Ishsizlarni va vaqtincha band bo‘lmagan aholini, shu jumladan ta’lim muassasalari bitiruvchilarini kasb-hunarga tayyorlash va qayta tayyorlash uchun shart-sharoitlar yaratish maqsadida Vazirlar Mahkamasi qaror qiladi:
grant yordami ajratish to‘g‘risida 2013-yil 3-dekabrdagi Hadli Bitimga muvofiq Koreya Respublikasi Hukumati O‘zbekiston Respublikasi Hukumatiga “O‘zbekiston Respublikasining Samarqand viloyatida kasb-hunar ta’limi salohiyatini kuchaytirish” loyihasi (keyingi o‘rinlarda loyiha deb ataladi) doirasida Samarqand shahrida 240 o‘quvchi o‘rniga, 60 o‘rinli yotoqxonaga ega bo‘lgan Kasb-hunarga o‘qitish markazini (keyingi o‘rinlarda Markaz deb ataladi) tashkil etish uchun 5,5 mln AQSh dollari miqdorida grant (keyingi o‘rinlarda grant deb ataladi) berishi;
O‘zbekiston Respublikasi Vazirlar Mahkamasining 2013-yil 3-iyundagi 339-f-son farmoyishini bajarish yuzasidan Markaz qurilishi uchun Samarqand viloyati hokimligi tomonidan Samarqand shahrida umumiy maydoni 1,6 gektar bo‘lgan yer uchastkasi ajratilganligi, qurilish uchastkasini tayyorlash, kommunikatsiya tarmoqlarini o‘tkazish, dastlabki ruxsat beruvchi hujjatlarni va loyiha-smeta hujjatlarini ishlab chiqish ta’minlanganligi;
grant mablag‘lari hisobiga chetdan olib kelinadigan va O‘zbekiston Respublikasi hududida sotib olinadigan tovarlar (ishlar, xizmatlar)ning amaldagi qonun hujjatlariga muvofiq bojxona to‘lovlaridan (bojxonada rasmiylashtirish yig‘imlaridan tashqari), shuningdek qo‘shilgan qiymat solig‘idan ozod qilinishi;
Markazni qurish doirasida Koreya xalqaro hamkorlik agentligining O‘zbekistondagi ofisi (keyingi o‘rinlarda KOICAning O‘zbekistondagi ofisi deb ataladi) obyektning buyurtmachisi hisoblanishi ma’lumot uchun qabul qilinsin.
2. O‘zbekiston Respublikasi Tashqi iqtisodiy faoliyat milliy bankiga grantga hisob-kitob xizmati ko‘rsatish vazifasi yuklansin.
Oldingi tahrirga qarang.
3. Quyidagilar Samarqand shahridagi Ishsiz va band bo‘lmagan aholini kasb-hunarga o‘qitish markazining asosiy vazifalari etib belgilansin:
(3-bandning birinchi xatboshisi O‘zbekiston Respublikasi Vazirlar Mahkamasining 2017-yil 14-oktabrdagi 824-sonli qarori tahririda — Qonun hujjatlari ma’lumotlari milliy bazasi, 17.10.2017-y., 09/17/824/0115-son)
ishsizlarni va vaqtincha band bo‘lmagan aholini, shu jumladan kasb-hunar kollejlarini va akademik litseylarni bitirgan doimiy ishga ega bo‘lmagan shaxslarni o‘qitish muddati 1 yildan ortiq bo‘lmagan muddatda quyidagi yo‘nalishlar va mutaxassisliklar bo‘yicha kasb-hunarga tayyorlash va qayta tayyorlash: avtomobillarni ta’mirlash va ularga texnik xizmat ko‘rsatish (avtoslesarlar, motoristlar, avtomobillar diagnostikasi bo‘yicha muxassislar), payvandlash va chilangarlik ishlari (payvandchilar, chilangarlar va metallarga ishlov berish mutaxassislari) elektr va elektronika (elektron va maishiy texnikani, radio va teleapparaturani ta’mirlash va ularga servis xizmati ko‘rsatish mutaxassislari), axborot texnologiyalari (hisoblash mashinalari operatorlari, kompyuterlar va boshqa tashkiliy texnikaga xizmat ko‘rsatish va ularni ta’mirlash);
mehnat organlarida ishsiz sifatida ro‘yxatdan o‘tmagan, ish izlayotgan shaxslarni, shuningdek korxonalar va tashkilotlarning buyurtmanomalari bo‘yicha — xodimlarni, har yili o‘qitiladiganlar sonining 15 foizidan ortiq bo‘lmagan hajmda, O‘zbekiston mehnat bozorida talab yuqori bo‘lgan kasb-hunarlarga to‘lov asosida qisqa muddatli o‘qitishni tashkil etish.
Oldingi tahrirga qarang.
(4-bandning uchinchi xatboshisi O‘zbekiston Respublikasi Vazirlar Mahkamasining 2017-yil 10-apreldagi 199-son qaroriga asosan chiqarilgan — O‘R QHT, 2017-y., 15-son, 255-modda)
Oldingi tahrirga qarang.
