Davlat mulki obyektlarini yanada samarali boshqarishni taʼminlash maqsadida Vazirlar Mahkamasi qaror qiladi:

1. Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi tomonidan Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari, shuningdek manfaatdor vazirliklar va idoralar bilan birgalikda ijtimoiy infratuzilmaning ularni xususiylashtirishda tasarruf etish huquqisiz foydalanish uchun tashkilotlarga berilgan va tashkilotlar hududidan tashqarida joylashgan davlat obyektlari (keyingi oʻrinlarda davlat mulki obyektlari deb ataladi) xatlovdan oʻtkazilganligi maʼlumot uchun qabul qilinsin.

2. Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi, Iqtisodiyot vazirligi, Moliya vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklarining davlat mulki obyektlaridan yanada oqilona foydalanish va ularni tasarruf etish toʻgʻrisidagi takliflariga rozilik berilsin, ularda quyidagilar:

1-ilovaga* muvofiq davlat mulki obyektlarini belgilangan tartibda sotish;

2-ilovaga* muvofiq davlat mulki obyektlarini operativ boshqarish huquqi bilan davlat organlariga, shuningdek keyinchalik ulardan samarali foydalanish uchun tashkilotlarga bepul berish;

3-ilovaga* muvofiq davlat mulki obyektlarini xoʻjalik boshqaruvi organlari ustav kapitaliga berish;

4-ilovaga* muvofiq davlat mulki obyektlarini vakolatli organlarning xulosasi va tumanlar (shaharlar) hokimliklarining qaroriga koʻra buzib tashlash nazarda tutilgan.

3. Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi:

ushbu qarorga 1-ilovada nazarda tutilgan davlat mulki obyektlarini baholash va sotuvga qoʻyish jadvallarini bir oy muddatda tasdiqlasin;

tegishli davlat va xoʻjalik boshqaruvi organlari, mahalliy ijro etuvchi hokimiyat organlari bilan birgalikda ushbu qarorga 3-ilovada nazarda tutilgan davlat aktivlari xoʻjalik boshqaruvi organlarining ustav kapitaliga belgilangan tartibda berilishini taʼminlasin.

4. Ushbu qarorga 2-ilovada koʻrsatilgan Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi hamda uning hududiy boshqarmalari, Favqulodda vaziyatlar vazirligi, Qoraqalpogʻiston Respublikasi Vazirlar Kengashi, viloyatlar, shaharlar va tumanlar hokimliklari bir oy muddatda tegishli davlat mulki obyektlari qabul qilib olinishi-topshirilishini, shuningdek keyinchalik ulardan samarali foydalanilishini taʼminlasinlar.

5. Qoraqalpogʻiston Respublikasi Vazirlar Kengashi va viloyatlar hokimliklari Oʻzbekiston Respublikasi Davlat arxitektura va qurilish qoʻmitasi bilan birgalikda ushbu qarorga 4-ilovada nazarda tutilgan davlat mulki obyektlarini buzish jadvallarini bir oy muddatda tasdiqlasinlar.

6. Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari manfaatdor vazirliklar va idoralar, xoʻjalik boshqaruvi organlari bilan birgalikda 5-ilovaga* muvofiq davlat mulki obyektlaridan — turar joy binolaridan samarali foydalanish, shu jumladan ularni ustuvor huquq bilan ushbu turar joy binolarida yashayotgan fuqarolarga xususiylashtirib berish masalalarini bir oy muddatda koʻrib chiqsinlar.

7. Vazirlar Mahkamasining “Davlat mulki obyektlaridan samarali va oqilona foydalanish boʻyicha qoʻshimcha chora-tadbirlar toʻgʻrisida” 2015-yil 9-oktabrdagi 289-son qaroriga 3-ilovaning 59 — 62-pozitsiyalari chiqarib tashlansin.

8. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari A.J. Ramatov zimmasiga yuklansin.