Oʻzbekiston Respublikasining ayrim qonun hujjatlariga oʻzgartish va qoʻshimchalar kiritilganligi munosabati bilan “Sudlar toʻgʻrisida”gi Oʻzbekiston Respublikasi Qonunining 47-moddasiga asosan Oʻzbekiston Respublikasi Oliy xoʻjalik sudi Plenumi qaror qiladi:

I. Oʻzbekiston Respublikasi Oliy xoʻjalik sudi Plenumining “Kassatsiya instansiyasida ishlarni koʻrishda Oʻzbekiston Respublikasi Xoʻjalik protsessual kodeksining qoʻllanilishi toʻgʻrisida” 2005-yil 23-dekabrdagi 136-sonli qarorining 22-bandidagi “XPK 149-moddasining birinchi qismiga muvofiq qoʻshimcha qaror qabul qilishga hamda” degan soʻzlar chiqarib tashlansin.

II. Oʻzbekiston Respublikasi Oliy xoʻjalik sudi Plenumining “Bankrotlik toʻgʻrisida”gi Oʻzbekiston Respublikasi Qonunini xoʻjalik sudlari tomonidan qoʻllashning ayrim masalalari haqida” 2006-yil 27-yanvardagi 142-sonli qaroriga quyidagi oʻzgartish va qoʻshimcha kiritilsin:

1) 4-bandning uchinchi xatboshisidagi “xoʻjalik sudining qarorini” degan soʻzlardan keyin “va undirishni mol-mulkka qaratish natijasida soliq qarzi toʻlanmaganligini tasdiqlovchi dalillarni” degan soʻzlar bilan toʻldirilsin;

2) 13.2-bandda “taraflar” degan soʻz “shaxslar” degan soʻz bilan almashtirilsin.

III. Oʻzbekiston Respublikasi Oliy xoʻjalik sudi Plenumining “Birinchi instansiya sudida ishlarni koʻrishda Oʻzbekiston Respublikasi Xoʻjalik protsessual kodeksining qoʻllanilishi toʻgʻrisida” 2007-yil 15-iyundagi 162-sonli qaroriga quyidagi oʻzgartishlar kiritilsin:

1) 6-bandning uchinchi xatboshisi quyidagi tahrirda bayon qilinsin:

“Ishni yakka tartibda koʻrayotgan sud raisini rad qilish toʻgʻrisidagi ariza sud raisining oʻrinbosari tomonidan hal etiladi.”;

2) 40-bandning toʻrtinchi jumlasi chiqarib tashlansin.

IV. Oʻzbekiston Respublikasi Oliy xoʻjalik sudi Plenumining “Apellatsiya instansiyasi sudida ishlarni koʻrishda Oʻzbekiston Respublikasi Xoʻjalik protsessual kodeksini qoʻllash haqida” 2007-yil 28-dekabrdagi 173-sonli qarorining 20-bandi chiqarib tashlansin.

V. Oʻzbekiston Respublikasi Oliy xoʻjalik sudi Plenumining “Xoʻjalik sudlari tomonidan davlat boji toʻgʻrisidagi qonun hujjatlarini qoʻllashning ayrim masalalari haqida” 2008-yil 18-apreldagi 180-sonli qaroriga quyidagi oʻzgartishlar va qoʻshimcha kiritilsin:

1) 3-band quyidagi tahrirda bayon qilinsin:

“3. Oʻzlarining buzilgan yoki nizolashilayotgan huquqlari yoxud qonun bilan qoʻriqlanadigan manfaatlarini himoya qilishni soʻrab xoʻjalik sudlariga murojaat qilayotgan yuridik va jismoniy shaxslar (fuqarolar, chet ellik fuqarolar, fuqaroligi boʻlmagan shaxslar) davlat bojini toʻlovchilardir, agar ular uni toʻlashdan ozod etilgan boʻlmasa.”;

2) 4.1-band quyidagi tahrirda bayon qilinsin:

“4.1. Nazarda tutish kerakki, pul mablagʻlarini undirish toʻgʻrisidagi ishlar boʻyicha daʼvoning bahosi talab qilinayotgan summadan kelib chiqqan holda aniqlanadi.

