Oʻzbekiston Respublikasi va Ukraina,

daromadlar va mulklarga ikki tomonlama soliq solishga yoʻl qoʻymaslik toʻgʻrisida Bitim tuzishga xohish bildirib,

va oʻzaro iqtisodiy munosabatlarni rivojlantirish hamda chuqurlashtirish uchun oʻz intilishlarini tasdiqlab,

kuyidagilar toʻgʻrisida ahdlashib oldilar:

Mazkur Bitim Ahdlashayotgan Davlatlarning biri yoki har ikkisining rezidentlari hisoblanadigan shaxslarga qoʻllaniladi.

1. Mazkur Bitim Ahdlashayotgan Davlat yoki uning siyosiy-maʼmuriy boʻlinmasi yoxud mahalliy hokimiyatlar nomidan, ularni undirish usullaridan qatʼi nazar, daromad (foyda)larga va mulkka solinadigan soliqlarga qoʻllaniladi.

2. Daromadlarning va mulk qiymatining umumiy summasidan yoki daromadning elementidan olinadigan barcha soliqlar, jumladan, koʻchar mulk yoki koʻchmas mulkni sotishdan olinadigan daromadlarga soliqlar daromad (foyda)ga va mulkka solinadigan soliqlar hisoblanadi.

3. Mazkur Bitim quyidagi soliqlarga qoʻllaniladi:

a) Ukrainada:

(I) korxonalarning daromadlaridan olinadigan soliq;

(II) fuqarolardan olinadigan daromad soligʻi;

(III) korxonalarning mol-mulkiga solinadigan soliq;

(IV) fuqarolarning koʻchmas mulkiga soladigan soliq;

(bundan keyin “Ukrainaning soliqlari” deb nomlanadi);

v) Oʻzbekiston Respublikasida:

(I) korxonalar, birlashmalar va tashkilotlarning daromadlariga solinadigan soliq;

(II) Oʻzbekiston Respublikasi fuqarolaridan, xorijiy fuqarolardan va fuqaroligi boʻlmagan shaxslardan olinadigan daromad soligʻi;

(III) korxonalarning mulkiga solinadigan soliq;

(IV) jismoniy shaxslarning mulkiga solinadigan soliq;

(bundan keyin “Oʻzbekistonning soliqlari” deb nomlanadi).

4. Mazkur Bitim har qanday bir xildagi yoki bir-biriga oʻxshash soliqlarga ham qoʻllaniladi. Bu soliqlar ushbu Bitim imzolangan sanadan keyin Ahdlashayotgan Davlatning soliqlariga qoʻshimcha yoki amaldagi soliqlarning oʻrniga Ahdlashayotgan Davlatlarning biridan undiriladi. Ahdlashayotgan Davlatlarning vakolatli organlari bir-birlarini oʻzlarining soliq solish qonunlaridagi har qanday jiddiy oʻzgarishlar haqida xabardor qiladilar.

1. Mazkur Bitimni anglashda, agar matnning mazmunidan boshqacha maʼno kelib chiqmasa:

a) “Ukraina” atamasi geografik maʼnoda qoʻllanganda Ukrainaning hududini, kontinental shelfini va uning oʻziga xos (dengiz) iqtisodiy mintaqasini, shuningdek, muvofiq ravishda xalqaro huquq bilan aniqlanadigan yoki bundan keyin aniqlanishi mumkin boʻlgan Ukraina huquqi doirasida dengiz osti, yer osti boyliklari va ularning tabiiy resurslariga nisbatan qoʻllanilishi mumkin boʻlgan Ukrainaning suv hududlaridan tashqaridagi qandaydir boshqa hududni anglatadi;

b) “Oʻzbekiston” atamasi Oʻzbekiston Respublikasini anglatadi va geografik maʼnoda qoʻllanilganda uning hududini, ichki suvlarini, havo fazosini oʻz ichiga oladi. Bunda Oʻzbekiston Respublikasi suveren huquqlarini va sud qilish huquqini, shuningdek, yer osti konlari va tabiiy resurslardan foydalanishga oid huquqlarini xalqaro huquq normalariga muvofiq amalga oshirishi mumkin va bu yerda Oʻzbekiston Respublikasi qonuni amalda boʻladi.

c) “Milliy shaxs” atamasi quyidagilarni bildiradi:

(I) Ahdlashayotgan Davlatning fuqarosi hisoblanadigan har qanday jismoniy shaxs;

(II) Ahdlashayotgan Davlatning amaldagi qonuniga muvofiq oʻz maqomini olgan har qanday yuridik shaxs, sherikchilik va uyushma;

d) “Ahdlashayotgan Davlat” va “boshqa Ahdlashayotgan Davlat” atamalari matn mazmuniga bogʻliq holda Ukraina yoki Oʻzbekiston Respublikasini anglatadi;

e) “shaxs” iborasi jismoniy shaxsni, Ahdlashayotgan Davlat qonunlariga muvofiq tuzilgan va soliq solish maqsadlari uchun yuridik shaxslar sifatida qaraladigan har qanday yuridik shaxs va har qanday boshqa shaxslar birlashmasini anglatadi.

f) “kompaniya” iborasi daromad (foyda) soligʻi solinadigan har qanday korporativ birlashmani yoki soliqqa tortish maqsadlari uchun korporativ birlashma sifatida qaraladigan har qanday tashkilotni, shu jumladan, aksiyadorlik jamiyati, masʼuliyati cheklangan jamiyat yoki har qanday boshqa yuridik shaxs yoki tashkilotni bildiradi.

q) “Ahdlashayotgan Davlat korxonasi” va “boshqa Ahdlashayotgan Davlat korxonasi” atamalari tegishlicha Ahdlashayotgan Davlatdan birining rezidenti tomonidan boshqariladigan korxonani va boshqa Ahdlashayotgan Davlatning rezidenti tomonidan boshqariladigan korxonani anglatadi.

h) “Xalqaro yuk tashish” atamasi dengiz yoki havo kemasi, temir yoʻl yoki avtomobil transporti vositasi bilan Ahdlashayotgan Davlat korxonasi tomonidan amalga oshiriladigan har qanday yuk tashishni anglatadi, bunda boshqa Ahdlashayotgan Davlat hududidagi punktlar orasida bunday yuk tashish hollari mustasnodir.

i) “vakolatli organ” atamasi Ukrainaga muvofiq ravishda — Ukraina Moliya vazirligini yoki uning muxtor vakilini va Oʻzbekiston Respublikasiga muvofiq ravishda Oʻzbekiston Respublikasi Davlat soliq qoʻmitasini yoki uning muxtor vakilini anglatadi.

2. Ahdlashayotgan Davlat tomonidan mazkur Bitim qoʻllanilganda Bitimda belgilanmagan har qanday, agar matn mazmunidan boshqa maʼno kelib chiqmasa, ushbu Bitim qoʻllanilayotgan soliqlarga mos ravishda oʻsha Davlatning qonunlaridagi maʼnoni bildiradi.

1. Mazkur Bitimni qoʻllanishda, “Ahdlashayotgan Davlatdan birining rezidenti” atamasi ushbu Ahdlashayotgan Davlatning qonunchiligiga koʻra undagi haqiqiy rahbar organning turar joyi, doimiy oʻrnashgan joyi, roʻyxatga olingan joyi, turgan joyi yoki boshqa shunga oʻxshash belgisi asosida soliq solinishi kerak boʻlgan shaxsni anglatadi. Lekin bu atama ushbu Ahdlashayotgan Davlatda soliq solinishi kerak boʻlgan shaxsni faqat shu asosda uz ichiga olmaydi, chunki, u shu Davlatning oʻzidagi manbalardan yoki mulkdan daromad oladi.

Atama Ahdlashayotgan Davlatning Hukumatini yoki uning siyosiy maʼmuriy boʻlinmasini yoxud mahalliy hokimiyat organlarini xam oʻz ichiga oladi. U xodimlarga beriladigan har qanday pensiya yoki nafaqalarning boshqa shakllarini ham, shuningdek, Ahdlashayotgan Davlatning qonunlariga muvofiq tashkil etilgan har qanday xayriya tashkilotlarini ham oʻz ichiga oladi.

