LexUZ sharhi
Mazkur qaror O‘zbekiston Respublikasi Prezidentining 2018-yil 3-maydagi PF-5428-sonli “O‘zbekiston Respublikasi Prezidentining hamda O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish, shuningdek ba’zilarini o‘z kuchini yo‘qotgan deb hisoblash to‘g‘risida”gi Farmoniga asosan o‘z kuchini yo‘qotgan.
Turkmaniston avtotransport vositalarining O‘zbekiston Respublikasi hududi orqali o‘tishi uchun yo‘l yig‘imlari stavkalarining teng amal qiluvchi miqdorlarini o‘zaro tartibga solishni ta’minlash maqsadida Vazirlar Mahkamasi qaror qiladi:
1. 1999-yil 1-oktabrdan boshlab Turkmaniston avtotransport vositalarining O‘zbekiston Respublikasiga kirib kelishi va uning hududi orqali tranzit bo‘yicha o‘tishi uchun yig‘imlar miqdorlari ilovaga muvofiq belgilansin.
2. Belgilab qo‘yilsinki, Turkmanistonning avtotransport vositalaridan yig‘imlar undirish milliy valyuta “so‘m”da naqd pulsiz shaklda yoki tijorat banklari tomonidan bevosita bojxona postlarida O‘zbekiston Respublikasi Markaziy bankining to‘lov kunidagi kursi bo‘yicha naqd pul shaklida amalga oshiriladi, olingan mablag‘lar O‘zbekiston Respublikasi tijorat banklari bo‘limlari orqali O‘zbekiston Respublikasi Vazirlar Mahkamasi huzuridagi Respublika yo‘l jamg‘armasi hisob raqamlariga o‘tkaziladi.
(2-band O‘zbekiston Respublikasi Vazirlar Mahkamasining 2018-yil 15-martdagi 202-sonli qarori tahririda — Qonun hujjatlari ma’lumotlari milliy bazasi, 16.03.2018-y., 09/18/202/0904-son)
3. Bojxona organlari tomonidan avtotransport vositasi haydovchisiga beriladigan, bo‘lish muddatlari va harakatlanish yo‘nalishi ko‘rsatilgan, belgilangan namunadagi yo‘nalish varaqasi O‘zbekiston Respublikasiga kirib kelish yoki uning hududi orqali tranzit bo‘yicha o‘tish huquqiga ruxsatnoma hisoblanadi.
Harakatlanish yo‘nalishini va bo‘lish muddatlarini o‘zgartirishga faqat O‘zbekiston Respublikasi Davlat bojxona qo‘mitasining joylardagi organlari ruxsati bilan yo‘l qo‘yiladi.
4. Avtotransport vositalari O‘zbekiston Respublikasining bojxona chegarasi orqali o‘tganda, bojxona nazoratidan tashqari, bojxona organlari tomonidan qonun hujjatlariga muvofiq chora-tadbirlar ko‘riladi.
5. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosarlari L.A. Axmetov va R.R. Yunusov zimmasiga yuklansin.
Avtotransport vositasining turi | Stavkalar |
1. Quyidagi miqdorda yuk ko‘taradigan yuk avtotransport vositalari: | |
10 tonnagacha | 50 |
10 tonnadan 20 tonnagacha | 100 |
20 tonnadan ortig‘i | 150 |
2. O‘rinlar soni quyidagicha bo‘lgan avtobuslar: | |
12 o‘rindan kam | 25 |
13 o‘rindan 30 o‘ringacha | 50 |
30 o‘rindan ortig‘i | 100 |
3. Tranzit bo‘yicha o‘tuvchi yengil avtotransport vositalari | 30 |
4. Tranzit bo‘yicha o‘tuvchi mototsikllar | 15 |
(ilova O‘zbekiston Respublikasi Vazirlar Mahkamasining 2015-yil 6-noyabrdagi 318-sonli qaroriga asosan izoh bilan to‘ldirilgan — O‘R QHT, 2015-y., 44-son, 565-modda)