30.11.2016 yilda ro‘yxatdan o‘tgan, ro‘yxat raqami 2840
Mazkur Nizom O‘zbekiston Respublikasining “Alkogol va tamaki mahsulotlarining tarqatilishi hamda iste’mol qilinishini cheklash to‘g‘risida”gi hamda 2015-yil 29-dekabrdagi O‘RQ-396-son “O‘zbekiston Respublikasining ayrim qonun hujjatlariga o‘zgartish va qo‘shimchalar kiritish to‘g‘risida”gi qonunlariga muvofiq alkogol va tamaki mahsulotlari iste’mol qilinishiga yo‘l qo‘yilmaydigan ogohlantiruvchi hamda tamaki mahsulotini iste’mol qilish uchun maxsus ajratilgan joy va (yoki) xona haqida axborot beruvchi belgilarni tayyorlash hamda ularni joylashtirish tartibini belgilaydi.
4. Mazkur Nizomning 1-ilovasida ko‘rsatilgan 1 — 4-shakllardagi ogohlantiruvchi belgilarning yuqori qismida diametri bo‘yicha to‘g‘ri chiziq o‘tkazilgan hoshiyali doiraning ichida alkogol shisha idishi va yarim to‘ldirilgan ryumkaning tasviri aks ettiriladi. Bunda doiraning hoshiyasi va diametri bo‘yicha o‘tkazilgan to‘g‘ri chiziq qizil rangda, alkogol shisha idishi va yarim to‘ldirilgan ryumkaning tasviri esa, qora rangda bo‘lishi lozim.
5. Mazkur Nizomning 1-ilovasida ko‘rsatilgan 1 — 4-shakllardagi ogohlantiruvchi belgilarning pastki qismida davlat tilida (lotincha yoki kirilcha harflarda) ogohlantiruvchi matn ko‘rsatiladi.
“(Asos: MJTKning 187-moddasi)”, “(Asos: MJTKning 187-moddasi)”, “(Osnovaniye: statya 187 KoAO)” va “(Ground: Article 187, Administrative Liability Code)” degan so‘zlar — kamida 14 o‘lchamli “polujirniy” shrifti bilan qora rangda ifodalanadi.
8. Mazkur Nizomning 1-ilovasida ko‘rsatilgan 5-shakldagi ogohlantiruvchi belgida diametri bo‘yicha to‘g‘ri chiziq o‘tkazilgan hoshiyali doiraning ichida alkogol shisha idishi va yarim to‘ldirilgan ryumka tasvirining o‘zi aks ettiriladi. Bunda doiraning hoshiyasi va diametri bo‘yicha o‘tkazilgan to‘g‘ri chiziq qizil rangda, alkogol shisha idishi va yarim to‘ldirilgan ryumkaning tasviri esa, qora rangda bo‘lishi lozim.
9. Mazkur Nizomning 1-ilovasida ko‘rsatilgan 1 yoki 2-shakldagi ogohlantiruvchi belgi ish joylarida, ko‘chalar, stadionlar, xiyobonlar, istirohat bog‘larida va boshqa jamoat joylarida, shuningdek alkogol mahsulotini quyib realizatsiya qilishga ruxsat etilmagan savdo va umumiy ovqatlanish obyektlarida (to‘ylar, yubileylar va boshqa tantanalar hamda marosimlar o‘tkaziladigan joylar, shuningdek alkogol mahsulotini quyib realizatsiya qilishga ruxsat etilgan savdo va umumiy ovqatlanish obyektlari bundan mustasno) barcha uchun ko‘rinadigan joylarda joylashtirilishi lozim. Ushbu joylarda zaruratga ko‘ra mazkur Nizomning 1-ilovasida ko‘rsatilgan 3 va 4-shakldagi ogohlantiruvchi belgilar ham qo‘shimcha ravishda joylashtirilishi mumkin.
10. Mazkur Nizomning 1-ilovasida ko‘rsatilgan 5-shakldagi ogohlantiruvchi belgi jamoat transportining barcha turlarida (fuqaro havo kemasi bundan mustasno) hamma uchun ko‘rinadigan joylarda joylashtiriladi.
12. Mazkur Nizomning 2-ilovasida ko‘rsatilgan 1 — 4-shakldagi ogohlantiruvchi belgilarning yuqori qismida diametri bo‘yicha to‘g‘ri chiziq o‘tkazilgan hoshiyali doiraning ichida yonayotgan sigaretaning tasviri aks ettiriladi. Bunda doiraning hoshiyasi va diametri bo‘yicha o‘tkazilgan to‘g‘ri chiziq qizil rangda, sigaretaning tasviri esa, qora rangda bo‘lishi lozim.
