Oʻzbekiston Respublikasi Prezidentining “Mahalla” maʼrifiy teleradiokanalini tashkil etish va raqamli telekoʻrsatuvlarni yanada kengaytirish chora-tadbirlari toʻgʻrisida” 2014-yil 17-dekabrdagi PQ-2273-sonli qaroriga muvofiq:

1. Oʻzbekiston Respublikasi Prezidentining baʼzi hujjatlariga 1-ilovaga muvofiq oʻzgartish va qoʻshimchalar kiritilsin.

2. Oʻzbekiston Respublikasi Prezidentining ayrim hujjatlari 2-ilovaga muvofiq oʻz kuchini yoʻqotgan deb hisoblansin.

3. Mazkur Farmonning bajarilishini nazorat qilish Oʻzbekiston Respublikasining Bosh vaziri A. Aripov zimmasiga yuklansin.

1. Oʻzbekiston Respublikasi Prezidentining “Mustaqil teleradio kanallarni isloh qilish va rivojlantirish toʻgʻrisida” 2005-yil 8-noyabrdagi PF-3678-sonli Farmonida:

a) 1-bandning uchinchi xatboshidagi “va “Mashʼal” radiokanali” soʻzlari chiqarib tashlansin.

b) 4-bandida:

birinchi xatboshidagi “yopiq” soʻzi chiqarib tashlansin;

uchinchi xatboshidagi “yopiq” soʻzi chiqarib tashlansin;

toʻrtinchi — oltinchi xatboshilaridagi “YoAJ” qisqartma soʻzi “AJ” qisqartma soʻzi bilan almashtirilsin;

v) 5-bandning oʻn ikkinchi xatboshidagi “yopiq aksiyadorlik” soʻzlari “aksiyadorlik” soʻzi bilan almashtirilsin;

g) 7-bandning birinchi xatboshi quyidagi tahrirda bayon etilsin:

“7. Oʻzbekiston Milliy teleradiokompaniyasi toʻgʻrisidagi Nizom 3-ilovaga muvofiq tasdiqlansin”;

d) 1-ilovada:

I boʻlim quyidagi mazmundagi 12-band bilan toʻldirilsin:

“12. “Mahalla” teleradiokanali”;

III boʻlimning 1-bandidagi “yopiq aksiyadorlik” soʻzlari “aksiyadorlik” soʻzi bilan almashtirilsin;

e) 2-ilova oʻz kuchini yoʻqotgan deb hisoblansin;

j) 3-ilovada:

13-band quyidagi tahrirda bayon etilsin:

“13. Kompaniya markaziy apparatdan, “O'zbekiston” teleradiokanali, “Sport” teleradiokanali, “Toshkent” teleradiokanali”, “Respublika teleradiomarkazi”, “O'zbektelefilm”, “O'zbekiston MTRK Mediamarkazi”, “Madaniyan va ma'rifat” telekanali, “Dunyo bo'ylab” telekanali, “Mahalla” teleradiokanali davlat unitar korxonalaridan, Qoraqalpogʻiston Respublikasi teleradiokompaniyasi, viloyatlar teleradiokompaniyalaridan, Maxsus avtokorxonadan, “Oqtosh” pansionati, poliklinikadan tashkil topadi. Kompaniya “Yoshlar” teleradiokanali” aksiyadorlik jamiyatidagi aksiyalarning davlat ulushini boshqaradi”;

14-bandda:

oʻn ikkinchi xatboshidagi “yopiq aksiyadorlik” soʻzlari “aksiyadorlik” soʻzi bilan almashtirilsin;

quyidagi mazmundagi xatboshilar bilan toʻldirilsin:

“Mahalla” teleradiokanali” davlat unitar korxonasi uchun:

oʻzbek xalqining koʻp asrlik tarixi davomida fuqarolarning oʻzini oʻzi boshqarish organi sifatida shakllangan noyob milliy tuzilma — mahalla institutining jamiyat va davlatni barqaror rivojlantirishdagi, aholi uchun hayotiy muhim ijtimoiy masalalarni hal etishdagi, kuchli davlatdan kuchli fuqarolik jamiyatiga oʻtishning maqsadli vazifalariga erishishdagi roli va ahamiyati toʻgʻrisida mamlakat aholisini keng xabardor qilish, shuningdek mahallani har tomonlama rivojlantirish va samarali faoliyat yuritishini taʼminlovchi tashkiliy-huquqiy mexanizmlarni yaratish borasidagi tajribani yoritish;

jamiyatda yuksak maʼnaviy-axloqiy qadriyatlarni qaror toptirishda, milliy urf-odatlar va anʼanalarni avaylab-asrash va ularga hurmat bilan munosabatda boʻlish, mamlakatda tinchlik va barqarorlikni, millatlararo va dinlararo totuvlikni saqlab qolish va mustahkamlashda, joylarda jamoat xavfsizligi va huquq-tartibotni taʼminlashda mahalla institutining roli va ahamiyatini yaqqol koʻrsatuvchi dasturlar yaratish;

oilaviy qadriyatlarni mustahkamlash, oilalarda sogʻlom maʼnaviy- axloqiy muhit, oʻzaro hurmat va totuvlik muhitini shakllantirish, tabarruk yoshdagi kishilarga gʻamxoʻrlik va eʼtiborni kuchaytirish, oʻsib kelayotgan yosh avlodni, ayniqsa qizlarni tarbiyalashga koʻmaklashish, erta nikohdan oʻtishlarning oldini olish, yigit va qizlarni sogʻlom va mustahkam oila qurishga maʼnaviy-ruhiy jihatdan tayyorlash, toʻylar, boshqa tantanalar va rasm-rusumlarni ortiqcha dabdababozliksiz tashkillashtirish, aholining ijtimoiy hojatmand qatlamlariga aniq manzilli moddiy va maʼnaviy madad berish boʻyicha namunali mahallalarning ilgʻor ish tajribasini ommalashtirish yuzasidan teleradio dasturlar tayyorlash;

