Oʻzbekiston Respublikasi Budjet kodeksi va Oʻzbekiston Respublikasi Vazirlar Mahkamasining 2014-yil 9-dekabrdagi 338-son “Yetim bolalar va ota-ona qarmogʻidan mahrum boʻlgan bolalarni turar joylar bilan taʼminlash tartibi toʻgʻrisidagi nizomga oʻzgartirish va qoʻshimchalar kiritish haqida”gi qaroriga muvofiq buyuraman:

1. Oʻzbekiston Respublikasi moliya vazirining 2010-yil 11-oktabrdagi 86-son “Yetim bolalar va ota-ona qaramogʻidan mahrum boʻlgan bolalarga turar joy sotib olish uchun maqsadli transfertlar, shu jumladan, budjet transfertlarini berish tartibi toʻgʻrisidagi nizomni tasdiqlash haqida”gi buyrugʻiga (roʻyxat raqami 2150, 2010-yil 29-oktabr) (Oʻzbekiston Respublikasi qonun hujjatlari toʻplami, 2010-yil, 42-43-son, 375-modda) ilovaga muvofiq oʻzgartirishlar va qoʻshimcha kiritilsin.

2. Mazkur buyruq rasmiy eʼlon qilingan kundan eʼtiboran kuchga kiradi.

1. Buyruqda:

a) nomidagi “budjet transfertlarini” degan soʻzlar “budjet mablagʻlarini” degan soʻzlar bilan almashtirilsin;

b) 1-banddagi “transfertlarni, shu jumladan, budjet transfertlarini” degan soʻzlar “transfertlar, shu jumladan, budjet mablagʻlarini” degan soʻzlar bilan almashtirilsin.

2. Nizomda:

a) nomi va muqaddimadagi “budjet transfertlarini” degan soʻzlar “budjet mablagʻlarini” degan soʻzlar bilan almashtirilsin;

b) 3-banddagi “budjet transferti” degan soʻzlar “budjet mablagʻlari” degan soʻzlar bilan almashtirilsin;

v) 8-bandning ikkinchi va uchinchi xatboshilari quyidagi tahrirda bayon etilsin:

“tumanlar va shaharlar budjetlarining moliya yili boshida aniqlanadigan erkin qoldiq mablagʻlaridan;

tumanlar va shaharlar budjetlari daromadlarining birinchi — uchinchi hisobot choraklari yakunlari boʻyicha aniqlanadigan prognozdan oshirib bajarilishi summasidan;”;

g) 9-band “tuman (shahar) hokimliklari” degan soʻzlardan keyin “maqsadli transfertlarni ajratish toʻgʻrisidagi tuman (shahar) hokimi qarori qabul qilingan kundan boshlab uch ish kuni davomida” degan soʻzlar bilan toʻldirilsin;

d) 10-bandning birinchi xatboshisi quyidagi tahrirda bayon etilsin:

“Mazkur Nizomning 8 va 9-bandlarida koʻrsatilgan manbalar hisobidan mablagʻlar boʻlmagan (etishmagan) hollarda tuman (shahar) hokimliklaridan olingan soʻrovnoma qabul qilingan kundan boshlab besh ish kuni davomida Qoraqalpogʻiston Respublikasi Moliya vazirligi, viloyatlar va Toshkent shahar hokimliklarining moliya boshqarmalari quyidagi hujjatlarni ilova qilgan holda Oʻzbekiston Respublikasi Moliya vazirligiga Oʻzbekiston Respublikasining respublika budjetidan budjet mablagʻlari ajratishni soʻrab murojaat qiladi:”;

e) 11 va 12-bandlar quyidagi tahrirda bayon etilsin:

“11. Oʻzbekiston Respublikasi Moliya vazirligi soʻrovnoma va unga ilova qilingan hujjatlar qabul qilingan kundan boshlab oʻn ish kuni davomida Oʻzbekiston Respublikasining respublika budjetidan tegishli quyi budjetga yuzaga keladigan budjetlararo munosabatlarni belgilangan tartibda hal etish orqali budjet mablagʻlarini oʻtkazadi.

12. Maqsadli transfertlar tuman (shahar) hokimliklari yoki ular vakolat bergan tashkilotlarning tegishli moliya organlarida ochilgan shaxsiy gʻazna hisobvaraqlariga oʻtkaziladi.”;

j) 16-banddagi “tuman (shahar) moliya boʻlimlari” degan soʻzlar “tuman (shahar) hokimliklarining moliya boʻlimlari” degan soʻzlar bilan almashtirilsin.