O‘zbekiston Respublikasi Prezidentining “Iqtisodiyot sohasidagi loyiha ishlari samaradorligini oshirish chora-tadbirlari to‘g‘risida” 2017-yil 14-martdagi PQ-2831-son qarori hamda O‘zbekiston Respublikasi Prezidentining “O‘zbekiston Respublikasi Vazirlar Mahkamasi huzuridagi “O‘zInjiniring” Respublika loyiha instituti faoliyatini tashkil etish to‘g‘risida” 2017-yil 25-apreldagi F-4917-son farmoyishiga muvofiq Vazirlar Mahkamasi qaror qiladi:

1. Quyidagilar:

O‘zbekiston Respublikasi Vazirlar Mahkamasi huzuridagi “O‘zInjiniring” Respublika loyiha institutining Ilmiy-texnik kengashi to‘g‘risidagi nizom 1-ilovaga muvofiq;

O‘zbekiston Respublikasi Vazirlar Mahkamasi huzuridagi “O‘zInjiniring” Respublika loyiha institutining Ilmiy-texnik kengashi tarkibi 2-ilovaga muvofiq tasdiqlansin.

2. Quyidagilarga:

“O‘zInjiniring” Respublika loyiha instituti direktoriga — O‘zbekiston Respublikasi Vazirlar Mahkamasi huzuridagi “O‘zInjiniring” Respublika loyiha institutining Ilmiy-texnik kengashi to‘g‘risidagi nizom talablariga qat’iy rioya etish;

O‘zbekiston Respublikasi Vazirlar Mahkamasi huzuridagi “O‘zInjiniring” Respublika loyiha institutining Ilmiy-texnik kengashi a’zolariga — O‘zbekiston Respublikasi Vazirlar Mahkamasi huzuridagi “O‘zInjiniring” Respublika loyiha institutining Ilmiy-texnik kengashi to‘g‘risidagi nizom talablaridan kelib chiqqan holda investitsiya loyihalarining loyihaoldi hujjatlarini ko‘rib chiqish va ekspertiza natijalariga ko‘ra xulosa berish ishlarining sifatli, puxta va to‘liq amalga oshirilishini ta’minlash yuzasidan shaxsiy mas’uliyat yuklansin.

3. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari — “O‘zbekiston temir yo‘llari” AJ boshqaruvi raisi A.J.Ramatov zimmasiga yuklansin.

1. Mazkur Nizom O‘zbekiston Respublikasi Prezidentining “Iqtisodiyotning bazaviy tarmoqlarida loyiha ishlari samaradorligini oshirish chora-tadbirlari to‘g‘risida” 2017-yil 14-martdagi PQ-2831-son qaroriga muvofiq Vazirlar Mahkamasi huzuridagi “O‘zInjiniring” Respublika loyiha instituti Ilmiy-texnik kengashining tuzilmasi, vazifalari, huquqlari va majburiyatlari, shuningdek Ilmiy-texnik kengash (keyingi o‘rinlarda ITK deb ataladi) faoliyati reglamentini belgilaydi.

2. Ushbu Nizomda quyidagi asosiy tushunchalardan foydalaniladi:

loyihaoldi hujjatlari — loyihani amalga oshirish bo‘yicha qabul qilingan parametrlarning imkoniyatlarini va maqsadga muvofiqligini asoslab beruvchi, shuningdek uning davomiyligini baholovchi hujjatlar to‘plami hisoblanadi. Loyihaoldi hujjatlari quyidagilarni o‘z ichiga oladi: loyihaning dastlabki texnik-iqtisodiy asoslari (texnik-iqtisodiy hisoblash); materiallar va jihozlar bilan ta’minlash, qurilish-montaj ishlarini olib borish va boshqa ishlarni amalga oshirish bo‘yicha tender savdolari o‘tkazish yuzasidan tender hujjatlari; loyihaning yakuniy texnik-iqtisodiy asoslari yoki texnik-iqtisodiy hisoblari, shuningdek moliyaviy taklif va/yoki kredit va investitsiya shartnomalari (pul mablag‘lari jalb etilgan holatlarda);

