O‘zbekiston Respublikasi Prezidentining “2016 — 2020-yillarda qishloq xo‘jaligini yanada isloh qilish va rivojlantirish chora-tadbirlari to‘g‘risida” 2015-yil 29-dekabrdagi PQ-2460-son qaroriga muvofiq, shuningdek qishloq xo‘jaligi mahsulotlari yetishtiruvchilar bilan tayyorlov, xizmat ko‘rsatish tashkilotlari o‘rtasida tuzilgan shartnomalarning so‘zsiz bajarilishi yuzasidan nazoratni yanada kuchaytirish maqsadida Vazirlar Mahkamasi qaror qiladi:
1. Vazirlar Mahkamasining 2003-yil 4-sentabrdagi 383-son qarori (O‘zbekiston Respublikasi QT, 2003-y., 9-son, 81-modda) bilan tasdiqlangan Qishloq xo‘jaligi mahsulotlari yetishtiruvchilar bilan tayyorlov, xizmat ko‘rsatish tashkilotlari o‘rtasida shartnomalar tuzish, ularni ro‘yxatdan o‘tkazish, bajarish, shuningdek ularning bajarilishi monitoringini olib borish tartibi to‘g‘risidagi nizomga ilovaga muvofiq qo‘shimcha va o‘zgartirishlar kiritilsin.
2. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari R.S. Azimov zimmasiga yuklansin.
“davlat ehtiyojlari uchun qishloq xo‘jaligi mahsulotlari yetishtirish uchun yetkazib berilayotgan moddiy-texnika resurslari va ajratilayotgan bank kreditlaridan maqsadli foydalanish”;
beshinchi va oltinchi xatboshilar tegishli ravishda oltinchi va yettinchi xatboshilar deb hisoblansin.
“761. Xo‘jalik tomonidan davlat ehtiyojlari uchun qishloq xo‘jaligi mahsulotlari yetishtirish uchun yetkazib berilgan moddiy-texnika resurslaridan maqsadli foydalanilmagan taqdirda, xo‘jalik xizmat ko‘rsatish tashkilotiga maqsadli foydalanilmagan moddiy-texnika va kredit resurslari qiymatining 25 foizi miqdorida jarima to‘laydi.
xizmat ko‘rsatish tashkilotiga davlat ehtiyojlari uchun qishloq xo‘jaligi mahsulotlari yetishtirish uchun yetkazib berilgan maqsadli foydalanilmagan moddiy-texnika resurslarining sotib olingan narxi bilan moddiy-texnika resurslari sotib olingan kundagi birja kotirovkalarining o‘rtacha narxi o‘rtasidagi ijobiy farq;
davlat ehtiyojlari uchun g‘alla va paxta xomashyosi yetishtirishni moliyalashtirishga ajratilgan maqsadli foydalanilmagan kredit mablag‘lari uchun O‘zbekiston Respublikasi Markaziy bankining qayta moliyalash stavkasidan kam bo‘lmagan miqdorda foizlar to‘lanadi”.
“801. Xo‘jalik tomonidan davlat ehtiyojlari uchun qishloq xo‘jaligi mahsulotlari xarid qilish bo‘yicha tuzilgan kontraktatsiya shartnomalarini buzganlik uchun javobgarlik xavfi sug‘urta qilinishi mumkin”.