Oʻzbekiston Respublikasi Prezidentining “Oʻzpaxtasanoateksport” xolding kompaniyasini tashkil etish toʻgʻrisida” 2015-yil 27-oktabrdagi PF-4761-sonli Farmoniga va Oʻzbekiston Respublikasi Prezidentining “Oʻzpaxtasanoateksport” xolding kompaniyasi faoliyatini tashkil etish chora-tadbirlari toʻgʻrisida” 2015-yil 28-oktabrdagi PQ-2422-sonli qaroriga muvofiq:

1. Quyidagilar oʻz kuchini yoʻqotgan deb hisoblansin:

Oʻzbekiston Respublikasi Prezidentining “Tashqi iqtisodiy aloqalar vazirligining xoʻjalik hisobidagi boʻlinmalarini davlat-hissadorlik kompaniyalariga aylantirish toʻgʻrisida” 1995-yil 14-avgustdagi PF-1212-sonli Farmoni;

Oʻzbekiston Respublikasi Prezidentining “Kichik biznes va xususiy tadbirkorlikni yanada rivojlantirish uchun qulay ishbilarmonlik muhitini shakllantirishga doir qoʻshimcha chora-tadbirlar toʻgʻrisida” 2011-yil 24-avgustdagi PF-4354-sonli Farmonining 9-bandi.

2. Oʻzbekiston Respublikasi Prezidentining ayrim hujjatlariga ilovaga muvofiq oʻzgartishlar kiritilsin.

3. Oʻzbekiston Respublikasi Moliya vazirligi, Tashqi iqtisodiy aloqalar, investitsiya va savdo vazirligi, Oʻzbekiston “Sifat” markazi, boshqa manfaatdor vazirliklar va idoralar bir oy muddatda oʻz meʼyoriy hujjatlarini mazkur Farmonga muvofiqlashtirsin.

4. Mazkur Farmonning ijrosini nazorat qilish Oʻzbekiston Respublikasi Bosh vazirining birinchi oʻrinbosari R. Azimov zimmasiga yuklansin.

2. Oʻzbekiston Respublikasi Prezidentining “Paxta narxini shakllantirish mexanizmi toʻgʻrisida” 2002-yil 20-avgustdagi PF-3114-sonli Farmoni 2-bandidagi “Oʻzpaxtasanoat” uyushmasi” soʻzlari “Oʻzpaxtasanoateksport” XK” soʻzlari bilan almashtirilsin.

3. Oʻzbekiston Respublikasi Prezidentining “Xalqaro oʻzbek paxta yarmarkasini har yili tashkil etish toʻgʻrisida” 2005-yil 8-noyabrdagi PP-217-sonli qarorida:

a) 2-ilovadagi “F.B. Omonov — “Oʻzpaxtasanoat” uyushmasi boshqaruvi raisi” soʻzlari “A.S. Kamalov — “Oʻzpaxtasanoateksport” XK boshqaruvi raisi” soʻzlari bilan almashtirilsin;

b) 3-ilovada:

“F.B. Omonov — “Oʻzpaxtasanoat” uyushmasi boshqaruvi raisi” soʻzlari “A.S. Kamalov — “Oʻzpaxtasanoateksport” XK boshqaruvi raisi” soʻzlari bilan almashtirilsin;

“ — “Oʻzmarkazimpeks” DATK boshqaruvi raisi”, “ — “Oʻzinterimpeks” DATK boshqaruvi raisi”, “ — “Oʻzsanoatmashimpeks” DAK boshqaruvi raisi” va “F.Sh. Zargarov — “Oʻztashqitrans” DAK boshqaruvi raisi” soʻzlari “J.J. Qodirov — “Oʻzpaxtaeksport” AJ bosh direktori — “Oʻzpaxtasanoateksport” XK boshqaruvi raisining oʻrinbosari” va “Y.S. Xidirov — “Oʻzpaxtasanoat” AJ bosh direktori — “Oʻzpaxtasanoateksport” XK boshqaruvi raisining oʻrinbosari” soʻzlari bilan almashtirilsin.

