O‘zbekiston Respublikasi Prezidentining “Ichki ishlar organlarining faoliyati samaradorligini tubdan oshirish, jamoat tartibini, fuqarolar huquqlari, erkinliklari va qonuniy manfaatlarini ishonchli himoya qilishni ta’minlashda ularning mas’uliyatini kuchaytirish chora-tadbirlari to‘g‘risida” 2017-yil 10-apreldagi PF-5005-son Farmoniga muvofiq hamda ichki ishlar organlari tizimida davlat xizmatlari ko‘rsatishni yanada takomillashtirish maqsadida Vazirlar Mahkamasi qaror qiladi:
1. O‘zbekiston Respublikasi Ichki ishlar vazirligining Vazirlik huzurida “Innovatsiya loyihalari va aholiga servis xizmatlari ko‘rsatish markazi” (keyingi o‘rinlarda Markaz deb ataladi) davlat unitar korxonasini tashkil etish to‘g‘risida taklifiga rozilik berilsin.
ro‘yxatdan o‘tkazish va ruxsat beruvchi tartib-taomillarni yanada takomillashtirishda, ro‘yxatdan o‘tkazish va ruxsat beruvchi tartib-taomillarni avtomatlashtirish maqsadida zamonaviy axborot-kommunikatsiya texnologiyalarini joriy etishda ichki ishlar organlariga ko‘maklashish;
funksional va amaliyot jarayonlari tizimli qayta tashkil etilishini tashkil qilish, ichki ishlar organlari faoliyatini optimallashtirish, takomillashtirish va unga innovatsion mexanizmlarni joriy yuzasidan takliflar tayyorlash;
tizimli monitoring olib borish, ichki ishlar organlari faoliyatiga axborot-kommunikatsiya texnologiyalarini joriy etish va ularni rivojlantirish holatini baholash;
jismoniy va yuridik shaxslarga avtomototransport vositalari ro‘yxatdan o‘tkazilganligi to‘g‘risidagi va milliy haydovchilik guvohnomalarining yangi namunalarini, ichki ishlar organlari faoliyati sohasidagi boshqa ruxsat beruvchi hujjatlarni olish uchun hujjatlarni yig‘ish va tayyorlash bo‘yicha xizmatlar ko‘rsatish.
Markazning ustav fondi O‘zbekiston Respublikasi Ichki ishlar vazirligining o‘z mablag‘lari hisobiga belgilangan tartibda shakllantiriladi;
Oldingi tahrirga qarang.
Markaz faoliyatidan olingan daromadlar va qonunchilikda taqiqlanmagan boshqa manbalar uning faoliyatini moliyalashtirish manbalari hisoblanadi.
(3-bandning uchinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
Markazga O‘zbekiston Respublikasi Ichki ishlar vaziri tomonidan lavozimga tayinlanadigan va lavozimdan ozod qilinadigan direktor boshchilik qiladi.
Markazning ustavi tasdiqlanishini hamda Markaz davlat ro‘yxatidan o‘tkazilishini va uning ustav fondi shakllantirilishini, Markazning yuqori malakali kadrlar bilan to‘ldirilishini ta’minlasin;
Avtomototransport vositalarining ro‘yxatdan o‘tkazilganligi to‘g‘risidagi guvohnomalarni yangi namunalarga almashtirish va milliy haydovchilik guvohnomalarining yangi namunalarini joylarga borgan holda berish tartibi to‘g‘risidagi Vaqtinchalik nizomni ishlab chiqsin va belgilangan tartibda tasdiqlasin.
5. Milliy haydovchilik guvohnomalariga va avtomototransport vositalarining ro‘yxatdan o‘tkazilganligi to‘g‘risidagi guvohnomalarga elektron belgi vositalari joriy etilishini hisobga olgan holda texnik ko‘rikdan o‘tkazilganligi to‘g‘risidagi talonni, avtomototransport vositasidan foydalanish va (yoki) uni tasarruf etish huquqi yuzasidan ishonchnomalarni, transport vositasi egasining fuqarolik javobgarligini majburiy sug‘urtalash polisini maxsus blankalarda qog‘oz shaklida majburiy rasmiylashtirish haqidagi talablar 2021-yil 1-yanvardan boshlab bekor qilinsin.
