Xususiylashtirilgan korxonalarning ustav fondidagi davlat ulushini boshqarish bo‘yicha davlatning ishonchli vakillari va investitsiya aktivlarini ishonchli boshqaruvchilarning faoliyati samaradorligini oshirish, davlat aktivlarini professional investitsiya aktivlarini ishonchli boshqaruvchilarga ishonchli boshqaruvga berish jarayonlarini jadallashtirish maqsadida Vazirlar Mahkamasi qaror qiladi:

1. Quyidagilar:

Aksiyadorlik birlashmalari va kompaniyalaridagi aksiyalar davlat ulushidan samarali foydalanilishi ustidan monitoring olib borish komissiyasi to‘g‘risidagi nizom 2-ilovaga muvofiq tasdiqlansin.

2. Quyidagilar Komissiyaning asosiy vazifalari etib belgilansin:

xo‘jalik jamiyatlari ustav fondidagi davlat ulushini boshqarish samaradorligini oshirishga yo‘naltirilgan chora-tadbirlarni amalga oshirish;

davlat ulushi investitsiya aktivlarini ishonchli boshqaruvchilarga boshqaruvga berilgungacha bo‘lgan muddatga respublika iqtisodiyoti uchun strategik ahamiyatga ega bo‘lgan xo‘jalik jamiyatlarining ustav fondidagi davlat ulushini boshqarish bo‘yicha davlatning ishonchli vakilini tayinlash, shuningdek ularni yuklangan vazifalardan ozod qilish;

respublika iqtisodiyoti uchun strategik ahamiyatga ega bo‘lgan xo‘jalik jamiyatlarining ustav fondidagi davlat ulushlarini ishonchli boshqarish huquqi uchun o‘tkazilgan tanlovlar natijalarini tasdiqlash;

xo‘jalik jamiyatlarining ustav fondidagi davlat ulushi bo‘yicha dividendlar davlat budjetiga to‘liq va o‘z vaqtida to‘lanishini ta’minlash ishlarini tashkil etish;

xo‘jalik boshqaruvi organlari rahbarlari, davlat ishonchli vakillari va investitsiya aktivlarini ishonchli boshqaruvchilarning aksiyadorlik jamiyatlarini boshqarishda davlat ishtirokining maxsus huquqi (“oltin aksiya”)dan foydalanayotgan davlat vakillarining davlat ulushlarini boshqarish bo‘yicha faoliyatlarining natijalari to‘g‘risidagi axborotlarini muntazam ravishda eshitib borish.

aksiyadorlik jamiyatlarini boshqarishda davlat ishtirokining maxsus huquqi (“oltin aksiya”)dan foydalanayotgan davlat vakillarini tayinlash va ozod qilish.

3. Aksiyadorlik birlashmalari va kompaniyalaridagi aksiyalar davlat ulushidan samarali foydalanilishi ustidan monitoring olib borish komissiyasining ishchi organi funksiyasi O‘zbekiston Respublikasining Xususiylashtirish, monopoliyadan chiqarish va raqobatni rivojlantirish davlat qo‘mitasi huzuridagi Davlat aktivlarini boshqarish markaziga yuklansin.

4. Davlat mulki qo‘mitasi Davlat statistika qo‘mitasi, Moliya vazirligi va Iqtisodiy nochor korxonalar ishlari qo‘mitasi bilan birgalikda uch oy muddatda ustav fondida davlat ulushi bo‘lgan davlat unitar korxonalari, xo‘jalik jamiyatlarini hisobga olish, davlat ulushiga hisoblangan dividendlarni davlat budjetiga tushirish bo‘yicha idoralar o‘rtasida o‘zaro hamkorlik va axborot almashish tizimini ishlab chiqsin va joriy etsin.

5. O‘zbekiston Respublikasi Hukumatining 3-ilovaga muvofiq ayrim qarorlariga o‘zgartirish va qo‘shimchalar kiritilsin.

6. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari R.S. Azimov zimmasiga yuklansin.

1. Mazkur Nizom Aksiyadorlik birlashmalari va kompaniyalaridagi aksiyalar davlat ulushidan samarali foydalanilishi ustidan monitoring olib borish komissiyasi (keyingi o‘rinlarda Komissiya deb yuritiladi) faoliyatini tartibga soladi va uning asosiy vazifalari, funksiyalari, huquqlari va majburiyatlarini belgilab beradi.

2. Ushbu Nizomning amal qilishi tijorat banklar ustav fondidagi aksiyalarning davlat ulushini boshqarishga nisbatan tatbiq etilmaydi.