Samarqand shahridagi Ishsiz va band bo‘lmagan aholini kasb-hunarga o‘qitish markazi bevosita Samarqand viloyati Bandlik bosh boshqarmasiga bo‘ysundirilsin, umumiy o‘quv-metodik rahbarlik esa O‘zbekiston Respublikasi Oliy va o‘rta maxsus ta’lim vazirligining O‘rta maxsus, kasb-hunar ta’limi markaziga yuklansin.
(4-bandning uchinchi xatboshisi O‘zbekiston Respublikasi Vazirlar Mahkamasining 2017-yil 14-oktabrdagi 824-sonli qarori tahririda — Qonun hujjatlari ma’lumotlari milliy bazasi, 17.10.2017-y., 09/17/824/0115-son)
Oldingi tahrirga qarang.
5. Belgilansinki, Markazning ta’minoti, ishsizlarni va band bo‘lmagan aholini kasb-hunarga qayta tayyorlash, shuningdek import qilinadigan o‘quv-laboratoriya asbob-uskunalarini va moddiy resurslarni O‘zbekiston Respublikasi hududida saqlash, rasmiylashtirish va tashish bilan bog‘liq xarajatlar O‘zbekiston Respublikasi Bandlikka ko‘maklashish davlat jamg‘armasining Bandlik va mehnat munosabatlari vazirligining Samarqand viloyati Bandlik bosh boshqarmasi tasarrufidagi mablag‘lar hisobiga qoplanadi.
(5-band O‘zbekiston Respublikasi Vazirlar Mahkamasining 2017-yil 14-oktabrdagi 824-sonli qarori tahririda — Qonun hujjatlari ma’lumotlari milliy bazasi, 17.10.2017-y., 09/17/824/0115-son)
6. O‘zbekiston Respublikasi Mehnat va aholini ijtimoiy muhofaza qilish vazirligi hamda Moliya vazirligining:
Markazning o‘qituvchi va o‘quv-yordamchi xodimlarining lavozim maoshlariga aniq miqdori Markaz rahbariyati tomonidan O‘zbekiston Respublikasi Mehnat va aholini ijtimoiy muhofaza qilish vazirligi bilan kelishgan holda belgilanadigan Bandlikka ko‘maklashish davlat jamg‘armasining Samarqand viloyati Mehnat va aholini ijtimoiy muhofaza qilish bosh boshqarmasi tasarrufidagi mablag‘lardan 40 foizgacha miqdorda doimiy ustama belgilash to‘g‘risidagi;
pulli qisqa muddatli kurslar tashkil etishdan va qonun hujjatlarida taqiqlanmagan boshqa manbalardan tushadigan mablag‘lar hisobiga shakllantiriladigan Markazni moddiy-texnik rivojlantirish va moddiy rag‘batlantirish jamg‘armasini (keyingi o‘rinlarda Rivojlantirish jamg‘armasi deb ataladi) tashkil etish to‘g‘risidagi takliflariga rozilik berilsin.
Markazning rahbarlari, o‘qituvchilari, ustalari va boshqa xodimlariga kasb-hunar kollejlarining tegishli lavozimlari uchun belgilangan bazaviy tarif stavkalari tatbiq etiladi;
Oldingi tahrirga qarang.
belgilangan tartibda ishsiz deb e’tirof etilgan o‘quvchilarga bevosita Markazda bepul o‘qigan davrida O‘zbekiston Respublikasi Bandlikka ko‘maklashish davlat jamg‘armasida ushbu maqsadlar uchun nazarda tutilgan mablag‘lar hisobiga qonun hujjatlarida belgilangan mehnatga haq to‘lashning eng kam miqdorining 35,2 foizi miqdorida, biroq 6 oydan ko‘p bo‘lmagan muddatga stipendiya to‘lanadi;
(7-bandning uchinchi xatboshisi O‘zbekiston Respublikasi Vazirlar Mahkamasining 2019-yil 28-dekabrdagi 1046-sonli qarori tahririda — Qonun hujjatlari ma’lumotlari milliy bazasi, 29.12.2019-y., 09/19/1046/4242-son)
tashkilotlar o‘quvchilarning ishlab chiqarish amaliyotini o‘tash davrida ularga ishlab chiqarish amaliyoti dasturlariga muvofiq ularning ishlab chiqarish faoliyatini ta’minlaydigan haq to‘lanadigan ish joylari taqdim etish huquqiga ega.