Mulk huquqini tan olish toʻgʻrisidagi daʼvolar boʻyicha (masalan, mulkka egalik huquqi toʻgʻrisida, mulkdagi ulushga boʻlgan huquqni tan olish toʻgʻrisida, umumiy mulkdan ulushni ajratish toʻgʻrisida) davlat boji ushbu mulk yoki uning ulushi bahosidan kelib chiqqan holda toʻlanadi.

Shartnomalarni tuzishdan oldin kelib chiqqan nizolar boʻyicha, shartnomalarni oʻzgartirish va bekor qilish toʻgʻrisida, shartnomani (bitimni) haqiqiy emas deb topish toʻgʻrisida, shuningdek binoni boʻshatish toʻgʻrisida (koʻchirish toʻgʻrisida)gi daʼvolar baholanmaydi. Bunday daʼvolar boʻyicha davlat boji nomulkiy xususiyatdagi daʼvo arizalari uchun belgilangan miqdorlarda toʻlanadi.”;

3) 4.7-bandning ikkinchi xatboshisi “kichik biznes va xususiy tadbirkorlik subyektlari sud buyrugʻini berish toʻgʻrisidagi ariza bilan sudga murojaat qilgan holda esa toʻlanadigan davlat bojining miqdori eng kam ish haqining 25 foizidan kam boʻlmasligi lozim” degan soʻzlar bilan toʻldirilsin;

4) 21.3-bandning ikkinchi xatboshisi chiqarib tashlansin.

VI. Oʻzbekiston Respublikasi Oliy xoʻjalik sudi Plenumining “Oʻzbekiston Respublikasining 2011-yil 21-apreldagi “Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi Qonuni qabul qilinganligi munosabati bilan Oʻzbekiston Respublikasi Xoʻjalik protsessual kodeksini qoʻllashning ayrim masalalari haqida” 2011-yil 30-iyundagi 229-sonli qarori 13-bandining ikkinchi xatboshisi quyidagi tahrirda bayon qilinsin:

“ — faoliyatni tugatish xoʻjalik yurituvchi subyektga nisbatan u moliya-xoʻjalik faoliyatini amalga oshirish jarayonida qonun hujjatlari talablariga rioya qilmaganligi sababli qoʻllaniladigan huquqiy taʼsir chorasi hisoblanadi, oʻz navbatida yuridik shaxsni tugatish esa ruxsatsiz (litsenziyasiz) faoliyatni yoki qonun bilan taqiqlangan faoliyatni amalga oshirganligi yoxud moliya-xoʻjalik faoliyatini amalga oshirmaganligi va (yoki) qonun hujjatlarida belgilangan muddatlarda ustav fondini shakllantirmaganligi, shuningdek qonun hujjatlarida nazarda tutilgan boshqa hollar oqibati hisoblanadi”;

VII. Oʻzbekiston Respublikasi Oliy xoʻjalik sudi Plenumining “Xoʻjalik sudlari tomonidan hakamlik sudining hal qiluv qarorini bekor qilish hamda hakamlik sudining hal qiluv qarorini majburiy ijro etish uchun ijro varaqasini berish toʻgʻrisidagi ishlarni koʻrishda qonun hujjatlarini qoʻllashning ayrim masalalari haqida” 2012-yil 15-iyundagi 238-sonli qaroriga quyidagi oʻzgartish va qoʻshimcha kiritilsin:

1) 5-bandning ikkinchi xatboshisidagi “XPK 170-moddasi ikkinchi qismining 4-bandiga” degan soʻzlar “XPKning 156-moddasiga” degan soʻzlar bilan almashtirilsin;

2) 7-bandning ikkinchi xatboshisi “yoki ushbu shaxslarga tilxat olib topshiriladi yoxud xabardor qilinganligi fakti qayd etilishini taʼminlaydigan aloqa vositalaridan foydalangan holda xabardor qilinadi” degan soʻzlar bilan toʻldirilsin.