Oʻzbekiston Respublikasi Vazirlar Mahkamasining 2016-yil 17-oktabrdagi 347-son “Muruvvat” nogiron bolalar uchun internat uylar hamda boshqa tibbiy-ijtimoiy muassasalar faoliyatini takomillashtirish chora-tadbirlari toʻgʻrisida”gi qaroriga asosan buyuraman:

1. Oʻzbekiston Respublikasi sogʻliqni saqlash vazirining 2016-yil 27-apreldagi 50-son buyrugʻi (roʻyxat raqami 2785, 2016-yil 12-may) (Oʻzbekiston Respublikasi qonun hujjatlari toʻplami, 2016-y., 19-son, 217-modda) bilan tasdiqlangan Yolgʻiz keksalar va nogironlarni Oʻzbekiston Respublikasi Sogʻliqni saqlash vazirligi tizimidagi Urush va mehnat faxriylari uchun respublika pansionati, “Saxovat” va “Muruvvat” internat uylariga rasmiylashtirish qoidalari ilovasining 6-bandi oʻz kuchini yoʻqotgan deb hisoblansin.

2. Mazkur buyruq rasmiy eʼlon qilingan kundan eʼtiboran kuchga kiradi.