2. Agar mazkur moddaning 1-bandi qoidalariga muvofiq jismoniy shaxs ikkala Ahdlashayotgan Davlatning rezidenti hisoblangan hollarda uning mavqeyi quyidagi qoidalarga muvofiq belgilanadi:

a) u shu Ahdlashayotgan Davlatda doimiy turar joyga ega boʻlsa, oʻsha yerning rezidenti hisoblanadi. Agar u ikkala Ahdlashayotgan Davlatda doimiy turar joyga ega boʻlsa, yaqin shaxsiy va iqtisodiy aloqalari (hayotiy manfaatlar markazi) ancha qalin boʻlgan Ahdlashayotgan Davlatning rezidenti hisoblanadi;

b) agar hayotiy manfaatlari markaziga ega boʻlgan Ahdlashayotgan Davlatni aniqlash mumkin boʻlmasa yoki agar u Ahdlashayotgan Davlatlardan hech birida doimiy turar joyga ega boʻlmasa, u odatda oʻzi yashaydigan shu Ahdlashayotgan Davlatning rezidenti hisoblanadi;

c) agar u odatda ikkala Ahdlashayotgan Davlatda yashasa yoki agar u odatda ulardan hech birida yashamasa, u Ahdlashayotgan Davlatlardan qay birining fuqarosi boʻlgan shu Ahdlashayotgan Davlatning rezidenti hisoblanadi;

d) agar u ikkala Ahdlashayotgan Davlatning milliy shaxsi hisoblansa yoki agar u ulardan hech birining fuqarosi hisoblanmasa, Ahdlashayotgan Davlatlarning vakolatli organlari oʻzaro kelishuv yoʻli bilan bunday rezidentni soliqqa tortish toʻgʻrisidagi masalasini hal qiladilar.

3. Agar 1-bandning qoidalariga muvofiq jismoniy shaxs hisoblanmaydigan shaxs ikkala Ahdlashayotgan Davlatning rezidenti hisoblangan hollarda u oʻzining rahbarlik qiluvchi organi joylashgan Ahdlashayotgan Davlatning rezidenti hisoblanadi.

1. Mazkur Bitimning maqsadlari uchun “doimiy vakolatxona” atamasi faoliyatning doimiy joyini anglatadi, bu orqali korxonaning tadbirkorlik faoliyati toʻliq yoki qisman amalga oshiriladi.

2. “Doimiy vakolatxona” atamasi, jumladan, quyidagilarni oʻz ichiga oladi:

a) boshqaruv joyi;

b) boʻlinma;

c) idora;

d) fabrika;

e) ustaxona;

f) shaxta, neft yoki gaz qudugʻi, karyer yoki tabiiy resurslar olinadigan har qanday boshqa joy;

q) savdo tarmoqlari sifatida foydalaniladigan inshoot yoki omborlar.

3. “Doimiy vakolatxona” atamasi quyidagilarni ham oʻz ichiga oladi:

a) qurilish maydoni yoki qurilish, montaj yoki yigʻuv obyekti, ushbu ishlarning bajarilishini kuzatish bilan bogʻliq xizmat agar shunday maydon yoki obyektlargina 12 oydan koʻp vaqt mobaynida ishlab tursa yoxud bunday xizmatlar 12 oydan ortiq muddat davomida koʻrsatib turilsa; va

v) tabiiy resurslarni qidirish uchun foydalaniladigan qurilma yoki inshoot yoxud bu ishlarning bajarilishini kuzatish bilan bogʻliq xizmatlar yoki tabiiy resurslarni qidirish uchun foydalaniladigan burgʻulash qurilmasi yoki kema, agar bunday foydalanish 12 oydan koʻp vaqt mobaynida davom etsa, yoki bunday xizmatlar 12 oydan koʻp vaqt mobaynida koʻrsatilsa; va

s) xizmatlar koʻrsatish, shuningdek, rezident tomonidan shunday maqsadlar uchun band qilingan xizmatchilar yoki boshqa xodimlar orqali rezidentlar tomonidan koʻrsatiladigan maslahat xizmatlari, lekin faqat agar bunday xususiyatdagi faoliyat (bunday yoki u bilan bogʻliq loyiha uchun) 12 oydan koʻp muddat mobaynida mamlakat doirasida davom etsa.

4. Ushbu moddaning oldingi qoidalariga qaramasdan, “doimiy vakolatxona” atamasini quyidagilarni oʻziga oladi deb boʻlmaydi:

a) faqat ushbu korxonaga tegishli tovarlar yoki buyumlarni saqlash, namoyish qilish yoki yetkazib berish maqsadlari uchun inshootlardan foydalanish;

b) ushbu korxonaga tegishli tovarlar yoki buyumlarni faqat saqlash, namoyish qilish yoxud yetkazib berish maqsadida saqlash;

c) shu korxonaga tegishli tovarlar yoki buyumlar zaxiralarini boshqa korxonalar tomonidan faqat qayta ishlash maqsadlari uchun saqlash;

d) doimiy faoliyat joyini faqat tovarlar yoki buyumlarni xarid qilish yoki shu korxona uchun axborotlar yigʻish maqsadida saqlash;

e) doimiy faoliyat joyini faqat korxona uchun har qanday boshqa tayyorlov yoki yordamchi tusdagi faoliyatki faqat ushbu korxona manfaatlari yoʻlida amalga oshirish maqsadida saqlash;

f) doimiy faoliyat joyini faqat “a” dan “s” gacha boʻlgan kichik bandda sanab oʻtilgan faoliyat turlarining har qanday kombinatsiyalarini amalga oshirish uchun shu shart bilan saqlanadiki, ushbu kombinatsiya oqibatida paydo boʻladigan doimiy faoliyat joyining umumiy faoliyati tayyorlov yoki yordamchi tusga ega boʻlsin.

5. Agar ushbu moddaning 6-bandida aytib oʻtilgan mustaqil maqomli agentdan tashqari, boshqa shaxs, bu moddaning 1 va 2-bandlarining qoidalaridan qatʼi nazar, korxona nomidan harakat qilsa va Ahdlashayotgan Davlatda bitim tuzish vakolatiga ega boʻlsa va undan odatda foydalansa yoki korxona nomidan ushbu tovarlar va buyumlarni muntazam yetkazib berishni amalga oshiradigan korxonaga tegishli tovarlar va buyumlarning zaxiralarini saqlasa, bu shaxs korxona uchun, agar bu shaxs 4-bandda koʻrsatilgan cheklanishdan tashqari faoliyat bilan shugʻullansa, va u doimiy faoliyat joyi orqali amalga oshirilsa, agar doimiy faoliyat joyidan ushbu band qoidasiga muvofiq doimiy vakolatxonaga aylantirmasa unda bu korxonani ushbu davlatda deyarli har qanday faoliyat boʻyicha doimiy vakolatxonaga ega deb hisoblash mumkin.

6. Agar faqat korxona boshqa Davlatda broker, komissioner yoki Xar qanday boshqa mustaqil maqomli agent orqali, ushbu shaxslarning odatdagi faoliyatlari doirasida harakat qilishlari sharti bilan, tadbirkorlik faoliyatini amalga oshirsa Ahdlashayotgan Davlatning bir korxonasi boshqa Ahdlashayotgan Davlatda doimiy vakolatxonaga ega boʻlgan korxona deb hisoblanmaydi.

7. Ahdlashayotgan Davlatning rezidenti deb hisoblanadigan kompaniya, boshqa Ahdlashayotgan Davlatning rezidenti hisoblanadigan yoki ushbu boshqa Ahdlashayotgan Davlatda (yoki doimiy vakolatxona orqali yoki boshqa tarzda) tadbirkorlik faoliyatini amalga oshiradigan kompaniya nazorat qilinadigan yoki u orqali nazorat qilinish fakti ushbu kompaniyalardan birini boshqa kompaniyaning doimiy vakolatxonasiga oʻzidan oʻzi aylantirmaydi.