dastlabki texnikaviy iqtisodiy asos yoki dastlabki texnik-iqtisodiy hisoblash (keyingi o‘rinlarda DTIA yoki DTIH deb ataladi) — loyihaning oqilona tanlanganligi hamda qabul qilingan qarorlarning texnikaviy, tashkiliy va iqtisodiy samaradorligini, shuningdek texnologik jihozlarining bahosini qo‘shgan holda, loyihani amalga oshirish uchun zarur bo‘lgan mablag‘larga ehtiyojlarni va uning manbalarini barcha yo‘nalishlar bo‘yicha o‘rgangan holda shakllantirilgan oxirgi to‘liq bahosini asoslab beruvchi loyihaoldi hujjati hisoblanadi;

texnik-iqtisodiy asos yoki texnik-iqtisodiy hisoblash (keyingi o‘rinlarda TIA yoki TIH deb ataladi) –loyihaning moliyalashtirish shartlarini hisobga olgan holda va tender savdolari natijalari asosida aniqlangan texnikaviy, tashkiliy va moliyaviy-iqtisodiy qarorlarning eng samaradorligini aniqlab beruvchi loyihaoldi hujjati;

iqtisodiyotning bazaviy tarmoqlari — geologiya, yoqilg‘i-energetika kompleksi, kimyo, neft-kimyo va metallurgiya sanoati (O‘zbekiston Respublikasi Prezidentining “Neft-gaz tarmog‘idagi loyiha ishlarini tashkil etish tartibini takomillashtirish to‘g‘risida” 2017-yil 19-apreldagi PQ–2901-son qarori talablariga asosan Neft-gaz tarmog‘ini hisobga olmagan holda) sohasiga mansub korxonalar.

Ilmiy-texnik kengash xulosasi — belgilangan tartibda o‘tkazilgan investitsiya loyihalarining loyihaoldi hujjatlarini ekspertiza natijalari asosida ishlab chiqilgan hujjat;

ITK kotibiyati — ITK yig‘ilishida ko‘riladigan masalalar bo‘yicha materiallar tayyorlab beradigan organ.

3. ITK ishlari O‘zbekiston Respublikasi Prezidentining 2017-yil 25-apreldagi F-4917-son farmoyishi bilan tasdiqlangan Vazirlar Mahkamasi huzuridagi “O‘zInjiniring” Respublika loyiha instituti Nizomi asosida tashkil qilinadi.

4. ITK Vazirlar Mahkamasi huzuridagi “O‘zInjiniring” Respublika loyiha instituti (keyingi o‘rinlarda institut deb ataladi) va shuningdek iqtisodiyotning bazaviy tarmoqlaridagi loyiha institutlari tomonidan ishlab chiqilgan investitsiya loyihalarining loyihaoldi hujjatlarini ko‘rib chiqadigan kollegial organ hisoblanadi.

5. Iqtisodiyotning bazaviy tarmoqlarida ishlab chiqilgan investitsiya loyihalarining DTIA/DTIH, va TIA/TIH, hujjatlari, neft-gaz tarmog‘idan tashqari, belgilangan tartibda faqat institut ITK ning ijobiy xulosasidan keyin vakolatli organlarga ekspertiza qilish uchun kiritiladi.

6. Institut Nizomiga muvofiq ITK asosiy vazifasi — Institut, shuningdek bazaviy tarmoqning loyiha tashkilotlari tomonidan ishlab chiqilgan (DTIL/DTIH va TIA/TIH) loyihaoldi hujjatlarini ko‘rib chiqib xulosa berish hisoblanadi.

7. ITK quyidagi funksiyalarni bajaradi:

investitsiya loyihalarining DTIA/DTIH, TIA/TIH texnik-iqtisodiy parametrlarini institut va seksiya mutaxassislarining ekspertizasi natijalarini ko‘rib chiqadi;

umuman iqtisodiyot va tarmoq iste’molidan kelib chiqib, institut bajargan ekspertiza natijasi asosida investitsiya loyihasini amalga oshirish imkoniyatini aniqlaydi;

O‘zbekiston Respublikasi vakolatli organlarida bazaviy tarmoqda belgilangan tartibda ko‘rib chiqish va tasdiqlash uchun tayyorlangan (ushbu Nizom ilovasidagi shakl bo‘yicha) Institut xulosasini tasdiqlaydi;

zarurat bo‘lganda investitsiya loyihasini kelgusida amalga oshirish bo‘yicha tavsiyalar beradi.

