Guliston shahrining bozorlari va savdo komplekslari hududining arxitekturaviy qiyofasini yanada yaxshilash hamda obodonlashtirish, aholi uchun zamonaviy savdo-bozor, kommunal-maishiy, muhandislik-kommunikatsiya va transport infratuzilmalarini shakllantirish, shaharliklarning qishloq xo‘jaligi mahsulotlariga ehtiyojini uzluksiz ta’minlash maqsadida Vazirlar Mahkamasi qaror qiladi:
1. Sirdaryo viloyati hokimligi va O‘zbekiston Respublikasi “Davarxitektqurilish” qo‘mitasining Sirdaryo viloyatining Boyovut tumanida (Janubiy yo‘l o‘tkazish hududida) zamonaviy savdo kompleksi va dehqon bozori (keyingi o‘rinlarda savdo kompleksi va dehqon bozori deb ataladi) qurish to‘g‘risidagi taklifiga rozilik berilsin.
“Sirdaryo Guliston savdo kompleksi” MChJ savdo kompleksini va dehqon bozorini qurish doirasida “Guliston shahar dehqon bozori” MChJ buyurtmachi etib;
Sirdaryo viloyati hokimligining “Yagona buyurtmachi xizmati” injiniring kompaniyasi — qurilish-montaj ishlari jarayoni yuzasidan texnik nazorat ijrochisi etib;
bosh pudrat tashkiloti — qonun hujjatlarida belgilangan tartibda o‘tkaziladigan tanlov savdolari natijalari bo‘yicha belgilansin.
bir oy muddatda — savdo kompleksi va dehqon bozori qurilishi uchun Boyovut tumani hududida yer uchastkasi berilishini, ushbu yer uchastkasidan doimiy foydalanish huquqi qiymatining “Sirdaryo Guliston savdo kompleksi” MChJ va “Guliston shahar dehqon bozori” MChJ ustav jamg‘armalariga davlat ulushi sifatida belgilangan tartibda o‘tkazilishini;
bir hafta muddatda — “Sirdaryo Guliston savdo kompleksi” MChJ va “Guliston shahar dehqon bozori” MChJ huzurida savdo kompleksi va dehqon bozori qurilishini moliyalashtirish hamda nazorat qilib borish bo‘yicha direksiyalar tashkil etilishini, ularning malakali kadrlar bilan to‘ldirilishini ta’minlasin.
4. Sirdaryo viloyati hokimligi (Ashurmatov) O‘zbekiston Respublikasi “Davarxitektqurilish” qo‘mitasi (Toxtayev), bosh loyihalash tashkiloti va buyurtmachi bilan birgalikda, sifatli texnik topshiriq asosida loyiha-smeta hujjatlarining ishlab chiqilishini ta’minlasin, ularda savdo rastalari, do‘konlar, kempinglar hamda boshqa savdo va servis obyektlarining, qulay kirish va chiqish joylariga ega bo‘lgan zamonaviy avtomobillar to‘xtash shoxobchalarining, kirib kelish yo‘llari va yo‘lovchilar yo‘laklarining oqilona joylashtirilishini hamda tutash hududlarning obodonlashtirilishini, shuningdek savdo kompleksi va dehqon bozoriga tutash hududlarda transportlarning xavfsiz harakatlanishi ta’minlanishini hisobga olsin.
5. Quyidagilar 1-ilovaga* muvofiq savdo kompleksi va dehqon bozori obyektlari qurilishini moliyalashtirishning manbalari etib belgilansin:
savdo va servis obyektlarini, zamonaviy avtomobil to‘xtash joylarini qurish hamda tutash hududlarni obodonlashtirish bo‘yicha — “O‘zsanoatqurilishbank” ATB (yetakchi bank), “Ipoteka-bank” ATIB va “Agrobank” ATB (qatnashuvchi banklar)ning teng ulushlarda 5 yil muddatga, asosiy qarzni to‘lash uchun 2 yillik imtiyozli davr bilan va O‘zbekiston Respublikasi Markaziy bankining qayta moliyalashtirish stavkasidan oshmaydigan foiz stavkasi bilan beriladigan sinditsiyalangan kreditlari, shuningdek buyurtmachilar va investorlarning o‘z mablag‘lari;
tashqi elektr va gaz tarmoqlari bo‘yicha, shu jumladan ularni qurish, ko‘chirish va modernizatsiyalash bo‘yicha — tegishli foydalanuvchi tashkilotlarning mablag‘lari, shu jumladan ko‘rsatilgan xizmatlar uchun debitorlik qarzlarni undirish hisobiga tushadigan mablag‘lar;
tashqi suv quvurlari va kanalizatsiya tarmoqlari bo‘yicha — O‘zbekiston Respublikasining respublika budjeti mablag‘lari.
