Oʻzbekiston Respublikasi Hukumati bilan Rossiya Federatsiyasi Hukumati, bundan keyin “Tomonlar” deb ataluvchilar,

1992-yil 13-noyabrdagi Oʻzbekiston Respublikasi bilan Rossiya Federatsiyasi oʻrtasidagi savdo munosabatlari toʻgʻrisida Bitim, bundan keyin Bitim deb ataladi, hamda 1993-yil 13-yanvarda imzolangan Erkin savdo rejimidan istisnolar toʻgʻrisidagi Bayonnoma, bundan keyin Bayonnoma deb ataladi, imzolanganidan keyin milliy iqtisodiyotda, tashqi iqtisodiy faoliyatni tarifli va tarifsiz tartibga solish sohasida Tomonlar davlatlarining qonunlarida tuzilmaviy oʻzgarishlar yuz berganini hisobga olib,

1994-yil 15-apreldagi Erkin savdo zonasini yaratish toʻgʻrisidagi Bitim hamda 1999-yil 2-aprelda imzolangan 1994-yil 15-apreldagi Erkin savdo zonasini yaratish toʻgʻrisidagi Bitimga Bayonnoma qoidalariga rioya qilgan holda,

quyidagilar toʻgʻrisida ahdlashib oldilar:

1-modda quyidagi mazmundagi 3-band bilan toʻldirilsin:

“3. Ushbu Bayonnomaga 1-son ilovada koʻrsatilgan Oʻzbekiston Respublikasi bojxona hududiga Rossiya Federatsiyasidan olib kiriladigan tovarlar hamda 2-son ilovada koʻrsatilgan Rossiya Federatsiyasi bojxona hududiga Oʻzbekiston Respublikasidan olib kiriladigan tovarlar, shuningdek tovarlarni bojxona rasmiylashtirishini oʻtkazish vaqtida amal qiluvchi tovarlar (ishlar va xizmatlar) importini litsenziyalash va kvotalash toʻgʻrisidagi qonun amal qilishiga toʻgʻri keladiganlar.

Tomonlar erkin savdo rejimidan ushbu Bayonnomaga 1 va 2-son ilovalarda koʻrsatilgan tovarlar bilan olib qoʻyish kiritilishi toʻgʻrisida ularni kiritishdan kamida 2 oy ilgari bir-birlarini xabardor qiladilar”;

3-moddaning 1-bandida “eksport qilishda; eksport” soʻzlari “eksport va/yoki import qilishda; eksport va/yoki import” soʻzlari bilan almashtirilsin;

5-moddaning 2-bandi olib tashlansin.

Ushbu Bayonnoma Tomonlar uning kuchga kirishi uchun davlat ichki protseduralarini bajarganliklari toʻgʻrisidagi oxirgi yozma ravishdagi xabarnoma olingan sanadan boshlab kuchga kiradi hamda 1992-yil 13-noyabrdagi Oʻzbekiston Respublikasi bilan Rossiya Federatsiyasi oʻrtasidagi savdo munosabatlari toʻgʻrisida Bitimning ajralmas qismi boʻlib hisoblanadi.

Moskva shahrida 2001-yil 4-mayda ikki nusxada, har biri oʻzbek va rus tillarida tuzildi, ikkala matn bir xil kuchga ega.