8. ITK tarkibi O‘zbekiston Respublikasi Vazirlar Mahkamasining qarori bilan tasdiqlanadi.

9. ITK tarkibiga iqtisodiyotning tegishli sohalari bo‘yicha seksiyalar va kotibiyat kiradi.

10. ITK quyidagi huquqlarga ega:

loyihaoldi hujjatlarini ko‘rib chiqish natijalariga ko‘ra xulosalar, takliflar va tavsiyalar berish, loyihalarni qayta ishlash uchun tashabbuskorlarga (buyurtmachilarga) qaytarish yoki keyingi bosqichda ko‘rib chiqish (ekspertizadan o‘tkazish) uchun O‘zbekiston Respublikasining vakolatli organlariga yuborish;

Kengash majlisiga masalalarni tayyorlash, materiallarni tanlash va tizimga solish maqsadida soha idoralari tarkibida, loyiha institutlarida, shuningdek boshqa tashkilotlarda ishlayotgan yuqori malakali konsultant va mutaxassislarni (shuningdek mustaqil konsalting va injiniring kompaniyalari, shu jumladan xorijiy kompaniyalarning tajribaga ega bo‘lgan mutaxassis/ekspertlarini) shartnoma asosida jalb etish;

ITK raisi yoki uning o‘rinbosari imzosi bilan davlat organlari va xo‘jalik birlashmalari, loyiha institutlari va boshqa tashkilotlardan ko‘rilayotgan masalalar yuzasidan kerakli ma’lumot yoki xulosalarni so‘rab olish. Bunda so‘rov yuborilgan davlat organlari va xo‘jalik birlashmalari, loyiha institutlari va boshqa tashkilotlar 5 ish kuni mobaynida institutga tegishli javobni yuborishlari shart;

ITK vakolati va javobgarligi doirasidagi masalalarni echish uchun institut, davlat organlari va xo‘jalik birlashmalari, loyiha institutlari va boshqa tashkilotlar (tashkilot rahbarlari bilan kelishgan holda) mutaxassislaridan iborat vaqtinchalik ishchi guruhlar tuzish;

loyihalarni ko‘rib chiqish va xulosa berish maqsadida shartnoma asosida mustaqil ekspertlar, shu jumladan xorijiy ekspertlarni tayinlash;

ITK vakolati doirasidagi masalalarni ko‘rib chiqish bo‘yicha belgilangan tartibda majlislar tashkil etish.

Bunda mutaxassislarni va mustaqil ekspertlarni jalb etish bilan bog‘liq xarajatlar Institutning loyihalarni ishlab chiqish va ekspertizadan o‘tkazish bo‘yicha ko‘rsatadigan xizmatlaridan olingan mablag‘lar hisobidan qoplanadi.

11. ITK raisi quyidagi huquqlarga ega:

zarurat bo‘lganda mustaqil ekspertlarni jalb etish va ular bilan aniq investitsiya loyihasiga konsultatsiya xizmati ko‘rsatish yuzasidan shartnomalar tuzish;

ITK majlislari protokollarini tasdiqlash;

ITK a’zolari tomonidan qabul qilinadigan qarorlar bo‘yicha tavsiyalar berish;

mazkur Nizomga asosan ITKga tegishli masalalar bo‘yicha qarorlar qabul qilish.

12. ITK a’zolari kuyidagi huquq va vakolatlarga ega:

ITK qarorlarini tayyorlashda qatnashish va o‘z xulosasini berish;

ITK ishlarida ularning vakolatiga kiradigan masalalarni muhokama qilishda ishtirok etish;

ITK majlislarida muhokama qilish uchun savollar tavsiya qilish;

ITK majlisida ko‘rib chiqish uchun tayyorlangan materiallar bilan oldindan tanishish;

13. ITK a’zolari quyidagilarga majbur:

kun tartibidagi masalalarni puxta va har tomonlama ko‘rib chiqish asosida qarorlar qabul qilish;

ITKning bevosita majlislariga kelishni ta’minlash;

taqdim etilgan ma’lumotlarni ko‘rib chiqishda maxfiylik shartlariga rioya qilish.

14. ITK va uning seksiyalari a’zolari ITK majlisida ko‘rib chiqiladigan masalalar bo‘yicha qabul qilinadigan qarorlarning qonunchilikka muvofiqligi uchun mas’uldir, shu jumladan:

investitsiya loyihasining ko‘rib chiqilayotgan natijalarining ilmiy-texnik va texnik-iqtisodiy darajasini baholashning xolisligi;

zamonaviy talablarga muvofiq, xomashyo resurslari va texnologik jarayonlarning samaradorligi bilan bog‘liq holda loyihani amalga oshirish strategiyasining to‘g‘ri tanlanganligi;

texnologiyalar, texnologik uskunalar va texnik yechimlarning optimal tanlanishi;

investitsiya loyihalarning o‘z vaqtida ko‘rib chiqilishi va qaror chiqarilishi uchun javob beradilar.