6. Sirdaryo viloyati (Ashurmatov) va Guliston shahri (Akbarov) hokimliklarining Sirdaryo viloyati hokimligining Savdo, xizmatlar sohasi va xalq iste’moli tovarlari ishlab chiqarish departamentining maxsus hisob raqamida jamlanadigan, quyidagilar hisobiga shakllantiriladigan mablag‘larni savdo kompleksi va dehqon bozori qurilishini moliyalashtirishning qo‘shimcha manbalari sifatida, shuningdek berilgan kreditlarni to‘lash uchun manbalar sifatida belgilash yuzasidan tashabbusi ma’qullansin:
Sirdaryo viloyatining tegishli hokimliklariga qarashli bo‘lgan faoliyat ko‘rsatayotgan savdo komplekslari va dehqon bozorlarining ustav jamg‘armasidagi davlat ulushining 51 foizdan oshadigan qismini, qonunchilikka muvofiq O‘zbekiston Respublikasi Davlat raqobat qo‘mitasi tasarrufida qoldiriladigan mablag‘larni chegirgan holda, jismoniy va yuridik shaxslarga belgilangan tartibda sotish;
savdo faoliyatini amalga oshirish uchun savdo kompleksi va dehqon bozorining 1-ilovaga* muvofiq turg‘un savdo shoxobchalarining ijara huquqini jismoniy va yuridik shaxslarga sotish.
buyurtmachilarga savdo kompleksi va dehqon bozori qurilishi uchun kreditlar ajratish uchun tijorat banklariga belgilangan tartibda zarur ta’minot berilishini ta’minlasinlar;
savdo kompleksi va dehqon bozori qurilishini moliyalashtirishga tijorat banklari tomonidan berilgan kreditlarni o‘z vaqtida to‘lash maqsadida O‘zbekiston Respublikasi Davlat raqobat qo‘mitasi bilan birgalikda Sirdaryo viloyatining faoliyat ko‘rsatayotgan savdo komplekslari va dehqon bozorlarining ustav jamg‘armasidagi davlat ulushining 51 foizdan oshadigan qismining belgilangan tartibda baholanishini va sotilishini ta’minlasinlar;
“Sirdaryo Guliston savdo kompleksi” MChJ va “Guliston shahar dehqon bozori” MChJ bilan birgalikda savdo kompleksi va dehqon bozori infratuzilmasi obyektlarini qurish bo‘yicha tarmoq jadvalini ishlab chiqsinlar, shuningdek belgilangan tartibda berilgan savdo kompleksi va dehqon bozori turg‘un savdo shoxobchalarining ijara huquqi uchun jismoniy va yuridik shaxslardan olingan mablag‘larning to‘liq yig‘ib olinishini, keyinchalik ularning tijorat banklari kreditlarini to‘lashga maqsadli yo‘naltirilishini ta’minlasinlar.
8. O‘zbekiston Respublikasi Davlat raqobat qo‘mitasi (Hidoyatov), istisno tariqasida, Sirdaryo viloyatining tegishli hokimliklariga qarashli faoliyat ko‘rsatayotgan savdo komplekslari va dehqon bozorlarining ustav jamg‘armasidagi davlat ulushining 51 foizdan oshadigan qismini jismoniy va yuridik shaxslarga belgilangan tartibda sotishdan olinadigan mablag‘larni (qonunchilikka muvofiq O‘zbekiston Respublikasi Davlat raqobat qo‘mitasi tasarrufida qoldiriladigan mablag‘larni chegirgan holda) Sirdaryo viloyati hokimligining Savdo, xizmatlar sohasi va xalq iste’moli tovarlari ishlab chiqarish departamentining maxsus hisob raqamiga yo‘naltirsin.
