O‘zbekiston Respublikasi Vazirlar Mahkamasining “Vazirliklar, idoralar va boshqa respublika organlari xodimlarining chet el xizmat safarlariga borishini tartibga solish chora-tadbirlari to‘g‘risida” 1999-yil 9-sentabrdagi 417-son qarorining 10-bandiga muvofiq Vazirlar Mahkamasi qaror qiladi:
Oldingi tahrirga qarang.
(1-bandning ikkinchi xatboshisi O‘zbekiston Respublikasi Prezidentining 2017-yil 18-yanvardagi PQ-2732-sonli qaroriga asosan o‘z kuchini yo‘qotgan)
O‘zbekiston Respublikasining vazirliklari, idoralari, boshqa davlat organlari, tashkilotlari va korxonalarining chet eldagi vakolatxonalari to‘g‘risidagi Namunaviy nizom 2-ilovaga muvofiq tasdiqlansin.
Oldingi tahrirga qarang.
2. Belgilansinki, O‘zbekiston Respublikasi Tashqi iqtisodiy aloqalar, investitsiyalar va savdo vazirligi O‘zbekiston Respublikasining vazirliklari, idoralari, boshqa davlat organlari, tashkilotlari va korxonalarining hisobga qo‘yilgan chet ellardagi vakolatxonalari to‘g‘risida O‘zbekiston Respublikasi Tashqi ishlar vazirligiga har chorakda axborot berib turadi.
(2-band O‘zbekiston Respublikasi Vazirlar Mahkamasining 2005-yil 8-sentabrdagi 206-sonli qarori tahririda — O‘R QHT, 2005-y., 34-36-son, 264-modda)
O‘zbekiston Respublikasining chet eldagi diplomatik vakolatxonalari va konsullik muassasalari rahbarlari o‘sha davlatda joylashgan O‘zbekiston Respublikasining boshqa vakolatxonalari, delegatsiyalari va mutaxassislari guruhlariga ko‘maklashadilar va ularning faoliyatini muvofiqlashtirib boradilar;
vakolatxonalar va mutaxassislar guruhlari rahbarlari diplomatik vakolatxonalarni yoki konsullik muassasalarini o‘z faoliyati to‘g‘risida xabardor qilib turadilar, ularga o‘z funksiyalarini amalga oshirishlarida ko‘maklashadilar.
4. Mazkur qarorning bajarilishini nazorat qilish O‘zbekiston Respublikasining Bosh vaziri O‘.T. Sultonov va O‘zbekiston Respublikasi Tashqi ishlar vaziri A.H. Komilov zimmasiga yuklansin.
Oldingi tahrirga qarang.
(1-ilova O‘zbekiston Respublikasi Prezidentining 2017-yil 18-yanvardagi PQ-2732-sonli qaroriga asosan o‘z kuchini yo‘qotgan)
1. O‘zbekiston Respublikasi vazirliklari, idoralari, davlat boshqa organlari, tashkilotlari, korxonalari (keyingi o‘rinlarda muassis deb ataladi) xorijiy davlatlarda vakolatxonalar, bosh vakolatxonalar yoki mintaqaviy vakolatxonalar (keyingi o‘rinlarda — vakolatxona deb ataladi) ochishlari mumkin.
Vakolatxona O‘zbekiston Respublikasining vakolatxona o‘zining taklifiga binoan ta’sis etilgan vazirligi, idorasi, davlat boshqa organi, tashkiloti, korxonasi tizimiga kiradi.
Chet ellardagi vakolatxona mustaqil vakolatxona sifatida ta’sis etiladi yoxud bosh yoki mintaqaviy vakolatxona tarkibiga kiradi.
Bosh vakolatxona O‘zbekiston Respublikasi vazirligi, idorasining yoki davlat boshqa organi, tashkiloti, korxonasiningi ikki yoki undan ko‘proq vakolatxonasi bo‘lgan davlatda, shuningdek, ularning yuqori darajadagi manfaatlari uni talab qiladigan davlatlarda ta’sis etilishi mumkin.
Chet ellardagi mintaqaviy vakolatxona iqtisodiy va jug‘rofiy belgilari bo‘yicha o‘zaro bog‘liq davlatlar guruhi uchun ta’sis etiladi.
Oldingi tahrirga qarang.
(1-bandning oltinchi xatboshisi O‘zbekiston Respublikasi Vazirlar Mahkamasining 2012-yil 1-noyabrdagi 313-sonli qaroriga asosan chiqarilgan — O‘R QHT, 2012-y., 44-son, 507-modda)
Oldingi tahrirga qarang.
3. Vakolatxona o‘z faoliyatida O‘zbekiston Respublikasi qonunchiligiga, ushbu Nizomga, vakolatxonaning ta’sis hujjatlariga, shuningdek, o‘zi joylashgan davlat qonunchiligiga amal qiladi.