15. ITK va uning seksiyalari ITK majlislarida tarkibidagi a’zolarining kamida 75 foizi qatnashgan taqdirda masalalarni ko‘rib chiqishga va qarorlar qabul qilishga haqlidir.

16. ITK raisi yoxud uning o‘rinbosari ITK ishlarini tashkil qiladi, majlis kun tartibini shakllantiradi va majlisni olib boradi.

17. ITK a’zosi — mutaxassisi ITK seksiyasi majlisida uzrli sabab bo‘yicha qatnasha olmagan taqdirda mazkur mutaxassis bo‘ysunadigan vazirlik, idora, tashkilot rahbari ITK raisi nomiga yozma murojaat qiladi va boshqa vakolatli vakilni yuboradi, vakilga kun tartibidagi masalalarni muhokama qilishda ovoz berish huquqini beradi.

18. Seksiyalar majlislarida ko‘rib chiqish uchun materiallar to‘plami, shuningdek ITK qarorlari loyihalari loyihaning tegishli mas’ul bosh muhandisi tomonidan Institutning ko‘rib chiqilayotgan masalalar yo‘nalishlari bo‘yicha funksional bo‘limlari boshliqlari bilan birgalikda tayyorlanadi.

19. Institutning loyihaning tegishli mas’ul bosh muhandisi ITK majlisigacha 3 kundan kechikmay ITK raisiga, uning o‘rinbosariga, ITK kotibiyati rahbariyatiga, shuningdek ITKning har bir a’zosiga majlisning kun tartibini va ITKning tayyorlangan xulosasi loyihasini, zarurat bo‘lganda, majlisga tayyorgarlik ko‘rish uchun unga qo‘shimcha materiallarni ilova qilgan holda taqdim etadi.

20. Loyihaning mas’ul bosh muhandisi ITKning har bir a’zosi so‘rovi bo‘yicha unga zarur materiallarni o‘rganish uchun beradi, davlat siri yoki boshqacha sir bo‘lgan materiallar bundan mustasno.

21. Zarurat bo‘lganda, ITK muhokamasiga kiritiladigan materiallarni yanada puxta ishlab chiqish va ekspert xulosasini shakllantirish uchun Institut ITK tarkibiga kirmaydigan vakolatli mutaxassislarni, shu jumladan xorijiy ekspert mutaxassislarni jalb etishi mumkin.

22. Ko‘rib chiqilayotgan masalalar bo‘yicha tayyorlangan qarorlar loyihalari ITK majlisida Institutning loyihaning mas’ul bosh muhandisi tomonidan ma’lum qilinadi. Zarurat bo‘lganda, ko‘rib chiqilayotgan loyiha yoki masala xususiyatidan kelib chiqqan holda, loyihaning tashabbuskori, buyurtmachisi, shuningdek loyiha tashkiloti vakillarining ma’ruzalari eshitilishi mumkin.

23. ITK majlislarida qarorlar oddiy ochiq ovoz berish orqali ko‘pchilik ovoz bilan qabul qilinadi. Ovozlar teng bo‘lgan taqdirda ITK raisining ovozi hal qiluvchi hisoblanadi.

24. Majlis natijalari protokol bilan rasmiylashtiriladi, u tegishli loyihaning mas’ul bosh muhandisi tomonidan tayyorlanadi va bevosita imzolanadi. ITK a’zolari kelishish varag‘ini imzolashadi. Protokol ITK raisi tomonidan, u bo‘lmagan taqdirda — ITK raisining o‘rinbosari tomonidan tasdiqlanadi.

ITK xulosasining loyihasi ITK majlisidan keyin, majlis o‘tkazilgan sanadan boshlab ikki ish kunidan oshmaydigan muddatda rasmiylashtiriladi va zarurat bo‘lganda puxtalashtiriladi.

ITK xulosasining loyihasi ikki nusxada rasmiylashtiriladi, bunda xulosa birinchi nusxasining oxirgi sahifasiga ekspertiza o‘tkazishda qatnashgan Institut bo‘linmalarining boshliqlari, shuningdek rais o‘rinbosarlari va ITK kotibiyati rahbariyati viza qo‘yadi.

