“Oʻzbekiston Respublikasida maʼmuriy-hududiy tuzilish masalalarini hal etish tartibi toʻgʻrisida”gi Oʻzbekiston Respublikasi Qonunining 5 va 13-moddalariga muvofiq Oʻzbekiston Respublikasi Oliy Majlisining Qonunchilik palatasi qaror qiladi:

1. Oʻzbekiston Respublikasi Vazirlar Mahkamasining taklifi qabul qilinib, Samarqand viloyatining Samarqand shahri, Oqdaryo va Samarqand tumanlari chegaralari oʻzgartirilsin.

2. Samarqand viloyati Samarqand tumani hududining bir qismi:

3399 gektar maydon (“Bogʻibaland” qishloq fuqarolar yigʻinining “Azizon”, “Bogʻibaland”, “Bogʻibolo”, “Bogʻimaydon”, “Joʻyichuqur”, Kundisoʻfi”, “Motrid”, “Navroʻz”, “Toshloq”, “Xoʻjaqishloq”, “Xoʻjagʻunjoish”, “Chilstun”, “Chorbogʻ”, “Qir” va “Qoʻrgʻoncha” mahallalari hududi; “Kattaqoʻrgʻonariq” qishloq fuqarolar yigʻinining “Yuqori Xoʻjasoat”, “Oʻrta Xoʻjasoat” va “Quyi Xoʻjasoat” mahallalari hududi; “Ohalik” qishloq fuqarolar yigʻinining “Garmako”, “Moʻliyon”, “Safedi” va “Qavola” mahallalari hududi; “Ulugʻbek” qishloq fuqarolar yigʻinining “Bekxo”, “Bogʻiobod”, “Dukchigi”, “Koʻl”, “Navbogʻchiyon”, “Sarteppo”, “Temirqishloq” va “Xoʻja Gʻulom” mahallalari hududi; “Qaynama” qishloq fuqarolar yigʻinining “Quyi qaynama” mahallasi hududi; “Qoʻshtamgʻali” qishloq fuqarolar yigʻinining “Galaosiyo”, “Kaftarxona” va “Choʻponota” mahallalari hududi) Samarqand viloyatining Samarqand shahri tarkibiga;

1471 gektar maydon (“Bogʻibaland” qishloq fuqarolar yigʻinining “Chorbogʻ-2” mahallaci hududi) Samarqand viloyatining Oqdaryo tumani tarkibiga oʻtkazilsin.

3. Samarqand viloyati Samarqand shahrining, Oqdaryo va Samarqand tumanlarining chegaralari Oʻzbekiston Respublikasi Vazirlar Mahkamasi tomonidan 1 — 5-ilovalarga* binoan taqdim etilgan tavsiflar va grafik chizmalarga muvofiq tasdiqlansin.

4. Belgilab qoʻyilsinki, Samarqand shahri tarkibiga oʻtkazilayotgan, Samarqand tumani saylov okruglaridan (3-Qavola, 4-Moʻliyon, 7-Navbogʻchiyon, 9-Xoʻjasoat, 15-Motrid, 16-Bogʻibaland, 17-Bogʻimaydon, 21-Kaftarxona) saylangan xalq deputatlari Samarqand tuman Kengashining deputatlari xalq deputatlari Samarqand shahar Kengashining deputatlari hisoblanadi.

5. Oʻzbekiston Respublikasi Vazirlar Mahkamasi ushbu qarorning ijrosi boʻyicha kompleks chora-tadbirlar amalga oshirilishini taʼminlasin.

6. Mazkur qaror Oʻzbekiston Respublikasi Oliy Majlisi Senatiga yuborilsin.

7. Ushbu qaror qabul qilingan kundan eʼtiboran kuchga kiradi.