Oʻzbekiston Respublikasi Prezidentining “Toshkent shahrida yoʻlovchi tashish transportini tashkil etish tizimini yanada takomillashtirish chora-tadbirlari toʻgʻrisida” 2013-yil 9-oktabrdagi PQ-2048-sonli qaroriga muvofiq hamda shahar yoʻlovchi transporti tashkilotlarining daromadlarini oshirish orqali ularning moliyaviy-iqtisodiy holatini yanada mustahkamlash, yoʻlovchilar uchun qulayliklar yaratish va yoʻlovchilar tashish sifatini yaxshilash maqsadida:

1. Oʻzbekiston Respublikasi Prezidentining “Toshshahartransxizmat” uyushmasi hamda Toshkent shahar hokimligi Yoʻlovchi transportining barcha turlari harakatini litsenziyalash va muvofiqlashtirish departamenti faoliyatini tashkil etish toʻgʻrisida” 2006-yil 18-yanvardagi PQ-262-sonli qarori 4-bandining toʻrtinchi xatboshi chiqarib tashlansin.

2. Ushbu qarorning ijrosini nazorat qilish Oʻzbekiston Respublikasi Bosh vazirining oʻrinbosari B. Zakirov zimmasiga yuklansin.