Oʻzbekiston Respublikasining 2014-yil 11-dekabrdagi OʻRQ-381-son “Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi Qonuniga muvofiq Oʻzbekiston standartlashtirish, metrologiya va sertifikatlashtirish agentligi hamda Oʻzbekiston Respublikasi Vazirlar Mahkamasi huzuridagi Oʻzbekiston neft mahsulotlari va gazdan foydalanishni nazorat qilish davlat inspeksiyasi qaror qiladi:

1. Oʻzbekiston standartlashtirish, metrologiya va sertifikatlashtirish agentligi hamda Oʻzbekiston Respublikasi Vazirlar Mahkamasi huzuridagi Oʻzbekiston neft mahsulotlari va gazdan foydalanishni nazorat qilish davlat inspeksiyasining 2014-yil 7-iyuldagi k-3 va k-1-son qarori (roʻyxat raqami 2604, 2014-yil 30-iyul) (Oʻzbekiston Respublikasi qonun hujjatlari toʻplami, 2014-y., 31-son, 387-modda) bilan tasdiqlangan Gazni hisobga olish priborlarini tekshiruvdan oʻtkazish tartibi toʻgʻrisidagi nizomning 22-bandidagi “Oʻzbekiston standartlashtirish, metrologiya va sertifikatlashtirish agentligi tomonidan akkreditatsiya qilingan tashkilotlarga (bundan buyon matnda taʼmirlash tashkilotlari deb yuritiladi)” degan soʻzlar “taʼmirlash tashkilotlariga” degan soʻzlar bilan almashtirilsin.

2. Mazkur qaror “Oʻzbekneftgaz” MXK, “Oʻztransgaz” AK va Oʻzbekiston Respublikasi Savdo-sanoat palatasi bilan kelishilgan.

3. Mazkur qaror rasmiy eʼlon qilingan kundan eʼtiboran kuchga kiradi.