Xulosa loyihasi ikki nusxasining oxirgi varag‘iga seksiya rahbari (ko‘rib chiqilayotgan masala yo‘nalishi bo‘yicha) va loyihaning mas’ul bosh muhandisi tomonidan imzolanadi.

Xulosa ITK seksiyalarining majlisda qatnashgan barcha a’zolari bilan kelishiladi, kelishish varag‘i ular tomonidan to‘ldiriladi va imzolanadi.

Ushbu tartibotlar tugallagandan keyin ITK xulosasi ikki nusxada ITK raisiga tasdiqlash uchun kiritiladi.

25. ITK tasdiqlangan xulosasining bir nusxasi belgilangan tartibda loyihaning tashabbuskoriga (buyurtmachisiga) — vakolatli organlarda loyihani ekspertizadan o‘tkazish uchun beriladi.

ITK tasdiqlagan loyihasining ikkinchi nusxasi saqlash uchun Institutning ilmiy-texnika va axborot-tahlil ishlanmalari bo‘limiga beriladi.

26. ITK majlisini tayyorlash va o‘tkazish muddati ITK xulosasi ko‘rib chiqish uchun kiritilgan sanadan boshlab bir haftadan oshmasligi kerak.

27. Alohida holatlarda (ITK raisi qaroriga ko‘ra) ITK xulosasi Institut mutaxassislari tomonidan tayyorlanadi, loyihaning tegishli mas’ul bosh muhandisi tomonidan uzil-kesil rasmiylashtiriladi va majlis o‘tkazmasdan, so‘rov metodi bilan ITK a’zolari bilan kelishiladi, yakka tartibdagi ish natijalari bo‘yicha esa — ITKning har bir a’zosi bilan — ITK a’zolarining ish joyi bo‘yicha Institutning loyihaning mas’ul bosh muhandisi (uning o‘rinbosari, byuro mutaxassisi) bilan kelishiladi.

Institutning ITK a’zolari ko‘rib chiqishda ularning shaxsiy ishtirokini tasdiqlovchi hujjat sifatidagi xulosaning kelishish varag‘ini imzolaydilar, ko‘rib chiqilayotgan masalalar bo‘yicha alohida mulohazasi mavjud bo‘lgan taqdirda ITK a’zosi uni ITK raisi nomiga axborotnoma tarzida rasmiylashtirishi va ITK kotibiyatiga taqdim etishi kerak.

Kelishish varag‘i ITK ushbu seksiyasi a’zolarining 75 foiz va undan ko‘p imzosiga ega bo‘lgan taqdirda haqiqiy hisoblanadi.

ITKning zarur tarzda rasmiylashtirilgan xulosasi imzolangandan keyin to‘ldirilgan kelishish varag‘i bilan birga ITK raisiga tasdiqlash uchun kiritiladi.

28. ITK kotibiyati kotibiyat rahbari va seksiyalar kotiblaridan iborat bo‘ladi.

ITK kotibiyati:

ITK seksiyasi majlislari kun tartibi loyihasini shakllantiradi;

ITK majlisini o‘tkazishni tashkil qiladi;

Ko‘riladigan masalalar bo‘yicha majlis protokollari va ITK xulosalari loyihalarini tayyorlaydi.

Bunda kun tartibi loyihasi, majlislar protokollarining, ITK xulosalarining loyihalari ITK seksiyalari kotiblari tomonidan tayyorlanadi.

ITK kotibiyati ITK seksiya a’zolarining majlisga kelishini va ularni materiallar bilan ta’minlashni tashkil qiladi.

ITK seksiyalari majlislarining protokollari belgilangan tartibda rasmiylashtiriladi. Protokol seksiya kotibi tomonidan imzolanadi va ITK raisi tomonidan tasdiqlanadi.

1. Loyihaning nomi.

2. Tashabbuskor.

3. Buyurtmachi.

4. Loyiha tashkiloti.

5. Ishlab chiqish uchun asoslar, shu jumladan:

loyihaoldi hujjatlarining tasdiqlangan loyihalash topshirig‘i ko‘rsatkichlariga muvofiqligi haqidagi xulosalar, shuningdek tarmoq kengashlarining loyihani amalga oshirish maqsadga muvofiqligi to‘g‘risidagi xulosaning mavjudligini tasdiqlash;

loyihani amalga oshirishning zarurligini tasdiqlovchi asosiy hujjatlar.