13. Mazkur Nizomning 1-ilovasida ko‘rsatilgan 1 — 4-shakldagi ogohlantiruvchi belgilarning pastki qismida davlat tilida (lotincha yoki kirilcha harflarda) ogohlantiruvchi matn ko‘rsatiladi.
“(Asos: MJTKning 561-moddasi)”, “(Asos: MJTKning 561-moddasi)”, “(Osnovaniye: statya 561 KoAO)” yoxud “(Ground: Article 561, Administrative Liability Code)” degan so‘zlar — kamida 14 o‘lchamli “polujirniy” shrifti bilan qora rangda ifodalanadi.
16. Mazkur Nizomning 2-ilovasida ko‘rsatilgan 5-shakldagi ogohlantiruvchi belgida diametri bo‘yicha to‘g‘ri chiziq o‘tkazilgan hoshiyali doiraning ichida yonayotgan sigareta tasvirining o‘zi aks ettiriladi. Bunda doiraning hoshiyasi va diametri bo‘yicha o‘tkazilgan to‘g‘ri chiziq qizil rangda, sigaretaning tasviri esa, qora rangda bo‘lishi lozim.
17. Mazkur Nizomning 2-ilovasida ko‘rsatilgan 1 yoki 2-shakldagi ogohlantiruvchi belgi ish joylarida, sog‘liqni saqlash, ta’lim, sport-sog‘lomlashtirish muassasalarida, yong‘in chiqish xavfi bo‘lgan joylarda, shu jumladan avtomobillarga yonilg‘i quyish shoxobchalarida va boshqa jamoat joylarida (tamaki mahsulotini iste’mol qilish uchun maxsus ajratilgan joylar va (yoki) xonalar bundan mustasno) barcha uchun ko‘rinadigan joylarda joylashtirilishi lozim. Ushbu joylarda zaruratga ko‘ra mazkur Nizomning 2-ilovasida ko‘rsatilgan 3 va 4-shakldagi ogohlantiruvchi belgilar ham qo‘shimcha ravishda joylashtirilishi mumkin.
18. Mazkur Nizomning 2-ilovasida ko‘rsatilgan 5-shakldagi ogohlantiruvchi belgi mahalliy va uzoq masofaga qatnaydigan poyezdlarda, daryo kemalarida (tamaki mahsulotini iste’mol qilish belgilanmagan joylarda), shahar atrofiga qatnaydigan poyezdlarning vagonlarida (shu jumladan tamburlarida), shahar ichida, shahar atrofiga, shaharlararo va xalqaro yo‘nalishlarda qatnaydigan avtobuslarda, shuningdek yo‘nalishli va yo‘nalishsiz taksilarda hamda shahar elektr transportida barcha uchun ko‘rinadigan joylarda joylashtiriladi.
20. Mazkur Nizomning 3-ilovasida ko‘rsatilgan shakldagi axborot beruvchi belgi tamaki mahsulotini iste’mol qilish uchun maxsus ajratilgan joyda (xonada) joylashtiriladi.
22. Mazkur Nizomning 1 va 2-ilovasida ko‘rsatilgan 1 — 4-shakllardagi ogohlantiruvchi belgilarning umumiy o‘lchami A4 (eni — 210 mm, bo‘yi — 297 mm) formatidan kichik bo‘lmasligi lozim.
Mazkur Nizomning 1 va 2-ilovasida ko‘rsatilgan 5-shakllardagi ogohlantiruvchi belgilarning umumiy o‘lchami ularda aks ettirilgan tasvir diametriga mutanosib bo‘ladi.
23. Mazkur Nizomning 1 va 2-ilovasida ko‘rsatilgan 1 — 4-shakllardagi ogohlantiruvchi belgilarning matnini kompyuter vositasida bosib chiqarishda “Times New Roman” shriftida yoki shunga o‘xshash shriftni qo‘llagan holda Misrosoft Word matn redaktoridan foydalanish tavsiya etiladi.
Oldingi tahrirga qarang.
(25-band O‘zbekiston Respublikasi adliya vazirining 2021-yil 28-iyuldagi 16-mh-sonli buyrug‘i (ro‘yxat raqami 3313, 28.07.2021-y.) tahririda — Qonunchilik ma’lumotlari milliy bazasi, 28.07.2021-y., 10/21/3313/0724-son)