6. Yangi namunadagi milliy haydovchilik guvohnomasiga egasining shaxsini tasdiqlovchi rasmiy davlat hujjati maqomi berilsin.
7. Vazirlar Mahkamasining “Milliy haydovchilik guvohnomasining hamda avtomototransport vositasi ro‘yxatdan o‘tkazilganligi to‘g‘risidagi guvohnomaning yangi namunalarini joriy etish chora-tadbirlari to‘g‘risida” 2017-yil 2-martdagi 116-son qaroriga (O‘zbekiston Respublikasi QHT, 2017-y., 9-son, 135-sodda) ilovaga muvofiq o‘zgartirishlar va qo‘shimcha kiritilsin.
8. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari — “O‘zbekiston temir yo‘llari” AJ boshqaruvi raisi A.J. Ramatov hamda O‘zbekiston Respublikasi ichki ishlar vaziri A.A. Azizov zimmasiga yuklansin.
Oldingi tahrirga qarang.
(1-band O‘zbekiston Respublikasi Vazirlar Mahkamasining 2020-yil 22-maydagi 319-son qaroriga asosan o‘z kuchini yo‘qotgan — Qonun hujjatlari ma’lumotlari milliy bazasi, 23.05.2020-y., 09/20/319/0658-son)
Milliy haydovchilik guvohnomasi xalqaro standartlar tavsiyalari asosida plastikdan tayyorlanadi. Plastikdan tayyorlangan guvohnoma o‘lchami 54x86 millimetrni tashkil etadi. Guvohnomaning rangi — och pushti. Lotin yozuvidagi davlat tilidan foydalaniladi. Seriyali raqami ikki harfli, nomeri olti raqamli.
Milliy haydovchilik guvohnomasida jismoniy shaxsning shaxsiy identifikatsiya raqami (JSh ShIR) va qurilmalar o‘rtasida ma’lumotlarni bevosita aloqasiz amalga oshirish imkonini beruvchi maxsus elektron belgi (NFC Smart-kart) bo‘ladi.
O‘zbekiston Respublikasi Davlat gerbi tasviri shaklidagi gologramma, u nishablikning turlicha burchagida o‘z shaklini o‘zgartiradi;
mikromatn — “Naydovchilik guvohnomasi Voditelskoye udostovereniye Driving licence”, o‘lchami maksimum 30 mikron;
gilosh, doimiy ravishda qiyshayib turadigan 40-70 mkm qalinlikdagi to‘lqinli chiziqlarning qalin tarmog‘i shaklidagi naqsh;
Milliy haydovchilik guvohnomasining old tomonida “Naydovchilik guvohnomasi”, “Voditelskoye udostovereniye”, “Driving licence” so‘zlari yoziladi, shuningdek O‘zbekiston Respublikasi Davlat bayrog‘ining tasviri tushirilgan, O‘zbekiston Respublikasining nomi davlat tilida, rus va ingliz tillarida yozilgan, Yo‘l harakati to‘g‘risidagi konvensiyaga (Vena shahri, 1968-yil 8-noyabr) 6-ilova 4-bandining 1-3, 4a-4s, 5-7, 9-kichik bandlarida va 5-bandi 8-kichik bandida nazarda tutilgan ma’lumotlar majburiy tartibda ko‘rsatiladi, fotosurat uchun joy nazarda tutilgan.
Orqa tomonida Yo‘l harakati to‘g‘risidagi konvensiyaga (Vena shahri, 1968-yil 8-noyabr) 6-ilova 4-bandining 9 va 12-kichik bandlarida, shuningdek 5-bandining 10 va 11-kichik bandlarida nazarda tutilgan ma’lumotlar majburiy tartibda ko‘rsatiladi.