6. Loyihaning maqsadi.

7. Qurilish maydonining tavsifi, shu jumladan:

obyektning joylashuv variantlari, taqqoslash tahlilining natijalari va tanlab olingan joy, maydonlar, trassalar afzalliklari;

qurilish uchun tavsiya etilayotgan maydonning, joyning qisqacha ta’rifi, tabiiy iqlim, muhandis-geologik, ekologik va boshqa sharoitlar haqidagi ma’lumotlar.

8. Loyihaning asosiy ko‘rsatkichlari, shu jumladan:

ishlab chiqariladigan mahsulot hajmi (quvvati) ;

asosiy mahsulot turi va uning ta’rifi;

materiallar, xomashyo va boshqa turdagi (asosiy xomashyo turlari, materiallar, butlovchi buyumlar) resurslarning mavjudligi.

9. Loyihada qabul qilingan asosiy texnologik yechimlar, shu jumladan texnologik jarayonlarning umumiy tavsifi, asosiy texnologik asbob-anjomlar, mashina va mexanizmlar.

10. Qat’iy arxitektura-qurilish, hajm-rejalashtirish yechimlari va ularning asosiy ko‘rsatkichlari.

11. Obyektning qat’iy muhandislik ta’minoti bo‘yicha yechimlari va asbob-anjomlar bilan ta’minlanishi.

12. Qurish va foydalanish davridagi zararli tashlamalar va oqova suvlar, atrof-muhit ifloslanishining oldini olish chora-tadbirlarining mavjudligi.

13. Sanoat xavfsizligi.

14. Loyihani moliyaviy-iqtisodiy baholash, shu jumladan:

loyihani amalga oshirish budjeti va moliyalashtirish rejasi;

xarajatlar, realizatsiya qilingan mahsulot tannarxi, soliqlar va boshqa davlat maqsadli fondlariga majburiy to‘lovlar;

loyihaning moliyaviy-iqtisodiy samaradorligini baholash va xarajatlarni qoplay olishi, shuningdek taklif etilayotgan moliyalashtirish sxemasining maqbulligi;

loyiha asosiy ko‘rsatkichlari mosligining tahlili.

15. Tavakkalchilik va noaniqlik aspektlari.

16. Loyihani oldinga surish bo‘yicha xulosa va kamchiliklar, shu jumladan:

loyihaning tasdiqlangan loyihani ishlab chiqish topshirig‘iga muvofiqligi;

loyihani xomashyo resurslari bilan bog‘lagan holda amalga oshirish strategiyasining to‘g‘ri tanlanganligi;

eng maqbul texnologiya va texnologik qurilmalar (yuqori texnologik, energiya samaradorligi va h.k.) tanlanganligi;

loyihani amalga oshirishning moliyaviy-iqtisodiy jihatdan maqsadga muvofiqligi.

ITK raisi — “O‘zInjiniring” RLI direktorining birinchi o‘rinbosari.

ITK raisining o‘rinbosari — “O‘zInjiniring” RLI bosh muhandisi.

ITK kotibiyati rahbari — “O‘zInjiniring” RLI ilmiy-texnik va axborot-tahlil ishlanmalari bo‘limi boshlig‘i.

Seksiya rahbari — O‘zbekiston Respublikasi Geologiya va mineral resurslar davlat qo‘mitasi raisining birinchi o‘rinbosari;

Seksiya kotibi — “O‘zInjiniring” RLI og‘ir sanoat bo‘yicha byurosi LBM yoki LBM o‘rinbosari (ko‘rib chiqilayotgan loyiha yoki masalaning mohiyatidan kelib chiqqan holda).