8. O‘zbekiston Respublikasi Mehnat va aholini ijtimoiy muhofaza qilish vazirligi belgilangan tartibda:
O‘rta maxsus, kasb-hunar ta’limi markazi bilan kelishgan holda Markaz ustavi hamda Markaz ishida qo‘llanadigan zarur o‘quv-metodik dasturlar va materiallar;
O‘quvchilarni 1 yilgacha muddatga bepul o‘qitishga qabul qilish va ularni qayta tayyorlash hamda kirish va yakuniy malaka imtihonlari (testlari)ni o‘tkazish tartibi to‘g‘risidagi nizom ishlab chiqilishini va tasdiqlanishini ta’minlasin, bunda qabul o‘qiyotganlarni ishga joylashtirishni kafolatlovchi uch tomonlama (ish beruvchi, tuman (shahar) bandlikka ko‘maklashish va aholini ijtimoiy muhofaza qilish markazi, jismoniy shaxs) shartnoma mavjud bo‘lganda, mehnat va aholini ijtimoiy muhofaza qilish organlari yo‘llanmalari bo‘yicha tanlov asosida amalga oshirilishi nazarda tutilsin;
Rivojlantirish jamg‘armasiga yo‘naltiriladigan foyda normativini belgilashni hisobga olgan holda, qisqa muddatli o‘qitish bo‘yicha pulli xizmatlarning qiymatini shakllantirish metodikasini aniqlashni nazarda tutuvchi Markazning moddiy-texnik rivojlantirish va moddiy rag‘batlantirish jamg‘armasi mablag‘larini shakllantirish va sarflash tartibi to‘g‘risidagi nizom;
o‘rta maxsus, kasb-hunar ta’limi tizimi ta’lim muassasalarining belgilangan pedagogik va o‘quv-ishlab chiqarish yuklamalaridan kelib chiqqan holda Markazning shtat jadvali ishlab chiqilishini va tasdiqlanishini ta’minlasin.
9. “O‘zbekiston temir yo‘llari” davlat-aksiyadorlik kompaniyasi loyiha doirasida Markazning qurilishi va jihozlanishi uchun O‘zbekiston Respublikasi hududiga chetdan olib kelinadigan tovarlarni temir yo‘l stansiyalarida saqlash va yuklash-tushirish ishlarining to‘lov undirilmasdan bajarilishini ta’minlasin.
Oldingi tahrirga qarang.
10. O‘zbekiston Respublikasi Ichki ishlar vazirligi Bandlik va mehnat munosabatlari vazirligining buyurtmanomalari bo‘yicha loyihani amalga oshirishda qatnashadigan xorijiy mutaxassislarga belgilangan tartibda ko‘p martalik kirish vizalari berilishini va ularning muddati uzaytirilishini, shuningdek ularning vaqtincha turgan joyi bo‘yicha ro‘yxatga olinishini va muddati uzaytirilishini davlat bojlari undirmasdan ta’minlasin.
(10-band O‘zbekiston Respublikasi Vazirlar Mahkamasining 2020-yil 28-sentabrdagi 593-sonli qarori tahririda — Qonun hujjatlari ma’lumotlari milliy bazasi, 29.09.2020-y., 09/20/593/1340-son)
Oldingi tahrirga qarang.
11. O‘zbekiston Respublikasi Bandlik va mehnat munosabatlari vazirligi O‘zbekiston Respublikasiga loyihani amalga oshirishda ishtirok etayotgan yuqori malakali xorijiy mutaxassislarni (O‘zbekiston Respublikasi fuqarolari orasida bunday mutaxassislar bo‘lmagan taqdirda) jalb etishga ruxsatnomalar berilishini (muddati uzaytirilishini), shuningdek ko‘rsatib o‘tilgan xorijiy fuqarolarga O‘zbekiston Respublikasi hududida mehnat faoliyatini amalga oshirish huquqiga tasdiqnomalar berilishini (muddati uzaytirilishini) belgilangan tartibda ta’minlasin.
(11-band O‘zbekiston Respublikasi Vazirlar Mahkamasining 2017-yil 14-oktabrdagi 824-sonli qarori tahririda — Qonun hujjatlari ma’lumotlari milliy bazasi, 17.10.2017-y., 09/17/824/0115-son)
12. O‘zbekiston Respublikasi Mehnat va aholini ijtimoiy muhofaza qilish vazirligi manfaatdor vazirliklar va idoralar bilan birgalikda bir oy muddatda:
qonun hujjatlariga ushbu qarordan kelib chiqadigan o‘zgartirishlar va qo‘shimchalar to‘g‘risida takliflar kiritsin;
13. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari R.S.Azimov zimmasiga yuklansin.
Oldingi tahrirga qarang.
(1-ilova nomi O‘zbekiston Respublikasi Vazirlar Mahkamasining 2017-yil 14-oktabrdagi 824-sonli qarori tahririda — Qonun hujjatlari ma’lumotlari milliy bazasi, 17.10.2017-y., 09/17/824/0115-son)
Oldingi tahrirga qarang.
(2-ilova O‘zbekiston Respublikasi Vazirlar Mahkamasining 2017-yil 10-apreldagi 199-son qaroriga asosan o‘z kuchini yo‘qotgan — O‘R QHT, 2017-y., 15-son, 255-modda)
Oldingi tahrirga qarang.
(3-ilova O‘zbekiston Respublikasi Vazirlar Mahkamasining 2017-yil 10-apreldagi 199-son qaroriga asosan o‘z kuchini yo‘qotgan — O‘R QHT, 2017-y., 15-son, 255-modda)