LexUZ sharhi
Mazkur qaror O‘zbekistan Respublikasi Vazirlar Mahkamasining 2021-yil 27-dekabrdagi 775-sonli “O‘zbekiston Respublikasi oliy harbiy ta’lim muassasalarida o‘qishga nomzodlarni saralab olish va qabul qilish, kursantlarni o‘qishdan chetlashtirish va qayta tiklash tartibi to‘g‘risidagi nizomni tasdiqlash haqida”gi qaroriga asosan o‘z kuchini yo‘qotgan.
O‘zbekiston Respublikasi Prezidentining “O‘zbekiston Respublikasining Qurolli Kuchlarini yanada isloh qilish va rivojlantirish vazifalarini amalga oshirish bo‘yicha chora-tadbirlar dasturi to‘g‘risida” 2017-yil 24-yanvardagi PQ-2738-son qaroriga muvofiq, shuningdek O‘zbekiston Respublikasi oliy harbiy ta’lim muassasalariga intellektual rivojlangan va har tomonlama tayyorlangan yoshlarni tanlash tizimini yanada takomillashtirish maqsadida Vazirlar Mahkamasi qaror qiladi:
1. Vazirlar Mahkamasining 2014-yil 3-iyundagi 141-son qarori (O‘zbekiston Respublikasi QT, 2014-y., 6-son, 58-modda) bilan tasdiqlangan O‘zbekiston Respublikasi oliy harbiy ta’lim muassasalariga tanlash tartibi va qabul qilish qoidalari to‘g‘risidagi Nizomga ilovaga muvofiq o‘zgartirish va qo‘shimchalar kiritilsin.
2. Oliy harbiy ta’lim muassasalariga ega bo‘lgan vazirliklar va idoralar o‘zlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.
3. Mazkur qarorning bajarilishini nazorat qilish O‘zbekiston Respublikasi Vazirlar Mahkamasining Ta’lim va ilm-fan masalalari axborot-tahlil departamentiga yuklansin.
“Mudofaa vazirligi tomonidan vazirlikning oliy harbiy ta’lim muassasalariga nomzodlarni tanlash (qo‘mondonlik taktik moto-o‘qchi va chegara bo‘linmalari (chegara guruhlari) va harbiy-havo kuchlari (aviatsiya turlari)ning harbiy mutaxassisliklari bundan mustasno) yagona tanlov asosida, kirish test sinovlari natijalari bo‘yicha to‘plangan ballarga muvofiq amalga oshiriladi. Bunda kirish test sinovlari bir ta’lim muassasasi negizida yoki tegishli ta’lim muassasalarida alohida o‘tkazilishi mumkin.”;
b) ikkinchi — to‘rtinchi xatboshilar tegishli ravishda uchinchi — beshinchi xatboshilar deb hisoblansin.
“Mudofaa vazirligining oliy harbiy ta’lim muassasasida o‘tkazilgan test sinovlari natijalari ballar pasayishi tartibida, ta’lim muassasalari bo‘yicha ajratilmasdan bitta vedomostda taqdim etiladi.”;
a) “Toshkent oliy umumqo‘shin qo‘mondonlik bilim yurti” so‘zlari “O‘zbekiston Respublikasi Qurolli Kuchlar akademiyasi” so‘zlari bilan almashtirilsin;
b) “Toshkent axborot texnologiyalari universiteti huzuridagi maxsus fakultet” so‘zlari “Muhammad al-Xorazmiy nomidagi Toshkent axborot texnologiyalari universitetining maxsus fakulteti” so‘zlari bilan almashtirilsin;
v) “Toshkent oliy harbiy-texnika bilim yurti” so‘zlari “Harbiy-texnika instituti” so‘zlari bilan almashtirilsin;
g) “Toshkent yong‘in xavfsizligi oliy texnika maktabi” so‘zlari “Yong‘in xavfsizligi instituti” so‘zlari bilan almashtirilsin.