Oʻzbekiston Respublikasining “Taʼlim toʻgʻrisida”gi Qonuni va Oʻzbekiston Respublikasi Vazirlar Mahkamasining 2010-yil 7-iyundagi 109-son “Umumtaʼlim maktablarining 9-sinf bitiruvchilarini akademik litseylar va kasb-hunar kollejlarida oʻqitish bilan qamrab olishni taʼminlash boʻyicha normativ-huquqiy bazani yanada takomillashtirish toʻgʻrisida”gi qaroriga muvofiq Oʻzbekiston Respublikasi Xalq taʼlimi vazirligi hamda Oliy va oʻrta maxsus taʼlim vazirligining Oʻrta maxsus, kasb-hunar taʼlimi markazi qaror qiladi:

1. Umumiy oʻrta taʼlim maktablari bitiruvchilarining shaxsiy hujjatlar yigʻmajildini shakllantirish uchun zarur boʻlgan hujjatlar roʻyxati ilovaga muvofiq tasdiqlansin.

2. Mazkur qaror rasmiy eʼlon qilingan kundan eʼtiboran kuchga kiradi.

1. Bitiruvchining ota-onasi yoki ularning oʻrnini bosuvchi shaxslarning oʻrta maxsus, kasb-hunar taʼlimi muassasasi direktori nomiga yozgan arizasi;

2. 086-U-shakl boʻyicha tibbiy maʼlumotnoma;

3. Oʻzbekiston Respublikasi fuqarosining biometrik pasporti nusxasi, agar bitiruvchi pasport olmagan boʻlsa, uning tugʻilganlik haqidagi guvohnomasi;

4. Bitiruvchining 3,5 x 4,5 sm hajmdagi 6 dona fotosurati (rangli);

5. Umumtaʼlim fanlari boʻyicha respublika olimpiadalari gʻoliblariga berilgan respublika tashkiliy qoʻmitasining yoʻllanmasi, agar mavjud boʻlsa;

6. Umumiy oʻrta taʼlim toʻgʻrisidagi shahodatnoma;

7. Xalq taʼlimi tizimida oʻtkazilgan psixologik-pedagogik tashxis natijalari (Oʻquvchilarni kasb-hunarga yoʻnaltirish va psixologik-pedagogik Respublika tashxis markazi tavsiyanomasi);

8. Sogʻliqni saqlash vazirligining tibbiy maslahat komissiyalari xulosalari va tavsiyalari, shuningdek Mehnat va aholini ijtimoiy muhofaza qilish bosh boshqarmalarining, tuman (shahar) Bandlikka koʻmaklashish va aholini ijtimoiy muhofaza qilish markazlarining yoʻllanmalari — ixtisoslashtirilgan kasb-hunar kollejlarida taʼlim oluvchi imkoniyatlari cheklangan shaxslar uchun;

9. Qoraqalpogʻiston Respublikasi Xalq taʼlimi vazirligi, Toshkent shahar xalq taʼlimi bosh boshqarmasi yoki viloyat xalq taʼlimi boshqarmasining bitiruvchi akademik litsey yoki kasb-hunar kollejiga jalb etilmaganligini tasdiqlovchi maʼlumotnomasi — ilgari akademik litseylar yoki kasb-hunar kollejlariga jalb etilmagan bitiruvchilar uchun.

10. Mazkur Roʻyxat Oʻzbekiston Respublikasi Sogʻliqni saqlash vazirligi bilan kelishilgan.