3. Komissiyaning o‘z vakolati doirasida davlatning ishonchli vakillari va investitsiya aktivlarini ishonchli boshqaruvchilarni tayinlash, ozod etish va ularning faoliyatiga tegishli bo‘lgan masalalar bo‘yicha qabul qilgan qarorlari davlat va xo‘jalik boshqaruvi organlari hamda xo‘jalik yurituvchi subyektlar tomonidan bajarilishi majburiy hisoblanadi.

4. Komissiya o‘z faoliyatida O‘zbekiston Respublikasi qonunlariga, Oliy Majlisning qarorlariga, O‘zbekiston Respublikasi Prezidentining farmonlari va farmoyishlariga, Vazirlar Mahkamasining qarorlariga, mazkur Nizomga va boshqa normativ hujjatlarga amal qiladi.

5. Quyidagilar Komissiyaning asosiy vazifalari hisoblanadi:

xo‘jalik jamiyatlari ustav fondidagi davlat ulushini boshqarish samaradorligini oshirishga yo‘naltirilgan chora-tadbirlarni amalga oshirish;

davlat ulushi investitsiya aktivlarini ishonchli boshqaruvchilarga boshqaruvga berilgungacha bo‘lgan muddatga respublika iqtisodiyoti uchun strategik ahamiyatga ega bo‘lgan xo‘jalik jamiyatlarining ustav fondidagi davlat ulushini boshqarish bo‘yicha davlatning ishonchli vakilini tayinlash, shuningdek ularni yuklangan vazifalardan ozod qilish;

respublika iqtisodiyoti uchun strategik ahamiyatga ega bo‘lgan xo‘jalik jamiyatlarining ustav fondidagi davlat ulushlarini ishonchli boshqarish huquqi uchun o‘tkazilgan tanlovlar natijalarini tasdiqlash;

xo‘jalik jamiyatlarining ustav fondidagi davlat ulushi bo‘yicha dividendlar davlat budjetiga to‘liq va o‘z vaqtida to‘lanishini ta’minlash ishlarini tashkil etish;

xo‘jalik boshqaruvi organlari rahbarlari, davlat ishonchli vakillari va investitsiya aktivlarini ishonchli boshqaruvchilarning aksiyadorlik jamiyatlarini boshqarishda davlat ishtirokining maxsus huquqi (“oltin aksiya”)dan foydalanayotgan davlat vakillarining davlat ulushlarini boshqarish bo‘yicha faoliyatlarining natijalari to‘g‘risidagi axborotlarini muntazam ravishda eshitib borish.

aksiyadorlik jamiyatlarini boshqarishda davlat ishtirokining maxsus huquqi (“oltin aksiya”)dan foydalanayotgan davlat vakillarini tayinlash va ozod qilish;

6. Quyidagilar Komissiyaning funksiyalari hisoblanadi:

respublika iqtisodiyoti uchun strategik ahamiyatga ega bo‘lgan xo‘jalik jamiyatlarining ustav fondidagi davlat ulushini boshqarish uchun tanlov g‘oliblari — davlatning ishonchli vakillarini davlat ulushi investitsiya aktivlarining ishonchli boshqaruvchilariga berilgungacha bo‘lgan muddatga tayinlash va investitsiya aktivlarining ishonchli boshqaruvchilarini tasdiqlash;

aksiyadorlik jamiyatlarini boshqarishda davlat ishtirokining maxsus huquqi (“oltin aksiya”)dan foydalanayotgan davlat vakillarini tayinlash va ozod qilish;

respublika iqtisodiyoti uchun strategik ahamiyatga ega bo‘lgan xo‘jalik jamiyatlarining ustav fondidagi davlat ulushlarini ishonchli boshqarish huquqiga tanlovlar natijalarini tasdiqlash;

xo‘jalik jamiyatlarining ustav fondlaridagi davlat ulushlarini boshqarish bo‘yicha faoliyatida davlatning ishonchli vakillari, investitsiya aktivlarini ishonchli boshqaruvchilarning asosiy maqsad va vazifalarini belgilash;

xo‘jalik jamiyatlaridagi davlat ulushlarini boshqarish bo‘yicha davlatning ishonchli vakillarini ularga yuklangan majburiyatlardan qonun hujjatlarida belgilangan tartibda ozod etish;

davlat ulushlarini boshqarish bo‘yicha shartnomaviy munosabatlarni investitsiya aktivlarini ishonchli boshqaruvchilar bilan davom ettirish maqsadga muvofiqligini ko‘rib chiqish;

davlatning ishonchli vakillari, investitsiya aktivlarini ishonchli boshqaruvchilarning hisobot shakllarini tasdiqlash;

xo‘jalik jamiyatlarining ustav fondlaridagi davlat ulushlarini boshqarish samaradorligi yuzasidan doimiy monitoringni amalga oshirish va tahlil qilish, uni takomillashtirish bo‘yicha takliflar va mexanizmlarni ishlab chiqish.

xo‘jalik jamiyatlarining ustav fondlaridagi davlat ulushi bo‘yicha dividendlarni va davlat korxonalarining sof foydasidan davlat budjetiga ajratmalarni hisoblashning prognoz parametrlarini belgilash.

