LexUZ sharhi
Mazkur qaror O‘zbekiston Respublikasi Vazirlar Mahkamasining 2011-yil 8-iyundagi 166-sonli “O‘zbekiston Respublikasi Intellektual mulk agentligi faoliyatini tashkil etish chora-tadbirlari to‘g‘risida”gi qaroriga muvofiq o‘z kuchini yo‘qotgan.
O‘zbekiston Respublikasi Prezidentining “Respublika davlat boshqaruvi organlari tizimini takomillashtirish to‘g‘risida” 2003-yil 9-dekabrdagi PF–3358-son Farmoniga muvofiq, shuningdek mualliflik huquqi himoya qilinishini ta’minlash maqsadida Vazirlar Mahkamasi qaror qiladi:
1. Quyidagilar O‘zbekiston mualliflik huquqini himoya qilish respublika agentligining asosiy vazifalari etib belgilansin:
mualliflik huquqini va turdosh huquqlarni himoya qilish sohasida yagona davlat siyosati amalga oshirilishini ta’minlash;
mualliflar, ularning huquqiy vorislari hamda boshqa mualliflik huquqi va turdosh huquqlar egalarining mulkiy huquqlarini tuzilgan shartnomalar asosida amalga oshirish va himoya qilish, mualliflik huquqi va turdosh huquqlarning buzilishiga yo‘l qo‘ymaslik hamda buzilgan huquqlarni tiklash bo‘yicha zarur chora-tadbirlar ko‘rish;
fan, adabiyot va san’at asarlarini, shuningdek ushbu asarlar mualliflarini ro‘yxatdan o‘tkazish, O‘zbekiston Respublikasi hududida mualliflik huquqi va turdosh huquqlar obyektidan foydalanuvchi yuridik va jismoniy shaxslar hisobini yuritish;
mualliflarning, ularning huquqiy vorislarining hamda boshqa mualliflik huquqi va turdosh huquqlar egalarining huquqlari va qonuniy manfaatlarini, shu jumladan chet ellarda, belgilangan tartibda ifodalash;
mualliflik huquqini va turdosh huquqlarni himoya qilish sohasida xalqaro hamkorlikni rivojlantirish.
O‘zbekiston mualliflik huquqini himoya qilish respublika agentligi apparati tuzilmasi 1-ilovaga muvofiq;
O‘zbekiston mualliflik huquqini himoya qilish respublika agentligi to‘g‘risidagi nizom 2-ilovaga muvofiq tasdiqlansin.
3. O‘zbekiston mualliflik huquqini himoya qilish respublika agentligi xodimlarining cheklangan umumiy soni 17 nafar, shu jumladan boshqaruv xodimlari soni 10 nafar etib belgilansin.
O‘zbekiston mualliflik huquqini himoya qilish respublika agentligi bosh direktoriga, zarurat bo‘lganda, agentlik tuzilmasiga xodimlarning belgilangan cheklangan umumiy soni doirasida o‘zgartirishlar kiritish huquqi berilsin.
Vazirlar Mahkamasining “Butunittifoq mualliflik huquqini himoya qilish vakilligining O‘zbekiston bo‘limini O‘zbekiston Respublikasi Mualliflik huquqini himoya qilish vakilligi (agentligi)ga aylantirish to‘g‘risida” 1992-yil 30-yanvardagi 38-son qarori;
Vazirlar Mahkamasining “O‘zbekiston Respublikasi Vazirlar Mahkamasining 1992-yil 30-yanvardagi 38-son qaroriga o‘zgartirish va qo‘shimchalar kiritish to‘g‘risida” 1994-yil 13-avgustdagi 413-son qarori o‘z kuchini yo‘qotgan deb hisoblansin.
5. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari A. A. Azizxo‘jayev zimmasiga yuklansin.
1. O‘zbekiston mualliflik huquqini himoya qilish respublika agentligi (keyingi o‘rinlarda Agentlik deb ataladi) mualliflik huquqini va turdosh huquqlarni himoya qilish sohasidagi vazifalarni hal etish uchun maxsus vakolatli davlat boshqaruv organi hisoblanadi.
2. Agentlik o‘z faoliyatida O‘zbekiston Respublikasi Konstitutsiyasiga va qonunlariga, O‘zbekiston Respublikasi Oliy Majlisi qarorlariga va boshqa hujjatlariga, O‘zbekiston Respublikasi Prezidentining farmonlari va farmoyishlariga, O‘zbekiston Respublikasi Vazirlar Mahkamasining qarorlari va farmoyishlariga, shuningdek ushbu Nizomga amal qiladi.
3. Agentlik o‘z faoliyatini davlat boshqaruvi boshqa organlari, mahalliy davlat hokimiyati organlari, jamoat birlashmalari va boshqa tashkilotlar bilan o‘zaro hamkorlikda amalga oshiradi.