(3-band O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
4. Vakolatxona xodimlari soni O‘zbekiston Respublikasining tegishli vazirligi, idorasi, davlat boshqa organi, tashkiloti, korxonasi ehtiyojlaridan kelib chiqib, vakolatxona joylashgan davlatdagi mavjud shart-sharoitlarni hisobga olgan holda belgilanadi.
5. Vakolatxonalarda siyosiy partiyalar tuzilmalari, diniy va jamoat birlashmalari tashkil etilishi mumkin emas, kasaba uyushmalari bundan mustasno.
6. Vakolatxona xodimlari va ularning oila a’zolari hududida vakolatxona faoliyat ko‘rsatayotgan davlatning qonunlari va me’yoriy hujjatlariga rioya etishga, an’ana va urf-odatlarini hurmat qilishga majburdirlar.
7. Vakolatxona xodimlarining va ular oilasi a’zolarining shaxsiy manfaatni ko‘zlab tadbirkorlik yoki tijorat faoliyati bilan shug‘ullanishlari taqiqlanadi.
hamkorlik shakllarini rivojlantirish, chuqurlashtirish va takomillashtirish imkoniyatlarini qidirib topish;
savdo, iqtisodiyot, moliya, fan va texnika, transport, turizm, madaniyat sohasidagi va boshqa sohalardagi hamkorlik to‘g‘risidagi bitimlarni amalga oshirishga samarali ko‘maklashish;
savdo-iqtisodiy aloqalarni rivojlantirish hamda iqtisodiy, tijorat va ilmiy-texnika axborotlari almashishni kengaytirish;
mamlakatimiz tovarlarining xorijiy bozorlarga kirib borishi, shu jumladan konferensiyalar, ko‘rgazmalar, ko‘chma yarmarkalar va reklama kompaniyalari o‘tkazish bo‘yicha marketing tadqiqotlari o‘tkazish hamda amaliy yordam ko‘rsatish;
mashinalar, asbob-uskunalar, tovarlar va xizmatlar eksporti va importini rivojlantirishga samarali ko‘maklashish, ularga texnika xizmatlari ko‘rsatish, jahon texnikasining eng yangi yutuqlari bilan tanishtirish maqsadida ochiladi.
Vakolatxonaning asosiy vazifalari, funksiyalari, tuzilmasi va faoliyatini tashkil etish ularning ta’sis hujjatlariga hamda muassisning xususiyatlariga muvofiq belgilanadi.
9. O‘zbekiston Respublikasining diplomatik vakolatxonalari va konsullik muassasalari o‘zlari joylashgan davlatdagi vakolatxonalar faoliyatini muvofiqlashtirib boradilar. Vakolatxona diplomatik vakolatxonalarni va konsullik muassasalarini o‘z faoliyati to‘g‘risida xabardor qilib turadi va ularga o‘z funksiyalarini amalga oshirishda ko‘maklashadi.
Vakolatxona boshlig‘i diplomatik vakolatxonani yoki konsullik muassasasini muassislar tomonidan nazarda tutilgan chet ellarda yurish-turish qoidalari vakolatxona xodimlari tomonidan buzilishining barcha hollari to‘g‘risida majburiy tartibda xabardor qilib turishi kerak.
Vakolatxona joylashgan davlatda O‘zbekiston Respublikasining diplomatik vakolatxonalari va konsullik muassasalari bo‘lmagan taqdirda vakolatxona oldindan kelishib olgan holda vazirliklar, idoralar, davlat boshqa organlarining vakolatxona joylashgan davlatga xizmat safariga kelishgan mansabdor shaxslariga, delegatsiyalariga, mutaxassislar guruhlariga yordam ko‘rsatadilar.
10. Mintaqaviy vakolatxonani mintaqaviy vakil, bosh vakolatxonani — bosh vakil, vakolatxonani — muassis vakili boshqaradi.
Mintaqaviy vakil, bosh vakil va vakil bevosita O‘zbekiston Respublikasi vazirligi, idorasi, davlat boshqa organi, tashkiloti, korxonasi rahbariga bo‘ysunadi va ular tomonidan berilgan ishonchnoma asosida faoliyat ko‘rsatadilar.
11. Vakolatxona boshlig‘i va vakolatxona xodimlari lavozim vazifalarining bajarilishi uchun shaxsan javob beradilar.
12. Vakolatxona ishlari vakolatxona rahbari tomonidan tuziladigan va muassis tasdiqlaydigan rejalar asosida olib boriladi.