1. Ahdlashayotgan Davlatning rezidenti tomonidan boshqa Ahdlashayotgan Davlatdagi koʻchmas mulk (jumladan, qishloq xoʻjaligi yoki oʻrmon xoʻjaligidan olinadigan daromad)dan olinadigan daromadlarga shu boshqa Davlatda soliq solinishi mumkin.

2. “Koʻchmas mulk” atamasi mazkur mulk turgan Ahdlashayotgan Davlat qonunchiligida ifodalangan tushunchaga ega boʻladi. Ushbu har qanday holatda koʻchmas mulkka nisbatan yordamchi mulkni, qishloq va oʻrmon xoʻjaligida foydalaniladigan hayvonlar va asbob-uskunalarni, yer mulkiga nisbatan umumiy huquq qonuniga joriy qilinadigan huquqni, koʻchmas mulkning uzufruktini va toʻlovlarning oʻzgaruvchan yoki belgilangan toʻlovlar kabi mineral zaxiralar, manbalar va boshqa tabiiy resurslarning ishlanmalari uchun yoki ishlanma uchun huquqqa kompensatsiya toʻlovlarini oʻz ichiga oladi. Dengiz, daryo va havo kemalari, temir yoʻl va avtomobil transporti vositalari koʻchmas mulk hisoblanmaydi.

3. Mazkur moddaning 1-bandidagi qoidalar toʻgʻri-toʻgʻri foydalanishdan, ijaraga berishdan yoki har qanday boshqa shakldagi koʻchmas mulkdan foydalanishdan olingan daromadga ham qoʻllaniladi.

4. Mazkur moddaning 1 va 3-bandlaridagi qoidalar korxonalarning koʻchmas mulkidan olingan daromadlarga va mustaqil shaxsiy xizmatlarni amalga oshirish uchun foydalaniladigan koʻchmas mulkdan olinadigan daromadlarga ham qoʻllaniladi.

1. Ahdlashayotgan Davlat korxonasining foydasiga faqat shu Davlatda, agar faqat shu korxona boshqa Ahdlashayotgan Davlatda unda joylashgan doimiy vakolatxona orqali tadbirkorlik faoliyatini amalga oshirmasa, soliq solinadi. Agar korxona yuqorida koʻrsatilgani kabi tadbirkorlik faoliyatini amalga oshirsa korxona foydasiga boshqa Davlatda, lekin quyidagilargagina tegishli qismiga soliq solinadi:

a) shunday doimiy vakolatxonaga;

b) ushbu boshqa Davlatdagi doimiy vakolatxona orqali sotiladigan tovarlarga yoki buyumlarga toʻgʻri keladigan yoki oʻxshash tovarlar va buyumlar sotilganda; yoki

c) ushbu boshqa davlatda amalga oshiriladigan, oʻzining xususiyatiga koʻra shunday doimiy vakolatxona orqali amalga oshiriladigan tadbirkorlik faoliyatiga toʻgʻri keladigan yoki oʻxshash boshqa tadbirkorlik faoliyati.

2. Mazkur moddaning 3-bandidagi qoidalarni hisobga olib, agar bir Ahdlashayotgan Davlatning korxonasi boshqa Ahdlashayotgan Davlatda unda joylashgan doimiy vakolatxona orqali tadbirkorlik faoliyatini amalga oshirsa, unda har bir Ahdlashayotgan Davlatdagi bunday doimiy vakolatxonaga, agar shu kabi yoki shunga oʻxshash tartibda shu kabi yoki shunga oʻxshash faoliyat bilan band boʻlgan alohida va mustaqil korxona boʻlsa va oʻzi doimiy vakolatxona hisoblangan korxonadan toʻliq mustaqil boʻlgan holda harakat qilsa olishi mumkin boʻlgan daromad tegishli boʻladi.

3. Doimiy vakolatxona daromadi (foydasi)ni aniqlashda mazkur doimiy vakolatxona faoliyati maqsadlari uchun sarflangan xarajatlar chegirib qolinadi, sarflangan boshqaruv va umumiy maʼmuriy xarajatlar ham — ular doimiy vakolatxona joylashgan Davlatda yoki uning tashqarisida sarflanganligidan qatʼi nazar, shular jumlasiga kiradi.

Doimiy vakolatxona oʻzining bosh korxonasiga yoki boshqa korxonalarning xohlagan biriga toʻlangan rezidentning pulini royaltilar, yigʻimlar va shunga oʻxshash toʻlovlarni patentlardan va boshqa huquqlardan foydalanganlik uchun toʻlovlarni toʻlash yoʻli bilan, yoki koʻrsatilgan aniq xizmatlar uchun yoki menejment uchun komission toʻlovlar toʻlash yoʻli bilan, yoki doimiy vakolatxonaga qarz berilgan summa uchun foizlar toʻlash yoʻli bilan chegirib qolishga yoʻl qoʻyilmaydi.

4. Doimiy vakolatxona tomonidan bu korxona uchun tovarlar va buyumlarni oddiy ravishda xarid qilish asosida doimiy vakolatxonaga hech qanday foyda tegishli boʻlmaydi.

5. Yuqoridagi bandlar maqsadlari uchun doimiy vakolatxonaga tegishli daromad (foyda) agar oʻzgartirish uchun yetarli va asosli sabablar boʻlmasa, har yili bir xil ayni oʻsha usulda aniqlanadi.

6. Agar foyda mazkur Bitimning boshqa moddalarida alohida qarab chiqiladigan daromad turlarini oʻz ichiga olsa, ushbu moddaning qoidalari mazkur moddaning qoidalariga daxl qilmaydi.

1. Ahdlashayotgan Davlatning rezidenti tomonidan dengiz va havo kemalari, temir yoʻl yoki avtomobil transporti vositalaridan xalqaro yuklarni tashishlarda olingan daromad (foyda)ga faqat shu Davlatda soliq solinadi.

2. Mazkur moddaning maqsadlari uchun dengiz va havo kemalari, temir yoʻl yoki avtomobil transporti vositalaridan xalqaro yuklarni tashishda olingan daromadlar har qanday boshqa shakldagi transport vositalaridan toʻgʻridan toʻgʻri foydalanish, ijaraga berish yoki foydalanishdan, shuningdek, konteynyerlar (jumladan, treylyerlar va konteynyerlarni tashish uchun qoʻshimcha asbob-uskunalar)ni saqlash, foydalanish yoki ijaraga berishdan olingan daromadni uz ichiga oladi.

3. 1 va 2-bandlarning qoidalari pulda, qoʻshma korxonada yoki transport vositalaridan foydalanish boʻyicha xalqaro tashkilotda qatnashishdan olingan foydaga xam qoʻllaniladi.

1. Quyidagi hollarda:

a) Ahdlashayotgan Davlat korxonasi bevosita yoki bilvosita boshqa Ahdlashuvchi Davlat korxonasining boshqaruvida, nazorat qilish yoki kapitalida qatnashganda, yoki

b) bir ayni oʻsha. shaxslar bir Ahdlashayotgan Davlatning korxonasini va boshqa Ahdlashayotgan Davlatning korxonasini boshqarishda, nazorat qilishda yoki kapitalida bevosita yoki bilvosita katnashadilar va har bir holatda ikkala korxona orasidagi ularning oʻzaro tijoratchilik va moliyaviy munosabatlarida ikki mustaqil korxona oʻrtasidagi mavjud shart-sharoitlar farq qiladigan sharoitlarni yaratsalar yoki belgilasalar, unda ulardan biriga har qanday foyda oʻtkazilgan boʻlishi, lekin ushbu shart-sharoitlarning mavjudligiga tufayli oʻtkazilmasa, Ahdlashayotgan Davlat tomonidan ushbu korxona daromadi (foydasi) qoʻshilgan va tegishlicha soliq solingan boʻlishi mumkin.

