“Mahalliy davlat hokimiyati toʻgʻrisida”gi Oʻzbekiston Respublikasi Qonunining 24-moddasiga (Oʻzbekiston Respublikasi Oliy Kengashining Axborotnomasi, 1993-y., 9-son, 320-modda) muvofiq, Oʻzbekiston Respublikasi Prezidentining 2016-yil 23-sentabrdagi “Oʻzbekiston Respublikasi Prezidentining “Oʻzbekiston Respublikasining 2016-yilgi asosiy makroiqtisodiy koʻrsatkichlari prognozi va davlat budjeti parametrlari toʻgʻrisida” 2015-yil 22-dekabrdagi PQ-2455-sonli qaroriga oʻzgartish kiritish haqida”gi PQ-2610-sonli (“Oʻzbekiston Respublikasi qonun hujjatlari toʻplami”, 2016-y., 3-oktabr, 39-son, 459-modda) qarori ijrosini taʼminlash maqsadida xalq deputatlari Toshkent shahar Kengashi qaror qiladi:

1. Xalq deputatlari Toshkent shahar Kengashining 2015-yil 25-dekabrdagi “Toshkent shahri boʻyicha 2016-yil uchun mahalliy soliqlar va yigʻimlar stavkalari toʻgʻrisida”gi 76/9-5-sonli qarori ilovasining “***” izohi (havolasi) quyidagi tahrirda bayon etilsin:

2. Toshkent shahar Davlat soliq boshqarmasi, Savdo, xizmat koʻrsatish sohasi va xalq isteʼmol mollari ishlab chiqarish departamenti hamda tuman hokimliklariga 2016-yil mahalliy soliqlar va yigʻimlar stavkalariga kiritilgan oʻzgartirish soliq toʻlovchilar eʼtiboriga yetkazilishi va ijro etilishini taʼminlash topshirilsin.

3. “Toshkent oqshomi” va “Vecherniy Tashkent” gazetalari tahririyati (A. Akramov), “Kompyuterlashtirish markazi” DUK (M. Asamov):

mazkur qaror rasmiy eʼlon qilinishi va www.toshkent.uz veb-saytiga joylashtirilishi taʼminlansin.

4. Mazkur qaror rasmiy eʼlon qilingan kundan eʼtiboran kuchga kiradi.

5. Mazkur qaror ijrosini nazorat qilish Xalq deputatlari Toshkent shahar Kengashining Mahalliy budjetni shakllantirish va ijro etish, iqtisodiy islohotlarni amalga oshirish va tadbirkorlikni rivojlantirish masalalari boʻyicha doimiy komissiyasi hamda Toshkent shahar hokimining oʻrinbosari N. Xusanov zimmasiga yuklansin.