Vazirlar Mahkamasi qaror qiladi:

Oʻzbekiston Respublikasi Hukumatining quyidagi qarorlariga oʻzgartirish va qoʻshimchalar kiritilsin:

1. Vazirlar Mahkamasining 1994-yil 6-maydagi 240-son qarori (Oʻzbekiston Respublikasi QT, 1994-y., 5-son, 27-modda) bilan tasdiqlangan “Avtoyonilgʻi quyish shoxobchalarining ishlash qoidalari”dagi:

2-band quyidagi tahrirdagi xatboshi bilan toʻldirilsin:

“Barcha AYQShlari nazorat-kassa apparatlari bilan taʼminlangan boʻlishi kerak”;

10-bandda:

yettinchi xatboshi quyidagi tahrirda bayon qilinsin:

“Tarqatish vedomostlari va limit daftarchalari boʻyicha avtotransport vositalariga yonilgʻi quyish uchun neft mahsulotlari, suyultirilgan va tabiiy gazni berish tartibi (“Oʻzneftmahsulot” aksiyadorlik kompaniyasi AYQShlari uchun)”;

oʻn birinchi va oʻn oltinchi xatboshlari chiqarib tashlansin;

16-banddagi “berish belgilangan namunadagi talonlar taqdim etilganda va talonning amalda boʻlish muddati mobaynida amalga oshiriladi” soʻzlari “tijorat banklarining soʻmlardagi elektron kartochkalari boʻyicha yoki belgilangan tartibda tarqatish vedomostlari boʻyicha va naqd pulga sotiladi” soʻzlari bilan almashtirilsin.

2. Vazirlar Mahkamasining 1998-yil 7-sentabrdagi 382-son qarori (Oʻzbekiston Respublikasi QT, 1998-y., 9-son, 33-modda) bilan tasdiqlangan “Toshkent shahrini neft mahsulotlari bilan taʼminlash toʻgʻrisida Nizom”ning 13-bandidagi “Aholiga” soʻzi chiqarib tashlansin hamda “yuridik shaxslarning avtomashinalariga esa yagona davlat pattasi boʻyicha ixtisoslashtirilgan AYQShlarda” soʻzlari “shuningdek belgilangan tartibda tijorat banklarining soʻmlardagi elektron kartochkalari yoki tarqatish vedomostlari boʻyicha” soʻzlari bilan almashtirilsin.

3. Vazirlar Mahkamasining 1998-yil 18-sentabrdagi 397-son qarori (Oʻzbekiston Respublikasi QT, 1998-y., 9-son, 35-modda) bilan tasdiqlangan “Neft mahsulotlari sotish huquqini beruvchi litsenziya olish uchun hujjatlarni taqdim etish va rasmiylashtirish Tartibi”da:

I boʻlimning 3-bandidagi “ham yagona davlat pattalariga, ham naqd pulga” soʻzlari chiqarib tashlansin;

V boʻlim chiqarib tashlansin, VI — IX boʻlimlar tegishli ravishda V — VIII boʻlimlar deb hisoblansin.