2. Ahdlashayotgan Davlatdan biri shu Davlat korxonasi daromadiga boshqa Ahdlashayotgan Davlat korxonasiga shu boshqa Davlatda soliq solinadigan foydani kiritsa va shunga muvofiq soliq solsa va shu yoʻsinda kiritilgan foyda agarda ikkala korxonalar oʻrtasidagi oʻzaro munosabatlar shartlari mustaqil korxonalar oʻrtasida mavjud boʻlgan shartlar boʻlsa, birinchi Ahdlashayotgan Davlat korxonasiga hisoblab oʻtkaziladigan foyda hisoblanadi, unda bu boshqa Davlat shu foydadan olinadigan soliq summasiga muvofiq keluvchi tuzatishlar kiritish kerak boʻladi. Bunday tuzatishni aniqlashda mazkur Bitimning boshqa qoidalari koʻrib chiqilishi lozim boʻladi, Ahdlashayotgan Davlatlarning vakolatli organlari zarur hollarda bir-birlari bilan maslahatlashib olishlari mumkin.

1. Ahdlashayotgan Davlatning rezidenti hisoblangan kompaniya tomonidan boshqa Ahdlashayotgan Davlat rezidentiga toʻlangan dividendlarga ushbu boshqa Davlatda soliq solinishi mumkin.

2. Biroq bunday dividendlarga dividendlarni toʻlagan va ushbu Davlatning qonunchiligiga muvofiq rezidenti hisoblangan oʻsha Ahdlashayotgan Davlatda soliq solinishi mumkin, lekin agar dividendlarning egasi shu huquqqa ega boʻlsa, unda olinadigan soliq dividendlarning yalpi summasining 10 foizidan oshib ketmasligi kerak.

Bu band dividendlar toʻlanadigan foydaga nisbatan soliq solishga daxli yoʻqdir.

3. “Dividendlar” atamasidan ushbu moddada foydalanishda aksiyalardan olinadigan daromadni yoki foydada qatnashish huquqini beruvchi qarz olish-berish bilan bogʻliq talabnomalar hisoblanmaydigan boshqa huquqlarni, shuningdek, shunday soliq solishni tartibga solishi kerak boʻlgan boshqa korporativ huquqlardan olingan daromad kabi, Davlat soliq qonunchiligiga muvofiq aksiyalardan olinadigan daromadni anglatadi. Uning rezidenti boʻlib foydalarni taqsimlovchi kompaniya hisoblanadi.

4. Agar aslida dividendlar olish huquqiga ega shaxs Ahdlashayotgan Davlatning rezidenti boʻlgani holda dividendlarni toʻlayotgan kompaniya rezidenti boʻlgan oʻzga Ahdlashayotgan Davlatda uz faoliyatini unda joylashgan doimiy vakolatxona orqali amalga oshirsa yoki ushbu oʻzga Davlatda u yerda joylashgan doimiy bazadan mustaqil xususiy xizmatlar koʻrsatsa va xolding (dividendlar unga nisbatan toʻlanadi) aslida shu doimiy vakolatxona yoki doimiy bazaga, haqiqatdan tegishli boʻlsa mazkur moddaning 1 va 2-bandlaridagi qoidalar qoʻllanilmaydi. Bunday holda sharoitga qarab mazkur Shartnomaning 7 yoki 14-moddasi qoidalari qoʻllaniladi.

Bunday xollarda vaziyatdan kelib chiqib mazkur Bitimning 7 yoki 14-moddasidagi qoidalar qoʻllaniladi.

5. Bir Ahdlashayotgan Davlatning rezidenti hisoblangan kompaniya boshqa Ahdlashayotgan Davlatdan foyda yoki daromad olgan hollarda ushbu boshqa Davlat kompaniya tomonidan toʻlanadigan dividendlardan soliq ololmaydi, bunda ushbu dividendlar ushbu boshqa Davlatning rezidentiga toʻlanishi mustasnodir, yoki dividendlar toʻlanadigan xolding, haqiqatda ushbu boshqa Davlatdagi doimiy vakillik yoki doimiy bazaga tegishli boʻladi.

1. Bir Ahdlashayotgan Davlatda paydo boʻladigan va boshqa Ahdlashayotgan Davlat rezidentiga toʻlanadigan foizlarga oʻsha boshqa Davlatda soliq solinishi mumkin.

2. Biroq bunday foizlarga ular paydo boʻlgan oʻsha Ahdlashayotgan Davlatda soliq solinishi mumkin va ushbu Davlatning qonunchiligiga muvofiq, biroq bunda oluvchi haqiqatda foiz olish huquqiga ega boʻlsa, olinadigan soliq foizlar yalpi summasining 10 foizidan oshmasligi kerak.

3. “Foizlar” atamasi mazkur moddada foydalanishda, ipotet taʼminlashidan qatʼi nazar, va qarzdorning foydasida qatnashish huquqiga ega boʻlishdan qatʼi nazar, qarz olish-berish bilan bogʻliq talabnomalardan daromadni, va. koʻpincha hukumat qiymatli qogʻozlaridan olingan daromadni, obligatsiyalardan yoki qarz olish-berish bilan bogʻliq majburiyatlardan, shuningdek, ushbu qiymatli qogʻozlar, obligatsiyalar yoki qarz olish berish bilan bogʻliq majburiyatlar boʻyicha toʻlanadigan pul mukofotlari va mukofotlar, olinadigan daromadlar tushuniladi.

4. 1 va 2-bandlarning qoidalari, agar foiz olishga haqiqiy huquqi boʻlgan Ahdlashayotgan davlatning rezidenti boʻlgan shaxs foizlar paydo boʻlayotgan boshqa Ahdlashayotgan Davlatda unda joylashgan doimiy vakolatxona orqali tijoratchilik faoliyatini amalga oshirsa, yoki ushbu boshqa davlatda mustaqil yakka tartibdagi xizmatlarni u yerdagi doimiy bazalar va qarz olish-berish talabnomalari orqali koʻrsatsa, shu asosda foizlar toʻlanadi, shunday doimiy vakolatxona yoki doimiy bazaga haqiqatda tegishli boʻlsa, qoʻllanilmaydi. Bunday hollarda vaziyatdan kelib chiqib mazkur Bitimning 3 yoki 14-moddasidagi qoidalar qoʻllaniladi.

5. Foizlar Ahdlashayotgan Davlatda, agar Davlatning oʻzi, uning siyosiy-maʼmuriy boʻlinmasi, mahalliy hokimiyat organlari yoki shu Davlatning rezidenti toʻlovchi hisoblansa, foizlar paydo boʻladi, deb hisoblanadi.

Agar, biroq foiz toʻlovchi shaxs, Ahdlashayotgan Davlatning rezidenti boʻladimi yoki yoʻq bundan qatʼi nazar, Ahdlashayotgan Davlatda doimiy vakolatxonaga yoki doimiy bazaga ega boʻladi, shu sababli qarzdorlik paydo boʻlsa, bu boʻyicha foizlar turlansa, ushbu foizlarni toʻlash boʻyicha xarajatlarni doimiy vakolatxonaga yoki doimiy baza toʻlasa bunday foizlar doimiy vakolatxonasi yoki doimiy bazasi joylashgan Davlatda paydo boʻladi deb hisoblanadi.

6. Agar toʻlovchi va foiz olishga haqki boʻlgan shaxs oʻrtasida yoki ular ikkovining va har qanday uchinchi shaxs oʻrtasidagi alohida munosabatlarga koʻra qarz olish-berish talabnomasiga tegishli shu asosda toʻlanadigan foizlar summasi qandaydir sabablarga koʻra, bunday munosabatlar yoʻq hollarda toʻlovchi va bunday foizlarni olishga oid haqiqiy huquqqa ega boʻlgan shaxs oʻrtasida kelishinilishi mumkin boʻlgan summadan ortiq boʻlsa, mazkur modda qoidalari faqat oxirgi eslatilgan foiz summalariga nisbatan qoʻllanadi. Bunday holda toʻlovning ortiqcha summasiga har bir Ahdlashayotgan Davlat qonunchiligiga muvofiq mazkur Bitimning boshqa qoidalarini tegishlicha hisobga olib soliq solinaveradi.

Bunday hollarda toʻlovning ortiqcha qismiga avvalgidek har bir Ahdlashayotgan Davlatning qonunchiligiga muvofiq mazkur Bitimning boshqa qoidalarini zarur darajada hisobga olgan holda soliq solinadi.