13. Vakolatxona boshlig‘i o‘z faoliyatini ushbu Nizomga muvofiq amalga oshiradi va u quyidagi huquqlarga ega:
vakolatxona joylashgan davlat idoralari va boshqa tashkilotlari oldida muassisning rasmiy vakili sifatida ish ko‘rish, ushbu tashkilotlarning rahbar shaxslari bilan bevosita aloqalar o‘rnatish;
vakolatxona joylashgan davlatdagi vakolatxonaga unga yuklangan vazifalardan kelib chiqqan holda rahbarlik qilish;
muassis nomidan vakolatxona joylashgan davlatdagi tashkilotlar bilan o‘z vakolatlari doirasida shartnomalar va kontraktlar tuzish;
vakolatxonaning pul mablag‘larini, o‘z nomiga berilgan ishonchnomaga binoan, tasdiqlangan smeta doirasida, tasarruf etish;
yil choragi rejalarini vakolatxona uchun tasdiqlangan yillik rejalar doirasida, bu to‘g‘rida yuqori turuvchi vakilni va muassisni xabardor qilgan holda, o‘zgartirish;
vakolatxonaga tegishli yoki o‘zi ijaraga olgan mol-mulkni muassis bilan kelishgan holda sug‘urta qilish;
belgilangan smeta doirasida, muassis bilan kelishgan holda, vakolatxona xodimlarini ishga qabul qilish va ishdan bo‘shatish;
muassis bilan kelishgan holda O‘zbekiston Respublikasi fuqarolari bilan, shuningdek, O‘zbekiston Respublikasi fuqarolari bo‘lmagan shaxslar bilan mehnat shartnomalarini tuzish va bekor qilish;
vakolatxona uchun ishlab chiqarish binolarini va vakolatxona xodimlari uchun uy-joylarni ijaraga olish yuzasidan shartnomalar tuzish;
Oldingi tahrirga qarang.
vakolatxona xodimlariga nisbatan O‘zbekiston Respublikasining va vakolatxona joylashgan davlatning mehnat qonunchiligida nazarda tutilgan rag‘batlantirish va intizomiy jazo choralarini qo‘llash.
(13-bandning o‘n birinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
Vakolatxonaning ta’sis hujjatlarida, muassis faoliyati xususiyatlariga muvofiq, vakolatxona boshlig‘i uchun qo‘shimcha huquqlar nazarda tutilishi mumkin.
vakolatxona faoliyatining yuqori rentabelligini va samaradorligini ta’minlash chora-tadbirlarini ko‘rish;
muassisga vakolatxona ishlarini rejalashtirish va tashkil etish, shuningdek, ishlab chiqarish — moliya faoliyati istiqbol rejalari bo‘yicha takliflar kiritish;
vakolatxona barcha xodimlarining tayyorgarligi yuqori darajada bo‘lishini, ularning malakasini doimiy ravishda oshirishni ta’minlash;
vakolatxona binolarini ig‘vogarona va terroristik hodisalardan muhofaza qilish yuzasidan tashkiliy tadbirlarni amalga oshirish, vakolatxona xodimlari va ularning oila a’zolari xavfsizligini ta’minlash maqsadida barcha zarur chora-tadbirlarni ko‘rish;
vakolatxona jamoasida sog‘lom ma’naviy muhitni ta’minlash, vakolatxona xodimlarining va ular oila a’zolarining salomatligi, turmushi, madaniy xordig‘i va ta’lim olishi to‘g‘risida g‘amxo‘rlik qilish;
vakolatxona binolaridan vakolatxona funksiyalariga zid bo‘lgan maqsadlarda foydalanishga yo‘l qo‘ymaslik;
muassisga belgilangan tartibda vakolatxonaning ishlab chiqarish-moliya va tijorat faoliyati to‘g‘risida hisobotlar taqdim etish.
Vakolatxonaning ta’sis hujjatlarida vakolatxona boshlig‘i uchun muassis faoliyati xususiyatiga muvofiq ravishda qo‘shimcha majburiyatlar nazarda tutilishi mumkin.
muassisning xalqaro faoliyati va tashqi aloqalarini takomillashtirish hamda samaradorligini oshirish maqsadida unga yuklangan vazifalarning zarur darajada bajarilishi;
reja va moliya intizomining, hisob va hisobotning ahvoli, muassisning tegishli bo‘limlari va xizmatlariga hisobot hujjatlarining o‘z vaqtida topshirilishi;
vakolatxona xodimlari va ular oila a’zolarining xavfsizligini, shuningdek, vakolatxona binolari muhofazasini ta’minlash bo‘yicha tadbirlarning tashkil etilishi va amalga oshirilishi;
vakolatxona xodimlari, ularning oila a’zolari, vakolatxona yo‘li bilan keluvchi delegatsiyalar a’zolari o‘rtasidagi intizomning ahvoli, ular tomonidan fuqarolarning chet ellarda yurish-turishi me’yorlari va qoidalariga rioya etilishi;
vakolatxona yo‘li bilan vakolatxona joylashgan davlatga kelgan O‘zbekiston Respublikasi fuqarolari bilan sodir bo‘lgan barcha voqealar to‘g‘risida elchixona (konsullik) va muassis nomiga yo‘llangan axborotlarning ishonchliligi va o‘z vaqtida topshirilishi;
ish yuritishning, vakolatxonaga tegishli moddiy boyliklarni hisobga olish va saqlashning ahvoli uchun javob beradi.
