O‘zbekiston Respublikasi Hukumati bilan Hindiston Respublikasi Hukumati, bundan keyin “Tomonlar” deb ataluvchilar,
1994-yil 5-yanvarda Nyu-Deli shahrida imzolangan O‘zbekiston Respublikasi Hukumati bilan Hindiston Respublikasi Hukumati o‘rtasida madaniy hamkorlik to‘g‘risidagi Bitimga asoslanib,
Tomonlar mazkur Dastur doirasida o‘zlarining madaniy tashkilotlari o‘rtasida bevosita aloqalar o‘rnatishga va hamkorlikni kengaytirishga ko‘maklashadilar.
O‘zbekiston Badiiy Akademiyasi va Hindistonning madaniy aloqalar Kengashi/boshqa manfaatdor tashkilotlari san’atkorlar, san’atshunoslar va olimlar o‘rtasida har yili ikki hafta muddat mobaynida tajriba va bilim almashishni tashkil etadilar.
O‘zbekiston Badiiy Akademiyasi va Hindistonning madaniy aloqalar Kengashi/boshqa manfaatdor tashkiloti har yili ikki hafta davomida mas’ul shaxs boshchiligida rassomchilik/san’at buyumlari/haykaltaroshlik ko‘rgazmalari bilan almashadilar.
O‘zbek tomoni Hindiston bolalar rasmlari qo‘mitasi tomonidan tashkil etiladigan Shankar xalqaro bolalar tanloviga O‘zbekiston Badiiy Akademiyasi orqali rasm/suratlar, ularning annotatsiya va boshqa ma’lumotlarini yuboradi, hind tomoni esa O‘zbekiston Badiiy Akademiyasi tomonidan tashkil etiladigan “Toshkent quvonchlari” Xalqaro bolalar rasmlari Biyennalesiga; yosh san’at ustalari ijodiy ishlarini yuboradi.
O‘zbekiston Badiiy Akademiyasi va Hindiston Zamonaviy san’at milliy galereyasi yoki Lalit Kala akademiyasi mashhur milliy rassom va san’atkorlar ishtirokida boshqa davlat hududida qo‘shma guruh ko‘rgazmalarini tashkil etadilar.
Hindistonning madaniy aloqalar Kengashi/boshqa tashkiloti ushbu Dasturning amal qilish muddati davomida O‘zbekistonda o‘tkaziladigan “Sharq taronalari” Xalqaro musiqa festivalida mazkur tadbir shartlariga muvofiq ishtirok etadi va O‘zbekistonning tegishli tashkilotlari tomonidan madaniy tadbirlarda ishtirok etish uchun yuboriladigan musiqa va ijro guruhlarini qabul qiladi.
Tomonlar ikkala davlat kutubxonalari fondida saqlanayotgan nodir qo‘lyozmalarni raqamlashtirish va hujjatlashtirish sohalarida mutaxassislar bidan almashadilar.
O‘zbekiston Respublikasi Vazirlar Mahkamasi huzuridagi “O‘zarxiv” agentligi va Hindiston Milliy arxivi tegishli ravishda Hindiston va O‘zbekistonda arxiv hujjatlari ko‘rgazmasini tashkil etadilar.
Alisher Navoiy nomidagi O‘zbekiston milliy kutubxonasi va Hindistonning Kalkutta milliy kutubxonasi o‘zaro hamkorlik maqsadida kitoblar va boshqa tegishli materiallar bilan almashadilar. Mazkur kutubxonalar O‘zbekiston va Hindistonda kitoblar va elektron axborot materiallari ko‘rgazmasini tashkil etadilar.
Tomonlar xar yili o‘zaro qulay muddatlarda 12-16 a’zodan iborat ijrochilik san’ati guruhlari bilan almashadilar.