7. Foiz toʻlanadigan qarz talabnomasini yaratish yoki berishga aloqador boʻlgan birorta shaxsning asosiy maqsadi yoki asosiy maqsadlaridan biri shu talabnomani yaratish yoki berish orqali mazkur moddadan foyda koʻrish boʻlgan boʻlsa shu modda qoidalari qoʻllanmaydi.

8. Mazkur moddaning 2-bandidagi qoidaga qaramasdan, Ahdlashuvchi Davlatlarda paydo boʻladigan foizlar shu Davlatda soliq solishdan ozod qilinadi, agar:

a) foizlarning haqiqiy egasi boshqa Ahdlashayotgan Davlatlarning hukumatlari yoki mahalliy hokimiyat organlari yoki shu Hukumatning boshqa har qanday organlari yoki mahalliy hokimiyat organlari;

b) haqiqiy egalik qiluvchi Ahdlashayotgan Davlat qonunchiligiga muvofiq tegishli huquqlar berilgan davlat eksport va import kreditlarini kafolatlovchi tashkilot Ukraina Milliy banki yoki Oʻzbekiston Respublikasi Markaziy banki (“banklar banki”) yoki shunga oʻxshash boshqa tashkilotlar hisoblanadi.

1. Ahdlashayotgan Davlatdan birida yuzaga keladigan va boshqa Ahdlashayotgan Davlat rezidentiga toʻlanadigan royaltiga mana shu boshqa Davlatda, agarda bu rezident mazkur rayaltilarning haqiqiy egasi boʻlsa, soliq solinishi mumkin.

2. Ammo bu royaltilarga ular yuzaga keladigan Ahdlashayotgan Davlatda ham shu Davlat qonunchiligiga muvofiq soliq solinishi mumkin, ammo shu yoʻsinda aniqlanadigan soliq royalti yalpi summasining 10 foizidan oshmasligi kerak. Ahdlashayotgan Davlatlar vakolatli organlari bunday cheklashlarni qoʻllash usullarini oʻzaro kelishuvga koʻra belgilaydilar.

3. Mazkur moddadan foydalanishda “royalti” atamasi istalgan adabiyot, sanʼat fan asarlari, kinematografiya filmlaridan xam, istalgan patent, savdo markasi, dizayn yoki model, reja, maxfiy formula yoki jarayondan foydalanganlik yoki foydalanish huquqini berganlik yoki sanoat, tijorat yoki ilmiy uskunalardan foydalanganlik yoki foydalanish huquqini berganlik, yoki sanoat, tijorat yoki ilmiy tajribaga oid axborotni berganlik uchun olinadigan haq sifatidagi har qanday toʻlovlarni anglatadi.

4. Agarda royaltining haqiqiy egasi bir Ahdlashayotgan Davlatning rezidenti boʻla turib, royalti yuzaga keladigan boshqa Ahdlashayotgan Davlatda tadbirkorlik faoliyatini oʻsha yerda joylashgan doimiy vakolatxona orqali olib borsa, yoki bu boshqa Davlatda oʻsha yerdagi doimiy baza orqali mustaqil shaxsiy xizmatlar koʻrsatsa va royalti tatbiqan toʻlanadigan huquq yoki mulk haqiqatan ham shu doimiy vakolatxona yoki doimiy baza bilan bogʻlangan boʻlsa, mazkur moddaning 1 va 2-bandlari qoʻllanmaydi. Bunday holatda mazkur Bitim 7 yoki 14-moddalarining qoidalari vaziyatdan kelib chiqib qoʻllanadi.

5. Agarda toʻlovchi va haqiqiy egalik qiluvchi oʻrtasida yoki ularning ikkalasi va uchinchi shaxs oʻrtasidagi maxsus munosabatlar sababli toʻlashga asos boʻladigan foydalanish, huquq yoki axborotga taalluqli royalti summasi qandaydir sabablarga koʻra bunday munosabatlar yoʻq boʻlgan taqdirda toʻlovchi va haqiqiy egalik qiluvchi oʻrtasida kelishinilishi mumkin boʻlgan summadan ortiq boʻlsa, mazkur moddaning qoidalari faqat keyingi eslatilgan summaga nisbatangina qoʻllanadi. Bunday holda toʻlovning ortiqcha qismiga har bir Ahdlashayotgan Davlat qonunchiligiga muvofiq mazkur Bitimning boshqa qoidalarini nazarda tutib soliq solinaveradi.

6. Agarda royalti toʻlanadigan huquqlarni yaratish yoki berishga daxldor shaxsning asosiy maqsadi yoki asosiy maqsadlaridan biri huquqlarni yaratish yoki berish orqali mazkur modda afzalliklarini olish boʻlsa, bu modda qoidalari tatbiq qilinmaydi.

7. Agarda Ahdlashayotgan Davlatda xukuk yoki mulkdan foydalanganlik yoki foydalanish huquqi uchun haq toʻlangan boʻlsa, shu Davlatda royalti yuzaga kelgan hisoblanadi.

1. Ahdlashayotgan Davlat rezidenti tomonidan mazkur Bitimning 6-moddasida belgilanganidek, boshqa Ahdlashayotgan Davlatda joylashgan koʻchmas mulkni sotishdan olinadigan daromadlarga shu boshqa Ahdlashayotgan Davlatda soliq solinishi mumkin.

2. Bir Ahdlashayotgan Davlat korxonasi boshqa Ahdlashayotgan Davlatda ega boʻlgan doimiy vakolatxona tadbirkorlik mulkining tarkibiy qismi boʻlgan koʻchadigan mulkni yoki bir Ahdlashayotgan Davlat rezidenti boshqa Ahdlashayotgan Davlatda mustaqil shaxsiy xizmatlar koʻrsatish maqsadida foydalanadigan doimiy bazaga tegishli koʻchadigan mulkni sotishdan olinadigan daromadlariga, bunday doimiy vakolatxonani (alohida yoki korxona bilan birga) yoki doimiy bazani sotishdan olinadigan daromadlarga xam shu boshqa Ahdlashayotgan Davlatda soliq solinishi mumkin.

3. Bir Ahdlashayotgan Davlat rezidenti tomonidan Ahdlashayotgan Davlat korxonasi xalqaro tashishlarda foydalanadigan dengiz va havo kemalari, temir yoʻl yoki avtomobil transporti vositalarini yoki shu transport vositalarini ishlatishga aloqador koʻchadigan mulkni sotishdan olinadigan daromadlarga faqat shu Ahdlashayotgan Davlatdagina soliq solinadi.

4. Mazkur moddaning 1, 2 va. 3-bandlarida koʻrsatilmagan istalgan boshqa mulkni sotishdan olinadigan daromadlarga faqat mulkni sotayotgan shaxs rezidenti boʻlgan Ahdlashayotgan Davlatdagina soliq solinishi kerak.

1. Bir Ahdlashayotgan Davlat rezidenti kasb xizmatlari yoki mustaqil tusdagi boshqa faoliyati uchun oladigan daromadlariga faqat shu Davlatdagina soliq solinadi. Ammo bunday daromadga boshqa Ahdlashayotgan Davlatda xam, agarda:

a) jismoniy shaxs ixtiyorida oʻz faoliyatini amalga oshirishi uchun boshqa Ahdlashayotgan Davlatda doimiy bazasi boʻlsa yoki unga ega boʻlgan boʻlsa;

b) jismoniy shaxs boshqa Ahdlashayotgan Davlatda kalendar yilning umumiy yigʻindisi 183 kundan ortiq davri yoki davrlarida yashagan yoki yashab turgan boʻlsa;

shu boshqa Davlatda koʻrsatilgan xizmatlarning tegishli qismiga soliq solinishi mumkin.

2. “Kasb xizmati” atamasi, jumladan, mustaqil ilmiy, adabiy, artistlik, badiiy, taʼlimiy yoki oʻqituvchilik faoliyatini, shuningdek, shifokorlar, advokatlar, muhandislar, arxitektorlar, tish doktorlari va buxgaltyerlar faoliyatini qamrab oladi.

