LexUZ sharhi
Mazkur qaror O‘zbekiston Respublikasi Vazirlar Mahkamasining 2021-yil 16-avgustdagi 524-sonli “O‘zbekiston Respublikasi Vazirlar Mahkamasining ijro etuvchi tuzilmasi takomillashtirilishi munosabati bilan O‘zbekiston Respublikasi Hukumatining ayrim qarorlariga o‘zgartirishlar va qo‘shimcha kiritish, shuningdek, ba’zilarini o‘z kuchini yo‘qotgan deb hisoblash to‘g‘risida”gi qaroriga asosan o‘z kuchini yo‘qotgan.
O‘zbekiston Respublikasi Prezidentining 2015-yil 18-fevraldagi PQ–2302-son qarori bilan tasdiqlangan “Keksalarni e’zozlash yili” Davlat dasturining 60-bandi ijrosini ta’minlash, fuqarolarning o‘zini o‘zi boshqarish organlari faoliyatini muvofiqlashtirish bo‘yicha respublika, viloyatlar, tumanlar va shaharlar kengashlari faoliyatini yanada takomillashtirish maqsadida Vazirlar Mahkamasi qaror qiladi:
1. O‘zbekiston Respublikasi Hukumatining ilovaga muvofiq ayrim qarorlariga o‘zgartirish va qo‘shimchalar kiritilsin.
2. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari A.I. Ikramov zimmasiga yuklansin.
O‘zbekiston Respublikasi Hukumatining ayrim qarorlariga kiritilayotgan o‘zgartirish va qo‘shimchalar
1. Vazirlar Mahkamasining 2013-yil 30-sentabrdagi 267-son qarori (O‘zbekiston Respublikasi QT, 2013-y., 9-son, 68-modda) bilan tasdiqlangan Fuqarolarning o‘zini o‘zi boshqarish organlari faoliyatini muvofiqlashtirish bo‘yicha respublika kengashi to‘g‘risidagi Nizomning 6-bandida:
“hududda keksalar va nogironlarning ijtimoiy, shu jumladan pensiya va tibbiy ta’minoti sifatini yaxshilash masalalarida fuqarolarning o‘zini o‘zi boshqarish organlari tomonidan jamoatchilik nazoratini o‘rnatish hamda ularning roli va ta’sirini kengaytirishga doir takliflar ishlab chiqadi va amalga oshirilishiga ko‘maklashadi”;
b) o‘n birinchi — o‘n oltinchi xatboshilar tegishli ravishda o‘n ikkinchi — o‘n yettinchi xatboshilar deb hisoblansin.
2. Vazirlar Mahkamasining “Qoraqalpog‘iston Respublikasi, viloyatlar va Toshkent shahri hamda tumanlar va shaharlar fuqarolarning o‘zini o‘zi boshqarish organlari faoliyatini muvofiqlashtirish bo‘yicha hududiy kengashlarining namunaviy nizomlarini va tarkiblarini tasdiqlash to‘g‘risida” 2013-yil 13-dekabrdagi 329-son qarorida:
“hududda keksalar va nogironlarning ijtimoiy, shu jumladan pensiya va tibbiy ta’minoti sifatini yaxshilash masalalarida fuqarolarning o‘zini o‘zi boshqarish organlari tomonidan jamoatchilik nazoratini o‘rnatish hamda ularning roli va ta’sirini kengaytirishga ko‘maklashadi va bu borada tumanlar va shaharlar kengashlarining faol ishtirokini ta’minlaydi”;
o‘n to‘rtinchi — o‘n to‘qqizinchi xatboshilar o‘n beshinchi — yigirmanchi xatboshilar deb hisoblansin;
“hududda keksalar va nogironlarning ijtimoiy, shu jumladan pensiya va tibbiy ta’minoti sifatini yaxshilash masalalarida fuqarolarning o‘zini o‘zi boshqarish organlari tomonidan jamoatchilik nazoratini o‘rnatish hamda ularning roli va ta’sirini kengaytirishga ko‘maklashadi”;
o‘n to‘rtinchi — o‘n to‘qqizinchi xatboshilar tegishli ravishda o‘n beshinchi — yigirmanchi xatboshilar deb hisoblansin.