9. Belgilab qo‘yilsinki, Sirdaryo viloyati hokimligining Savdo, xizmatlar sohasi va xalq iste’moli tovarlari ishlab chiqarish departamentining hisob raqamidan yo‘naltiriladigan, Sirdaryo viloyatining tegishli hokimliklariga qarashli faoliyat ko‘rsatayotgan savdo komplekslari va dehqon bozorlari ustav jamg‘armasidagi davlat ulushining 51 foizidan oshadigan qismini jismoniy va yuridik shaxslarga sotishdan olingan mablag‘lar “Sirdaryo Guliston savdo kompleksi” MChJ va “Guliston shahar dehqon bozori” MChJ ustav jamg‘armalarida davlat ulushini ko‘paytirish uchun kapitallashtiriladi.
10. O‘zbekiston Respublikasi Moliya vazirligi Sirdaryo viloyati hokimligining Savdo, xizmatlar sohasi va xalq iste’moli tovarlari ishlab chiqarish departamentining maxsus hisob raqamida jamlanadigan mablag‘larning maqsadli foydalanilishi yuzasidan tizimli nazorat o‘rnatsin.
11. Sirdaryo viloyatining faoliyat ko‘rsatayotgan savdo komplekslari va dehqon bozorlari ustav jamg‘armasidagi davlat ulushini baholash va sotishni tashkil etish masalalari bo‘yicha 2-ilovaga* muvofiq ishchi guruh tashkil etilsin, unga ushbu qarorning 7 — 9 bandlarida nazarda tutilgan tadbirlarning o‘z vaqtida va sifatli amalga oshirilishini, shu jumladan:
* 1-2-ilovalar rus tilidagi matnda berilgan.
Sirdaryo viloyatining faoliyat ko‘rsatayotgan savdo komplekslari va dehqon bozorlari ustav jamg‘armasidagi davlat ulushini baholashni tashkil etish;
baholash natijalariga ko‘ra Sirdaryo viloyatining faoliyat ko‘rsatayotgan savdo komplekslari va dehqon bozorlari ustav jamg‘armasidagi 51 foizdan oshadigan davlat ulushining salohiyatli xaridorlar o‘rtasida joylashtirilishini ta’minlash;
Sirdaryo viloyatining faoliyat ko‘rsatayotgan savdo komplekslari va dehqon bozorlari ustav jamg‘armasidagi 51 foizdan oshadigan davlat ulushi aksiyalarini joylashtirishdan tushgan mablag‘larni, keyinchalik tijorat banklaridan olingan kreditlarni to‘lashga yo‘naltirgan holda, Sirdaryo viloyati hokimligining Savdo, xizmatlar sohasi va xalq iste’moli tovarlari ishlab chiqarish departamentining maxsus hisob raqamida jamlanishini ta’minlash yuklansin.
Ishchi guruh rahbari (Gafarov) O‘zbekiston Respublikasi Prezidentining 2015-yil 9-martdagi F-4421-son farmoyishi bilan tashkil etilgan Respublika komissiyasiga ko‘rsatilgan tadbirlarning bajarilishi to‘g‘risida muntazam ravishda axborot berib borsin.
12. O‘zbekiston Respublikasi Iqtisodiyot vazirligi (Xo‘jayev) “O‘zmetkombinat” AJ (Nuritdinov) va “O‘zqurilishmateriallari” AK (Akramov) bilan birgalikda bosh loyihalash tashkilotining asoslangan hisob-kitobi bo‘yicha savdo kompleksi va dehqon bozori qurilishini amalga oshirish uchun metall prokati va sementning birja kotirovkalarining o‘rtacha hisoblangan narxlari bo‘yicha ajratilishini belgilangan tartibda ta’minlasin.
13. “Davarxitektqurilish” qo‘mitasi (Toxtayev) savdo kompleksi va dehqon bozori qurilishi bo‘yicha loyiha-smeta hujjatlarining davlat ekspertizasidan o‘tkazilishini hamda bajariladigan loyiha va qurilish-montaj ishlari sifati yuzasidan davlat arxitektura-qurilish nazoratining zarur darajada amalga oshirilishini belgilangan tartibda ta’minlasin.
14. Mazkur qarorning bajarilishini nazorat qilish Sirdaryo viloyati hokimi O.Sh. Ashurmatov va O‘zbekiston Respublikasi Iqtisodiyot vazirining birinchi o‘rinbosari B.A. Xo‘jayev zimmasiga yuklansin.