1. Mazkur Bitim 16, 18, 19 va 20-moddalari qoidalarini nazarda tutib, Ahdlashayotgan Davlat rezidenti yollash boʻyicha ishlashi munosabati bilan oladigan maoshi, ish haqi va boshqa shu kabi toʻlanadigan haqlarga faqat shu Davlatda, agarda yollash boʻyicha ish boshqa Ahdlashayotgan Davlatda amalga oshirilmasa, faqat shu Davlatda soliq solinadi. Agarda yollash boʻyicha ish shu yoʻsinda amalga oshirilsa, bu munosabatda olingan haqlarga shu boshqa Davlatda soliq solinishi mumkin.

2. Mazkur modda 1-bandi qoidalaridan qatʼi nazar, Ahdlashayotgan Davlatning rezidenti boshqa Ahdlashayotgan Davlatda amalga oshiriladigan yollash boʻyicha ish munosabati bilan oladigan haqlariga faqat birinchi eslatilgan Davlatda soliq solinadi, agarda:

a) haq oluvchi kalendar yilning umumiy miqdori 183 kunidan oshmaydigan davr yoki davrlari mobaynida boshqa Ahdlashayotgan Davlatda boʻlsa;

b) toʻlanadigan haqlar boshqa Davlatning rezidenti boʻlmagan yollovchi yoki yollovchi nomidan toʻlanadigan boʻlsa; va

c) toʻlanadigan haqlar boʻyicha xarajatlar yollovchi boshqa Davlatda ega boʻlgan doimiy vakolatxona yoki doimiy baza hisobidan qilinmaydigan boʻlsa.

3. Ahdlashayotgan Davlatlardan birining rezidenti yollash boʻyicha amalga oshiriladigan xalqaro tashishlarda foydalaniladigan dengiz yoki havo kemasi bortida, temir yoʻl yoki avtomobil transporti vositalaridagi ish uchun oladigan ish haqi va boshqa shunga oʻxshash haqlarga mazkur modda 1 va 2-bandlari qoidalaridan qatʼi nazar, shu transport vositalarini ishlatuvchi korxona rezidenti boʻlgan Ahdlashayotgan Davlatda soliq solinishi mumkin.

Ahdlashayotgan Davlatlardan birining rezidenti boshqa Ahdlashayotgan Davlat rezidenti boʻlgan kompaniya direktorlar kengashining aʼzosi sifatida oladigan direktorlarning taqdirlash pullari va boshqa shu kabi haqlarga mana shu boshqa Davlatda soliq solinishi mumkin.

1. Ahdlashayotgan Davlat rezidenti teatr, kino, radio yoki televideniye artisti yoki musiqachisi sifatidagi sanʼat xodimi yoki sportchisi boshqa Ahdlashayotgan Davlatda amalga oshiriladigan shaxsiy faoliyatidan oladigan daromadiga mazkur Bitim 14 va 15-moddalari qoidalaridan qatʼi nazar, shu boshqa Davlatda soliq solinishi mumkin.

2. Agarda sanʼat xodimi yoki sportchi oʻzining shu sifatdagi amalga oshiriladigan shaxsiy faoliyatidan oladigan daromadi sanʼat xodimi yoki sportchining oʻziga emas, balki boshqa shaxsga hisoblab oʻtkaziladigan boʻlsa, bu daromadga mazkur Bitim 7, 14 va 15-bandlari qoidalaridan qatʼi nazar sanʼat xodimi yoki sportchi faoliyati amalga oshiriladigan Ahdlashayotgan Davlatda soliq solinadi.

3. Mazkur moddada koʻrsatilgan daromad artist yoki sportchining faoliyati agarda bu faoliyat sezilarli miqdorda u Davlat va bu Davlat ijtimoiy fondlari hisobiga mablagʻ bilan taʼminlanayotgan yoki agarda bu faoliyat Ahdlashayotgan Davlatlar oʻrtasida tuzilgan madaniy hamkorlik toʻgʻrisidagi bitim asosida amalga oshirilayotgan boʻlsa, 1 va 2-moddalar qoidalaridan qatʼi nazar, oʻsha Ahdlashayotgan Davlatda soliq solishdan ozod qilinadi.

1. Mazkur Bitim 19-modda 2-bandi qoidalariga muvofiq Ahdlashayotgan Davlat rezidentiga oldingi davrdagi ish munosabati bilan toʻlanadigan pensiyalar va boshqa shu kabi haqlarga hamda bunday rezidentga toʻlanadigan har qanday rentalarga faqat mana shu toʻlovlarni yuboradigan Davlatdagina soliq solinishi kerak.

2. “Renta” atamasi adekvat va toʻliq kompensatsiya oʻrniga toʻlash majburiyati boʻyicha jismoniy shaxsga davriy maʼlum vaqt, butun hayoti yoki maʼlum davr mobaynida toʻlanadigan, belgilangan summani anglatadi.

3. Ahdlashayotgan Davlat rezidenti foydasiga toʻlanadigan alimentlar va shunga oʻxshash boshqa toʻlovlarga mana shu Ahdlashayotgan Davlatda soliq solinishi mumkin.

1. a) Ahdlashayotgan Davlat yoki uning siyosiy-maʼmuriy boʻlinmasi, yoki mahalliy hokimiyat organlari tomonidan jismoniy shaxsga shu davlat yoki uning siyosiy-maʼmuriy boʻlinmasi, yoki mahalliy hokimiyat organiga koʻrsatadigan xizmati uchun toʻlanadigan pensiya boʻlmagan boshqa haqlarga faqat mana shu Davlatdagina soliq solinadi.

b) shu band “a” kichik bandi qoidalaridan qatʼi nazar, bunday haqqa, agarda xizmat shu Davlatda amalga oshirilayotgan boʻlsa va jismoniy shaxs shu Davlatning rezidenti hisoblanib, u;

(I) shu davlat milliy shaxsi hisoblansa; yoki

(II) xizmatni amalga oshirish maqsadidagina shu Davlat rezidenti boʻlmagan boʻlsa, faqat boshqa Ahdlashayotgan Davlatda soliq solinadi.

2. a) Ahdlashayotgan Davlat yoki uning siyosiy maʼmuriy boʻlinmasi yoki mahalliy hokimiyat organi yoki ular tashkil etgan fondlaridan shu Davlat yoki uning siyosiy-maʼmuriy boʻlinmasi yoki mahalliy hokimiyat organi uchun amalga oshiriladigan xizmatga toʻlanadigan har qanday pensiyaga faqat shu Davlatdagina soliq solinadi.

b) ammo bunday pensiyaga agarda jismoniy shaxs boshqa Davlat rezidenti va milliy shaxsi hisoblansa, faqat boshqa Ahdlashayotgan Davlatdagina soliq solinadi.

3. 15, 16 va 18-moddalar qoidalari Ahdlashayotgan Davlat yoki uning siyosiy-maʼmuriy boʻlinmasi, yoki mahalliy hokimiyat organi amalga oshirayotgan tadbirkorlik faoliyatiga aloqador koʻrsatiladigan xizmatlarga toʻlanadigan haqlar va pensiyalarga nisbatan qoʻllanadi.

1. Ahdlashayotgan Davlatdan biriga kelgunga qadar bevosita boshqa Ahdlashayotgan Davlat rezidentlari hisoblanuvchi yoki hisoblangan va birinchi eslatilgan Davlatda faqat oʻqish yoki maʼlumot olish uchungina turgan va talaba, aspirant yoki praktikant tomonidan olinadigan yashash, oʻqish hamda maʼlumot olishga moʻljallangan toʻlovlarga, agarda bu toʻlovlar manbalari shu Davlat hududidan tashqarida boʻlsa, birinchi eslatib oʻtilgan Davlatda soliq solinmaydi.

2. Xuddi shu yoʻsinda Ahdlashayotgan Davlatga kelgunga kadar boshqa Ahdlashayotgan Davlatning rezidenti hisoblangan yoki bevosita kelishdan oldin rezidenti boʻlgan va birinchi eslatilgan Davlatda asosan oʻqitish yoki tadqiqotlar oʻtkazish maqsadidagina turgan oʻqituvchilar yoki ilmiy xodimlar oladigan haqlar shu Davlatda bunday oʻqitish va tadqiqot oʻtkazish uchun toʻlanadigan haqlar munosabatida ikki yil mobaynidagi davrda soliq solishdan ozod etiladilar.