4. Agentlikning moddiy-texnika ta’minoti, shuningdek Agentlik tizimi xodimlari mehnatiga haq to‘lash shartnoma asosida ijodiy uyushmalar jamg‘armalariga mablag‘lar yig‘ishda Agentlik tomonidan olinadigan vositachilik ajratmalari, shuningdek qonun hujjatlarida taqiqlanmagan boshqa manbalar hisobiga amalga oshiriladi.
5. Agentlik yuridik shaxs hisoblanadi, O‘zbekiston Respublikasi Davlat gerbi tasviri tushirilgan va o‘z nomi yozilgan muhrga ega bo‘ladi.
mualliflik huquqini va turdosh huquqlarni himoya qilish sohasida yagona davlat siyosati amalga oshirilishini ta’minlash;
mualliflar, ularning huquqiy vorislari hamda boshqa mualliflik huquqi va turdosh huquqlar egalarining mulkiy huquqlarini tuzilgan shartnomalar asosida amalga oshirish va himoya qilish, mualliflik huquqi va turdosh huquqlarning buzilishiga yo‘l qo‘ymaslik hamda buzilgan huquqlarni tiklash bo‘yicha zarur chora-tadbirlar ko‘rish;
fan, adabiyot va san’at asarlarini, shuningdek ushbu asarlar mualliflarini ro‘yxatdan o‘tkazish, O‘zbekiston Respublikasi hududida mualliflik huquqi va turdosh huquqlar obyektidan foydalanuvchi yuridik va jismoniy shaxslar hisobini yuritish;
mualliflarning, ularning huquqiy vorislarining hamda boshqa mualliflik huquqi va turdosh huquqlar egalarining huquqlari va qonuniy manfaatlarini, shu jumladan chet ellarda, belgilangan tartibda ifodalash;
mualliflik huquqini va turdosh huquqlarni himoya qilish sohasida xalqaro hamkorlikni rivojlantirish.
mualliflik huquqi va turdosh huquqlar to‘g‘risidagi qonun hujjatlarini takomillashtirish masalalari bo‘yicha takliflar ishlab chiqadi va ularni belgilangan tartibda O‘zbekiston Respublikasi Vazirlar Mahkamasiga kiritadi;
mualliflardan, ularning huquqiy vorislaridan hamda boshqa mualliflik huquqi va turdosh huquqlar egalaridan olingan vakolatlar doirasida yuridik va jismoniy shaxslar bilan ular tomonidan O‘zbekiston Respublikasi hududida va chet ellarda mualliflik huquqi hamda turdosh huquqlar obyektlaridan foydalanish yuzasidan shartnomalar tuzadi;
tuzilgan shartnomalar asosida mualliflik pulini to‘plash, taqsimlash va mualliflarga, ularning huquqiy vorislariga hamda boshqa mualliflik huquqi va turdosh huquqlar egalariga to‘lashni amalga oshiradi;
mualliflar, ularning huquqiy vorislari hamda boshqa mualliflik huquqi va turdosh huquqlar egalarining huquqlarini amalga oshirishga ko‘maklashadi;
mualliflar, ularning huquqiy vorislari hamda boshqa mualliflik huquqi va turdosh huquqlar egalarining qonuniy manfaatlarini, shu jumladan chet ellarda, ifodalaydi;
mualliflik huquqi va turdosh huquqlarning buzilishiga yo‘l qo‘ymaslik va buzilgan taqdirda ularni tiklash bo‘yicha zarur chora-tadbirlar ko‘radi;
O‘zbekiston Respublikasi tuzgan xalqaro bitimlardan kelib chiqadigan majburiyatlarning bajarilishini o‘z vakolatlari doirasida ta’minlaydi;
fan, adabiyot va san’at asarlarini, shuningdek ushbu asarlar mualliflarini ro‘yxatdan o‘tkazadi, ro‘yxatdan o‘tkazilganlik to‘g‘risida belgilangan namunada guvohnoma beradi;
O‘zbekiston Respublikasi hududida mualliflik huquqi va turdosh huquqlar obyektlaridan foydalanuvchi yuridik va jismoniy shaxslar hisobini yuritadi;
mualliflik huquqi va turdosh huquqlar sohasidagi xorijiy qonun hujjatlarini hamda ularni qo‘llanish tajribasini o‘rganadi;
mualliflarning, ular huquqiy vorislarining hamda boshqa mualliflik huquqi va turdosh huquqlar egalarining mualliflik huquqi va turdosh huquqlar obyektiga mulkiy huquqlarini amalga oshirish va himoya qilish bilan shug‘ullanuvchi xorijiy tashkilotlar bilan o‘z vakolatlari doirasida bitimlar va shartnomalar tuzadi;
mualliflarning, ular huquqiy vorislarining hamda boshqa mualliflik huquqi va turdosh huquqlar egalarining mualliflik huquqi va turdosh huquqlar obyektiga mulkiy huquqlarini amalga oshirish va himoya qilish bilan shug‘ullanuvchi tashkilotlar faoliyatiga ko‘maklashadi;
xalqaro va boshqa tashkilotlar tomonidan mualliflik huquqi va turdosh huquqlar masalalari bo‘yicha o‘tkaziladigan ilmiy anjumanlarda, simpoziumlarda, konferensiyalarda, seminarlarda va boshqa tadbirlarda qatnashadi;
mualliflik huquqi va turdosh huquqlar masalalari bo‘yicha ilmiy konferensiyalar, seminarlar, kurslar va boshqa tadbirlar tashkil qiladi.