(i) O‘zbekiston hududida joylashgan qadimiy yodgorliklar, ayniqsa Kushon davri va undan keyingi davrlarga oid yodgorliklarni o‘rganish va qazish;
(ii) Arxeologiya, epigrafika, arxiv, muzeyshunoslik” yodgorliklarni qayta tiklash va ilmiy saqlash sohalarida bilim, tajriba, mutaxassis va olimlar bilan almashish;
(iii) O‘zbekiston va Hindiston hududlarida joylashgan Temuriylar, Safaviylar va Mo‘g‘ullar davriga oid yodgorliklarni tiklash, saqlash va arxitekturasini o‘rganish;
(iv) O‘zbekiston muzeylarida saqlanayotgan mavjud tarixiy madaniy buyumlar va antikvarlar haqida kataloglar chop etish;
(v) O‘zbekistonlik taniqli olimlar tomonidan tayyorlangan o‘zaro qiziqish uyg‘otadigan asarlarni rus tilidan ingliz tiliga tarjima qilish;
(vi) Arxeologiya, epigrafika, muzeyshunoslik, yodgorliklarni tarkibiy va ilmiy saqlashga oid nashrlar bilan almashish.
O‘zbekiston Arxeologiya instituti va Hindiston Arxeologiya tashkiloti san’at, arxeologiya va arxitektura sohalarida hamkorlik qiladilar hamda o‘zaro kelishuv asosida mazkur sohada 3 oygacha bo‘lgan muddat mobaynida 2-3 nafar mutaxassislar bilan almashadilar.
O‘zbekiston davlat san’at muzeyi va Hindiston milliy muzeyi o‘zaro kelishuv asosida 3 oygacha bo‘lgan muddatga muzey eksponatlarini nazorat qiluvchi 2-3 nafar mutaxassislar bilan almashadilar.
O‘zbekiston Respublikasi Madaniyat va sport ishlari vazirligi, O‘zbekiston Badiiy Akademiyasi va Hindiston Saxitiya Akademiyasi madaniyat, san’at va san’atshunoslik sohalaridagi hamkorlikni quyidagilar orqali qo‘llab-quvvatlaydilar:
(ii) O‘zaro qiziqish uyg‘otadigan mavzularda seminarlar tashkil etish, hujjat hamda nashrlar almashinuvi;
(iv) 5 nafargacha yozuvchilardan iborat delegatsiyaning Tomonlar davlatlariga tashriflarini tashkil qilish.
Tomonlar sport tashkilotlari o‘rtasida ikki tomonlama aloqalarni rivojlantirishni, shuningdek sportchi va murabbiylar almashinuvini qo‘llab-quvvatlaydilar.
Tomonlar imkoniyat darajasida har yili navbat bilan Toshkent va Nyu-Delida ushbu Dastur bajarilishini baholash bo‘yicha yig‘ilishlar o‘tkazadilar.
Ushbu Dastur doirasida amalga oshiriladigan tadbirlar bilan bog‘liq moliyaviy masalalar Tomonlar ijrochi idoralari o‘rtasida diplomatik kanallar orqali o‘zaro kelishuv asosida hal etiladi.
Ushbu Dastur imzolangan sanadan boshlab kuchga kiradi va 2017-yil 31-dekabrgacha yoki yangi Dastur imzolangunga qadar amal qiladi.
Toshkent shahrida 2015-yil 6-iyulda ikki asl nusxada, har biri o‘zbek, hind va ingliz tillarida tuzildi, bunda barcha matnlar bir xil kuchga ega.
Ushbu Dastur qoidalarini talqin qilishda kelishmovchiliklar yuzaga kelgan holda, Tomonlar ingliz tilidagi matnga murojaat qiladilar.
a) Har bir Tomon boshqa Tomonga ushbu Dastur doirasida tanlangan shaxslarning tashrif kunidan kamida ikki oy oldin, shuningdek ijodiy delegatsiya va ko‘rgazmalarning o‘tkazilishidan to‘rt oy avval tarjimai hol, rejalashtirilgan safar yo‘nalishi, kelish va ketish muddatlarini taqdim etadi;
b) Qabul qiluvni Tomon taklifni olgan vaqtdan boshlab bir oy mobaynida qabul qilishi yoki o‘zgacha holat to‘g‘risida boshqa Tomonga ma’lum qiladi;
v) Yuboruvchi Tomon ijobiy javob olgandan so‘ng qabul qiluvchi Tomonga kamida uch hafta oldin shaxs yoki shaxslardan iborat delegatsiya tashrifining aniq muddati va transport turi to‘g‘risidagi ma’lumotlarni taqdim etadi;