Oʻzbekiston Respublikasining “Oʻzbekiston Respublikasining Markaziy banki toʻgʻrisida”gi Qonuni, Oʻzbekiston Respublikasi Prezidentining 2017-yil 29-maydagi PF-5059-son “Elektr energiyasi va tabiiy gaz yetkazib berish hamda isteʼmol qilish sohasida toʻlov intizomini yanada mustahkamlash, shuningdek, ijro ishi yuritish tizimini tubdan takomillashtirish chora-tadbirlari toʻgʻrisida”gi Farmoni hamda Oʻzbekiston Respublikasi Prezidentining 2017-yil 30-maydagi PQ-3016-son “Oʻzbekiston Respublikasi Bosh prokuraturasi huzuridagi Majburiy ijro byurosi faoliyatini tashkil etish toʻgʻrisida”gi qaroriga muvofiq Oʻzbekiston Respublikasi Markaziy banki Boshqaruvi, Moliya vazirligi va Davlat soliq qoʻmitasi qaror qiladi:

1. Oʻzbekiston Respublikasi Markaziy banki Boshqaruvi, Moliya vazirligi va Davlat soliq qoʻmitasining 2011-yil 12-dekabrdagi 35/4, 82 va 2011-41-son qarori (roʻyxat raqami 2342, 2012-yil 15-mart) (Oʻzbekiston Respublikasi qonun hujjatlari toʻplami, 2012-y., 11-son, 127-modda) bilan tasdiqlangan Xoʻjalik yurituvchi subyektlarning bank hisobvaraqlaridan pul mablagʻlarini hisobdan chiqarish tartibi toʻgʻrisidagi yoʻriqnomaga ilovaga muvofiq oʻzgartirish va qoʻshimchalar kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

1. 1-bandning uchinchi xatboshisidagi “sud ijrochilari” degan soʻzlar “davlat ijrochilari” degan soʻzlar bilan almashtirilsin.

2. 3-bandda:

ikkinchi xatboshidagi “sud ijrochilari” va “Sud ijrochilari” degan soʻzlar tegishincha “davlat ijrochilari” va “Davlat ijrochilari” degan soʻzlar bilan almashtirilsin;

toʻrtinchi xatboshidagi “sud ijrochilarining” degan soʻzlar “davlat ijrochilarining” degan soʻzlar bilan almashtirilsin;

beshinchi xatboshidagi “sud ijrochilariga” degan soʻzlar “davlat ijrochilariga” degan soʻzlar bilan almashtirilsin.

3. 11-bandning oltinchi xatboshisidagi “sud departamenti organlari” degan soʻzlar “Oʻzbekiston Respublikasi Bosh prokuraturasi huzuridagi Majburiy ijro byurosi va uning hududiy tuzilmalari” degan soʻzlar bilan almashtirilsin.

4. 1-ilova quyidagi tahrirdagi 18 va 19-bandlar bilan toʻldirilsin:

“18. 22634 — Tabiiy gazdan tushadigan pul mablagʻlarini jamlaydigan yagona maxsus hisobvaraq.

19. 22636 — Elektr energiyasidan tushadigan pul mablagʻlarini jamlaydigan yagona maxsus hisobvaraq.”.