A, B, C, D, BE, CE va DE toifalarini boshqarish uchun milliy haydovchilik guvohnomasining haqiqiyligi tegishli piktogrammalar bilan ifodalangan”.
Avtomototransport vositasi ro‘yxatdan o‘tkazilganligi to‘g‘risidagi guvohnoma xalqaro standartlar tavsiyalari asosida 54x86 mm o‘lchamda plastikdan tayyorlanadi. Avtomototransport vositasi ro‘yxatdan o‘tkazilganligi to‘g‘risidagi guvohnomaning rangi — ko‘k. Lotin yozuvidagi davlat tilidan foydalaniladi. Seriyali raqam ikki harfli, nomeri oltita raqamli.
Avtotransport vositasi ro‘yxatdan o‘tkazilganligi to‘g‘risidagi guvohnomada jismoniy shaxs uchun — shaxsiy identifikatsiya raqami (JSh ShIR), yuridik shaxs uchun — soliq to‘lovchining identifikatsiya raqami (STIR) va qurilmalar o‘rtasida bevosita aloqasiz axborot ayriboshlash imkonini beruvchi elektron belgi (NFC Smart-kart) bo‘ladi.
Avtomototransport vositasi ro‘yxatdan o‘tkazilganligi to‘g‘risidagi guvohnomaning plastik shakli quyidagi himoya vositalariga ega:
O‘zbekiston Respublikasi Davlat gerbi tasviri shaklidagi gologramma, u nishablikning turlicha burchagida o‘z shaklini o‘zgartiradi;
mikromatn — “Avtomototransport vositasi ro‘yxatdan o‘tkazilganligi to‘g‘risida guvohnoma Svidetelstvo o registratsii avtomototransportnogo sredstva Vehicle license”, o‘lchami maksimum 30 mikron;
gilosh, doimiy ravishda qiyshayib turadigan 40 — 70 mkm qalinlikdagi to‘lqinli chiziqlarning qalin tarmog‘i shaklidagi naqsh;
Guvohnomaning old tomonida “Avtomototransport vositasi ro‘yxatdan o‘tkazilganligi to‘g‘risida guvohnoma”, “Svidetelstvo o registratsii avtomototransportnogo sredstva”, “Vehicle license” so‘zlari yozilgan, shuningdek O‘zbekiston Respublikasi Davlat bayrog‘ining tasviri tushirilgan, “O‘zbekiston Respublikasi” so‘zlari davlat tilida, rus va ingliz tillarida yozilgan. Avtomototransport vositasining davlat raqam belgisi, markasi, modeli, rangi, avtomototransport vositasining egasi to‘g‘risidagi ma’lumotlar (familiyasi, ismi, otasining ismi yoki tashkilotning nomi, manzili), avtomototransport vositasi ro‘yxatdan o‘tkazilganligi to‘g‘risidagi guvohnoma berilgan sana, Yo‘l harakati xavfsizligi boshqarmasining bo‘limi, jismoniy shaxs uchun — shaxsiy identifikatsiya raqami (JSh ShIR), yuridik shaxs uchun — soliq to‘lovchining identifikatsiya raqami (STIR) majburiy tartibda ko‘rsatiladi.
Avtomototransport vositasi ro‘yxatdan o‘tkazilganligi to‘g‘risidagi guvohnomaning orqa tomonida avtomototransport vositasi to‘g‘risidagi ma’lumotlar: avtomototransport vositasi ishlab chiqarilgan yil, turi, kuzov/shosse raqami, to‘la vazni, yuksiz vazni, dvigatelning toifasi va quvvati, yonilg‘i turi, haydovchining o‘rindig‘i bilan birgalikda o‘tiriladigan o‘rinlar soni, tik turiladigan o‘rinlar soni, alohida belgilar majburiy tartibda ko‘rsatiladi”.