Iqtisodiyot vazirligining Investitsiya dasturlarini shakllantirish va amalga oshirilishini nazorat qilish Bosh boshqarmasi boshlig‘i;

“Davarxitektqurilish” qo‘mitasining shaharsozlik hujjatlarini ekspertizadan o‘tkazish boshqarmasi boshlig‘i;

Moliya vazirligining Sanoatning bazaviy tarmoqlarini, yoqilg‘i-energetika majmuasini va geologiyani rivojlantirishni moliyalashtirish va tariflarni tartibga solish Bosh boshqarmasi boshlig‘i;

“O‘zGEORANGMETLITI” davlat unitar korxonasi direktorining o‘rinbosari yoki “O‘zog‘irsanoatloyiha” AJ bosh muhandisi (ko‘rib chiqilayotgan loyiha yoki masalaning mohiyatidan kelib chiqqan holda);

O‘zbekiston Respublikasi Fanlar akademiyasining vakolatli vakili;

Toshkent texnika universiteti muhandislik geologiyasi va Kon ishi fakultetining “Kon ishi” kafedrasi mudiri yoki “Metallurgiya” kafedrasi mudiri (ko‘rilayotgan loyiha yoki masalaning mohiyatidan kelib chiqqan holda);

“O‘zinjiniring” RLI og‘ir sanoat bo‘yicha LBM yoki LBM o‘rinbosari (ko‘rib chiqilayotgan loyiha yoki masalaning mohiyatidan kelib chiqqan holda);

“O‘zInjiniring” RLI loyihalarning TIAlarini baholash bo‘limi boshlig‘i.

Seksiya rahbari — “O‘zkimyosanoat” AJ raisining birinchi o‘rinbosari.

Seksiya kotibi — “O‘zInjiniring” RLI kimyo sanoati bo‘yicha LBM.

Iqtisodiyot vazirligining Investitsiya dasturlarini shakllantirish va amalga oshirilishini nazorat qilish Bosh boshqarmasi boshlig‘i;

“Davarxitektqurilish” qo‘mitasining shaharsozlik hujjatlarini ekspertizadan o‘tkazish boshqarmasi boshlig‘i;

Moliya vazirligi Sanoatning bazaviy tarmoqlarini, yoqilg‘i-energetikasi majmuasini va geologiyani rivojlantirishni moliyalashtirish va tariflarni tartibga solish Bosh boshqarmasining Mashinasozlik, avtomobil va elektrotexnika sanoati, kimyo va qishloq xo‘jaligi mashinasozligini moliyalashtirish bo‘limi boshlig‘i;

“O‘zkimyosanoatloyiha” AJ texnik direktori;

O‘zbekiston Respublikasi Fanlar akademiyasining vakolatli vakili;

Toshkent kimyo-texnologiya institutining “Noorganik moddalarni ishlab chiqarish texnologiyasi” fakultetining “Noorganik moddalarni ishlab chiqarish” kafedrasi mudiri;

“O‘zInjiniring” RLI elektroenergetika bo‘yicha LBM;

“O‘zinjiniring” RLI loyihalarning TIAsini baholash bo‘limi boshlig‘i.

Elektroenergetika seksiyasi:

Seksiya rahbari — “O‘zbekenergo” AJ raisining o‘rinbosari.

Seksiya kotibi — “O‘zInjiniring” RLI elektroenergetika bo‘yicha LBM.

Iqtisodiyot vazirligining Investitsiya dasturlarini shakllantirish va amalga oshirilishini nazorat qilish Bosh boshqarmasi boshlig‘i;

“Davarxitektqurilish” qo‘mitasining shaharsozlik hujjatlarini ekspertizadan o‘tkazish boshqarmasi boshlig‘i;

Moliya vazirligi Sanoatning bazaviy tarmoqlarini, yoqilg‘i-energetikasi majmuasini va geologiyani rivojlantirishni moliyalashtirish va tariflarni tartibga solish bosh boshqarmasining Yoqilg‘i-energetikasi majmuini moliyaviy balanslashtirishni tartibga solish va energiya tejamkorligi bo‘yicha investitsiya dasturlarining samaradorligini monitoring qilish bo‘limi boshlig‘i;

“Teploelektroproyekt” AJ bosh muhandisi yoki “Gidroproyekt” AJ direktori o‘rinbosari (ko‘rib chiqilayotgan loyiha yoki masalaning mohiyatidan kelib chiqqan holda);

“Sredazenergosetproyekt” AJ bosh muhandisi yoki “Selenergoproyekt” AJning sanoat bo‘yicha direktori (ko‘rib chiqilayotgan loyiha yoki masalaning mohiyatidan kelib chiqqan holda);

O‘zbekiston Respublikasi Fanlar akademiyasining vakolatli vakili;

Toshkent davlat texnika universiteti “Energetika” fakultetining “Elektrta’minoti” kafedrasi mudiri;

“O‘zInjiniring” RLI loyihalarning TIAsini baholash bo‘limi boshlig‘i.