagi pul mukofotlari bilan taqdirlanadilar:
3. Oltin, kumush va bronza medallari olgan sportchilarga pul mukofotini to‘lash bilan bog‘liq xarajatlar Davlat budjeti mablag‘lari hisobiga amalga oshiriladi.
4. O‘zbekiston Respublikasi Moliya vazirligi O‘zbekiston respublika valyuta birjasida valyuta mablag‘larini sotib olish uchun so‘mdagi mablag‘larni vakolatli tashkilotlarga o‘tkazadi.
O‘zbekiston Respublikasining vakolatli tashkilotlari ajratilgan so‘mdagi mablag‘larni zarur valyuta mablag‘lari sotib olish uchun O‘zbekiston Respublikasi Tashqi iqtisodiy faoliyat milliy banki hisobiga o‘tkazadilar.
5. Ajratilgan summalar O‘zbekiston respublika valyuta birjasi savdolarida O‘zbekiston Respublikasi Markaziy bankining konvertatsiya sanasidagi rasmiy almashtirish kursi bo‘yicha belgilangan tartibda dollarga konvertatsiya qilinadi.
6. O‘zbekiston Respublikasi Tashqi iqtisodiy faoliyat milliy banki O‘zbekiston respublika valyuta birjasida valyuta mablag‘larini sotib oladi va sotib olingan mablag‘lar doirasida Olimpiada o‘yinlarida oltin, kumush va bronza medallarini qo‘lga kiritgan sportchilarga belgilangan tartibda jismoniy shaxslar uchun depozit valyuta hisob raqamlari ochadi.
7. XXVIII Olimpiada o‘yinlarida erishgan yuksak natijalari uchun O‘zbekiston Respublikasi sportchilariga pul mukofotlarini to‘lash Tashqi iqtisodiy faoliyat milliy bankida belgilangan tartibda jismoniy shaxslar uchun ochiladigan depozit valyuta hisob raqamlaridan, Tashqi iqtisodiy faoliyat milliy banki tomonidan AQSh dollarida amalga oshiriladi.