7. Komissiya quyidagi huquqlarga ega:

o‘z ish tartibini mustaqil ishlab chiqish va tasdiqlash, respublika iqtisodiyoti uchun strategik ahamiyatga ega bo‘lgan xo‘jalik jamiyatlari ro‘yxatini belgilash;

davlatning ishonchli vakillarini, shuningdek aksiyadorlik jamiyatlarini boshqarishda davlat ishtirokining maxsus huquqi (“oltin aksiya”)dan foydalanayotgan davlat vakillarini tayinlash uchun nomzodlarni tanlash talablarini va shartlarini belgilash;

o‘z vakolatlari doirasida davlat va xo‘jalik boshqaruvi organlariga topshiriqlar berish.

respublika iqtisodiyoti uchun strategik ahamiyatga ega bo‘lgan, ustav fondlaridagi davlat ulushi ishonchli boshqaruvga beriladigan xo‘jalik jamiyatlari ro‘yxatini tasdiqlash;

davlat ishonchli vakillarini attestatsiyadan o‘tkazishning O‘zbekiston Respublikasi Davlat raqobat qo‘mitasi tomonidan tasdiqlanadigan tartibini kelishish.

8. Komissiya quyidagilarga majbur:

xo‘jalik jamiyatlaridagi davlat ulushlarini boshqarish bo‘yicha davlatning ishonchli vakillari, shuningdek aksiyadorlik jamiyatlarini boshqarishda davlat ishtirokining maxsus huquqi (“oltin aksiya”)dan foydalanayotgan davlat vakillarini va investitsiya aktivlarini ishonchli boshqaruvchilarni tayinlashni tashkil etish yuzasidan O‘zbekiston Respublikasi Hukumatining qarorlarini bajarish;

Komissiya majlislarida qabul qilingan qarorlarning o‘z vaqtida bajarilishi yuzasidan nazorat va monitoringni amalga oshirish.

9. Komissiya ishini Rais tashkil qiladi, u Komissiya ish tartibini tasdiqlaydi, majlis o‘tkaziladigan sanani va kun tartibini belgilaydi, o‘zi o‘rnida bo‘lmagan hollarda komissiya a’zolaridan birini o‘rinbosar etib tayinlaydi.

Komissiyaning majlislari zaruriyatga qarab davriy, ammo chorakda kamida bir marta uning a’zolarining uchdan ikki qismidan kam bo‘lmagan a’zolari ishtirokida o‘tkaziladi.

Komissiya qarori Komissiya a’zolarining majlisida ishtirok etuvchilarning oddiy ko‘pchilik ovozi bilan qabul qilinadi. Ovozlar teng bo‘lganda Komissiya raisining ovozi hal qiluvchi hisoblanadi.

Komissiya qarori majlisda ishtirok etuvchi Komissiya a’zolari imzolaydigan va Komissiya raisi yoki uning o‘rinbosari tomonidan tasdiqlanadigan protokol bilan rasmiylashtiriladi. Protokolni imzolash vaqtida Komissiya a’zolari o‘zlarining alohida mulohazalarini bildirish huquqiga ega.

10. Komissiya majlisini tayyorlash va o‘tkazishni tashkil etishni amalga oshiruvchi Komissiyaning ishchi organi O‘zbekiston Respublikasining Xususiylashtirish, monopoliyadan chiqarish va raqobatni rivojlantirish davlat qo‘mitasi huzuridagi Davlat aktivlarini boshqarish markazi hisoblanadi.

11. Ishchi organ:

xo‘jalik jamiyatlaridagi davlat ulushlarini boshqarish bo‘yicha davlatning ishonchli vakillarini, shuningdek aksiyadorlik jamiyatlarini boshqarishda davlat ishtirokining maxsus huquqi (“oltin aksiya”)dan foydalanayotgan davlat vakillarini tayinlash va investitsiya aktivlarini ishonchli boshqaruvchilarni tasdiqlash bo‘yicha;

xo‘jalik jamiyatlarining ustav fondlaridagi davlat ulushlarini boshqarish majburiyatlaridan davlatning ishonchli vakillari, shuningdek aksiyadorlik jamiyatlarini boshqarishda davlat ishtirokining maxsus huquqi (“oltin aksiya”)dan foydalanayotgan davlat vakillarini va investitsiya aktivlarini ishonchli boshqaruvchilarni ozod etish bo‘yicha;