1. Ahdlashayotgan Davlat rezidentining mazkur Bitim oldingi moddalarida eslatib oʻtilmagan daromadlari turlariga ularning paydo boʻlish manbalaridan qatʼi nazar, birinchi Davlatda soliq. solinadi.

2. Mazkur modda 1-bandi qoidalari mazkur Bitim 6-modda 2-bandida belgilangan koʻchmas mulkdan olinadigan daromadlardan boshqa daromadlarga nisbatan, agarda bunday daromadlarni oluvchi Ahdlashayotgan Davlatdan birining rezidenti hisoblanib, tadbirkorlik faoliyatini boshqa Ahdlashayotgan Davlatda joylashgan doimiy vakolatxona orqali amalga oshirsa va bu Davlatda oʻsha yerdagi doimiy baza orqali mustaqil shaxsiy xizmatlar koʻrsatsa, daromadni olishda asos boʻlgan huquq yoki mulk haqiqatda shunday doimiy vakolatxona yoki doimiy baza bilan bogʻlangan boʻlsa, qoʻllanmaydi. Bunday holatda mazkur Bitim 7-modda yoki 14-moddasi qoidalari vaziyatlarga koʻra qoʻllanadi.

1. Bir Ahdlashayotgan Davlat rezidentining mulki hisoblanadigan va boshqa Ahdlashayotgan Davlatda joylashgan 6-moddada aytib oʻtilgan koʻchmas mulk tarzidagi mulkka shu boshqa Davlatda soliq solinishi mumkin.

2. Bir Ahdlashayotgan davlat korxonasi boshqa Ahdlashayotgan Davlatda bor boʻlgan doimiy vakolatxona tijorat mulkining qismi hisoblanadigan koʻchmas mulk sifatidagi mulkka yoki bir Ahdlashayotgan Davlat rezidentiga boshqa Ahdlashayotgan Davlatdagi yakka tartibdagi mustaqil xizmat koʻrsatish maqsadida foydalanish mumkin boʻlgan doimiy baza bilan bogʻlangan koʻchmas mulk tarzidagi mulkka mana shu boshqa Davlatda soliq solinishi mumkin.

3. Ahdlashayotgan Davlat rezidenti xalqaro tashishlarda ishlatadigan dengiz va havo kemalari, temir yoʻl va avtomobil transporti sifatidagi mulkka, shuningdek, bunday tashishlar amalga oshirishga aloqador koʻchmas mulk tarzidagi mulkka faqat mana shu Ahdlashayotgan Davlatda soliq solinadi.

4. Ahdlashayotgan Davlat rezidenti mulkining qolgan barcha elementlariga faqat shu Davlatdagina soliq solinadi.

1. Ukraina ikki tomonlama soliq solinishiga kuyidagi usulda yoʻl qoʻymaydi:

Ukrainaning Ukraina chegarasidan tashqaridagi hududlarda toʻlangan soliqlarni ozod qilishga aloqador qonunchiligi (shu bandning asosiy prinsiplariga zid boʻlmagan) qoidalarini nazarda tutib Oʻzbekiston Respublikasi qonunchiligiga koʻra va mazkur Bitimga muvofiq soliq solishi lozim boʻlgan foydalar, daromadlar yoki mulklardan Oʻzbekiston Respublikasi manbalaridan bevosita yoki ajratmalar ajratish yoʻli bilan toʻlanadigan Oʻzbekiston soligʻiga Ukraina soligʻi hisoblanadigan xuddi shu foydalar, daromadlar yoki mulklar munosabatida hisoblanadigan har qanday Ukraina soligʻiga qarshi kredit tarzida skidka qilinadi.

Har qanday holatda ham bu chegirmalar Oʻzbekiston Respublikasida vaziyatlarga koʻra soliq solinishi mumkin boʻlgan daromad yoki mulkka kiritiluvchi daromad yoki mulkdan olinadigan soliqning chegirma berilishidan oldin hisoblangan qismidan ortib ketmasligi kerak.

2. Oʻzbekiston Respublikasi ikki tomonlama soliq solinishiga quyidagi usulda yoʻl qoʻymaydi:

agarda Oʻzbekiston Respublikasi rezidenti Ukrainada mazkur Bitim qoidalariga muvofiq Ukrainada soliq solinishi mumkin boʻlgan daromad olsa, bu daromaddan Ukrainada toʻlanishi lozim boʻlgan soliq summasi bunday shaxsdan daromad munosabatida Oʻzbekiston Respublikasida undiriladigan soliqdan chegirilishi mumkin. Ammo bunday chegirish Oʻzbekiston Respublikasida koʻrsatilgan daromaddan olinadigan respublika soliq qonunchiligi va qoidalariga muvofiq hisoblangan soliq summasidan ortiq boʻlmaydi.

3. Agarda Ahdlashayotgan Davlatlar rezidenti olayotgan daromadi yoki mulki Bitimning biror qoidasiga muvofiq shu Davlatda soliq solishdan ozod etilgan boʻlsa, bu Davlat shunday boʻlsada mazkur rezident daromadi yoki mulkining qolgan qismiga solinadigan soliq summasini hisoblashda soliqdan ozod etilgan daromad yoki mulkni eʼtiborga olishi mumkin.

1. Ahdlashayotgan Davlatlar milliy shaxslari boshqa Ahdlashayotgan Davlatda shu boshqa Davlat milliy shaxslariga xuddi ana shunday vaziyatlarda solinadigan soliqlardan boshqa soliq solishlarga yoki unga bogʻliq majburiyatlarga, yoki soliq solishdan koʻra ham ogʻirroq yoki u bilan bogʻlangan majburiyatga duchor qilinmaydilar. Bu qoida, shuningdek 1-modda qoidalaridan qatʼi nazar, bir yoki ikkala Ahdlashayotgan Davlatlar rezidentlari hisoblanmaydigan jismoniy shaxslarga nisbatan ham qoʻllanadi.

2. Ahdlashayotgan Davlat korxonasi shu boshqa Ahdlashayotgan Davlatda ega boʻlgan doimiy vakolatxonasiga soliq solish shu boshqa Davlatda ana shunday faoliyatni amalga oshirayotgan shu boshqa Davlat korxonalariga solinadigan soliqdan noqulayroq boʻlmasligi kerak.

3. 9-modda 1-bandi, 11-modda 6-bandi yoki 12-modda 4-bandi qoidalari qoʻllaniladigan holatlarni istisno qilib, Ahdlashayotgan Davlat korxonasi boshqa Ahdlashayotgan Davlat rezidentiga toʻlaydigan foizlar, royalti va boshqa toʻlovlar bunday korxonaning soliq solinadigan foydasini aniqlash maqsadida birinchi eslatilgan Davlat rezidentiga toʻlanadigan ayni oʻsha shartlarda chegirmalar qilinishi kerak. Bir Ahdlashayotgan Davlat korxonasining boshqa Ahdlashayotgan Davlat rezidentiga xar qanday qarzi xuddi shunday tartibda shu korxona soliq solinadigan mulkini aniqlash maqsadida birinchi eslatilgan Davlat rezidentiga qarz bilan aynan bir xil shartlarda chegirilishi lozim.

4. Ahdlashayotgan Davlatning mulki boshqa Ahdlashayotgan Davlat bir yoki birnecha rezidentlariga toʻliq yoki qisman taalluqli boʻlgan yoki ular tomonidan bevosita yoki bilvosita boshqariladigan korxonalari birinchi eslatilgan Davlatda birinchi eslatilgan Davlatdagi shunday boshqa korxonalarga solinadigandan boshqa qandaydir soliqqa yoki ularga aloqador majburiyatlarga yoki soliq solishdan koʻra ogʻirroq va ularga aloqador majburiyatlarga duchor qilinmaydilar.

5. Mazkur modda tarkibidagi hech narsa har bir Ahdlashayotgan Davlatni boshqa Ahdlashayotgan Davlat rezidentiga soliq solish maqsadlarida oʻz rezidentlariga beriladigan har qanday yakka tarkibdagi imtiyozlar, ozod qilishlar yoki skidkalar berishga majburlovchi tarzida talqin qilinmaydi.

