Oʻzbekiston Respublikasi Oliy Majlisining Qonunchilik palatasi qaror qiladi:

1. Oʻzbekiston Respublikasi Oliy Majlisi Qonunchilik palatasi qoʻmitalari huzuridagi qonunlar loyihalarini ishlab chiqish va ekspertiza qilish masalalari boʻyicha jamoat ekspert guruhlarining tarkiblari ilovaga* muvofiq tasdiqlansin.

2. Oʻzbekiston Respublikasi Oliy Majlisi Qonunchilik palatasining qoʻmitalariga ekspert guruhlari tarkibiga zarurat boʻlganda oʻzgartish kiritish huquqi berilsin.

3. Oʻzbekiston Respublikasi Oliy Majlisi Qonunchilik palatasining 2005-yil 1-iyundagi “Oʻzbekiston Respublikasi Oliy Majlisi Qonunchilik palatasi qoʻmitalari huzuridagi qonunlar loyihalarini ishlab chiqish va ekspertiza qilish masalalari boʻyicha jamoat ekspert guruhlarining tarkiblari toʻgʻrisida”gi 63-I-sonli qarori oʻz kuchini yoʻqotgan deb hisoblansin (Oʻzbekiston Respublikasi Oliy Majlisi palatalarining Axborotnomasi, 2005-yil, № 6, 194-modda).

4. Ushbu qaror qabul qilingan kundan eʼtiboran kuchga kiradi.