4. Oʻzbekiston Respublikasi Prezidentining “Toʻqimachilik sanoati korxonalarini moliyaviy sogʻlomlashtirish va ularga paxta tolasi sotish mexanizmini takomillashtirish chora-tadbirlari toʻgʻrisida” 2006-yil 21-apreldagi PQ–330-sonli qarori 3-bandining uchinchi xatboshidagi “tashqi savdo kompaniyalari” soʻzlari “tashqi savdo kompaniyalari va “Oʻzpaxtaeksport” AJ” soʻzlari bilan almashtirilsin.

5. Oʻzbekiston Respublikasi Prezidentining “Chigit yetkazib berish mexanizmini hamda oʻsimlik yogʻi va yogʻ-moy mahsulotlari sotishni tartibga solish toʻgʻrisida” 2006-yil 31-maydagi PQ-360-sonli qarorida:

a) 1-bandining birinchi xatboshi quyidagi tahrirda bayon etilsin:

“1. Oʻzpaxtasanoateksport” XK oʻz tarkibiga kiruvchi tashkilotlar hamda Oʻzbekiston “Sifat” markazi bilan birgalikda”;

b) 6-bandining birinchi xatboshi quyidagi tahrirda bayon etilsin:

“6. “Oʻzpaxtasanoateksport” XK, yogʻ-moy hamda paxta tozalash sanoati korxonalari rahbarlari zimmasiga tegishli tarzda:”.

6. Oʻzbekiston Respublikasi Prezidentining “Toʻqimachilik sohasining iqtisodiy nochor korxonalarini sotib olgan yoki ishonchli boshqaruvga qabul qilgan investorlarni davlat tomonidan qoʻllab- quvvatlash chora-tadbirlari toʻgʻrisida” 2006-yil 21-sentabrdagi PQ-474-sonli qarori 2-bandining ikkinchi xatboshi quyidagi tahrirda bayon etilsin:

“paxta tolasini qonun hujjatlarida belgilangan tartibda “Oʻzpaxtaeksport” AJ orqali xorijiy valyutaga xarid qilish mexanizmi”.

7. Oʻzbekiston Respublikasi Prezidentining “Paxta tolasini respublikaning ichki isteʼmolchilariga sotishni takomillashtirish va toʻqimachilik sanoatini rivojlantirish chora-tadbirlari toʻgʻrisida” 2007-yil 21-noyabrdagi PQ-733-sonli qarorining 1-bandi quyidagi tahrirda bayon etilsin:

“1. Respublikaning paxta tolasini qayta ishlaydigan barcha korxonalari uchun paxta tolasini erkin ayirboshlanadigan valyutada toʻgʻridan-toʻgʻri shartnomalar boʻyicha “Oʻzpaxtaeksport” AJ va Oʻzbekiston Respublika tovar-xomashyo birjasi orqali qonun hujjatlarida nazarda tutilgan shartlarga muvofiq xarid qilishning yagona tartibi oʻrnatilsin.”.

8. Oʻzbekiston Respublikasi Prezidentining “2012 — 2016-yillarda qishloq xoʻjaligi ishlab chiqarishini yanada modernizatsiya qilish, texnik va texnologik jihatdan qayta jihozlash dasturi toʻgʻrisida” 2012-yil 21-maydagi PQ-1758-sonli qarori 4-bandining ikkinchi xatboshidagi “uyushmasi” soʻzi “AJ” qisqartma soʻzi bilan almashtirilsin.

9. Oʻzbekiston Respublikasi Prezidentining “Iqtisodiyotda xususiy mulkning ulushi va ahamiyatini oshirish chora-tadbirlari toʻgʻrisida” 2015-yil 28-apreldagi PQ-2340-sonli qarorining 2-ilovasidagi 277 — 281- pozitsiyalar chiqarib tashlansin.

10. Oʻzbekiston Respublikasi Prezidentining 2015-yil 23-iyuldagi PP-2374-sonli qarori bilan tasdiqlangan Qishloq va suv xoʻjaligi, qishloq xoʻjaligi mahsulotlarini qayta ishlash hamda isteʼmol tovarlari masalalari axborot-tahlil departamentining tuzilmasida “Mutasaddilik qilinadigan vazirliklar, idoralar va xoʻjalik birlashmalari” boʻlimidagi “Oʻzpaxtasanoat” uyushmasi” soʻzlari “Oʻzpaxtasanoateksport” XK” soʻzlari bilan almashtirilsin.