aholining ish bilan bandligi, kichik biznes va xususiy tadbirkorlikni, hunarmandchilikni, kasanachilik va oilaviy biznesni rivojlantirish, mahalla ijtimoiy infratuzilmasining darajasi va sifatini oshirish, bolalar maydonchalari hamda sport maydonchalarini jihozlash, hududlarni obodonlashtirish va koʻkalamzorlashtirish, atrof-muhitni muhofaza qilish masalalarini hal etishda mahallalar faoliyatini keng yoritish;

mahallalarning pensiya, ijtimoiy va tibbiy taʼminot, xalq taʼlimi, madaniyat va sport organlari, jamoat tuzilmalari bilan keksalar va nogironlarga doimiy eʼtibor berish, yoshlarni maʼnaviy-axloqiy jihatdan tarbiyalash, diniy maʼrifat, kasb-hunar kollejlari va litseylarni bitirib chiqqanlarni ish bilan taʼminlash masalalarida jamoat tuzilmalari bilan mahallalarning ijtimoiy sherikligini kengaytirish, shuningdek qonun hujjatlariga rioya etilishi va davlat boshqaruvi organlarining ushbu masalalardagi faoliyati ustidan jamoatchilik nazorati tizimida mahalla funksiyalarini kuchaytirish boʻyicha teleradio dasturlarini tashkillashtirish”;

18-bandning oʻninchi xatboshidagi “YoAJ” qisqartma soʻzi “AJ” qisqartma soʻzi bilan almashtirilsin.

2. Oʻzbekiston Respublikasi Prezidentining “Oʻzbekiston Milliy teleradiokompaniyasi faoliyatini tashkil etish boʻyicha tadbirlar haqida” 2005-yil 27-dekabrdagi PQ-245-sonli qarorida:

a) 2-bandning birinchi xatboshidagi “1 — 6-ilovalarga muvofiq” soʻzlari “1 — 5-ilovalarga muvofiq” soʻzlari bilan almashtirilsin;

b) 3-bandda:

birinchi va uchinchi xatboshilaridagi “YoAJ” qisqartma soʻzi “AJ” qisqartma soʻzi bilan almashtirilsin;

ikkinchi xatboshida:

“Davlat mulki qoʻmitasi” soʻzlari “Davlat raqobat qoʻmitasi” soʻzlari bilan almashtirilsin;

“yopiq aksiyadorlik jamiyati (YoAJ)” soʻzlari “aksiyadorlik jamiyati (AJ)” soʻzlari bilan almashtirilsin;

v) 5-bandning birinchi xatboshidagi birinchi, ikkinchi satrlari quyidagi tahrirda berilsin: “Oʻzbekiston MTRK teleradiokanallari va hududiy boʻlinmalarining analog formatdagi televizion koʻrsatuvlari va radio eshittirishlari bir kecha-kunduzlik oʻrtacha hajmi, davlat”;

g) 6-bandda:

birinchi xatboshidagi “YoAJ” qisqartma soʻzi “AJ” qisqartma soʻzi bilan almashtirilsin;

uchinchi xatboshi quyidagi tahrirda bayon etilsin:

“Yoshlar” teleradiokanali” AJ huzuridagi “Bolajon” va “Navo” telekanallari, shuningdek Oʻzbekiston MTRK tarkibiga kiruvchi boshqa teleradiokanallar va hududiy boʻlinmalar faoliyatini moliyalashtirish Oʻzbekiston Respublikasining Davlat budjeti mablagʻlari hamda qonun hujjatlarida nazarda tutilgan budjetdan tashqari daromadlar hisobidan amalga oshiriladi”;

beshinchi xatboshidagi “davlat budjeti hisobidan qoplanadigan xorijiy kreditlar hisobiga olingan” soʻzlari “sotib olinadigan, shuningdek hukumat qarorlariga muvofiq olingan” soʻzlari bilan almashtirilsin;

d) 7-bandning birinchi xatboshidagi va 9-bandning toʻrtinchi xatboshidagi “YoAJ” qisqartma soʻzlari “AJ” qisqartma soʻzi bilan almashtirilsin.

1-ilovaning qolgan qismi rus tilida berilgan matndan olinadi (asosan tashkiliy tuzilmalar).

1. Oʻzbekiston Respublikasi Prezidentining “Oʻzbekiston Respublikasi Prezidentining baʼzi hujjatlariga oʻzgartish va qoʻshimchalar kiritish toʻgʻrisida” 2013-yil 8-apreldagi PF-4532-sonli Farmoni 1-bandining “v” kichik bandi, ilovasidagi 2-bandning “b” va “v” kichik bandlari.

2. Oʻzbekiston Respublikasi Prezidentining “Oʻzbekiston Milliy teleradiokompaniyasi tizimida yuqori texnologiyali teleradiouskunalardan foydalanish samaradorligini yanada oshirish chora-tadbirlari toʻgʻrisida” 2009-yil 1-apreldagi PQ-1088-sonli qarori 2-bandining ikkinchi xatboshi, shuningdek ushbu qarorning 1-ilovasi.

3. “Oʻzbekiston Respublikasi Prezidentining “Oʻzbekiston Milliy teleradiokompaniyasi faoliyatini tashkil etish boʻyicha tadbirlar haqida” 2005-yil 27-dekabrdagi PQ-245-sonli qaroriga oʻzgartish va qoʻshimchalar kiritish toʻgʻrisida” Oʻzbekiston Respublikasi Prezidentining 2014-yil 14-yanvardagi PQ-2112-sonli qarori.