davlat ulushlarini ishonchli boshqarish bo‘yicha davlatning ishonchli vakillari, shuningdek aksiyadorlik jamiyatlarini boshqarishda davlat ishtirokining maxsus huquqi (“oltin aksiya”)dan foydalanayotgan davlat vakillarini va investitsiya aktivlarini ishonchli boshqaruvchilarning faoliyatini tartibga soladigan normativ hujjatlarni takomillashtirish bo‘yicha;

davlat ulushlarini ishonchli boshqarish bo‘yicha faoliyatga tegishli bo‘lgan boshqa masalalar yuzasidan takliflarni Komissiyaga ko‘rib chiqish uchun kiritish huquqiga ega.

12. Komissiyaning ishchi organi quyidagilarga majbur:

Komissiya tomonidan qabul qilingan qarorlarni o‘z vaqtida va zarur darajada bajarish;

Komissiyaning davlatning ishonchli vakillari, investitsiya aktivlarini ishonchli boshqaruvchilarni tasdiqlash to‘g‘risidagi qarori qabul qilingandan keyin o‘n ish kuni mobaynida yangi tayinlangan davlatning ishonchli vakillari, investitsiya aktivlarini ishonchli boshqaruvchilar bilan ishonchli boshqaruvga shartnomalar tuzish;

davlatning ishonchli vakillari, investitsiya aktivlarini ishonchli boshqaruvchilar hamda aksiyadorlik jamiyatlarini boshqarishda davlat ishtirokining maxsus huquqi (“oltin aksiya”)dan foydalanayotgan davlat vakillari tomonidan taqdim etiladigan hisobotlar (axborotlar)ni yig‘ish, tartibga keltirish va ishlash;

O‘zbekiston Respublikasi hududida va chet ellarda egalik huquqi davlatga tegishli bo‘lgan mol-mulkni saqlash va samarali boshqarish yuzasidan investitsiya aktivlarini ishonchli boshqaruvchilar va davlatning ishonchli vakillarining, shuningdek aksiyadorlik jamiyatlarini boshqarishda davlat ishtirokining maxsus huquqi (“oltin aksiya”)dan foydalanayotgan davlat vakillarining faoliyati natijadorligi bo‘yicha monitoring o‘tkazish;

ustav fondida davlat ulushi bo‘lgan davlat unitar korxonalari, xo‘jalik jamiyatlari, ularning xo‘jalik faoliyatining asosiy natijalari to‘g‘risida ma’lumotlar bazasini yuritish;

xo‘jalik jamiyatlarining ustav fondlaridagi davlat ulushlarini boshqarish bo‘yicha davlatning ishonchli vakillari, investitsiya aktivlarini ishonchli boshqaruvchilar, shuningdek aksiyadorlik jamiyatlarini boshqarishda davlat ishtirokining maxsus huquqi (“oltin aksiya”)dan foydalanayotgan davlat vakillari faoliyati to‘g‘risidagi axborotni Komissiyaga har chorakda taqdim etish;

xo‘jalik boshqaruv organlari rahbarlari, davlatning ishonchli vakillari va investitsiya aktivlarini ishonchli boshqaruvchilarning ishlari samaradorligi monitoringi va ular ishining samaradorligi tahlili asosida davlat ulushlarini boshqarish bo‘yicha ularning faoliyati to‘g‘risidagi hisobotlari, shuningdek aksiyadorlik jamiyatlarini boshqarishda davlat ishtirokining maxsus huquqi (“oltin aksiya”)dan foydalanayotgan davlat vakillarining o‘z vakolatlarini amalga oshirish bo‘yicha hisobotlari Komissiya tomonidan eshitilishini tashkil etish;

Komissiya majlisini chaqirish bilan bog‘liq tashkiliy masalalarini hal qilish;

Komissiyaning ish yuritishini aniq va to‘liq olib borish, Komissiya yozishmalarini hisobga olish va tasniflash, Komissiyaning barcha majlislari protokollarini o‘z vaqtida va to‘liq rasmiylashtirish.

13. Komissiyani qayta tashkil etish va tugatish O‘zbekiston Respublikasi Vazirlar Mahkamasining qaroriga ko‘ra amalga oshiriladi.

3. Vazirlar Mahkamasining “Davlat mulki ayrim obyektlarini investitsiya majburiyatlari evaziga bepul berishni jadallashtirish chora-tadbirlari to‘g‘risida” 2004-yil 5-maydagi 209-son qaroriga 2-ilova (O‘zbekiston Respublikasi QT, 2004-y., 5-son, 45-modda) 6-bandining “a” va “v” kichik bandlari o‘z kuchini yo‘qotgan deb hisoblansin.