Vakolatxonaning ta’sis hujjatlarida vakolatxona boshlig‘i uchun muassis faoliyati xususiyatiga muvofiq ravishda boshqa javobgarliklar ham nazarda tutilishi mumkin.
16. Vakolatxona boshlig‘i O‘zbekiston Respublikasining tegishli vazirligi, idorasi, davlat boshqa organi, tashkiloti, korxonasining O‘zbekiston Respublikasi fuqarolari bo‘lgan xodimlari orasidan tayinlanadi.
Vakolatxona boshlig‘i va xodimlarini ishga tayinlash, shuningdek, ularni chaqirib olish muassis tomonidan belgilangan tartibda amalga oshiriladi.
17. Vakolatxonada ishlashga, muassis bilan kelishgan holda, kontrakt asosida, O‘zbekiston Respublikasining vakolatxona joylashgan davlat hududida doimiy yashovchi fuqarolari, shuningdek O‘zbekiston Respublikasi fuqarosi bo‘lmagan shaxslar qabul qilinishi mumkin.
18. Boshliqlar va xodimlar vakolatxona joylashgan davlatdagi tegishli vakolatxonada ishlash uchun, mehnat shartnomasini rasmiylashtirgan holda, qoidaga ko‘ra:
O‘zbekiston Respublikasining tegishli vazirligi, idorasi, davlat boshqa organi, tashkiloti, korxonasi faoliyati xususiyatiga ko‘ra, mehnat shartnomasi bilan belgilangan ishlash muddati vakil va shtatdagi boshqa xodimlar uchun ko‘pi bilan bir yilga uzaytirilishi mumkin.
Xodimni vakolatxonadagi lavozimga keyingi tayinlash oradan ikki yil o‘tgandan keyin amalga oshirilishi mumkin. Ushbu muddat istisno hollardagina bir yilgacha qisqartirilishi mumkin.
vakolatxona joylashgan davlatda uning salomatligi o‘z funksional vazifalarini bajarishga to‘sqinlik qiladigan darajada jiddiy yomonlashganda va uning oila a’zolari og‘ir kasallanganda;
uning tomonidan egallab turgan lavozimida bundan keyin qolishiga zid bo‘lgan qoida buzish sodir etilganda;
Oldingi tahrirga qarang.
O‘zbekiston Respublikasining va vakolatxona joylashgan davlatning qonunchiligida nazarda tutilgan boshqa hollarda muddatidan oldin chaqirtirib olinishi mumkin.
(18-bandning o‘ninchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
O‘zbekiston Respublikasi vazirliklari, idoralari, davlat boshqa organlari, tashkilotlari, korxonalari o‘zlarining ichki hujjatlarida mutaxassislarni chet elga yuborishni navbatlash tartibini va ularni jo‘natishni oldindan kelishib olish masalalarini yanada aniqlashtiradilar.
Oldingi tahrirga qarang.
19. Vakolatxona faoliyatini ta’minlash bilan bog‘liq bo‘lgan moliyaviy va boshqa masalalar O‘zbekiston Respublikasining qonunchiligiga, O‘zbekiston Respublikasining tegishli vazirligi, idorasi, davlat organi, tashkiloti, korxonasi me’yoriy hujjatlariga, shuningdek, vakolatxona joylashgan davlat qonunchiligiga muvofiq hal etiladi.
(19-band O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
Oldingi tahrirga qarang.
20. Vakolatxona faoliyatini nazorat qilish tegishli vazirlik, idora, davlat organi, tashkilot, korxona me’yoriy hujjatlari bilan belgilangan tartibda O‘zbekiston Respublikasi qonunchiligiga muvofiq amalga oshiriladi.
(20-band O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
21. Vakolatxonalar O‘zbekiston Respublikasi vazirligi, idorasi, davlat organi, tashkiloti, korxonasining tarkibiy bo‘linmalari hisoblanadilar, o‘z nomlari yozilgan shtamp va muhrga, o‘z faoliyatlarini amalga oshirish uchun o‘zlari joylashgan davlat banklarida hisob raqamlariga ega bo‘ladilar.