davlat organlari, jamoat birlashmalari, korxonalar, muassasalar, tashkilotlar, mansabdor shaxslardan zarur axborotlar, hujjatlar va materiallarni belgilangan tartibda so‘rash va olish;
huquqni muhofaza qilish va boshqa vakolatli davlat organlari bilan mualliflik huquqi va turdosh huquqlar sohasidagi buzilishlarning oldini olish bo‘yicha hamkorlik qilish;
mualliflar hamda boshqa mualliflik huquqi va turdosh huquqlar egalarining mualliflik huquqini va turdosh huquqlarni himoya qilishga doir masalalar bo‘yicha manfaatlarini sud organlarida ifodalash;
mualliflik huquqini va turdosh huquqlarni himoya qilish sohasidagi ilmiy-metodik va axborot materiallari hamda boshqa nashrlarni chop etish va tarqatish;
mualliflar, ularning huquqiy vorislari, boshqa mualliflik huquqlari va turdosh huquqlar egalari hamda mualliflik huquqi va turdosh huquqlar obyektlaridan foydalanuvchilar o‘rtasida shartnomalar tuzishda, tegishli vakolatlarni berishda vositachilik qilish.
9. Agentlik o‘z vakolatlari doirasida, vazirliklar, davlat qo‘mitalari, idoralar, mahalliy davlat hokimiyati organlari, korxonalar, muassasalar, tashkilotlar, mansabdor shaxslar va fuqarolar uchun bajarish majburiy bo‘lgan normativ-huquqiy hujjatlar qabul qilishga haqlidir.
Agentlik, zarur hollarda, boshqa vazirliklar, davlat qo‘mitalari va idoralar bilan qo‘shma qarorlar va boshqa hujjatlar chiqarishga haqlidir.
Oldingi tahrirga qarang.
11. O‘zbekiston mualliflik huquqini himoya qilish respublika agentligiga O‘zbekiston Respublikasi Prezidenti tomonidan lavozimga tayinlanadigan va lavozimdan ozod qilinadigan bosh direktor boshchilik qiladi.
(11-bandning birinchi xatboshi O‘zbekiston Respublikasi Vazirlar Mahkamasining 2010-yil 5-iyundagi 108-sonli qarori tahririda — O‘R QHT, 2010-y., 23-son, 183-modda)
Oldingi tahrirga qarang.
Bosh direktorning bir nafar o‘rinbosari bo‘ladi belgilangan tartibda O‘zbekiston Respublikasi Vazirlar Mahkamasi tomonidan lavozimga tayinlanadigan va lavozimdan ozod qilinadigan.
(11-bandning ikkinchi xatboshi O‘zbekiston Respublikasi Vazirlar Mahkamasining 2010-yil 5-iyundagi 108-sonli qarori tahririda — O‘R QHT, 2010-y., 23-son, 183-modda)
Bosh direktor maqomiga ko‘ra vazirning birinchi o‘rinbosariga, bosh direktor o‘rinbosari — vazir o‘rinbosariga tenglashtiriladi.
Agentlik faoliyatiga yakkaboshchilik asosida umumiy rahbarlik qiladi hamda Agentlikka yuklangan vazifalar va funksiyalarning bajarilishi uchun shaxsan javob beradi;
Agentlik tuzilmasiga o‘zgartirishlar kiritadi, xodimlarning belgilangan umumiy soni doirasida shtatlar jadvalini, shuningdek Agentlik xarajatlari smetasini tasdiqlaydi;
13. Agentlik o‘ziga yuklangan funksiyalarni amalga oshirish uchun joylarda xodimlarning cheklangan umumiy soni doirasida inspektorlarga ega bo‘lishi mumkin.
14. Agentlikni qayta tashkil etish va tugatish qonun hujjatlarida belgilangan tartibda amalga oshiriladi.