1. Agarda Ahdlashayotgan Davlat rezidenti, bir yoki ikkala Ahdlashayotgan Davlat xatti-harakati mazkur Bitim qoidalariga nomuvofiq soliq solinishiga olib kelyapti yoki olib kelishi mumkin deb hisoblansa, u mazkur Davlatlar milliy qonunchiliklarida nazarda tutilgan himoya vositalariga qaramay, oʻz holatini oʻzi rezidenti boʻlgan Ahdlashayotgan Davlat yoki uning holati 24-modda 1-band taʼsiriga muvofiq kelsa, oʻzi fuqarosi boʻlgan Ahdlashayotgan Davlat vakolatli organlariga murojaat qilishi mumkin. Ariza mazkur Bitim qarorlariga nomuvofiq soliq solinishiga olib keluvchi harakatlar toʻgʻrisida birinchi bor bildirilgan vaqtdan boshlab uch yil mobaynida berilishi kerak.

2. Vakolatli organ, agarda eʼtirozni asosli deb topsa va agarda qoniqtiradigan qarorni oʻzi qabul qilishga qodir boʻlmasa, mazkur Bitimga nomuvofiq soliq solinishiga yoʻl qoʻymaslik uchun masalani boshqa Ahdlashayotgan Davlat vakolatli organi bilan oʻzaro kelishib hal qilishga harakat qiladi. Erishilgan har qanday kelishuv Ahdlashayotgan Davlat ichki qonunchiligida nazarda tutilgan har qanday vaqtincha cheklashlardan qatʼi nazar, bajarilishi kerak.

3. Ahdlashayotgan Davlatlarning vakolatli organlari Bitimni talqin qilish yoki koʻllashda yuzaga keladigan har qanday masalalarni oʻzaro kelishib hal qilishga intiladilar. Ular mazkur Bitimda nazarda tutilmagan holatlarda ham ikki tomonlama soliq solinishiga yoʻl qoʻymaslik maqsadlarida bir-birlari bilan maslahatlashishlari mumkin.

1. Ahdlashayotgan Davlatlarning vakolatli organlari mazkur Bitim qoidalarini yoki Ahdlashayotgan Davlatlarning mazkur Bitim tatbiq qilinadigan soliqlarga oid ichki qonunchiligini, bu qonunchilik boʻyicha soliq solish mazkur Bitimga zidlik qilmaydigan darajada koʻllash uchun zarur axborot bilan almashinib turadilar. Ahdlashayotgan Davlat olgan har qanday axborot maxfiy hisoblanadi va faqat mazkur Bitim joriy qilinadigan soliqlarni baholash, olish, majburiy undirish, sudlashuv yoki shikoyatlarni koʻrib chiqishga aloqador shaxslar yoki organlarga, sudlar va maʼmuriy organlarga ham berilishi mumkin. Bunday shaxslar yoki organlar bu axborotdan faqat ana shu maqsadlardagina foydalaniladilar. Bu axborot ochiq sud yigʻilishi jarayonida yoki sud qarorlarini qabul qilishda oshkor qilishi mumkin.

2. Hech qanday holatda ham mazkur moddaning 1-bandi Ahdlashayotgan Davlatlardan birining vakolatli organlarini quyidagilarni bajarishga majburlovchi tarzida talqin qilinmaydi.

a) Ahdlashayotgan Davlatlardan birining qonunlari va maʼmuriy amaliyotiga zid kelishuvchi maʼmuriy chora-tadbirlarni amalga oshirishga;

b) Ahdlashayotgan Davlatdan birining qonunchiligi yoki odatiy maʼmuriy amaliyoti jarayonida olish mumkin boʻlmagan axborotni taqdim etishga;

c) birorta savdo, tadbirkorlik, sanoat, tijorat kasb sirini oshkor qiluvchi axborotni yoki oshkor qilinishi davlat manfaatlariga zid axborotlarni taqdim etishga.

Mazkur Bitimdagi hech narsa xalqaro huquqning umumiy normalariga koʻra yoki maxsus bitimlar asosida diplomatik vakolatxonalar yoki konsullik muassasalari aʼzolariga berilgan soliq imtiyozlariga daxl qilmaydi.

1. Ahdlashayotgan Davlatlardan har biri mazkur Bitimni ichki qonunchilikka muvofiq kuchga kiritish uchun zarur tadbirlar yakunlanganligi toʻgʻrisida bir-biriga diplomatik yoʻllar orqali maʼlum qiladi. Bu Bitim mana shunday oxirgi maʼlumot olingan, ratifikatsiya yorliqlari almashinilgan kunda kuchga kiradi va uning qoidalari quyidagicha taʼsirga ega boʻladi:

a) Ukrainada:

(I) Bitim kuchga kirgandan keyingi uchinchi oyning birinchi kuni yoki birinchi kunidan keyin manbadan undiriladigan soliqlarga, toʻlanadigan yoki hisoblab oʻtkaziladigan summalarga nisbatan;

(II) Shartnoma kuchga kirgandan keyingi kalendar yilning birinchi yanvarida yoki birinchi yanvaridan keyin boshlanadigan boshqa soliqlar — soliq solinadigan davrlarga nisbatan.

b) Oʻzbekiston Respublikasida:

(I) Bitim kuchga kirgandan keyingi oltmishinchi kunda yoki oltmish kundan keyin amalga oshiriladigan dividendlardan, foizlardan olinadigan soliqlar yoki har qanday toʻlovlar royaltiga nisbatan;

(II) Shartnoma kuchga kirgan yildan keyingi kalendar yilning 1-yanvaridan yoki undan keyin boshlanadigan soliq solishning istalgan davri uchun korxonalar foydasiga (daromadiga) solinadigan soliqlarga nisbatan;

(III) Shartnoma kuchga kirgandan keyingi oltmishinchi yoki oltmish kundan keyin amalga oshiriladigan fuqarolardan olinadigan daromad soligʻi, xar qanday toʻlovlarga nisbatan;

Mazkur Bitim, uning taʼsiri Ahdlashayotgan Davlatlar biri tomonidan toʻxtatilgunga qadar kuchga ega boʻladi. Har bir Ahdlashayotgan Davlat Bitim taʼsirini Bitim kuchga kirgandan keyingi besh yil tugagandan keyingi istalgan kalendar yil tugashidan kamida 6 oy oldin uning taʼsirini toʻxtatish toʻgʻrisida. diplomatik yoʻl bilan xabar qilib toʻxtatishi mumkin.

Bunday holatda Bitim taʼsiri quyidagilarga nisbatan toʻxtatiladi:

a) Ukrainada:

(I) xabar berilgan yildan keyingi kalendar yilning birinchi yanvarida yoki birinchi yanvardan keyin manbalardan, toʻlanadigan yoki hisoblab oʻtkaziladigan summalardan undiriladigan soliqlarga nisbatan;

(II) xabar berilgan yildan keyingi kalendar yilning birinchi yanvarida yoki birinchi yanvaridan keyin boshlanadigan soliq davrlari uchun — daromad yoki mulkka solinadigan boshqa soliqlarga nisbatan;

b) Oʻzbekiston Respublikasida;

(I) xabar olingan kundan keyingi oltmishinchi kunda yoki oltmish kundan keyin amalga oshiriladigan dividendlardan, foizlardan olinadigan soliqlar yoki har qanday toʻlovlar, rayaltiga nisbatan;

(II) xabar olingan yildan keyingi kalendar yilning 1-yanvaridan yoki undan keyin boshlanadigan soliq solishning istalgan davri uchun korxonalar foydasiga (daromadiga) solinadigan soliqlarga nisbatan;

(III) xabar olingandan keyingi oltmishinchi yoki oltmish kundan keyin amalga oshiriladigan fuqarolardan olinadigan daromad soligʻi, har qanday toʻlovlarga nisbatan;

Kiyev shahrida 1994-yil 10-noyabrda ikki nusxada ukrain, oʻzbek, rus tillarida tuzildi, barcha matnlar bir xil kuchga ega. Mazkur Bitim qoidalarini talqin qilishda kelishmovchiliklar yuzaga kelsa, rus tilidagi matn asos hisoblanadi.